Legends of Olympus (On Hold)

Obsessions

Bella's POV

Kakainin ko na sana yung sunog kong toast nang bigyan ako ni Reign ng okay sign.

Nasa kusina kami kumakain ng umagahan. Nakaupo siya sa tapat ko, habang nasa tabi naman niya si Paige na nagsalita.

"She's asking if your sandwich is burnt enough," sabi niya.

"Ah..." Tinignan ko ang maitim na sandwich sa kamay ko. "Oo, okay lang."

Sinenyasan ako ni Reign na kainin ito kaya tumakam ako nang hindi inaalis ang aking tingin mula sa kanya.

Pagkatapos, binigyan niya ako ng thumbs up.

Tinignan ko si Paige.

"She's asking if it tastes bitter enough," aniya.

Tumango-tango ako kay Reign na nginitian ako.

Dumating si Amber sa kusina na may dalang card. Inilapag niya ito sa gitna ng mesa at nilingon sina Reign habang tinatapik ito.

Pinandilatan niya ito ng mga mata sabay pindot-pindot ng likuran ng kanyang pulsuhan.

Tinignan ko na naman si Paige.

"Is that the program for the pageant?" tanong niya.

Tumango si Amber.

"What time?"

Inangat ni Amber ang kanyang kamay nang nakataas ang isang daliri. Tapos, dalawa nang kamay ang ginamit niya para ipakita sa'min ang tatlo niyang mga daliri at yung letter o naman sa kabila.

"One-thirty in the afternoon," kumpirma ni Paige na tinanguan ni Amber.

"Hmm!" Malakas na bumagsak ang kamay ni Amber sa copy ng program. Pinaningkitan niya si Reign. "Hmm..." Dinuro niya ito gamit ang dalawa niyang mga daliri. "Hmm." Pinihit-pihit niya ang kanyang kamay para paulit-ulit na ituro si Reign at ang sarili niyang mga mata. "Hmm?"

"Amber says you can't be late for the program," ani Paige. "She'll be looking for you-"

Biglang itinaas ni Amber ang kamay niya at itinutok ang kanyang daliri kay Paige, pagkatapos ay sa'kin.

"I mean, she'll be looking for all of us," sabi ni Paige.

Tumango si Amber.

Kasunod silang napatigil nang biglang may kumalabog mula sa taas.

Gising na ata sila...

"Mukhang gising na si Spooky." Nginitian ko si Reign. "Thank you sa sandwich, Reign! Hihi!" Kinisap-kisapan ko siya. "Sa kwarto ko nalang kakainin!"

"Wieeee~" Bitbit ang sandwich, panandaliang nandilim ang aking paningin at sa muli kong paghagilap ng kaunting liwanag, natagpuan ko ang aking sarili na nakatayo sa gitna ng aking kwarto, kaharap ang tatlong estudyante na nakatali sa mga upuan at nakabusal ang mga bibig.

Napalitan ng pagtataka ang pananabik ko nang makita ang pang-apat sa kanila na nasa sahig na.

Dahan-dahan kong inangat ang aking mga kamay para kainin ang masarap na sandwich na ginawa ni Reign para sa'kin, at saka minasdan ang estudyanteng lalaki na tinumba ang upuan niya at gumagapang habang nakagapos pa rin.

Sa pagkakatanda ko, siya yung nagtulak kay Zack sa marathon kahapon, ih...

Tinignan ko ang isa pang lalaki na nakaupo at nanlalaki ang mga mata.

Or siya ba yun?

Lumiwanag ang aking mukha.

Hindi! Siya si Philip, yung Beta na binugbog ni Vance kahapon, tapos pinagaling ni Raphael, tapos binugbog ulit ni Vance at pinagaling ulit ni Raphael para bugbugin na naman ni Vance buong umaga!