العوده من الرماد
بارت 15
بارت طويل لعيون احلى متابعين
شهرزاد....رحت جبته واجيت تقربت انطهيه لزمني من ايدي وكال تكدرين انتي تخليلي دهن واشر على مكان بقيت مصدومه من الشفته واحس عيوني غوشت من كثر،الصدمه معقوله الجاي اشوفه كدامي.
ابو يونس... شبيج لا ضلين صافنه بوجهي ترى عادي
شهرزاد... عمو شبيك انته منتبه على نفسك
ابو يونس... مابيها شي اذا خلتيلي دهن لان هنا عندي حكه وموتتني
شهرزاد... لاانته مو طبيعي عقلك بي شي شمرت
عليه العصاره وطلعت ركض لغرفتي وجسمي كله
يرجف شبي هل رجال تخبل معقوله وصلت بي
الحقاره هيج يسوي وياي مع الاسف جنت اعتبره
بمكان ابوي شنو من انسان يريدني اخليله دهن
بمكان اخجل اكوله بيني وبين نفسي قفلت باب
الغرفه وعيوني رافضه تصدك الشفته بس معقوله
مايقصد شي مستحيل المكان الكالي عليه يستحيل
واحد عاقل يسويها ولاتوقعت يطلع هيج تصرف من
عمي زين اني مرت ابنه وبمثابته بنته معقوله لا
احتمال ميقصد اي ميقصد
ــــــــــــــــــــــــــــــــــــــ
فيض... طلعت من القائم ومن العراق بكبره تاركه
اهلي، وناسي، وخلااني اخواتي امي اخوتي كل
ذكرياتي الحلوه والمره بيت ابوي ريحه امي كل ذني
نحرمت منهن الفراك يوجع وابد مو هين طلعنه بعد
ما ودع سعود ولده ومبين من وداعهم مانرجع بس
سعود يسايرني بين مااتعود على غربه والعيشه
بوحدي بطني، بدت تكبر سويت سونار قبل فتره
بيه ولد سعود طاير، بيه شفت وياه عالم ثاني شفت
الدلال والعز بجاله يحاول بكل الطرق يدللني ويرضيني
ــــــــــــــــــــــــــــــــــ
زبيده.. يوسف اخذ حيز جبير بحياتي وتعودت
يوميه اسمع صوته بادلته نفس الحب بس بدون
منعترف لبعض هوه هواي يلمحلي واسوي نفسي مو
فاهمه لحد فد يوم جنت اسوي غده وامي تصلي
ندك الباب فتحته نسيم ام يوسف تفاجئنه من جيتها
بعد السلام حجت وي امي واني ونسيم نصنت جايه تريد تخطبني
ليوسف بدون مقدمات امي فرحت لان كلش تحب
ام يوسف وعلاقتها قويه بيها كالتها امي نرجعلكم
خبر بعد ما نسال اخوتها ونفس الشي هم محد
سألني حالي حال فيض وشهرزاد بس الفرق اني
شايله مشاعر حب اتجاه يوسف لليل امي خابرت
راجح وحجتله قبل كال يوسف زلمه بي سبعين حظ
احمد وامير هم قبلو واني محد سألني وعبرني وره شكم
يوم رجعتلهم امي خبر موافقه اتصل عليه يوسف نفس الساعه
يوسف.... مامصدك البطيخه راح تصير الي ليش ماسمعتيني موافقتج بالتلفون تتعززين عليه وتدللين
زبيده...انتضر ليش هوه منو اخذ موافقتي لو سألني موافقه لا
يوسف....افهم من كلامج رافضتني واهلج جابريج
زبيده....لا موهيج بس محد سالني
يوسف...زبيده سمعيني ولاتقاطعيني اني ماعرف ارتب كلامي ودوم صريح المايرتاحله كلبي ما اجامله احطهه بوجهه وخالك صديقي
زبيده...شنو هاي خالك صديقي
يوسف...انعل اجلاب اهلج موكتلج لاتقاطعيني خالك صديقي متعود عليها لازكه بلساني تتعودين عليها ان شاء الله وهسه خل اكمل كلامي
زبيده..كمل كمل
يوسف.. اني حبيتج واجيتج من الباب وصار فوك
السنه حاطج ابالي ومراقبج وكل جياتي يم احمد
بلكي المحج لو اشوف طولج البداخلي الج اكثر من
الحب وماعرف اذا انتي تحسين نفس الشي اتجاهي
لان لليوم لانطتيني وجهه ولابينتيلي مشاعرج
والصراحا هذه الشي زاد اصراري عليج لان اني
نحس، وماقتنع ابنات خلك الله لان ماجذب عليج
شايف ومعاشر نسوان بكد شعر راسج واعرف المره الخفيف
من نگله جدمها وانتي واخواتج ينحلف بشرفجن
واخلاقجن ونعم منجن ومن الرباجن وجربتج هواي
يلا دزيت امي لان اني بطبعي غثيث وحتى امي
تعبتها وياي لان موكلشي يعجبني ويدخل مزاجي
وهسه ارجع اسألج اذا ما الج نفس بيه يابنت الناس كولي
زبيده...بقيت ساكته وخجلانه شأكله اريدك عيب ستحيت اجاوبه بعدني مبتسمه على كلامه وساكته فززني صوته
يوسف....وصل جوابج اخذي راحتج وفصله
زبيده...ضليت لا اخذ ولا انطي شسويت اني
مقصدي سكتت يعني ماريده خاف يتصل على
اخوتي ويكللهم اختكم رافضه ياربي منين طلعتلي
هل سالفه سكتت ستحيت اكله احبك واريدك مو لان ماريده
نسيم...شبيج زبيده عليمن صافنه الصفنه مو الج
زبيده....اسكتني عني وخليني بهل ورطه الورطت روحي بيها
نسيم...يا ورطه ولج شمسويه
زبيده...يوسف
نسيم..شبي يوسف ماتكليلي اااادور يوووووسف صار ورطه شحال ما مخلصتها نهار كله تليفونات وغزل
زبيده....ولج شبيج موهيج افتهمي خل احجيلج سولفتلها الصار،هاا هسه كوليلي شسوي والله مامتعمده هيج اسوي
نسيم...اتصلي،عليه وفهمي
زبيده...خاف يكول ذابه روحها عليه
نسيم...لا يوسف ميفكر هيج
زبيده...اتصلت عليه ماجاوب مرتين ماكو شكد ضجت من روحي حطيت نفسي بموقف بايخ وماعرف شلون افهمه واشرحله
ــــــــــــــــــــــــــــــــ
شهرزاد....كمت اخاف افتر بلبيت براحتي اذا عمي
بلهول ماطب وحتى اكل ما اكل وياهم وحتى هوه
حس عليه جبران يتصل عليه نضل نحجي ساعات
ويتغزل ماينشبع من سوالفه اصلا من تزوجنه لسه
ماشبعت منه اليل اليمر على ناس وتنامه اني اخلصه
ابجي وحاضنه تشيرت جبران عطره المصبرني على
غيابه دك تليفوني باوعت جبران باوعت لساعه
2ونص بليل شعجب متصل هيج هوه ينام من وقت
لان يجي تعبان صار اربع اشهر بلمشروع ولسه
ماكمل يخلص مشروع يستلم الثاني جاوبته اجاني صوته مال واحد جان نايم
جبران.... هااا حبيبي شلونج خو ماعندج شي
شهرزاد.... لا حبيبي ماعندي انته خوما عندك شي
جبران.... حلمت بيج
شهرزاد.... شحلمت خير ان شاء الله
جبران... حلمت بيج تركضين وچلب يركض وراج
واني اشوفج اريد احرك رجليه واجي اخلصج منه
ماكدرت فزيت هسه وبالي يمج
شهرزاد... خير ان شاء الله لاتفكر اني ماعندي شي بس، مشتاقتلك جبران يمته تجي؟
جبران.... والخلق الكون مو بكدي وجاي اشتغل فوك طاقتي بس عمود انجز بسرعه وارجع لحضنج
شهرزاد... تدري اليوم يمر عليه شطوله واني اتنطر
جيتك لو من يمسي المسه وانته ماكو روحي تنعصر
وتهاجر وي الطيور المهاجره تفتر يمك واتخيل
روحي يمك واشوفك وارجع جبران بعد ماتحمل فراكك
جبران... اوووووويلي، هيج الشوك لعب لعبته بيج
جاا سمعيني تدرين يوميه من قبل لا انام شكد
احاول اجمع ذاكرتي واعصرها ،في سبيل اشتم عطرج الفاقده
وماموجود يمي ومن افتح عيني كلشي يختفي اذا
انتي مشتاكتلي مره اني اضعاف شوكج بس هانت
مابقه شي وارجعلج وتشبعين مني،ومن حضني،بس
اني شيشبعني منج اذا الزمج احير منين ابدي بيج
مشتاك لكل ذره بيج ريحتج نفسج دفو حضنج كل هذني مفتقدهن
شهرزاد...احس روحي بعالم ثاني واني استمع لكلامه وغزله يخليني،احيه من جديد وانتعش غفينه اثنينه وتركنه الخط مفتوح شكد البعد قاتل والفراق ماينحمل ياكل بيك ويدمر داخلك
ـــــــــــــــــــــــــــــــــــــــــــــــــــــ
فيض...نزلنه من طياره والهوه مو هوه احبابي
خنكني احس كلبي نقبض،وروحي احس بيها
مامرتاحه اهلي وذكرياتي ولمه اخواتي متروح من
بالي عبالك جايبيني للاعدام حتى سعود حس عليه
حاول يلطف الجو كال فتره وتتعودين واني وياج
واني اعوضج عن اهلج بس الصراحه ماحس سعود
يعوضني عن اهلي،صح حبيته وبديت اتعود على
وجوده بحياتي وابو ابني بس ماحسه كلشي بالحياه
اكو فجوه بيناتنه صعب نعبرها وهوه فارق العمر
شما احاول اتقرب منه واعيش طبيعي مثل اي
زوجين الكه روحي فاشله بلمحاوله واعيش نزاع
نفسي برغم سعود رجال بمعنه الكلمه جمال واخلاق
ومال وكل الصفات التتمناها اي مره موجوده بسعود
بهاذه عمره واشوف هواي بنات تراسله بلفيس بس
تريد تحجي وياه وتتقرب منه يجي يشوفني
كلامهن ورسائلهن وشلون يرزلهن لان هوه من النوع
مايدور علاقات ابدا وقليل يتواصل وي الناس عنده
اهم شي شغله العرفته منه هوه مساهم ابناء،برج
خليفه ندهشت من كالي معبالي هيج مركزه جبير،
بلمجتمع والفاجئني اكثر،طلع عنده اكثر من جنسيه
وايده طايله بلدوله ومعروف يوميه اكتشف شي
جديد عنه اول ماوصلنه اخذني على بيت مستحيل
يكون بيت عادي لا افخم من القصر شي ولا بالاحلام
يفوق الخيال جماله وكبره واثاثه شي كلش حلووو
احلى من الجنه ساكنين بي بلعراق بهوااااي بقيت
يومين وصارت عندي ولاده دخلني سعود بأرقه
مستشفى جانت ولادتي عمليه ماحسيت بوجع ابد
لان رحت اشوف وضع الطفل كالت الدكتوره اذا
تردين هسه نسويلج عمليه طابه بشهرج وسعود
مستعجل يريد يشوفه دخلوني على عمليات
ماحسيت غير ابني يمي صح المستشفى راقيه
وهتمو بيه وسعود وياي وماتركني بس احتاجيت امي بهذه اليوم حضنت
ابني وكمت ابجي صدك حسيت بوقتها بلغربه
الطفل سماه سعود عبدالله بقيت يومين وطلعت على بيت وفرحتي بعبدالله متنوصف
ــــــــــــــــــــــــــــــــــــــــــ
شهرزاد..بطني كبرت والايام مرت والاشهر عدت
وجبران ماكو يوميه انتضره وعيني على باب يمته
يطب عليه واشوف طوله كلش افتقدته حسه عندي
بالدنيا بذات بعد حملي روحي تشكلت بريحته
وحضنه يوميه ابجي بليل قبل لا انام مثل طفل
ومضيع امه عمي ما تقربت اله نهائيا بعدت نفسي
عنه قدر،المستطاع ماريد اشوف وجهه واكثر وقتي حابسه نفسي بغرفتي وهذه الشي سببلي مشاكل وي طليعه خانسه بلغرفه عازله روحها مانعجبها وتكعد يمنه هذه كلامها جان خفت
احجي لجبران الصار مجرد ماذكر الموقف جسمي
كله يرجف ولا خطر ابالي عمي هيج لحد لان اذكر الموقف اكعد ابجي شي كلش صعب الشفته ومقرف جبران يوميه يخابرني يسال على وضعي
وعلى وضع الطفل الاكل نهائيا ما اكل كلشي موحلو
وجبران ماكو احس حياتي باهته مابيها طعم ولا
روح بليل نايمه واحس وجع صار عندي متت من
الالم جان اول يوم الي بلثامن فزيت مرعوبه جانت
الغرفه ضلمه بس ضوه التيبلام خافت وخرت
البطانيه وانصدم الفراش مليان رطوبه ماعرفها شنو
والم موتني كوه نزلت من الجربايه فتحت الضوه
ركضت على مبايلي اتصلت على فاطمه مرتين ما
جاوبت حرت المن اخابر كلها نايمه وطليعه يم
اخوها بايته اتصلت على امي جاوبتني الضاهر
كاعده لصلاه الفجر،لان بسرعه جاوبتني حجيت
والالم مسيطر عليه بس كتلها يمه الحكيلي،راح
اموت فصلته وكالت جايتج لاتخافين بس حضري
غراضج وغراض للطفله فصلته منها وبعدني احضر
بالجنطه اتصل جبران خفت اجاوبه ويضل باله يمي
دك مرتين بلثالثه جاوبته وكوه اجر النفس احس بيني
وبين الموت شعره الالم موتني احس روحي راح تطلع بسرعه كال
جبران.. شهرزاد شبيج ليش هيج صوتج
شهرزاد..جبران وينك حجيتها وبجيت
جبران...لاتكفريني شبيج شصاير
شهرزاد..ماعرف الالم موتني
جبران...موعد ولادتج بعده اني حاسب احسابي اجيج قبل الموعد شصار
شهرزاد...ماعرف شبيه هسه خابرت امي راح تجيني
جبران...مخبله انتي مخابره لامج ابوي يمج سيف امي خل ياخذوج فصلي راح اتصل على سيف
شهرزاد...فصلته دقايق وندك باب الغرفه فتحته فاطمه وسيف واكف مسافه عن الباب وحجه
سيف...يلا خويه بسرعه لبسي عباتج وهاي فاطمه وياج سهله ان شاء الله سهله
فاطمه...مادري بيج متصله عليه محضره الجنطه لو
احضرها الج هزتلها راسي محضره بسرعه لبست
عباتي وطلعت اتلوه من الوجع كوه
امشي مسافه واكعد ماكدر احس روحي راح تطلع
لكيت عمتي كاعده لبست عباتها واجت ويانه
بلطريق خابرت امي جاوبتها فاطمه كالتها طلعو
كدامنه للمستشفى احنه قربنه نوصل وصلنه
للمستشفى فحصتني الدكتوره بعد محاولات لان
ماقبلت واستحي اموت ولا واحد يكشف عليه كالت
عدها حاله ولاده بس معسره مستحيل تجيب
طبيعي،عمرها ابد مومناسب للحمل والولاده ضلت
تحجي ولقنت امي محاضره معدله وليش
مزوجتهه وحتلو زوجتيهه ليش تخلوها تحبل انتو
ناس عدكم عقل هااااي طفله تعرفون شني طفله
15سنه تريد تجيب بحياتي ماشايفه هيج اذا موكد
المسؤؤليه ليش تخلفون ليش هيه تحجي بعصبيه
واني احس روحي بدت تطلع وكمت القط اخر
انفاسي جان بيبني،وبين الموت شعره بده صوتهم
يختفي والروئيه تلاشت عندي واشوف شعاع نور
يدخل من الشباك وصوت ماي ينقط بهدوء حسيت
ايد تمسح على راسي باوعتله ابوي جان يباوعلي
وضايج حيل ماحجه شي بس كتله بويه انته راح
تاخذني وياك اني حضرت روحي ومنتضرتك هزلي
راسه بلا وابتسم ابتسامه خفيفه ودار وجهه وراح
بقيت اصيح وراه ماكو اختفه من كدامي فتحت
عيني كوه واخذت نفس يختلف عن اي نفس من
قبل اريد اترس صدري من الهوه ماكدر جنت
مختنكه واحس شي نايم على كلبي،حسيت على
دكتوره تضرب بيه راشديات وتضغط على كلبي
بايدها وهواي دكتورات واكفات على راسي اسمع
وحده تكلها خلص خسرنه المريضه اسمع اصواتهن
بس ماكدر احرك ساكن سحبت نفس قوي واحس
الروح.ردت بيه ماعرف شنو صار وشكد صارلي،نايمه
اسمع صوت الطفله تبجي احس صوتها رجعني
للحياه فتحت عيوني على وسعها بس اريد اشوفوها
واشم ريحتها كالت الدكتوره الحمد الله على
سلامتج وسلامه الطفله ولادتج جانت من اصعب
الولادات السويتها بتاريخ عملي صيري زينه وعندي
كلام ثاني وياج عافتني وطلعت بقت بس السستر
يمي ضربتني ابره وخلتلي مغذي بنتي اخذوها
للخدج لان اجت مو بوقت ولادتها جبران كل شويه
يتصل ويسالني شلون صرت للصبح جابوها الي اريد
اشيل ايدي واخذها لحضني يشهد ربي ماكدرت
عضامي كلها مرتخيه وتوجعني جابولي بنتي اخذتها
الحضني احس روحي ملكت الدنيا شعور،مستحيل
اكدر اوصفه بكلمه ريحتها اديها الزغار عيونها فدوه
شلون كوه تفتحهن وتباوعلي بوستها من خدودها
زغار حيل كالت عمتي طلعي،صدرج رضعيها كوه
طلعت صدري وجاي احاول ارضع بيها متقبل طبت
الدكتوره اول ماشافتني عاطت شدسوين ماما
متشوفين صدرج مابي حليب ليش،ماجبتولها حليب
وممه بسرعه هيه الطفله تعبانه وفعلا وصت فاطمه
سيف نزل جابلها واجه سويتلها ممه رضعتها واني
صافنه عليها شلون ترضع بودي مانام واعوفها كلش
اخاف عليها بقينه يومين بلمستشفى وقبل لانطلع
فحصتني الدكتوره كالت ممنوع يصير حمل الابعد
اربع سنين خطر عليج الله كتبلج عمر، جديد تدرين
وصلتي الموت والله نجاج اعيد واكرر، حمل ممنوع
كتبتلنه خروج وطلعت اتصل عليه جبران كال
روحي على بيت اهلج وي امج عمود اداريج يم
اهلي ماترتاحين واني خلال هذه الاسبوع يمج
حجزت فعلا رحت على اهلي بقن اخواتي يهتمن بيه
بين متحسن وضعي جبران خلص الاسبوع ومابين
يكول الحجز تاخر لنهايه الشهر،بقيت انتضره لحد
مصار فوك الشهر على ولادتي خابرني اني جاي
بلطريق وي يوسف دخلت العراق طرت من الفرح
كتله ليش،ماكلتلي كال مفاجئه لملمت
ملابسي،وملابس،بنتي ماسميتها لسه منتظره جبران
يسميها لملمت بسرعه والفرحه ماسايعتني اخذني
احمد على بيت عيالي،طبيت الوجوه مكلبه وحتى
محد كلف نفسه وكالي الحمد الله على سلامه لو خل
نشوف الطفله غير هيج هذه الازم يصير طبيت
نضفت غرفتي وطلعت سبحت وخليت مكياج
خفيف لفيت شالي وطلعت صار عمي بوجهي
باوعلي بتركيز ولا نزل عينه مني اني ابد ماطلع كدامه اخاف بس صدف اشوفه شكد كرهته وكرهت
خلقته روحي تكوم تلعب من اشوفه ولا يستحي من
سوايته ولاينزل عينه الحقير اتصل عليه جبران كال
باجر،اني يمكم لان عطلت سياره يوسف وراح نضطر
انبات ابغداد باجر، يمج ولا تضوجين فصلته وياه
وخابت امالي عبالي اليوم يجي طبيت لغرفتي
وقفلت الباب بقت بنتي تبجي ماعرف شسويلها
وعمتي،ماكلفت نفسها تشيلها لو تبوسها اباوعلها راح
تموت من البجي كابلتها وابجي،وياها ماعرف
شسويلها فتحت قوطيه الحليب مابيها ذرات شسوي
هسه بنص اليل عمتي كتلها غلست وعمي مستحيل
اكله وفلوس ماعندي ادز وي سيف ولو هوه ماينشف
ابدا خليت مي دافي على قوطيه نفسها وخضيتها
وفرغتها
بلممه اسمه حليب خفيف كلش شربته ونامت
اباوعلها شلون نايمه وابجي لو ابوج موجود جان
جابلج حليب مكابلتها وكاعده احتاجيت اروح للحمام طلعت جان
الجو كلش بارد لبست شالي ولفيته زين وطلعت
كملت وجاي ارجع لغرفتي سمعت صوت بره فتحت
باب الهول واسمع الصوت بلمضيف تقربت باوعت
من الشباك سيف وكدامه صينيه بيها بطل مشروب
وكلاصات وياه بنيه لابسه لبس فاضح بقيت
مصدومه بسرعه رجعت طبيت للبيت لان المضيف
بابه خارجي قريب على باب الشارع ولاتوقعته
يشرب،وزياده يخونها لفاطمه اكول وداها لهلها وره
العشه زين امه ابوه شي اكيد يدرون بي ركضت
طبيت وستوني اريد اصعد الدراج واسمع صوته وراي
سيف...شههههرزاد حجاها بثكل ومايدري بروحه
كتله هاا محتاج شي
سيف....اااانتي،جنتي،تباووووعين من اللللللشباك
شهرزاد...اي اني معبالي،انته
سيف....سمعي كللللش زين اذا سمعتج مسولفه
الشفتي لواحد طلاكج على ايدي ويضرب على ايده كل قوته
شهرزاد...شدخلني بيك لاشفت ولاسمعت وعفته وصعدت
لغرفتي بقيت افكر بلشفته ليش هيج يسوي ودوم
اشوفه دايخ بس معبالي يشرب لان قليل يتواجد
بلبيت كعدت الصبح وكلي شوق وحماس للقاء
حبيبي وروحي وحياتي وكلشي بالدنيا سبحت
وحضرت نفسي وبدلت لبنتي ومنتضرينه
شويه وطب جبران وطب وياه الفرح والامان
والحب اباوعله ودمعه بطرف عيني سلم على اهله
وعينه عليه واني واكفه بعيد استحي اسلم عليه
كدامهم تلكته روعه تريد اسلم عليه عافها واجه
بتجاهي ولمني لحضنه وراي غرفه طليعه هيه حضنه وهيه دفعه للغرفه..........
يتبع......
تثبيت حقوق يوسف محجوز من قبل متابعتنه الحلوه الكيوت حجزته بلخاص zz____2
.
حبايبي،متابعيني للتوضيح حتى تتوضح الامور يمكم اني بطبيعه سردي اكدر اسمي البسيط المبسط وماحب اماطل بلاحداث لذالك البعض يشوف اتلافه ذكر اشياء لاتقدم ولا تاخر بلاحداث متستاهل ادوخكم بيها اجيكم بلمفيد فقط وماحب اسلوب المماطله لذالك اختصر،بعض التفاصيل الماتستوجب الشرح وسالتوني هواي شنو سبب سفر راجح وليش يعوف اهله كلشي يتوضح عدكم بلبارتات القادمه لان القصه راح يتغير مسارها وتاخذ ابطالنه لغير منحدر.
اختكم... حنين العلي