U••
မှန်ထဲမှတစ်ဆင့်မြင့်နေရသော သူ့ပုံသူပြန်ကြည့်ရင်း Akaashi သက်ပြင်းချမိသည်။ ဇီးကွက်ပုံ စတေကာပါသော မိုးပြာရောင် T shirt နှင့် ဂျင်းဘောင်းဘီအဖြူတို့အား တွဲဖက်ဝတ်ဆင်ထားသည့်သူ့ပုံစံက ကလေးကလားဆန်နေမလား Akaashi မပြောတတ်ပါချေ။
Bokuto san က ဘာစိတ်ကူးပေါက်တယ်ရယ်မသိပဲ Couple shirt ဝတ်၍ date လုပ်ချင်ပါသည်ဟုဆိုလာသဖြင့် Akaashi ထိုသို့ဝတ်ထားရခြင်းပင်။ သူ့အကျႌတွင် Baby owl ဟုပါဝင်၍ Bokuto အကျႌတွင်တော့ Daddy Owl တံဆိပ်ပါသည့် ပေါက်ပေါက်ရှာရှာ Couple shirt မျိုး Bokuto မည်သည့်နေရာမှသွားရှာဝယ်ထားသလဲတော့ မသိ။
ပုံမှန်အားဖြင့် Akaashi က သပ်သပ်ရပ်ရပ်လူကြီးဆန်သည့်ပုံစံသာဝတ်တတ်သည်မို့ ယခုပုံစံက အနည်းငယ်တော့နေရခက်လှသည်။ သို့သော်လည်း သူ့ကောင်လေး တောင်းဆိုသည့်အရာမို့ Akaashi မငြင်းနိုင်။ Bokuto san ပျော်သည်ကိုမြင်ရသည်ကသာ သူ့အတွက်အရေးကြီးလှသည်မို့ Akaashi အလိုလိုက်မိပြန်သည်။
"Akaashiii"
သူနှင့်ဆင်တူ မိုးပြာရောင် T shirt ကလေးကိုဝတ်ရင်း အပြေးရောက်လာသော Bokuto အား Akaashi လက်မောင်းနှစ်ဖက်ကိုဖွင့်၍ကြိုဆိုလိုက်သည်။ ထင်သည့်အတိုင်း သူ့ချစ်သူကောင်လေးက Akaashi ကို ပြေးဖက်၍ မ,ပါချီလိုက်သေး၏။
"Akaashi အရမ်းလှ! မွမွ!"
သူလုပ်ချင်တာလုပ်ရ၍ ပျော်နေသော Bokuto တစ်ယောက် Akaashi မျက်နှာတစ်ခုလုံးအား အနမ်းမိုးခြွေနေလေတော့သည်။ မိမိအိမ်ရှေ့၌နမ်းသည်ဟုဆိုသော်လည်း လူမြင်ကွင်းကြီးဖြစ်နေသည်မို့ Akaashi မျက်နှာကအနီရောင်သန်းနေတော့သည်။
ယခုအနေအထားအရ Bokuto က Akaashi ကို မျက်နှာချင်းဆိုင်အနေထားဖြင့်ချီထားလျက် Akaashi လက်က Bokuto လည်တိုင်ကိုချိတ်တွယ်ထားခြင်းပင်။ နှစ်ဦးသား၏ မျက်နှာများကနီးကပ်လျက်ဖြင့် သူ့ကိုပွေ့ချီထားသော Bokuto san ၏ သန်မာလှသည့်လက်မောင်းကြွက်သားများအား Akaashi ပေါင်တံမှတစ်ဆင့်ခံစားမိပေသည်။
"Bokuto san...ကျွန်တော့်ကိုအရင်လွှတ်ပေးဦး"
Akaashi စကားကိုကြားတော့ Bokuto မျက်နှာက စူပုတ်ပုတ်။
أنت تقرأ
••The Owner Of Captain Owl ••
قصص الهواةသိရောသိကြရဲ့လား? Fukurodani ရဲ့ Captain မှာပိုင်ရှင်ရှိတယ်တဲ့... Bokuaka Myanmar Fanfic feat.Kuroken Cover credit to original artist 22 Sep, 2021.