Listen To My Lullaby

Chapter 42 - Who's the Traitor?

Chapter 42

Who's the Traitor?

=

Serene

Pagdating namin sa infirmary ng Ellipses. Dead on arrival na si Deck.

Halos lahat kami na naroon ay tulala at tahimik dahil sa nangyari ngayong araw na ito. Doon ko lang napagtanto na kahit ilang ulit pa kaming nakapagprepara sa maaari nilang pagsugod ay hindi namin mapaghahandaan ang magiging resulta nito.

Lumabas mula sa kwarto ang isang pribadong doktor ng buong gang namin. Ang kwartong iyon ang ginawa nilang operating room kung saan idinala si Cello.

"Ligtas na po ang biktima sa panganib. Wala na po kayong dapat ipag-alala." pagbibigay alam niya sa amin na labis kong ikinatuwa. Umalis na ang doktor dahil marami pa itong kailangang tulungan na sugatan sa mga kasama namin.

Nakita ko ang pagdating nina Owen kasama si Andrei. Hinahanap nila si Deck. Ngunit noong sinabi ni Aiden sa kanila ang malungkot na balita, hindi na nila napigilan ang sarili at umiyak.

Umiiyak ang puso ko kasama nila.

Kahit na nasa loob na kami ng ligtas na kampo ay patuloy pa rin ang pagbobomba na naririnig namin sa paligid. Siguradong hinahanap nila ang Ellipses headquarters pero hindi nila makita. Napakaraming duguan, sugatan, at iyakan. Hindi ko maipaliwanag ang sakit na nangyayari sa buong paligid namin. Nakita ko sina Sophia at ang iba sa Ellipses na nagbibigay ng inumin at pagkain sa mga kasama namin kaya tumulong na rin ako. Wala sina Celestine, Aries at Jaden na siyang pinagtataka ko.

Naalala ko bigla kung paano dinukot ng Notorious sina Kuya Paul at Aziel. Sinubukan namin silang habulin ngunit wala kaming nagawa. Kaya minabuti muna naming bumalik ng Ellipses headquarters upang planuhin ang susunod na hakbang at para makakuha ng iba pang armas.

Kanina ko pa hinahanap si Jace ngunit hindi ko siya makita. Alam ko tulad ko ay marami rin siyang sugat na natamo. Pasikat na rin ang araw mula sa madugong gabi na pakikipaglaban. Humuhupa na ang pagbobomba kahit papaano. Gayunman, ang pinsala mula roon ay hindi basta-basta mabubura.

Habang naglalakad sa kahabaan ng isang hardin ay may narinig akong nagtatalo. Habang papalapit nang papalapit ay doon ko lang mas naintindihan ang sinasabi nila.

"Hindi ko lubos maisip kung paano napasok ng NL7 ang BSG. Sa lakas ng depensa natin napasok tayo ng ganun lang? What kind of excuse do you have? Bullshit!"

"Isa lang ang nakikita kong butas. May traydor sa loob. Pinaglalaruan nila tayo."

"Sinabi ko na sa inyo noon pa lang, pero ayaw nyong maniwala sa akin!"

"Come on, alam ko 'yang tingin na 'yan Jace. Si Julian ang pinaghihinalaan mo."

"Sino pa ba ang traydor dito? We put him inside the enemy's headquarters to be a spy. He only have one job, Niel. One fucking job and he messed up."

"Nagbigay siya ng warning. But those NL7 were unpredictable as fuck. Sa tingin ko nalaman na rin nila na may traydor sa panig nila kaya bigla silang nag-iba ng plano. Wag naman nating isisi ang lahat ng nangyari sa isang tao lang. I know Julian had done everything he could to help. Otherwise, wala tayo ngayon dito sa Ellipses."

"Paano 'yung Cello?"

"Nathan pati ba naman ikaw?"

"I don't trust him."

"You Alvarez brothers don't trust anyone."

"Masisisi mo ba kami? Tayu-tayo lang ang nakakaalam ng mga plano natin. Tayong apat nina Paul. Pero magmula noong dumating sina Serene at Cello..."