لا يناسبني

حداد على قلب احب

2020/5/9

بين جفوني استقرت دمعة من شفتها
انهضمت وحسيت الدنيآ دارت بيه
ما مرتاح بس كلبي ملهوف لشوفتها
وجن ريتي ما تتحمل بلا عطرها
حاولت اضم شعوري وما ابين الها اني مشتاق
بس اكو شعور بداخلي كلي رح تفشل بهلشي

عودة......

شال راسة بعد ما جان يشم بالزرع ويلم الزبل والاوراق اليابسة من الكاع
شاف سيارتها دخلت للبيت
ركض بسرعة ووكف بعيد حتى ما تشوفة
وظل يباوع عليها شلون تنزل من السيارة وشون تسلم على الموجودين بكل ثقة وفرحتها ما تنوصف

سيف: ااااخ لو اكدر الزم ايدج واخطفج من هالچوكة
واضمج بكلبي وما اطلعج ابد
اخخخ يا كلبي شوكت ترتاح

دك على صدرة ورفع عينة للسمة
شافهم دخلو للبيت عاف كلشي واخذ سيارتة وطلع

سيف: ما اتحمل اشوفج كدامي وما اكدر اصفن على عيونج واحجي وياج
خليني لازم روحي لحد ما يخلص هالعرس الكشرة

راح جاب سرمد من الحلاق واخذ القاط مالتة من الكوي والطريق كلة سرمد وجعفر وسعد يركصون
وهو كاعد يضحك عليهم
لحد ما وصلوا للبيت عافهم و دخل لغرفتة
سبح، غير ملابسة
لبس قاط نيلي وقميص سمائي بدون رباط وساعة سودة وچفية بالجيب سمائية بنفس درجة لون القميص
وراها لبس حذائة
فتح الكنتور حط رشتين من العطر الي جابتلهيا

طلع من الغرفة شاف الولد كلها ملتمة بغرفة سرمد
خطف نظرة على الممر بلكت يشوفها بس عرف انو ماكو اي احد والغرف فارغة
دخل لغرفة سرمد ومصطفى ظل صافن علية

مصطفى: ولك سيف طالع انت العريس

سيف ابتسم وما حجة شي
وكف يمة سرمد ودنك علية وهو معصب
التفت علية مصطفى وفز
رجع ليورة بسبب ردة الفعل

سرمد: ترة اني هنا حبيبي

عادل: يابة انت الجمال كلة
شنو قابل اكو احد احلا منك... غيري طبعا

عدل بقاطة واجتة كفخة من سرمد على راسة وضحكو عليه

مصطفى :هاي الي ردتها
تستاهل

جعفر: لك يابة والله كلنا حلوين بعد شتردون

مصطفى : اي صلو على محمد... كلنا طالعين درزن
كلنا لابسين قوط
هسة حتى الغريب ميدري ياهو العريس

جلال: فديتنا.. نخبل غير.. عراقيين بعد

عادل: وشحدة الي يقارنا بأحد

سرمد: هااا رح تسوون هوسات بغرفتي..
نزلو جوة

اندارو كلهم بعد ما اندكت الباب
سيف جان يضحك واندار اختفت ابتسامتة فجأءة وظل هايم بيها وبجمالها
تقدمت على سرمد وعيونه ما فاركتها
ظل يتأمل ملامحها وطريقة كلامها ويا
لحد ما خلصت حجي هو جان مثل المشتعل ومحد يكدر يطفي لان مديشوفو
عيونة دمعت وحاول يخفي هالشي بس مصطفى شافة وانتبه علية
جلال حط ايدة على جتفة حتى يواسي لان يعرف كلشي
وعرف شنو بداخلة بسبب نظراتة الها