Legends of Olympus (On Hold)

Deep Sleep

Reign's POV

Hinigpitan ko ang pagkakayapos ng jacket sa katawan ko.

Pagkatapos, hinawi ko yung kurtina ng cubicle at sumilip sa labas.

Hindi ako pwedeng manatili rito. May klase pa kami sa Mythological Sciences.

Nang makitang okupado silang lahat, dahil may PE ata ang Beta ngayon, dahan-dahan akong lumabas.

Hindi ko tinatanggal ang tingin ko mula kay Doctor Seht na nakatalikod sa'kin nang bigla akong may nabunggo kaya napahawak ako sa aking noo.

"Aray-" Napatigil ako nang mapatingala ako sa lalaking natamaan ko.

Napakurap-kurap ako.

"I thought you're only getting discharged tomorrow?" tanong ni Henri na nakababa ang tingin sa'kin.

Nanlaki ang aking mga mata. "Shh!" Sinenyasan ko siyang huwag mag-ingay at napalinga-linga pa. "Wag mong-"

Bahagya niyang binukas ang kanyang bibig.

Umiling ako.

"Reign-"

Agad ko siyang hinila at kinaladkad pabalik sa cubicle.

"Henri naman, eh!" pabulong kong sigaw nang makapasok kami. "Gusto ko lang naman masiguro na hindi si Grey yung magiging research partner ko!"

 Ipiniling niya ang kanyang ulo sabay pihit ng kanyang mga braso sa dibdib. "We already got paired," aniya. "Which is why I'm here."

Lumiwanag ang aking mukha. "Partner tayo sa research?"

Pinaningkitan niya ako. "You seem happy."

Namuo ang isang namamahamak na ngiti sa aking labi.

May dahilan kung bakit walang iba kundi ang kuya ko lang ang may gustong makipag-partner sa'kin sa research at ang dahilang ito ay ang ikinatutuwa ko ngayon.

"Stop smiling like that." Tinapunan niya ako ng tamad na tingin. "I know why no one volunteered to work with you."

"Oh?" Umangat ang magkabilang kilay ko. "Bakit daw?"

"You tend to make your partner suffer with you."

Napatakip ako ng bibig at palihim na humagikgik, sabay iwas ng tingin.

Ngunit nabigla ako nang hawakan niya ang ibabaw ng ulo ko at pinihit ito paharap sa kanya dahilan na itabig ko yung kamay niya.

"Henri!" naiinis kong sambit.

"Your bandages," aniya. "You're not wearing them, are you?"

"Because I don't have to," sagot ko. "Obviously."

"Stop being stubborn," seryoso niyang sabi.

I glared at him suspiciously. "Since when are you concerned?"

"Since I realized how reckless you can become."

Aangal na sana ako ngunit imbes na salita, lumabas ang isang singhap mula sa aking bibig nang mahigpit niya akong hinawakan sa braso at hinatak ako paatras, sa higaan kung saan ako diretsaang bumagsak pagkatapos niya akong marahas na tinulak.

"Aray!" reklamo ko.

Sinulyapan niya lang ako at nagsimulang halungkatin ang drawers sa tabi ng higaan.

"I said I'm fine!" I insisted, pero hindi niya pa rin ako pinansin at nagpatuloy sa paghahanap ng bandages.

Nang malamang wala, tumawag siya ng isang nurse.