لا يناسبني

عشاء

٢٠٢٠:٥:١٩

انصدمت من وكف كدامها وعدل سترتة وابتسم
ظلت فاتحة حلكها وتباوع عليه

هديل: هاي انت؟؟

اشرلها على الكرسي وسحبة حتى تكعد عليه

عصام: اي اني...
اهلا بيج..
تفضلي

هديل:شكرا..

كعدت كدامة بحالة توتر لان ما فاهمة شي

عصام: اكيد دتسألين عن سبب العزومة

هديل: وياريت تشرح

عصام: خلينا نعتبرة عشاء اصدقاء عمل وجوارين

هديل: جوارين؟؟

عصام :اني ساكن بنفس العمارة الي انتي ساكنه بيها
شقة ١٨٧

هديل : اوك... اهلا بيك
بس بصراحة بعدني مستغربة من العشة

عصام: ادري..
صدكيني اني مجرد شخص حبيت اتعرف عليج لا اكثر ولا اقل
من شفتج كمت اتذكر بغداد ودجلة شون تجري بنصها
والبغدادية الي تمشي بشموخ عالجسر

هديل: كلش متاثر بالمسلسلات مال الزمن القديم
وليش ما ترجع الها اذا انت هيج مشتاق ؟؟

عصام: ما اكدر

صاح للنادل وجاب القائمة

عصام: اطلبي..

هديل: طبق رقم ١٧ لو سمحت

عصام: واني ٢٢
شكرا..

رجعلة القائمة وحط ايدة جوة حنجة ويباوع عليها

هديل: ممكن اسأل ليش؟؟

عصام: مطلوب عشائريا

جاوبها وضحك وضحكت هية هم بس هو نزل راسة لثواني ورجع باوع عليها

هديل: لا صدك

تغيرت ملامحة لنص ابتسامة وعلامات الوجع جانت مبينه عليه

عصام: اهلي كلهم توفو بالطائفية
وبقيت بس اني واخوية
اجينا لهنا حتى نحافظ على السلالة

هديل: انت متزوج؟؟

عصام: لا.. اخوية متزوج وعندة ٣اطفال

هديل: الله يخليهم

عصام: تسلمين
اي.. وانتي ليش هنا؟؟

اشرت على نفسها
وردت

هديل: اني؟؟

سكتت بس عصام حس على نفسة ضايقها

عصام: هديل.. خلي اوضحلج شغلة
لا تعتقدين اني اريد منج شي..
اني فقط اريد اكون صديق
من زمان ما شفت بنية بغدادية مثلج
والي شدني انج محافظة على قيمج العراقية بمكان مثل دبي
فاذا تحبين تكونين صديقة الي لان ما اعتقد عندج اصدقاء هنا رح اكون سعيد جدا