البارت 69
#الرجل_الاربعيني_ج3
#جميلة_جاسم
داليا...طريق كااملة دموعي مانشفووش ...وانحس في روحي عطشاانه وجيعانه ..امس رقدت من غيير شي ...
سوسن وحماتها اسمها سعاد حسب ما اتكلم فيها. .ايهدرزو مع بعض واني ماشية في عالم تااني ..مانبييش من ايركز عليا...كتمت وكتمت ومعش تحملت ...
اول مرة ..نطلع من غير ادنه ... مشينا فترة..وخشينا شواارع ضيقه جيهة عمارات....
. وزحمة ونااس صغار ..تلعب ...وكبار امقعمزين في القهاوي ..نزلت ..من السيارة..وحاسة روحي في غربة..لامكان لاوطن
...فراااغ في دااخلي بنمووت. منه ..رعد ..وفضل بنت خالته عليا ...اصلا اني من اني بنت حاااتم ..الي عايرني بييه ..
اني بنت عدوه ...رضيت بكذبة زي الغبية ..رضيت اني ننكر اصلي ...سنة وتنين وتلاته الي وين نبي نووصل...
اكثر حاجه كرهت روحي علي خااطرها اني نكرت بووي...مش سببب اني صح تبهدلت وعشت مع خدمات مرت بوي...لاكن ميحقلييش اني ننكر اصلي وفصلي..
عشت في كذبه بنت رعد وفرحت بيها وفرحت بصغر سني اني لقيت حد ايحبني لقيت بو وخو. وام واب...لاكن حلمي ضاااع ..
واقفه وقايمة برق ونشوف لي الناس كلها تشبحلي اصحاب العماارة واقفيين كلهم ...نزلت شنطي في ايدي ...
والكبيرة دخلتها سوسن ....مشيت وري حماتها .. طويلة وعريضة ...وسمرا حلوة شكلها...ولابسة جينز وااسع ...
خطمت من قدام زوز كراسي ..فيهم اتنين رجاله ...اني ورااها ...وسوسن وراي .. وقفت اتسلم عليهم... اني خفت ولا خايفه من رعد انحس فيه بيطلعلي من كل جيها نشبحلها ..
تخطيتها وفتت .. سمعتهم يتكلمو وسوسن اتقلهم ..بنت خالي وجاية من طرابلس اهني راجلها مهناش...
استغربت اني هما شن دخلهم فيها علاش التدقيق ولا شكلي ماريحهمش ....
وقفت وحاضنة برق بكل قوتي ونراجي فيهم ...جت سوسن وسعاد يضحكو ....قالتلي سوسن ...
سوسن ...ارقي هيا داليا ....هههههه هذا عمي رجب ....يسحابك سورية ههههه قتلا لا هذي بنت خالي
سعاد....حقه يشبح فيها خاايفه وعيونها ملونه وشناطيها يسحابها من الاجيئين...
داليا.... اني حزت في خاطري الكلمه مقدرتش انرد ولا انعبر من غير ..ضحكت ضحكة مزيفة ..وهو هذا..
رقيت معاهم الدروج ..عمارة مش جديدة لاكن بنايتها كبيرة.... رقيت وصلنا ممكن رابع دووور ..فتحت الشقه وخشينا التلاته ...
استغربت كأنها قديمة مش مسكونه ..لاكن الباين انها مش حوش سوسن ...بالاصل ...
خايفه من ردة فعل راجلها كيف بندير عند راجل غريب كييف بنفسر لي رعد الي درته ... ياريت عمتي اهني بس يااريتها ....
حطيت الشنطة الي في ايدي ...وبرق ...وانحس في ضهري بينقسم ...من التعب والصياام والجووع بنطييح ...
التفتت لقيت سوسن اتصكر في الباب...وين صغارها ..وين راجلها...المكاان امضلم ..واشبه بانه عمارة مشبووهة..بدو تخيلات الافلام والمسلسلات ايجو في بالي..
ندمتت اشد الندم وشعور الندم يااكل فيا ...ريتني ما طلعت من جداايم ....
سالتها...سوسن وين صغارك وين انتي عاايشة ...وعلاش الشقه انحس فيها قديمة انتي ساكنه فيها توة ولالا ...
سوسن... لالا اني سااكنه عند عزوزتي توة وصغاري..عندي بنت حاليا عند حناها ...وهذي الشقه لينا اني وخواتي وامي ..زمان قبل لا يااخدو لجوء خديناها احني وبوي يعني مش حوش عزوزتي هذا...
داليا... في جزء من كلامها ريحني وفي جزء اخر تعب نفسيا....قتلها..واحني بنقعدو اهني ولا انتي بتمشي ...
سوسن...كلمت صلاح قتله جيب رندة وتعال
داليا.... قتلها واني مخلووعه ..وبيقعد اهني معانا في الشقه ..قصددك
سوسن ....ههههههه خيرك انخطفتي لاله مش قااعد ..قتلا اني وسعاد وبنت خالي قاعدين ...بيجيب حاجات نفطرو بيبهم عاارفه انه الحوش فااضي وصياام ..عمتي امطيبين لفطوور ...
داليا...سكتت والخوف ياكل ويشرب معااي ...نتخيل في رعد لما ايجي يلقااني مش قاااعدة ..تفكرت كل حاجه باهية دارها معاي ..تفكرت ..كل لحضة حلوة...اني عمت عليا الغييرة ...فتحت التليفووون مقفل منبيش من ايكلمني ...
امقعمزة علي كرسي والباقي منادير عاديه وبرق نفس الشي...زلباحته في فمه ويشبحلي وخلاص ....
بدو يوصلو الرسايل المكالمات الفائتة.. اكلهم ارقام دوليه ...
كلمت مودة ...لقيته معنديش رصيييد..وااك ياربي هذا امته تم...تفكرت لما قالتلي مودة كلمتي رعد ..الباارح ..
مشيت لي سعاد لقيتها اتسييق في الحمام..وقفت في الفم ...قتلها...نبي رصيييد سعاد من وين تشرو...
سعاد...توة نفطرو ...ونمشو نشرو ...
داليا ... لاله اني نبي توة بنكلم حمااتي انطمنها عليا...
سمعت صوت سوسن من الدار اتقوولي ..
سوسن...تعالي داليا نبعتلك اني دينار كلميها...
داليا... بااهي يااريت والله ...نبي انطمنها انقلها قعدين اهني ...وحالنا بااهي...وقفت بتليفونها وقالتلي
سوسن...داليا علاش انحسك خاايفه ...يعني راجلك ايديرلك شي يعاركك .ولا كييف امي نهاية الاسبوع قالتلي بنجي علي خااطرك ...متخاافيش احني نااس اهني مع بعض ونلقو بعض ...وعمي رجب هذا بوها العمارة كلها ....
متقوليش ماعندي حد ...اني وقت ليانمشي ونجي علي ليبيا لاكن مش في بااالي انه انتي موجودة ومتزوجه ولا كان هذا وقت عرفت..انتي رحتي حتي سكينه سالتها اكثر من مرة بالتليفوون اتقوولي منعرفش اخبارها انقطعو...
داليا..هيا من دمرني ووصلني للحاله هذي الا سكينه..الله ياخدها ويلعنها ...
سوسن...وصل الدينااار ...ولا....ارتااحي لو تعباانه انتي..واحني انكملو تنضيف الحوش...
داليا....مشيت لي الصاله لقيت برق راااقد ...يناااري يااقلبي نعست ..تبهدلت زي اممك .....قمته حطيته علي المندار..وغطيته ...وقعمزت جنبه ...كلمت مودة ..ضببح لين فصل .عاودت تااني ..وتااالت ..خفتت خيرهم هذو.... عااودت رابع مرة ...ردت طوووول ..صوتها دااهشة واصواات احداها...
خيييرك مودة شششن صاااير قووولي ...
مودة...شن الي مصااارش...قسم بالله جو هيتم ونوري دارو فيينا نهااااار مغبببر ..في جرتك انتي والولهااان التاااني ..
داليا ..خيرهم شن دارو...
مودة...هيتم يحلف مسكيين ايقوول اني طااالع مهناش وهيا مشت ....
ومش امصدقه رعد ...
داليا...وين لقاااه رعد ياااااهمي جيييي ولا شن....
مودة...شن جي بتلييفوون هو احتمال الاردن توة حميييم وبراكيين..الطيران وااقف ورحلات الي نهاية الاسبووع وهو دااااير بييوت من الاخرة. بيموووت كيف اتخلوها تمشي من غير علمي ...
داليا... هوا هذا الي هامه الا من غيير علمي ....السكر هبطلي مودة...قوليلي شن قاال نوري ...
بشوية ومتبالغيش...
مودة...شن انباالغ يااحسرتي ..حصلت هزيبة من نوري قريب طفي الدخان في عييني .ايولعه ويلوحه علي وجهي واقف يتكلم ويسب ويلعن وخلاص....قتلا حقها البنت متزوج اعلييها ..قالي انتو تبو هكي حق متبوش من ايرااعيكم ...
داليا ..باهي هوا شن قال قاال حق متزوج ...
مودة..تي شن تهدرزي توة عندك فيه متزوج ولالا ...توة ديري جهدك ومتخليشي يقتتلك ...تعرفي حكمة ربي لو جي اليووم اقسم بالله مييته انتي والي في بطنك ....
داليا...حسيت خوووفه سرت في جسمي واستقرت في بطني ..خلااص معش قدرت نتكلم نسطك مع بعضي....
مودة..الووووو داليا
داليا..نعم معااك ..
مودة ...وين قاااعديييين انتو ومع منو وسوسن شن موالها ياوخيتي ردي بالك من العنصر الرجالي معاك ....
داليا...شن عنصر رجالي برووحنا احني تلاته بس ..في شقة عمتي اني قااعدة مامشيتيش عند عزوزتها ... وعمتي نهاية الاسبوووع بتووصل ..اصلا مش خايفه منه اني ...
مودة...زي الحق وصووتك ترعشي..المهم اني قتلك ..خلي نمشي توة..نوري ايضبح عليا انشوووفه .وحق دااليا استني ..
داليا..نعمم مودة...
مودة ..احتماال غدوة مروحيين اكلنا لي طرابلس قالو الجيهة امنة ومقداها حد ...
داليا...باااهي تمااام مودة ...بسلامه خلاص صكرت منها ومشيت نجري للحمام ....رجعععت ليين كبدي طاابت ..حسيت اني بنطلع العاافية مني اكلها...
شفت للحمام من بعد ما سيقت سعااد ..اخخخخ
اعصاب معدة علي وحم ...وصياامي راااح في جرتهم ...سيقت الحمام ونشفته
وقفت علي المرايا .غسلت وجهي..وقاعدة بالشال ...
نحيته ..وخلست شعري بايديا وشديته فوووق ...
وطلعت...لقيتهم واقفاات في الفم...
سوسن ....رجعتي ولا خييييرك ...
داليا...اممم وحم الشهر التالت هكي حتي في برق وزيادة البارح واخدة بردة ..وفي خااطري خوووف من رعد اكلا اصلا اني منتوحمش ...
سوسن..حييي اعلييك قصدك حاامل ..علاش ماقلتييش ..قعمزي قعمزي استريحي هني ...
داليا...عادي مدوريش..هو اني شن.درت اصلا ...
خشيت لداار جابتلي الشناطي سعااد وبرق قعد في الصاله ..حسيته بيصقع اعليه مع انه رطوبه وضغط هللبه طلعت حولته لدار معااي ...الساعه تلاته القايلة..احني طالعين الضهر من جدايم ...
تغطيت اني وبرق .ونعست من الخوف والتفكيير هربت لعالم السبااات ..
بين النوم والحقيقة حسيت علي الباب ايطق ..بالقوة...نضت لقيت ...سوسن راااقدة حتي هيا وسعاد ..دورت اعليها في الشقة مهناااش ...
مقدرتش نفتح ...وكان يطلع راجل سوسن ...
مشيت لي سوسن ..راقدة وبرق ناااض من الطقاان يبكي ...وقفت اعليها ..
سوووسن سوووسن ..نوضي الباب مش عارفه من نووضي...
ناضت مشت بتفتح اني خشيت لداار وقعمزت لقيت
برق قاالب الدنيا..اووف منك ...مشيت دخلته للحمام ...غيرتله وبدلتله حوايجه وطلعته ....
نسمع في الباب...سعاد ومعاها بنت سوسن كبيرة شكلها ...وقعدة مش حاامل زي حالتي اني واحد في البطن والتاني علي الوطاء...
غسلت وجهي وطلعت ..لقيتهم جايبين لفطو ايدخلو فيييه ..
انتي سعااد اطقي في الباب...
سعاد...لاله اني مشيت اهني قريب عند الحلواني جبت حاجات حلوة اول ما وصلت لقيت صلاح ورندة لوطي....رقيتهم اني وصلاح وهو مشي..
ايرن علي سوسن يبيها تطلعلي وتليفونها ماردتش ..
داليا...اتككلم سعاد ودخلل في الاكياس للكوجينة..ورندة تشبحلي ..تعااالي رندة سللمي اعليا ...
سوسن..امشي سلمي علي خالتي داليا هذي خاالتك ..راه ...
داليا..مشالله اعليها قداش عمرها ..
ردت عليا هيا رندة....
تلات سنواات هكيي عمري 🤟🤟
داليا ...صححة ليها سمووحة بطوول عمرها هوينا ولدي العبي معااه اسمه برق عمره قريب يوصل السنه.... عشر شهوور ...
نضت خشيت معاهم للكوجينة..انوتو في الصفر ...ضيقة وصغييرة هللبة ...شربة وبراك وبوريك وكباب شوي اتنين انواع طواجين ... وفواكه..
حطيت الحليب والتمر والحلو في صفرة..ومشيت حطيتها في الصااله ...قريب يدن المغرب ...
رندة وبرق يلعبو في البلكوونه. ...
طلعت بنشووفهم ...فتحت الستار من البلكوونه .هوااء نضييف ...وجوامع يقرو في القرأن اجوااء غرييبه بكككل ...امقابلتنا في العمارة التانيه مرااء ومعاها زوز بناويت صغيراات ..يشبحو لي سيارة لوطي ...شكله بوووهم ..
قمت برق...دخلته ورندة خشت قبلي ..
سكرتها ...ومشيت لصفرة .توضيت ..وطلعت ادن المغرب فطرنا ونضت صلييت وليت ..لتليفوون ...فتحته لقيت رعد امكلمني..قلبي ...خاايف انرد اعلييه ..وصلتني رسااله منه ...ومكالمات
تعرفي انرووح ونددمك عليها طلعتك انيي رعد مرته تمشي لمكاان الله واعلم شن فييه ...اتكلمي نوري وتعطيه مكاانك لا وقسسم بالله العضييم تحلمي تشوفي ولدك من جديد...
قريتها وايديا يرعشو ....معش عرفت خييرني ..حق اعلاش اني هكي درت جيت لمكان مجهوول ..حسيت روحي ناادمه ....
بعتلا رساله ...بقد حبي لييك رعد ..كرهت روحي وغبائي معااك كرهت اني اني بنتك..اني بنت حاااااتم ....
وبعتتها وقفلت التليفووون ونضت
مشيت جبت معااهم السفرة ..وقعمزنا نااكلو مع بعض .واني انفككر وانفكر الي امتي بنقعد هكي ...لو اتجي عمتي ...افضل من هكي قااعدة عند ناس منعرفهمش ..
غيرتي عمت عليا ...
كملنا عشاانا ...وفات اليوم ..واليوم التاني ..نفس الشي .نوم ...وتطييب ..خشينا لاكوجينه سعاد دارت شربة واني وسوسن نوع نوع ...
حسيت روحي بديت نرتخي شوي صح اليوم ليا تاني يووم اهني لاكن ...حسيت برااحه مش طبيعية ...
..فاتت تلات اياام واني انكللم في مودة ..اتقوولي ..هدووء مش طبيعي نوري يفطر ويطلع لتراويح وساااكت ولا كلمه ...وامس طيارة رعد ...جي في الليل ... اكلهم روحو لطرابلس ...قعدت اني في الزاوية... دب الهووف في جسمي ..متخيلة انه في اي لحضة نلقاا رعد في وجهي ..
قعمزنا علي السفرة ..وسوسن اتكلم بتليفوون. .هيا وسعاد ويضحكو...
واني انراجي زي العبيطة ... سكرو وجو يضحكو ...
سوسن....دلوول ..بنرااجو شوي ...جايتنا ضيييفه.... اتتهبل كان تشبحيها حمااتي جديدة كيف متزوجها ومروحه توة كاانت البراء...بتجي اتهدرز وتفطر ...
داليا...فرحت الحق .باهي خلي اتجي نتعرفو اعلييها ...
نضنا ضميينا وعطرنا الحووش ..وقعدنا نستنو ..فيهم ...
طق الباب خشت برووحها سلمنا اعلييها .....
لابسة جينز ارزرق وبلوزة صفرااء وشعرها اصففر ممكن مييش ..دبدووبة ..حلوة شكلها بيضة هللبه اسمها ابرار ...
وتضحك وتهدرز ...وتحكي...اني مش معاااهم بكل ...
انفكر في عملتي ....
تعشينا وقعدنا مع بعض انهدرزو الي السااعه وااحد ....
اربع اياام حسيت بروحي لما كنت بنت ..وصاحباتي ونهدرز نسون بس مش مش معانا رجاله بكل ...
وابرار .جوها حلو وتضحك ..واني نضحك معاهم علي الجو...
مع الساعه وااحد ..رن اعليها رااجلها .وروحت ...
طلعت ...
واحني خشينا انلمو في البقايا صفر حلويات وسامينسا ...
قمنااهم مع بعض ..ونغسلو ..وسوسن ..تحكي ...علي ابرار...
طلعت متعرفه علي راجلها في عياادة....مع امها تعاركت هيا ويااه وخطبها قصة غريبة...
كيف بنسألها اسمه راجلها...لين بدي الباب ايطق ..بقوة كانها غاارة
مشينا فتحنا التلاته ..واقفاات .. خيييرك ابرااار شن صاير
شبحتلي ... قتلي انتي مرت رعد ولا...
داليا ...اي خييره ويبن رعد ...
ابرار...... اني نحكي ونهدرز مع سميير مروحين احني في الطريق ...قتلا عندها بنت عمتها اسمها داليا ولدها اسمه غريب برق ....شد بينا فرينو قريب انقلللبت بيا ...
قالي عاااودي داليا وبرررق ...واني ليا يوميين ..نقلب في الزاوية ومرت خوك امخليتهم عندها ...
مش عارفه من كلم بتليفوون عطاه مكان العماااارة ....قلت خلي انقللها ..قعدت نبكي لي سمير ردني قاالي عاارفه بيقتلها ..قوليلها
داليا...حسييت الدنيا سواادت في عييني جاااك المووت يا داليا اني كل همي انه عمتي تروح قبل رعد...كبيرة ويتحشم منها ...اني برووحي. ..
بدي وجهي اصفر وسوسن وسعاد مستغربات علاش خاايفه هكي..اصلا هما معندهمش علم اني طالعه من غير ادنه ...
خشيت نجري لتليفوون ..فتحته بنكلم ..مودة ....
نرعش ونفتح فييه ...مغص في بطني مش طبيعي ...
رن في ايدي رعد .رقم ليبيا ....
قعدت نشبحلا لين فصل...عاود تاااني. .وسعاد وسوسن فووقي ومستغربات ...الباب تسكر ابرار شكلها طلعت ...
فتحت الخط ..جاني صوووته غضب في غضب ..ايتكلمو..بحدة ..واني نسمع وسااكته
دقيقتيين ..منلقاكش فم العمارة نرقي انهد اصل اصصصصل امممها علي راااسك ...اطلعيييييييي توة ...
داليا... بديت نبكي بلا وعي ...صكرت التليفووون .... وقعدت نمشي ونجي ...
سوسن امتي عمتي بتجي ...
سوسن...خزال طيارات بريطانيا صععب ..واخدين ترانزليت في تركيا عند سلوى...توة
خشيت ..شربت امية...ولميت حواايجي .... ومشييت ..لي برق...قلت لي سعااد اتعوني في الشنااطي ..خايفه ايديرلي العاار في العمااارة ..قداام الخلق ..
لبست وشااحي ..وقلت مش حنخااف منه ..انعااود فيبها ..مانبيش نضعف..انتي معااك ربي ياداليا..ومطلعتييش بري من الحوش لمكان مشبوه ..بنت عمتي واختي ... انبرر لي روحي نبي انسلك رووحي بسيف ..
نزلت الدروج ورجليا خيييط ....
وصلت السياارة...امقعمز ..وعيوونه حمر .ركبت سعاد الشنطه ...وسلمت اعليه ماردش. ..
ركبت شنطي...وما كلمتااش ..عيوونه حمممر ...والعرق في جبهتة بينفجر...
بمجرد
ما صكرت الباب .. طلع بسرعته ..اني متغمدة برق ودايرة لرووشن ..خوووف في خوووف ...
جااني صووته. .
درتييها وهربتي ...بدت عندك عادة ولااا ...
شن تشببببحي فيييييي جد امي ..بغللللل اني قداامك اه جاااوبي .... تطلعي ودوري ضهههرك اكككلهم ضحكو اعللليك مقعمزيين يسانو في رجالتهم وانتي شني ...داروك في سيارة. ..وهربوووك يبو يضحكو اعليييييك ...ورعد متزوج ...ونتزززوج اني عندك في عميي اني حيااااتي مزقحه في جرتك ...واني بنت حاااتم ... والله ورحمه الغوااالي ورحمة اميي تحت الترااب انددمك اعليها ياداليا اندمك
كلللب اننني كلللب ...مرته طاالعه اربع اياام ايدورو اعليها وهيا في عمارة في الزاوية ...اصبرلي ...بس اصبري... ...
تو انوريييك ... العروب كييف ..كان وحدة حرقاتك انجيب تلاته اعليييك ..وتقعدي اهني
داليا. . مش كلللبة اني اتهمشني وتضحك عليا ..وديرنتي ..هبلة وانحببك داليا ...شن رفعك لي الاردن...ولا الكلبة حوراء عاجباتك ...كلمتني قتلي شن صااير فهمتك فسرلي تري...شن تبييني انديير ساامحيني داليا غلطت ..مش متزوج ...
رعد...متزووج متزووج ..خلاص كييف تبي ...علي عناادك حتي الي كنت بنديره اول ما بنروووح ..مش حتفهمييه اقعدي زي الاطرش في الزفه ...
داليا..قعدت طول الطريق هو يتكلم ويضرب علي الستييرسو السيارة..وقال كلاام عمره ما قااله ...
شعره مخلبط وعيونه حمر.. وكل مرة ايقوول ..اخخخخخ اخخخخ ..
وصلنا طرابلس الساعه تلاته ..اني سكتت معش عندي شن انقوول اصلا ..حسبت روحي بكلامه فعلا غاالطه ...مش ماشبة مع بنت عمتي وقاعدة عندها ..
خشينا للحوش ...نزل ..ودار فتحلي الباب عيونه حمر ...
انزلييييييييي بسرعه
للحكايه بقية
جميله جاسم ..
صار خلل في البارت لذاك مسحته ونشرت هذا بدااله