Deep Blue (Zawgyi&Unicode)

Part-3

Deep Blue

အပိုင်း၃

စောနောင် ဒီနေ့နေ့လယ် ရုံးမှာအလုပ်များလို့နေသည်။ ဆောက်လုပ်ရေးပစ္စည်းများကို တင်သွင်းရောင်းချသော ကုမ္ပဏီဖြစ်တာကြောင့် ပစ္စည်းရောင်းရစာရင်းနဲ့တင်သွင်းလာသောစာရင်းအချုပ်ကို စစ်နေရလို့ဖြစ်သည်။ အလုပ်ကိုအာရုံစိုက်ရလွန်းလို့ ဇတ်ကျောတွေတောင်တတ်လာရသည်။ စောနောင်လက်အောက်မှာ စာရင်းစစ်မလေးနှစ်ယောက်ရှိပေမယ့် စောနောင်က စာရင်းအားလုံးရဲ့ အနှစ်ချုပ်ကိုသေချာစစ်ပြီးမှ အထက်ကိုတင်ပြတတ်သည်။ ဟန်ပြလက်မှတ်ထိုးပြီး တင်ပြရတာမျိုး စောနောင်လုံးဝကိုမကြိုက်ပါ။ စာရင်းစစ်နေတုံး စာပွဲပေါ်မှာတင်ထားတဲ့ ဖုန်းကအသံမြည်လာသည်။

"လှပလွန်းတဲ့ ပန်းပွင့်ငယ်လေးတွေတောင် ကြမ်းတမ်းလွန်းတဲ့ မြေပြင်ကိုကျော်လွန်ဖောက်ထွက်ခဲ့တာပဲ...."

စောနောင်ဖုန်းကို ကြည့်လိုက်တော့ မျက်လုံးလေးဝိုင်းစက်တောက်ပလာရသည်။ စောနောင်ရဲ့ နူတ်ခမ်းဖျားလေး ပါးပြင်ပေါ်သို့ တွန့်ချိုးကွေးတတ်လာသည်။စောနောင်အမြန်မြန်ပင် မိမိဖုန်းကိုကိုင်လိုက်သည်။ထို့နောက်လျှင်မြန်သွက်လက်သောလေသံဖြင့်

"ဟယ်လို ကိုကို...."

"...."

"ဒီကိုလား....."

"....."

"အင်းပါ ပျော်လိုက်တာ....ဟီ့...."

"....."

"ဟယ်လို ချသွားပြန်ပြီ...."

စောနောင်စကားဆက်ပြောဖို့ပြင်ပေမယ့် ကိုကိုကဖုန်းချသွားပြီဖြစ်သည်။ စကားတောင်ဝအောင်မပြောရသေးပဲ ခုလိုဖုန်းခဏခဏချသွားတတ်သည်။ ထိုသို့ဖုန်းချချသွားတတ်တာကို စောနောင်စိတ်မကောင်းဖြစ်ပေမယ့် ဒီနေ့တော့ စိတ်ပျော်မြူးနေမိသည်။ အဘယ့်ကြောင့်ဆိုသော ကိုကိုကရန်ကုန်ကိုလာလည်မည်လို့ ပြောဆိုလာခြင်းကြောင့်ဖြစ်သည်။

စောနောင်ဒီနေ့အလုပ်လုပ်တာ အရမ်းကိုအူမြူးနေသည်။ အရင်ကထက်တတ်ကြွနေသည်။ နှစ်လကြာမတွေ့ရတဲ့ ချစ်ရသူကိုကို့ရဲ့ မျက်နှာတော်ကိုမော်ဖူးရတော့မည်။ ထို့အတွက်ကြောင့် အလုပ်လုပ်ရင်းသွားပင်မစီ့နိုင်အောင်ဖြစ်နေရတော့သည်။