يمكن شوية تنصدمون.. لززمو نفسكم 😂😂😍❤️😘
2020 /٦/٢٧
وصلتهم هديل لباب البيت ووكفت
هديل: هذا البيت... واكو رجال برة يكدر يساعدكم
عصام: ما رح تنزلين؟
ضحكت
هديل: ما احب العاطفة الزايدة ما اريد اشوفها
وتعبانة كلش اريد اروح للبيت حتى هم اساعد ماما للغدة...
عصام: ماشي على راحتج
اذا بقينا على غدة عود ادزلج مسج
هديل: تمام.. الله وياكم
عصام :باي
خالد: توصلين بالسلامة.. الله وياج
هديل: ميرسي.. الله وياكم...
نزلو وهية راحت
دك الباب وهو متوتر ويباوع على خالد
طلع ولد شاب بعمر تقريبا ١٥ سنة
سوالهم طريق وكعدو بالاستقبال منتظرين ابو محمد
ورة شوية اجة ابو محمد من شافهم ما عرفهم بس رحب بيهم كضيوف
ابو محمد: اهلا وسهلا...
وكفو واستقبلو مبتسمين اول ما دخل سلم على خالد وراهة عصام
ابو محمد: تفضلو ليش واكفين
عصام: ما مشتاقلنا؟
صفن عليهم وسكت مثل الي عرف هذولة منو
هديل....
واكفة بالتقاطع منتظرة الاشارة باوعت من الجامة ورجعت نظرها للامام وراها انصدمت ورجعت عيونها علية... تنفست وهو نزل من السيارة قفلت الباب حتى ما يفتحهة
باوع عليها وحط ايده على الجامة
عصام...
ابو محمد: وين جنتو.. ؟
ليش هيج ليش؟
حسبي الله ونعم الوكيل بالي خلاكم تتبهذلون هيج
ويبعدكم عنا
يبعد روحي والله كلبنا فار عليكم
ورة دقايق من البجي والمواساة كعدو والكل سلم عليهم وتعارفو وجانت عائلة كللش جبيرة
ابو محمد: سولفولي شصار؟
شون وصلتو لدبي وشلون طلعتو من العراق هيج بهلسهولة ؟
خالد: بعد ما صار القصف وطلعنة من البيت اجينا لهنا وانت تدري احنا صغار فجابتنا مرة على ما اتذكر وما لكينة احد بالبيت، البيت جان فاارغ تماما ومثل المهجور
ابو محمد: صح.. صار قصف قوي يم البيت اخذنا الجهال ورحنا للبصرة لان جانت شوية امان
خالد: ابوية كلي اذا ما لكيتو احد حاولو ترحون للسماوة يم خالكم امجد وصدك رحنا لهناك ومن كلنالهم ماكو احد بالبيت بعد
كالو اكيد طلعو او ماتو يا ستار وما رح نلكالهم اثر ابقو هنا
ورة سنتين اني اشتغلت وية خالي بالمطعم الي فتحة بس شاف الوضع صار اسؤ وكال رح اروح لدبي حتى افتح مطعم واعيش منة كنالة نجي وياك وصدك طلعلنا جوازات ورحنا ويا ووية عائلتي الي ابد ما قصروا ويانا
وهناك درسنا ودخلنا جامعة واشتغلنا ومشت الامور الحمد لله
وخالي توفة وزوجتة هم توفت وبناتة تزوجو وابنة الجبير بعده بدبي لازم مطعم ابو
ابو محمد: زين شوكت سافرتو شنو اكثر من مرة ردنا نوصل لخالكم وما كدرنا؟
عصام: صح لان احنا من رحنالهم جانو ديشيلون لغير بيت تدري لان خالي جان بالحزب فخاف بذاك الوكت وطلع من بيتة
وورة سنتين من شاف الحالة صارت اسؤ كال خلي نسافر احسن لان خاف لا ينكتل
ابو محمد: والجوازات شون طلعلكمياها؟
خالد: امي حطت المستمسكات مالتنا بجيوبنا وابوية انطانا هذا الصندوك وكال من توصلون لعمامكم تنطوهيا لان هذا امانة ومال عشيرة
انطا الصندوك مال عملات وظل ابو محمد صافن عليهم وضحك
ابو محمد: حيللللل.. هذني بعدهن
والله جنت ناسيهن
عصام: عمي هاي شنو سالفتهن؟
شو يخوفن وما شفت مثلهن قبل
ابو محمد: يابة هذا الصندوك سالفتة سااالفة
هذا واحد من اجدادكم الي عاش بزمن العثمانين
كتل ١٢ ضابط رتبة عالية بالجيش العثماني والدولة انطتة ذني تكريم الة عاد كال كل وحدة رح انطيها لواحد من احفادي يمكن جانن ١٠٠٠ مسكوكة ذهب
ما رضى يبيعهن حس انو ذني شرفة ووسام شجاعتة
عصام: الله يرحمة
ترحمولة جميعا
ابو محمد : اي يولد... غرفتكم رح تتحضر حتى تبقون هنا .. مو مال تبقون بالفنادق وبيتكم موجود
خالد: عمي احنا ما جنا بالفندق جنا بيت ست هديل وما قصرت ابد ويانة الله يحفظها ويحفظ اهلها
ابو محمد: اي ما مقصرة من اليوم الي اجت بي للبيت وخلتني احجي وياكم...
بس من اليوم رح تبقون هنا ميصير تبقون ببيت العالم وبيت جدكم موجود
صدك انتو منينن تعرفوها لست هديل ؟؟
خالد:صارر عمي تؤمر...
جانت تشتغل وية عصام بنفس الشركة ورجعت للعراق وعصام امن الها وكللها تشوفكم اذا موجودين او لا
ابو محمد: عمري ما شفت بنية مثلها
ادب واخلاق وجمال... الله يستر عليها وعلى كل بناتنا
خالد: اي والله عمي ادعي الله يستر ما تنلكف بين ما عصفورنا يفضها
عصام خزر خالد وكرصة وابو محمد ظل يباوع عليهم ويضحك بس كت وما علق
وجان عصام يضحك ويكول بكلبة
عصام: امين
هديل....
فتحت الاشارة ومشت بالسيارة
بس تندمت ورة ثواني وهو جان يباوع عليها
ركنت سيارتها يم الرصيف وانتظرتة يجي
نزلت الجامة ولبست نظارتها وحجت بتكبر
هديل: شتريد سمير ؟؟
باوعلها وسكت
سمير : صدفة حلوة...
بس الشخص الي جنت اريدة طلع مو نفسة
هديل: اختصر... اريد اروح ورايا مشاغل
سمير : لا ماكو شي.. بس حبيت اشوفج... واشوف عيونج.... وياريتني ما شفتج ...
ضحكت بصوت عالي
هديل: هذا الي جنت اريدة
هاي الكلمة....
اني هسة مرتاحة كلش.. لان اثبتت الك اني ما ادمرت من بعدك... اني قويت.. لان انت جنت ضعيف وعديتني بس تعالجت
اتمنى تشرفني بشركتي نشرب كوب كهوة
طلعت كارت الشركة ونطتهيا ودتحجي بكل تكبر وبرود وابتسامتها الجانبية المشمئزة من شوفته جانت كلش واضحة
ابتسم واخذ الكارت وهية اشرتلة باديها حتى يبتعد لان تريد تطلع
هديل: چااو...
سدت الجامة وهو وخر وداست بانزين ب كل قوتها وطلعت
هديل : عبالك اني هديل القديمة....
لا حبيبي اني المهندسة هديل
الي تهدم بنايات وما تنهدم
٢٠٢٠/٦/٢٩
احبكم...