Three weeks later...
Abby's POV
"Grey hindi pa rin ba kumokontak sayo si Raven?" Tanong ko sa kanya habang nagmamaneho siya. Maaga niya akong sinundo ngayon, magmula kasi ng maging kami ay sabay na kaming pumapasok sa school.
"Hindi pa rin Princess" malungkot niya lang na sagot.
Akala ko kahit papaano ay magsasabi siya kay Grey.
Marami na ang nagbago magmula ng hindi na siya magparamdam sa amin. Wala kaming kaalam alam sa kinaroroonan niya. Pati ang ate niya ay napagtanungan namin pero wala rin siyang alam.
Hayyy nakakamiss na rin ang babaeng yun. At hindi lang pala siya, pati ang buong barkada.
Nagbago na ang barkada, onti onti na kaming nagkawatak watak. Bibihira na rin kaming pansinin ni Ison. Yung dalawa naman parang mailap na rin sa amin ni Grey. Para bang isa isa silang nawawala sa akin.
Minsan nga napapaisip ako kung sana hindi ko na lang muna sinagot si Grey okay pa kaya kaming lahat? Hindi naman sa isinisisi ko sa kanya o kung kanino pero kasi magmula rin ng maging kami nangyare naman ang lahat ng ito.
Kaya nga hate ko ang sobrang nasisiyahan ako dahil may kalungkutan din yung kapalit, kaya ang mas mainam ay yung katamtaman lang.
Pero hindi naman din tama naisipin kong ganun, wala namang ginawang mali si Grey sa katunayan nga mas lalo ko siyang nakilala nung maging kami. Kahit pa sabihing napag iiwanan na ako ng mga kaibigan ko, si Grey ni minsan hindi ako iniwan sa ere.
He never misses to cheer me up every time down na down na ako. Kaya I need to stay strong for us. Pagsubok lang ito. Maybe someday babalik din kaming lahat sa dati. Grey deserves to be happy too kaya kailangan kong magpakatatag para sa kanya at para sa amin. Pasasaan bat babalik din ang lahat sa dati.
Kaya kapit lang!
"Are you alright love?" Napalingon naman ako sa kanya.
"Ah hehe sorry may iniisip lang ako " nahihiyang paumanhin ko sa kanya. Para kasi akong timang na pataas taas pa ang kamay habang nag-iisip.
Teka nasa school na pala kami.
Habang naglalakad kami ni Grey papasok ng school ay natanaw ko ring magkasama sila Trish at Via kaya minabuti kong lapitan sila.
"Trish, Via pwede ko ba kayong makausap" I decided na ako na ang unang magreach out sa kanila. Ayoko na rin kasing patagalin kung ano man tong misunderstanding namin, alam kong meron dahil hindi naman sila magiging mailap sa amin ng ganito kung wala.
Bahagyang tinapik naman ni Grey ang balikat ko at sumenyas na iiwan na muna kaming tatlo. Pansin din naman ni Grey ang pag iiba ng pakikitungo ng dalawa sa amin, minsan na din naming napag usapan yun.
Nakahinga naman ng maluwag ng pumayag sila so pumunta kami sa may malilim na part ng oval para makapag usap.
"Girls alam kong may mali kami at kung ano man yun humihingi ako ng sorry sa inyo pero please wag na kayong lumayo sa akin o" malungkot kong saad. Minsan lang kami magkatampuhan pero hindi umabot sa ganito katagal kaya hindi ko kayang hindi sila kausapin.
"Hayy hindi naman kami lumalayo sayo Abby" saad ni Trish.
"Tama si Trish, nagtatampo lang naman kami" sang ayon ni Via.
Napayuko naman ako at pinigilan ang sarili kong maiyak.
"Huy wala ngang iyakan. Nagtatampo lang naman kasi kami dahil parang wala kami kaideideya sa nangyayare" huh?
"Oo nga Abby. Para kaming outcast sa barkada" san ayon uli ni Via kay Trish.
"Bakit? Anong ibig niyong sabihin?"
"Para kasing kami lang ang walang kaalam alam sa nangyayare. Yung sa inyo ni Grey alam naman namin pero yung kina Harry at Raven? Yung reason bakit sila nagkahiwalay? Hindi naman sa nanghihimasok kami pero kasi hindi ba friends tayo? We belong in this group right?Pero bakit parang kami lang ang walang kaalam alam? Nag aalala din kami sa dalawa pero clueless kami sa nangyayare Abby kaya ayun we thought we don't belong anymore" ani ni Trish.
"Look girls I'm sorry for making you feel that way pero hindi ko lang naman masabi sa inyo dahil ayokong pangunahan si Raven. Remember nung gabi ng birthday ni Ison na bigla namin kayong pinauwi? May nangyare ng gabing yun and I'm not in the place to tell you that incident so please sana maintindihan niyo kami ni Grey kung nailihim man namin sa inyo" agad naman nila akong niyakap after kong sabihin yun kaya tuluyan ng bumagsak ang luha ko.
Hayyy sobrang namiss ko sila.
"Sorry din Abby sa inasal namin ha" paumanhin rin ni Via.
"Yeah sorry din Abby. Namiss ka naming bruha ka huhu. Humanda si Grey ngayon hihiramin ka muna namin hahaha" natawa naman ako sa huling hirit ni Trish.
After naming tatlong makapag ayos ay sabay sabay na kaming bumalik sa room. Medyo nagkakasiyahan na kami dahil nga rin namiss namin ang isa't isa though kulang parin kami kaya limit parin ang saya.
"Guys narinig ko may bago tayong literature teacher. Substitute ni Mrs. Cruz!" Oh.
"Saan naman kaya napulot yang balitang yan? Never pa kayang umabsent o nagfile ng leave si Teacher Grace tss" sabad naman ni Trish. Sabagay pero baka emergency rin.
"Hey love. How was it?" Malambing na tanong sakin ni Grey pagdating namin sa room.
"Achuchu kayo na talaga hahaha, gosh enlenggem" pang-aasar pa ni Trish kaya natawa na lang kami.
"I see"nakangiting tatango tangong tugon na lang ni Grey. Gets na niya dahil sa inasal ni Trish, it means okay na uli kami haha.
Nasaan naman kaya si Ison? Isa pa yun kailangang kong kausapin.
Nagkanya kanya muna kami ng pagrereview para sa quiz namin sa isang subject namin mamaya ng maramdaman kong dumating na rin si Ison.
Nginitian ko siya kaya lang umiwas naman siya sa akin ng tingin kaya medyo nadismaya ako.
Hayy siguro mamaya na lang after class.
"Good morning kids!" Bungad na bati sa amin ng Principal na ikinagulat naming lahat.
"Good morning Miss!" Bati rin naming pabalik sa kanya.
"Kids I want to introduce to you your substitute literature teacher, Miss Laurence you may come in" Oh! Tama nga yung balita kanina!
"Abby namali pala ako hehe totoo yung chika kanina" bulong sa akin ni Trish.
Pumasok naman ang isang matangkad ding babae pagkasabi ni Principal Cadres.
Shocks!
Naghiyawan naman ang mga masiba naming kaklaseng lalake.
Nako basta girls ang pag uusapan asahan na talaga sila.
Napansin ko na pati rin ang magaling kong boyfriend at bestfriend ay napatulala sa new teacher tss. Mga lalake nga naman oo.
"Hi Guys! I'm Maverick Laurence your sub teacher in literature, I hope you'll learn so much from me" malambing niyang bati rin sa amin.
Err ang ganda rin ng pangalan niya.
Pero wait mukha rin siyang foreigner.
"Kung nagtataka kayo si Miss Laurence ay isa ngang foreigner ngunit dito na siya nanirahan sa bansa natin kaya fluent siya sa pagsasalita ng salita natin. Osige maiwan ko na kayo. I'll leave you here Miss Laurence. Let me know if you need anything,okay?" Saad pa ni Principal.
"Thank you Sir" sagot ng bagong teacher sa kanya.
Paglabas ng Principal ay agad niya kaming hinarap with all the poise.
Shocks nakakaintimidate ang dating niya parang si Raven lang. Mukha rin siyang bata para sa profession niya. I think mga nasa twenties palang siya.
"Oh hey there Harrison" nagulat naman kami ng lapitan niya si Ison.
Magkakilala sila!?
"Magiging student pala kita hmm. It's great then" saad niya pa.
Hindi ko naman narinig ang sagot sa kanya ni Ison.
Inumpisahan niya muna ang klase namin ng pagpapakilala namin isa isa sa kanya. Hindi din naman siya masungit tulad ng inaasahan ko, medyo intimidating lang ang dating niya sa umpisa.
Pinagpatuloy niya na lang din ang naputol na lecture ni Teacher Grace kaya hindi na kami nahirapan. Napag-alaman din naming si Teacher Grace din ang nagrekumenda sa kanya bilang kapalit nito at hindi lang yun dahil magpinsan pala sila. Well hindi naman maipagkakaila dahil si Teacher Grace ay mestisa rin naman.
"Love? Is it okay if hindi ako makakasabay sayo ngayon sa break? Nagtext kasi si coach may meeting daw kami" paalam sa akin ni Grey pagkatapos ng class namin.
"Hmm okay lang. Kasama ko naman sila Trish at Via" nakangiti kong sagot sa kanya.
"Thanks Love!" Sabay mahinang pisil niya sa pisngi ko. Ayan na naman siya haha.
Buti na lang at hindi nakita nung dalawa kundi baka inasar na naman kaming dalawa.
Hinatid lang kami ni Grey sa cafeteria after nun pagkatapos ay dumeretso na rin siya sa gym para sa meeting nila. May laban na uli kasi sila next week.
"Uy si Harry yun oh kasama yung sub teacher na si Miss Mav. Magkakilala pala talaga sila no?" Napatingin naman kami ni Trish sa tinutukoy ni Via.
Oo nga magkasabay sila ngayong kumakain sa cafeteria.
"I smell something fishy" pareho naman kaming natawa ni Via sa sinabi ni Trish. Loka loka talaga to.
Medyo malapit ang napwestuhan namin kina Ison kaya manaka nakang napapasulyap ako sa kanila at hindi ko talaga maiwasang hindi mapaisip, parang ang close naman na ata nila sa unang pagkakakilala palang, kung ito nga ba ang una.
"Okay ka lang Abby?"
"Ah oo naman" nakangiting sagot ko kay Via.
"Namimiss niya lang si Grey haha" biro naman ni Trish.
"Hmm nga pala Abby may balita na ba kayo kay Raven?" Pag-iiba naman ni Via.
"Oo nga pala. Kamusta na kaya siya?"
"Wala pa rin kaming balita. Pati si Grey hindi niya kinocontact" sagot ko sa kanila.
"Baka ayaw niyang magpahanap talaga?" Saad pa ni Trish.
Yeah baka nga.
But I hope she's okay and sana bumalik din siya agad.
Hayyy sana talaga maayos na ang lahat ng ito.
....