⚔عشق الملك برقان⚔
👑oumaima mega 👑
👣61👣
آية لبست حويجها و نشفت شعرها و جلست كتسنا برقان باش يرجع و مقلقة منووو ...تكات شوية حيت عيات من بعد هاد العلاقة الجنسية ...و بدات كتنعس و كتسد عينيها عيانين .....و كتميل و كتغرق في النعاس ...حتى كتسمع صوت خطوات كيتمشاو و كيترددو بين الجدران الصوت زعجها و بدات كترجع تحل عويناتها ....كانت جالسة في كرسي الحكم ديالها بجانب كرسي الحكم ديال برقان ...في قاعة الحكم ...اية ناضت بشوية كتشوف في جنابها فين هي معرفتش حيت دنيا كانت مضلمة ....كان شرجم واحد لي مفتوح الفوق عاطي بضو القمرة لداخل ....ناضت بشوية نزلت في دروج هاد البلاصة فايت ليها شايفاها
آية كتقلب بعينيها : برقان برقان ؟ ...هو يهدر صوت من وراها : مكينش برقان دابا ...شهقت و دارت دغيا من وراها ...كان ملك عبدالله واقف وعاطيها بضهرو كيشوف في الشرجم و داير يدو من وراه
اية بخوف : ش ش شكون نتا ؟
عبدالله دار عندها بشوية : كنظن سبق لينا تلاقينا ا اية (اية جبدات عينيها عاد عقلت عليه) انا الاب ديال برقان (اية ضمات يديها و حنات راسها ليه احتراما وهو كيتمشى لعندها ) جبتك لهنا باش نطرح عليك شي اسئلة (اية هزت فيه راسها وهو وقف قدامها و دار يدو من وراه ) واش عارفة نتي شكون هو برقان و شكون حنا ؟ واش عمر هاد الاسئلة دارو في راسك (اية دورتها في راسها بصح هاد الاسئلة دايما كطرحهم مع راسها وكتسولهم لبرقان ) صراحة انا عمري شفت فحالك واش مكتلاحضيش شنو كيوقع ليك و لا مبغاش تشوفي الحقيقة و تعرفي حقيقة برقان
اية : ب ب بغا نعرف ح حقيقة برقان باغا نعرف شكون هو
عبدالله هز راسو لفوق : ادن حلي ودنيك معايا مزيان برقان من عالم اخر من غير عالمك نتي (اية غيرت تعبير وجهها لإستفهام بمعنى مافهمتش مزيان ) برقان ماشي من الانس هو من العالم لي حاطة فيه رجلك دابا ( اية : كيفاش مافهمت واالو من هضرتك) برقان من عالم الجن وهو ملك الجان (فحال الصاعقة ضربت وجه اية و هي كتشوف فيه و البهضة والصدمة ركبتها و ديك ملك للجان كتردد في ودنيها ) يعني هو مكينتميش للعالم ديالك نتي
آية : ش ش شنو كتقول ه ه هادشيي ميمكنش ميمكنش
عبدالله : اية فيقييييي من هاد الاوهام كتحاولي تغمضي عينك على حقيقة برقان انا عارف بلي جاو قدامك بزاف ديال العلامات لي كتأكد لييك هادشي و لكن نتي مكتبغيش تشوفيهم
اية حطت يديها على ودنيها مبغاش تسمع و عينيها كيدمعو : لا لا لا مستحييل هادشي ميمكنش
عبد الله : واخا يمكن ليك تاكدي من صحة كلامي بنفسك برقان مكيبانش انعكاسو في المرايا و لا شفتي فيها مغتلقايهش وغتعرفي حقيقتو حاولي تجربي و غتشوفي هادشي لي كنقولك واش بصح ولا لا ...اية حيدت يديها على ودنها و قلبها كيضرب بالخوف ودمعة في عينيها كتمنى هادشي يكون غير حلم و ميكونش بصح ...و هي تسمع شي تخرشيش من موراها ...يلاه غدور باش تشوف و هي تفقد الوعي ...كان واقف حرس من حراسو
عبدالله باقي في بلاصتو : دي هاد الانسية لشي بلاصة ديال لاحلام لي خاصها تكون فيهم فحال بني جنسها حيت مبغيتهاش تفيق دابا .... و خلاها و مشا خرج من القاعة⚔عشق الملك برقان⚔
👑oumaima mega 👑
👣62👣
في الغرفة ديال شمس القواميد ...كان برقان باقي جالس مع ام الجان ...حتى دخل عليهم عبد الله و وقف على راسهم
عبدالله : كيف بقيتي
شمس القواميد : انا بخير دابا
برقان عقد حجبانو : غادي نخليك دابا ا ام الجان ...و هز يدها باسها ليها و ناض وقف و دار كيشوف في باه بنفس النظرة بنفس تخنزيرة بنفس القوة و التحدي ... و حيد نظرو عليه و دار خرج فحالو من تما ...عبدالله تبعو بعينو حتى خرج
شمس القواميد ناضت جلست : صافي قلتي ليها كلشي ؟
عبدالله دار و جلس حداها و شد من يدها : شمسي سمحيليا بزاف حيت خليتك تمثلي المرض و لكن هادشي لمصلاحة ولدنا برقان انا قلت ليها كلشي واخا امرها غريب متشبتة ببرقان بوحد طريقة غير طبيعية
شمس القواميد : واش متيقتش ؟
عبدالله : غادي تيق و غادي تخدم ليها الغريزة الانسية ديال الخوف و غادي تهرب منو فاش تاكد انه من الجن و انا عارف برقان مزيان الى تلقى الرفض من عندها مغاديش تشوفو مرة اخرى هو معاها غير حيت هي باغا وقابلة بهادشي
شمس القواميد : و عندك توقع لولدي شي حاجة ؟
عبدالله : برقان قوي بزاف مغيتأثرش برفض ديالها
شمس القواميد : و لكن هو مصاب دابا بداء للعشق و كلنا كنعرفو هاد الداء ما ليه دواء ويقدر يهدم اقوى الرجال
عبدالله : و برقان ملك عضيم وقوي مغيهزموش داء فحال هادا كلها نزوة و غادي تمشي
في نفس الغابة لي تعمل فيها السحر الاسود للآية ....كانت القمرة طالعة ....و ديك السحارة ملوية في لارض كتركل و مقجوجة بشعر آية لي تقج بيه الفكرون و مكتفة كيفما كتفت الفكرون ...و مدكوكين فيها المسامر و الكشكوشة خارجة من فمهااا ... و واقف على راسها حرس ملكيي ...هي مخرجة فيه عينها ....برقان واقف بعيييد و مربع يدو كيشوف في ديك المرة لي دارت السحر الاسود لمرتوو باش ميسمعش موتها و غواتها ... بقا كيشوف فيها حتى تزهقت روحها ...كيفما زهقت روح شحال من كائن حي و دمرت حياة شحال من واحد ...خلاها و مشا دار كيتمشا كيتسمعو غير خطاوييه في الصدا ديال الشجر كيعلنو على مرور ملك الجان من تما
اصبحنا و اصبح الملك لله ....اية في فراشها فاقت على صوت المنبه ناضت بشوية عليها شافت الساعة شحال هو هادا الوقت باش تمشي للافاك ...حطات تليفون و دارت يمين و شمال برقان من نعس معاها البارح مجاش ...و هي تفكر شي حاجة بلاتي بلاتي حلمت بي لأب ديال برقان لبارح ....بلي قال ليها برقان ماشي من لإنس هو ملك الجان ....وسعت عينيها و قلبها تقبض عليها و بدات تحرك في راسها ...بلا ميمكنش هادا غير حلم ...ناضت دغيا وقفت كتفكر في كاع داكشي لي داز عليها و كتشد من راسها و دور في عينيها ....شي حاجة متقبلهااااش عقلهاااا بتاتااااا ...نفضت راسها من كلشي و مشات توضات و مشات صلات كتدعي لمولاها ربي و بقات من ورا الصلا شحااال و هي كتفكر يقدر يكون هاديك علامة من عند الله حيت طلبت تعرف حقيقة برقان ...و لكن متقبلتش بلي هو من الجن هادشي مستحيل ولات غير كتخربق برقان انسان حقيقي و هي متأكدة من هادشي...حتى قفزها صوت التليفون كيصوني⚔عشق الملك برقان⚔
👑oumaima mega 👑
👣63👣
ناضت لتليفون كان محمد امين جوباتو و متحسسة منو : الو محمد امين
محمد امين : صباح لخير ا اية كيف بقيتي مزيان
اية : ءءء اممم الحمدالله
محمد امين : انا كنتسناك لتحت باش نوصلك للافاك واخا
اية : واخا...و قطع استغربت اية شكون قال للمحمد امين بلي غتمشي للافاك اكييد غتكووون غير نجوى ...ناضت دغيا لبست حويجها ...هبطت لعند مها كانت نيت موجدة الفطور كلات غير بالخف دغيا دغيا ...حياة عرفت بلي محمد امين لي غادي يوصلها طمنت عليها ....خرجت اية مشات لوطو ديال محمد امين طلعت فيها و نفسها مقبوضة عليها غا كدور في عينيها
محمد امين تبسم : اية
اية دارت ليه نص ضحكة و لاصقة على لباب : سلام
محمد امين بغا يقرب ليها يدو و هي تخشات في الباب و هو يرد يدو عندو : آية واش نتي بخير كتحسي براسك مزيان ....دارت ليه غير ااه براسها ...هو يحط يدو على كتفها ...حتى دارت عندوو : شنوو بان ليك نخرجو ليوم متبقايش قانطة غير في دار
اية حركت ليها راسها بزربة بالنفي وباغا تبعد من يدو : لا لا مافيا ما يخرج
محمد امين قرب منها : آية ....هو يحل عينووو على جهدها و غوت و رجع بلووووور ووجهو مخطوووف ... اية تهيا تخلعت و غوتت و رجعت لور : اااا م م مالك
محمد امين شد من قلبو : ماعرفتش بنتيي لياا بوحد الوجه كيخلع وجه خايب بزاف ...آية وسعت فيه عينيها مصدومة و رجعت شافت في لارض كدور في عينيها وكتفكر تهيا كتشوف نفس الوجووهة
محمد امين : سمحيليا غتكون غير عيني تراجلت ليا والله حتى تخلعت ...و ديمارا الطموبيل ...اية باقا مدهشرة ومصدومة كتفكر في هضرة عبدالله المدهب لي مبغاتش تمشي ليها من بالها ...هي مقدراش تيق و لكن كلشي باغي يبين و يتبت ليها شي حاجة ماشي حتى لهيه على برقان بعد مدة معينة
اية دارت عندو : محمد امين بغيت نهضر معاك
محمد امين : واش على العرس راه وليدينا هضرو مع بعضياتهم و قررو الوقت و بداو بتحضيرات
اية هادشي لي مبغاتش : محمد امين محتاجة نقوليك شي حاجة ضرورية على هادشي
محمد امين : ها حنا وصلنا (سكت لوطو و دار عندها ) هانا كنسمعك (اية عضت شفايفها كيفاش غادي تقدر تبدا الهضرة و تنهي علاقتهم و هما خمس سنين وهوما مع بعضياتهم و قرب عرسهم شنو غتقوليه محمد امين شاف في الساعة ) غتعطلي دابا على لحصة ديالك حتى نرجع لعندك فاش تسالي و نهضرو صافي ....اية ردت عليه براسها بواخا نيت تعرف ديك الساعة شنو غتقول ...ودعاتو بيديها و خرجت من عندو ...شادة صاكها في كتفها و كتمشا حانية راسها كتفكر في حياتها و في كلشيي و شااردة ...مشات لومفي لي غتقرا فيه قبل ما دخل تشدت ليها دراعهااا بجهد ...دارت مخنزرة و هي تحل عينيها
ايوب مزير على دراعها و ضاحك : اية كيف بقيتيي ؟ (صحابو لور كيموتو بضحك )
اية : حيد يدك متقيسنيييش
ايوب زير على دراعها : و علاش منقيسكش غير محمد امين لي يقيسك نتي ديالي و عندي لحق فيك ....اية قصحها بزااف و هي تهز يدها لخرا و جمعتها معاه بطرشة ...حتى كلشي سكت بالصدمة تمن صحابو ...ايوب تهو تصدم
اية : هادييي اخر مرة تحط علييا يدك فهمتيييي اخر مرة ... و نطرت يدها و دخلت للومفي⚔عشق الملك برقان⚔
👑oumaima mega 👑
👣64👣
ايوب بقا مصدوم متوقعهاااش منها و تبعها بعينو تادخلت ...صحابو يلاه غيبداو يضحكو هو يدور عندهم : هييييه (هما يجمعو الضحكة و دار كيحك في لبلاصة لي تصرفق فيها ) واخا ا اية نتي لي بديتي واخا
اية دخلت لومفي مشات عند نجوى شادة من دراعها نجوى سلمات عليها
نجوى : مالكيي
اية : غير داك ايوب شدني من دراعيي وقصحني
نجوى : ولد لحراااام معرفتش واش غتجي و لا لا اما كون وقفت ليك في لباب منخليهش يقيسك دابا واش يدك باقا مقصحاك
اية : شوية و صافيي هاهو البروف جا ....دخل البروف تما و بدا الدرس ديالووو ....من بعد ساعتين تقريبا سلاو خرجت نجوى و اية من تما و مشاااو لبوفييط ....جلسو حاطيين ليهم جوج كيسان ديال القهوة ديك ديال 3 دراهم ...اية شادة داك الكويس و كتحرك فيه بمعلقة و ساااهية ...و نجوى كتشوووف فيها ماشي من عويد اية تبقا ساكتة هاكا
نجوى تبسمت : اية (اية طلعت فيها راسها ) كملي ليا لبارح كنتي كتعاودي ليا على برقان شنو كتشوفي بالضبط عاودي ليا من اللول انا كنسمع....اية وسعت عينيها شنو غتعاود ليها على اشمن برقان ....واش لي شاكا فيه ماشي من الانس و لي قلبها متخوف من هاد الحقيقة حيت كتبغيه بزااف و متقدرش تخيل حياتها بلا بيه ومستعدة تقطع علاقتها بمحمد امين على قبلو .... شنوووو غتقولييها بضبط
نجوى : اية اية ؟؟
اية ناضت وقفت و هزت ساكها في كتفها : انا خاصنييي نمشييي دابا
نجوى ناضت : اويلي ا اية باقيين عندنا الحصص
اية : درني راسي مغاديش نحضر ليهم بسلامة ا نجوى ...و دارت غادا كتحس بالخنقة ولالم في قلبها ...و نجوى من وراها عيات تغوت اية اية و والو مكتجاوبش .. نزلت يديها كتشوف في صحبتها مبدلة بزااااف ماشي هادي هي اية لي كتعرفها
اية غادا و يديها كيترعدو ...خاصها تقطع هاد الشك باليقيين حاسة بلي غتوصل من ديك لهضرة لشي حاجة حتى لو كانت غير حلم...قال لاب ديال برقان بلي مغاديش يبان انعكاسو في المرايا خاصها تجرب و تشوف ...قلبها كيقول بلي هو انس و حقيقي ...و لكن المنطق كلامووو اخر ... كيبان و كيغبر في بيتها كيف بغا عاد ديك البلايص لي كيديهم ليها ...و دوك الاحلام لغريبة لي كتشوفهم و الحنة لي على يدها و الخوف ديال ديك الشوافة فاش شافت يدها ...زيرت على صاكها كطلب الله متكونش لهضرة لي كانت في حلمها صحيحة تكون غير كتوهم وكتخربق .....دازت غادا لباب خارجة من لافاك باش تشد طاكسي ...و دازت على عينين ايوب لي كان تيكميي و حاضيها و عينو حومر عليها مغيدوزش ليها ديك الطرشة ....يتبع
نهاية قصتكم على الابواب مبقاش ليها بزاف