One Seat Apart (GirlxGirl)

Chapter Thirty

Rara

"Rara" isang malambing na boses ang tumawag sa pangalan ko ang narinig ko. Pinipilit kong imulat ang mga mata ko pero di ko magawa at antok na antok pa talaga ako dahil sa puyat at pagod

"Cielo antok pa ako" saka ko nilagay sa mukha ang unan na yakap yakap ko

"Hindi ka talaga tatayo sleepy head?" Umiling lang ako na para bang nakikita niya ang ulo ko sa ilalim ng unan

"Alright" naramdaman kong gumalaw ang kama na tila ba may sumampa sa ibabaw nito

"Ay shit! Cielo!" napaigtad ako at pilit na inaalis ang kamay niya sa bewang ko habang patuloy na sinusundot ang tagiliran ko "Nakikiliti ako Cielo!" hindi ko mapigilan ang pagtawa ko dahil sa ginagawa niya

"Tama na Cielo plea—se" habol na habol ang hininga ko nang tumigil siya sa pagkiliti saakin. Umupo ako at masama siyang tinignan sabay pinalo ko siya sa braso. Umagang umaga ay pinapagod ako!

Ngayon ko lang napansin ang suot niyang damit. Naka loose white t-shirt lang siya at maikling shorts. Napaka sexy niyang tingnan at ang masakit doon, umaga palang ay ang ganda ganda na niya agad. Wala ba siyang day off sa pagiging maganda?

"I guess you're fascinated with my looks?" nakangising sabi niya kaya hinampas ko ulit siya sa braso

"Sadist! Get up Miss Emprey at may pupuntahan tayo" umalis siya sa ibabaw ng kama at umupo sa gilid sa tapat ko

"Cielo naman? Ilang araw na akong walang pahinga sa clinic tapos office. Nakakapagod kaya ang ginagawa ko at ngayon lang ang off ko. Hindi mo ba ako pagpapahingahin?" sinigurado kong nakakaawa ang acting ko para lang payagan niya akong humilata buong araw pero nakatingin lang siya ng diretso saakin.

"No, kaya nga tayo aalis ngayon kasi magpapahinga kana"

"Papatayin mo ako?!" sabay hawak sa dibdib ko na kunwari ay nasaktan ako sa sinabi niya saakin

"Such a cutie Emprey but it won't work so, sige na get up already cause' they're waiting downstairs " sabay tumayo siya at nag lakad papuntang pinto

Nitong mga nakalipas na araw lalo kaming naging malapit ni Cielo. Kapag kasama ko siya sa office ay bigla nalang ako napapangiti dahil masasabi kong napakaswerte ko dahil nakikita ko ang bahagi ni Cielo na hindi niya pinakikita sa iba. Isa siyang mabangis na leon sa harap ng iba ngunit pagdating saakin ay tila siya maamong kuting. Minsan iniisip ko, parehas rin ba kami ng nararamdaman?

Simula nung gabi na nakausap ko sila Anne lalo kong napagtanto na talagang nahulog na nga ako sa kumag na ito. Minsan naiisip ko nang umamin pero... paano kung one sided lang pala ang lahat? Edi naging awkward kami dahil nasa iisang kwarto, bahay at opisina lang kami. Maliban sa sarili ko, si Isay, Ann at Cindy lang ang nakakaalam kung ano ba ang nararamdaman ko. Pinipilit nila akong umamin pero ako ang tumatanggi dahil hindi pa ako handa sa mangyayari sa pag amin ko—natatakot ako sa kalalabasan nito

Nabalik ako sa katotohanan ng makita ang kamay niyang kumakaway sa tapat ng mukha ko

"Rara you're awake but still dreaming?"

"Wala! Doon shoo! Alis!" Hinawi ko kamay niya at tumayo na. Dumiretso ako sa CR para maligo

Pagtapos ay binuksan ko ang connecting door sa loob ng CR papuntang walking closet namin. Yes, namin dalawa dahil simula nung tumira ako dito ay talagang ginawa na ni Cielo na dito ang pamamahay ko. Noong una ay tumatanggi ako dahil sapat naman saakin ang isang maliit na aparador pero ayaw niyang paawat kaya pumayag na lamang ako. Pumili lang ako ng simpleng damit na maisusuot. Maong shorts na tinernuhan ko ng blue t-shirt ng university namin at white keds. Hindi ko naman alam kung saan ang punta namin kaya ito nalang ang idadamit ko