[2] Officially Back Together

26 - Pie

- MIKA's POV -

.

"Ara, anong nangyayari sa'yo? Hindi ka pa ba kumakain ng agahan at ang lalamya ng mga palo mo?"

.

Training namin ngayon at eto, nilalabhan nanaman ni Coach Ramil si Ara. Walang tulog 'yan kaya siguradong lasing sa antok. At kahit hindi niya aminin, alam kong dahil na-bother siya dun sa pic kagabi.

.

"Sorry po, coach," matamlay na sagot ni best.

"May problema ba -- aaaah.." Nagsasalita pa si Coach nang lapitan ko siya at bulungan. Pandagdag inspiration lang ni best. Hehe. "Ara, magkikita naman kayo ni cutie pie mamaya kaya focus muna sa training, okay?" pang-aasar ni Coach kay Ara.

.

Biglang nanlaki ang mga mata ni Ara at dahan-dahan siyang napatingin sa akin. Unti-unti na ding kumukunot ang noo niya. Hihi. Peace, best.

.

"Yieeee.." panunukso ng buong team except naming bullies na lihim na tumatawa lang sa gilid.

"Sino si cutie pie, baby? Hindi ka nagsasabi ah," panunukso at patampong sabi ni Ate Aby kay Ara.

"Wala, Kap. Isang nilalang na mala-anghel ang mukha na susungkitin ko sana mula sa langit at ililipat ko sa impiyerno," nakangiting sagot niya.

.

Naglakihan ang mga mata nila Ate Aby at nagsi-atrasan palayo kay Ara. Mala-anghel din ang mukha nitong babaeng 'to eh, pero may tinatagong evilness 'yan. Kaya don't let her smile deceive you, guys. Pero mabait 'yan, 'wag lang gagalitin. *wink*

.

"Training na, coach! Butas-court na ang palo niyang si Arabella, sinisigurado ko sa inyo!" sigaw ko. Ayos, mabilis matatapos ang training namin ngayon. Hehe.

.

.

.

"Ano, wala na ba? Tapos na, Coach?" may paghahamon na tanong ni Ara.

.

Okay, nagsisisi na ako na binulungan ko si Coach kanina. Sobrang fired-up ng lola mo. Sa sobrang fired-up, lahat kami na-target niya. Kaya eto ngayon, lahat kami ay nakahandusay sa court at si Ara lang ang natirang nakatayo.

.

"A-ah eh, tapos na. S-sige, mag-shower na kayo," sabi ni Coach at nagmamadali nang umalis. Iwan ba kami kay Ara? Whattacoach. T__T

"Guys, training pa," aya ni Ara. Walang sumagot. Lahat kami nag-play dead. "Guys?" Pambihirang babae 'to, hindi pa pagod. "Tss. Weak!"

.

Narinig ko na ang footsteps niya palayo at maya-maya pa ay kumalabog na ang pinto ng locker room. Kasabay nun ang pagka-revive namin lahat.

.

"Araaaay.." daing namin lahat.

Puro masasakit ang katawan. Kung hindi sa tama ng bola ni Ara ay dahil naman sa paghabol ng mga bolang pinapalo ng bruhang 'yun.

.

"Kasalanan mo 'to, Ye! Araaay, braso ko.." sisi sa'kin ni Kim.

Hindi kasi niya naibaba yung braso niya kanina kaka-set kay Ara. Kaya ayan, nakahilata siya pero yung braso at mga daliri niya naka-stuck sa porma na magse-set ng bola.

.

"Oo na! Pero mas okay na 'to kesa mag-double training tayo dahil hindi makapalo ng bola ang babaeng 'yun noh! Araay.." sagot ko sabay daing.