نورا
بقيت صافنه ماتحركت
جسمي يرجف يبست
عمي: كاعد من الصبح
امير: اي
امير لزم ايدي وبقيت منصيه راسي
عمتي طلعت
عمتي: صباح الخير
امير: صباح النور
عمتي: اسويلك ريوك
امير: لا طالع اريد ارجع من وكت
عمتي: ليش مكعدها لنورا
امير: اخذت منها مستمسكاتها
اني مثل الجماد
سحبني للاستقبال
امير: شبيج
نورا: ها
امير: ههههه يله طالع محتاجه شي
نورا: انت شلون تبوسني وعمي يشوفنا يااخي مااريدك انت ليش تعذبني
امير: هههههههههه انتي تشبعين نفسج بوس وبعدين تذكرين مااريدك مااريدك
ضربته على صدره
نورا: شكد اضوج منك
لزم ايدي راد يبوسني ودفعته
وهجمت اضربه باايدي
امير: ههههههههه كافي ولج كافي مخبله
نورا: عوفني عوفني
امير: كافي ضرب😡 لاتخليني انگلب واضربج
لزم ايدي وسكتت
امير: لا تشاقين بالضرب 😡
نورا: مااشاقه اسولفلك حلمي الحلمته😡
امير: هههههههه واني هم سولفتلج حلمي الحلمته بس حلمي مايطلعنا صفاء اكو خلل معناها خلي ارجع اسولفلج حلمي من جديد
ابتسمت وسكتت
امير: شكد احبج تبتسمين
نورا: لاعبالك راضيه على الوضع انت جابرني
امير: اي اي واضح مبين تشوفيني اخوج ههههه
نورا: امير لاتقهرني وتستفزني بكلامك
امير: هههه ماشي
كرصني بخشمي
امير: طالع
شفته يريد يطلع
نورا: امير
امير: ها
نورا: وصلني للدرج عمي كاعد بره 😔
امير: هههههههه يله امشي
طلعنا وعمي كاعد بالصاله
مريت من يمهم صرت حمره
اريد اعبر بعد مااعرف امشي
صعدت بسرعه وصعد وياي
اخر درجات سحبني
نورا: اووي
امير: وين رايحه
نورا: ادخل الغرفه انام
امير: تنامين لو تبقين تفكرين
نورا: اذا اريد افكر ب بابا واخواني
امير: متأكده
اني صاعده درجه تقريبا صرت بطوله
امير: واخير صرتي بطولي واشوفج طبيعي يوميه متكسره رگبتي ولج وين جنتي ادور عليج نورا نورا وينج وانتي ماكو بس اسمع صوتج ادردمين
نورا: ههههههههه لاتقلد
امير: لا ابد مااقلد احبك وانت طويل وانت قصير بكل حالاتك احبك
نورا: ماشي
ردت اروح بقى لازمني
شفته مبتسم نصيت صوتي
نورا: عوفني
قربني منا
امير: روحي منو يمج
نورا: ههههه اتركني
امير: وين رايحه
خليت ايدي على جتفى
نورا: للغرفه اروح انام ارجع لحلمي
امير: وشنو حلمج
نورا: اكمل حلمي شلون اضربك واخلص منك
امير: ههههههههههه معناها شاغل بالج
نورا: ابد ابد ابد
امير: عيونج فاضحتج
حسيت اريد ابوسه بخده
ضحكته وغمازته حلوه
امير: عادي بوسي اذا تريدين
نورا: ها😳
فاجأني
ضحكنا اثنينا
دفعته ومايقبل يعوفني
امير: من اطلعين من غرفتج البسي حجابج
نورا: اعرف مالبست لان الكل نايم
امير: ميخالف حتى اذا نايمين البسي حجابج
نورا: اوك حتى منك البس
امير: ههههههههه كل نصيحه انصحج اطبقيها بيه ليش بله
نورا: ههههه
صافن عليه استحي اباوعله
نورا: اريد ادخل
ساكت مايقبل يعوفني
نورا: عوفني
احجي بدلع
تقرب مني
نورا: اميررر عوفني
نفتحت باب غرفة مهاب
امير: ادخلي بسرعه غرفتج
دخلت لغرفتي قبل مااشوفهم
ماحبيت اعوفه
گلبي يدك فرحانه
البنات نايمات
اسمع صوته
امير: صباح الخير
مهاب: هههههه صباح النور
امير: ضحكني وياك
مهاب: امشي امشي انت صاير مضحك البارحه واليوم شكلك يضحك
امير: شتقصد
مهاب: شوف انت فوك براحتك امان محد يلكفك بس نصيحه جوه ابو شنكه يلكفك يلكفك حتى لو بالصومال
امير: ههههههههه لگفني لاتخاف عليه
مهاب: هههههههههههههههههه
امير: هههههههه الظاهر لاكفك
رجعت نمت بفراشي
اتلمس بخدي اذكر من باسني
دزلي رساله بعد ٥ دقايق
( تره اشتاقيت)
ماجاوبته بس بقيت اقره بهذه الكلمه
شوي وفزت اسرار
اسرار: ليش كاعده
نورا: مايجيني نوم
اسرار: حتى اني متعوده اكعد من وكت ويه ممجد
اتصلت على زوجها
اسرار: صباح الخير
ممجد: صباح النور ليش كاعده
اسرار: حتى اخابرك اشوف اخبارك
ممجد: طالع للدوام
اسرار: تريكت
ممجد: لا متفقين اني ومهاب وجماعتنا نتريك بره
اسرار: شوكت تجي
ممجد: اسرار اذا أجي مانبقى لليل
اسرار: حباب اريد اشوف شيصير بخطبة دعاء
ممجد: خطر ارجعكم بالليل طريق مو امان
اسرار: خلي ابات
ممجد: هلو هلو يومين مو يمي اموت
اسرار: قحط بس اليوم
ممجد: اشوف....نتخابر ونتفق
اسرار: ابات حباب ابات بس اليوم لان عايشين برعب
ممجد: هههههههههه نفس الرعب الي عشناه اني وياج ويه ابوج
اسرار: هههههه ايام حلوه بس مهاب وكفلنا
ممجد: حتى هسه مهاب ناوي يوكف ويه محمد ودعاء
اسرار: ليش بلغك
ممجد: مهاب يسولف اسراره بس لامير بس اعرف سوالفه ماتشوفي راضي محمد يخطب لو رافض مايخلي يوصل لبيتكم
اسرار: ان شاء الله
حياة بيت عمي حلوه رغم مشاكلهم كومه
بالذات مهاب مشاكله ماتخلص
اشوفه محتار بالكل
اجتني رساله
( احبج )
حلوه شخصية امير رغم عصبي وقاسي
اتمنى اخابره بس اكابر
امير يستحق حب عظيم مو انسانه مكسوره مجروحه مثلي
مااعرف شسوي
تريكنا ونضحك ونسولف اني و البنات
وبالي يم امير
دك موبايلي ركضت فرحانه
مهره: على كيفج خيه صايرين نركض ذكرتيني قبل بالخطوبه من مهاب يتصل
دعاء: ولحد الان ماشايفه تركضين من يخابرج مهاب
مهره: طبعا غير احبه والله حبه موتني
بابا يتصل
نورا: تره انتظر بابا يتصل
مهره: ههههههههه اي بابا
نورا: شوفي بابا
مهره: ههههه ميخالف هسه بابا الجايات نسيب بابا
البنات يضحكن
رديت عليه وصعدت غرفتي
نورا: هلو بابا
ظفر: هلا حبيبتي بالي يمج شلونج
نورا: زينه
ظفر: امير بديالى
نورا: اي على سالفة النقل ينقلني
ظفر: خابرني بلغني ويمكن التقي بي
نورا: بابا لاتحجي وياه من تشوفه على مشكلة البارحه
ظفر: ليش
نورا: ها لان تندم زعلني
ظفر: ههههههههههههههه شلون تندم
نورا: عمي ومهاب وفيصل والبنات تعاركوا وياه
ظفر: وتندم
نورا: اي
ظفر: الحمد لله يعني اكيد تندم
نورا: اي اي
ظفر: هههههههههه يعني الحلوه اليوم تضحك
نورا: اي
ظفر: وبالبيت شلونج وياهم
نورا: زينه ومن البارحه عدنا اسرار وبديت اتعود عليهم بس بالي يمكم
ظفر: ماشي باجر اجي لبغداد ارتب وضعنا
نورا: بابا اطلب من امير ومهاب اشوفك اشتاقتيلكم
ظفر: ماشي اطلب منهم واشوف شلون
نورا: بابا ابد لاتعوفني حباب
ظفر: بنت الغاليه وبنتي شلون اعوفج
اخاف اسأله على ناصر
نورا: بابا اسألك سؤال
ظفر: شنو
نورا: شخبار ناصر
ظفر: مااعرف لااشوفه ولا يشوفني
نورا: تزوج لو بعده
ظفر: نورا لاتسألين عليه انسي طلعي من حياتج الله رزقج بااحسن رجال
نورا: بابا غير اتفقنا اخوه بس هذه الفتره حتى نسكت نجاح الجلب
ظفر: هههههههههه وانت مبلغه امير اخوان
نورا: اي
ظفر: والندم وين راح
نورا: حب ناصر عذبني يصارعني مايقبل يطلع من كلبي اريد اعيش ويه غيره.... صدكني جاي احاول بس مااكدر مايروح من بالي
ظفر: امير يستاهل تحاولين تنسين ناصر
نورا: من اشوفه اتخيل ناصر والله مووباايدي واتهرب منا..... اخاف امير يكتشفني ويأذيني اخاف منا
ظفر: لان بالبدايه بعدين تضحكين ومن تذكرين ناصر بنفس اللحظه اذكري مواقف امير شلون يساعدج ويحترمج
نورا: مخربطه
ظفر: نورا ابد لاتطغى رغباتج على مشاعرج اتجاه امير اكبر خطأ عيشي بحب ومشاعر حتى تكدرين تنسعدين وتعيشين مرتاحه
نورا: مافهمت
ظفر: لا ترغبين لامير شاب حليوه تحبين حبه ودلعه كاانثى بس مشاعرج وحبج وگلبج لناصر.... اكبر خطأ معناها تعيشين بكذبه بينج وبين نفسج حتى على زوجج واطفالج بالمستقبل ويبقى ناصر يعيش وياج
نورا: والحل
ظفر: انطي فرصه لنفسج تنسين ناصر وتحبين امير
نورا: بابا اگولك شي محد يعرفه بس اني وناصر وامير
ظفر: شنو
نورا: امير الي يجي قبل لمدرستي يسأل عني ويراقبني
ظفر: ليش
نورا: لان يحبني حسب كلامه ومحد يعرف من اهله ولا ابوي واخوتي
ظفر: الللللللللللله لهذا اجه لفاتحة امج وبعز حزني يسألني عليج وهو الي رجعج من اخذوج اول مره
نورا: احس اكو لغز
ظفر: نورا يالغز هذا الانسان يحبج حب احترام قبل الجنون
نورا: يله بابا مااعرف منو صعد ومن تجي بلغني حتى اشوفكم
ظفر: نورا
نورا: ها
ظفر: مشاعرج لاتحجيها لاحد محد يتقبل كلامج وديربالج على نفسج
نورا: ان شاء الله
صعدت دعاء تعزل وتنظف
دخلت وياها لغرفة امير وفيصل
نسولف واساعدها
نورا: هذا كنتور امير
دعاء: امير وفيصل مايعزلون مو مثل مهاب ترتيب واناقه
نورا: حتى امير وفيصل حلو لبسهم
دعاء: اي بس معتمدين علينا مو مثل مهاب
فتحت كنتوره مامرتب زين
طلعت ملابسه ورتبتهن
دعاء: شسوين
نورا: ارتبهن
عافتني براحتي
اباوع عنده كتب كومه دينيه وعلميه شفت اقراص افلام كومه
دشاديشه حلوه مرتبات ماتقربتلهن
ماقبلت انزل استحي من عمي
بقيت فوك
نورا: مهره عمي نام لو بعده بالصاله
مهره: من ينزع دشداشته ويفتر بالشورت گولي راح ينام
نورا: ههههههه ونزع لو بعده
مهره: اي نزع ماتسمعي يصيح على فيصل وليش تريدي ينام
نورا: مجرد اسأل
مهره: سأل عليج
نورا: ها اي
مهره: ههههههه صاير شي
نورا: امير يكرص بخدي وعمي شافنا بس اني جنت اتعارك وياه وادفعه يعني نتعارك مو غير شي
مهره: ههههههههه وبس ولج احنه اشكال شايف من عدنا اني ومهاب صارنا ميانه.... مهاب يگول اذا يطلعلي من الكنتور ماانصدم
نورا: هههههههه صدوك تحجين لو تشاقين
مهره: انزلي عبالي شو شكو ولو احس السالفه مو كرصت خد اني خبره ونظرات عمي وسؤاله عنج بيها ريحة بوس
نورا: ههههه لا لا ابد يابوس اصلا ماكو بينا بوس تعرفين بس نتعارك واني فهمتج احنه اخوان
مهره: هههههههه ولج بطليها هاي سالفة الاخوان
نزلنا نعزل الاستقبال
اسرار: حمود خطبوله دعاء يله حيو حيو كل السحر بعيونها خايفه يحسدونها
مهره: صلوا على اسم النبي صلوات على النبي حو حو
اضحك عليهن ودعاء تتعارك وياهن
مهره: اخابر محمد اشوفه مشط بعده
دعاء تضربها اجت عمتي تصيح على دعاء
عمتي: ولج ولج
دعاء: تقلد عليه
عمتي: مهره ليش تخليني اشتكيج يم مهاب والله يموتج امشي ولي لغرفتج
مهره: انه شسويت عمه لاتخنكيني
عمتي تخاف على مهره
ماتقبل تتحرك ماتقبل تشتغل
كل شوي تصيحها تتعارك وياها وتجبرها تصعد لغرفتها
سمعت صوت عمي وطفرت لغرفتي
للعصر سمعت صوت امير
باب الغرفه انتظره يصعد
امير: تغدا مهاب
اسرار: اي تغده
فيصل: كملت
امير: رجعت من ١٢ بغداد بس جنت بشغلي
فيصل: ونقلتها
امير: لا ماكملت حظرولي الغده
اسرار: صيح نورا وياك تتغده
امير: بعدها ماتغدت
اسرار: معلكه فوك ماتقبل تنزل
صعد شافني منتظرته
طلعت مهره من الغرفه
مهره: هلا اليوم ماكو
امير: هلا بيج اليوم ليش الحب متغدي ومامنتظرني
مهره: اليوم عصبي مانعرف شبي
امير: خخخخخخخ خرب عرضك مهاب من يتكتك
نزلت مهره وكف يمي
نورا: نقلتني
امير: هههه سلمي بلاول
نورا: شلونك
باسني بخدي
امير: افيييش
ضربه
نورا: لاتبوس 😡
عصب
امير: ليش تخليني اضربج ولج لاتشاقين بالضرب
نورا: وانت لاتشاقه بالبوس
دخل غرفته وعافها مفتوحه
تقدمت باب غرفته
نورا: شسويت
امير: معليج
نورا: شفت بابا
امير: منو ظهر اي شفته الصبح قبل الظهر
نورا: 😡 لاتقلد على اسم بابا
امير: ولا يهمج اسمه طفر هذا احسن من ظهر
نورا: ههههههههههههه
نزع ساعته ومحابسه
ويريد ينزع قميصه
نورا: تره واكفه
امير: وراح انزع البطرون😂
ردت اعوفه ولزمني
قربني منا
امير: ليش مامتغديه
نورا: مااشتهي واستحي انزل يشوفني عمي
امير: ههههههههههه
منتظرته يبوسني
صعدت دعاء
ابتعد ورجع يبدل ملابسه
امير: انزلي حظري الغده تعرفين
نورا: طبعا اعرف
اباوع طلعت دعاء من غرفتها نزلت
تقرب مني
سمعنا فيصل ومهره يصعدون
امير: شجاهم صاعدين نازلين
تقدم لكنتوره
مهره: ها نقلج امير
نورا: مايجاوب
دخل فيصل لغرفتهم
امير: سد الباب
مهره: من تسولفين وياه ادخلي لغرفته وسدي الباب مو واكفه باب الغرفه تسولفين😒 ابقى اعلم بيجن والله عذبتني
طلع مهاب
مهاب: اتمنى اشوفج كاعده لو نايمه لازم تفترين
مهره: تره بس نايمه لااطلع روحي وامير رجع بغرفته
مهاب: امشي روحي نامي😡
مهره: اي اي افتهمت
دخل لغرفة امير
نورا: شبيهم وياج
مهره: على سالفة ظهري وسالفه ثانيه بعدين اسولفلج
نورا: انزلي وياي استحي من عمي
مهره: بشرط احلفي السالفه مابيها بوس
نورا: هههههه مااريدج ابقي
مهره: انزل لان بدون ماتحلفين عرفت بيها بوس
نزلنا ركضت للمطبخ
شفت اسرار تحظر الغده وحظرته وياها
اكلت واني واكفه
مهره: تغدي ويه امير
نورا: استحي منا
اسرار: ههههه عوفيها براحتها بس تكعد ويه امير تنظلم يمسح الاكل مسح
مهره: بلاول جنت استحي اشوف مهاب يخلص الاكل كمت وياه اتسابق حتى الحك واشبع بطني ولد صفاء مو مال مستحه
اسرار: اول زواجي اطبخ اسوي بخلمه ممجد يقضي على الاكل خبلني مايفكر بيه واني اموت من الجوع اخابر مهره اشكيلها علمتني اقسم الاكل كل واحد ماعونه گلتله مو مال ننجمع بماعون واحد بلا وحده بلا حب بلا نيله وهو يضحك عليه.... مرات يطفر على حصتي واتعارك وياه وهو يضحك.....طبعا اطبخ بكثره بس ممجد ماعنده كلمة شبعت موتني
نورا: ههههههههه اي اتعجب عليهم ياكلون اكل فضيع بس زين مايسمنون
مهره: لان يشتغلون ويركضون على العيشه وكل فتره يلعبون طوبه وسباحه وهل سوالف
عمتي وصبيحه طالعات للفاتحه
نزل مهاب وامير
عمي كاعد بالصاله
عمي: شوكت نولي
مهاب: بويه روحي طافره يوميه فواتح منا وجاي فيصل وامير يطلعون وياك حتى نومت الظهر نحرمت منها
عمي: تروح لو لا
مهاب: فيصل يولي بالدراسه مافالح بلكه يفلح بالفواتح والواجبات
فيصل: اريد اقره
امير: هههههه والله لوتي من نصخر يگول اريد اقره
مهاب: اصعد بدل روح ويه ابوك
فيصل: اذا رسبت انت السبب
اخذت اسرار الصينيه لامير
بقيت بالمطبخ كاعده ويه مهره
نورا: يله صعديني الغرفه
مهره: اوكفي اسويلج ممه 😂
نورا: هههههههههههههه
امير: وين نورا
اسرار: تغدت بالمطبخ
عمي: اليوم ماشفتها
اسرار: نورا نورا
موقف محرج
نورا: ها
امير: تتغدين
نورا: تغديت
امير: ههههههههه عمي تعاي سالفتنا طلعت طويله ويه صفاء لايوم ولا يومين كدامنا عمر
خجلني رجعت للمطبخ
صعدت اسرار فوك وبقى بس عمي ومهاب وامير بالصاله
اسمعهم يضحكون
امير: اريد اوصي سماح شمالها هلايام مقصره وياك
مهاب: هههههههههههههه اريد اشتريلها ثوب احمر بلكه ابوي يلطش بغرفته ومايفتر بالبيت بالاوقات الحرجه
عمي: هههههههه العله مو بسماح العله بيكم... وانت شوكت تعرس بلش ابني غرفتك حتى نزوجك وبعدين كمل مسيرة اخوك بالمطابخ والصالات
امير: تكمل سادس وان شاء الله نزوج
عمي: ابوها مايقبل تكمل دراستها
امير: بويه مرتي ابوها ميت قبل امها وانه المسؤول عنها لاتسولفلي ابوها يقبل ومايقبل
مهاب: هو يايوم صار اب لنورا حتى تحجي بي ليش تغثني وتحجيني
عمي:امير حسب حسابك ماارضى بهذا الوضع ازوج وبعدين خلي تكمل مرتك
بالمطبخ نسمع كلامهم
صاحنا مهاب
مهاب: مهره نورا
مهره: ها
مهاب: اصعدن فوك
صعدنا بقينا واكفات بالدرج
مهاب: بويه البنيه هسه مرته وتزوجها حتى نسكت الحلوك نفرض امير نام وياها مو حرام ولا عيب
عمي: خلينا نزوجهم
امير: ماازوج هسه البنيه ماطايقه حياتها الجديده... اذا ازوج معناها زواجي فاشل لاتضغطون عليه عوفوني براحتي وانت تعرف ولدك يخافون على نسوانهم
مهاب: بويه لو مهره تخلف وانه اشتهيت ازوج مره ثانيه توافق لو تصير ضدي
عمي: انوي وشوف.... اقنع حتى مرتك
مهاب: لا بويه اقصد لو مهره مخلفتلي وحبيت وردت مره ثانيه
عمي: من حقك
مهره: هذا شبي رجلي
طلع فيصل
فيصل: ليش واكفات هنا
مهره: لاتحجي اسكت
فيصل: بس يعرف مهاب يتعارك وياج ماتوبين
نزل وطلعن البنات
اسرار: شكو
مهره: انه ادري مهاب طردنا يريد يسولف ويه عمي
عمي: مهاب شتريد توصل
مهاب: ممجد يريد يزوج على اسرار
عمي: تسودن
مهاب: بويه انت ابنك تگله من حقك وممجد تگول تسودن
امير: هم من حقه
ابوي: شناقص بنتي واسرار ماتتحمل
امير : ليش مهره تتحمل
اسرار: شنو يزوج ممجد😳
مهره: خايبه اسكتي اعتقد يريد يدخل بموضوع دعاء
دعاء: اسكتن خلنا نسمع
ابوي: انه احجي بااسرار
مهاب: اي وشنو فرق اسرار من مهره او انه وممجد ها شنو الفرق
ابوي: يكدر يفتح بيتين خلي يتوكل بس قنع اختك انه طلاك مااقبل واختك بس تسمع تفكر بالطلاك
امير: معناها ماعندك اعتراض بالزواج الثاني للممجد والمهاب يابه خلوني وياكم هم اخذ اثنين نسوان
عمي: بيك حظ اخذ الاولى وبعدين احجي بالثانيه
مهاب: مو جاي الغي مو وكتك
فيصل: لازم يفكس بالسالفه
امير: انت شايف أذانك فاكسه حتى بيتنا بسببك كامت الناس تسمي بيت أذان فيصل الطويله
فيصل: بهذا خشمك خارطة البصره
مهاب: هاي شبيكم زعاطيط 😡 وانت كمل غداك وكرمنا بسكوتك
صاح بيهم
مهره: اليوم مهاب تعبان وضايج خطيه يقهر
مهاب: بويه اذا واحد يجي يخطب دعاء بس هو مزوج والرجال متمكن حتى مستعد يكعدها بيت وحدها شنو رأيك ننطيها
ابوي: شنهي سالفتك اريد ازوج ها ممجد يريد يزوج وهسه مزوج يخطب دعاء
مهاب: انه ضايج وتعبان وصارت ابالي هذه الاسئله وجاي اسألك
امير: متجمعين ولدك يمك يسولفون وياك
فيصل: بويه تروح لو لا
مهاب: ماجاوبتني تنطيها لو لا
بويه: منهو الي خاطب دعاء
مهاب: محد بس جاي اسأل
بويه: اذا ابن اوادم واختك موافقه ويكدر يفتح بيتين شكو بيها
امير: صفاء صاير حباب
فيصل : بويه ياخوفي افعالك عكس كلامك
عمي: ليش انه فيصل مابي حظ اخوتي الكبار تركض وراي اقره واقره ماتستحي من شواربك وطولك يركضون وراك تخرج فضنا
فيصل: بويه اريد اخذ منك موعد بنيه وياي مزوجه تريد تخطبني وزوجها موافق مستعد يخطبني لمرته
نزع عگاله وكام لفيصل
فيصل: بويه انه شعليه هي حبتني
يضحكون ويشاقون
بقينا بالغرفه
للمغرب نزلنا نحظر العشا
تعشينا بسرعه بسرعه
محمد خابر مهاب بلغه بالطريق
نص ساعه ووصلوا
أجت ام مهره واخت مهره
ومحمد وابو مهره ومخلد
تعرفت عليهم
مهره تشبه امها ورحمه حليوه احلى من مهره
رحمه: حلوه عروسة امبير
جدتي: ماتفرق عن حلاة مهره وان شاء الله فيصل هم مريته حلوه
ام مهره: ان شاء الله يستاهلون
دعاء مستحيه وكل شوي تشرد بالمطبخ
حلوه الاجواء
طلع امير
امير: اتمنى تصيحونا يابه تعالوا اخذوا الضيافه نركض وراجن
ام مهره: على الخير خاله على خطوبتك تستاهل كل خير وتستاهل هيجي عروسه حليوه
امير: رحمه الله والديج خاله.. زحمه شلونج
رحمه: ههههههه هسه گلتلهم زوجة امبير حلوه
امير: اي الحمد لله بهذه الزحمه كدرنا نحصللنا على مره
رحمه: هههههههههه زحمه ولا لحمه
امير: ولا فحمه
رحمه: ههههههههههه بلش ويه عروسته لو بعده
اسرار : لا ياعيني مايقلد بس علينا
ام مهره: اي هذه العزيزه
اخذ الضيافه ودخل للاستقبال
ضوجني عروسة امير وعروسة امير
بقيت ساكته بس احجي امير يضربني
ماتوقعت يدخل انسان بحياتي اخاف منا واحسب حساب لكلامي وتصرفاتي
امير غيرني بفتره قصيره
شفت مهره واكفه باب الاستقبال
مهره: حجوا بالسالفه
جدتي: شصاير
ام مهره: حجيه احنه اليوم جايين نخطب دعاء لابنا محمد
جدتي: محمد مزوج لو انه غلطانه
ام مهره: اي مزوج والشرع حلل اربعه وهو رايد دعاء الثانيه
جدتي: دعاء مخطوبه لغسان
ماتحملت طفرت
نورا: بيبي ناويه تغسليها بزواجها من غسان الله يغسله هو وابوه
جدتي: نورا😡
صاحت بيه واستحيت
اسرار كومتني للمطبخ
اسرار: وكتج اجفصين
نورا: مااتحمل ابقى ساكته شسويلكم
عمتي: عمه نشوف ابوها واخوانها
ام مهره: اكيد من بعد ابوها واخوتها موافقة البنيه
جدتي: فاجأتونا
ام مهره: متعذب ويه مريته وناوين نزوجه الوحيد من اخوانه نظلم بزواجه ومانلگه احسن من دعاوي لمحمد
عمتي: وين نلگه احسن من نسبكم بس مو صعبه على مريته
جدتي: مرته تعرف
ام مهره: طبعا تعرف شلون لعد قابل نخطب بدون علمها حتى راح لعمامه بلغهم
لشوي وطلع مهاب
مهاب: عمه الجماعه يردوكم
طلعت مهره وعمتي ام مهاب وياهم
دخل فيصل
سحبته اسرار
اسرار: شصار
فيصل: ابوي ماانصدم هههههه گال اليوم مهاب لمحلي وعرفت انتوا المقصودين. ابوي جفص ويه ابو مهره گله اذا مهاب يزوج ماتعتبون ولا تزعلون
دعاء: لاتسولف هيجي كدام مهره خطيه
فيصل: جا غير ابو مهره فشل ابوي گله منو اعترض على مهاب من اخذ بنت عمه وصرنا ضد مهره من زعلت وگلناله اخذ مرتك رجعها وهو ماقبل يرجع مرته عافها الى ان هدئت
دعاء: يبوووو يعني فشل ابوي وهسه ابوي طنكر
فيصل: لا ماطنكر ووافق ابوي يريد يحجي ومهاب يكمز قبل ابوي ويمدح بمحمد الى ان ابوي گله افتهمنا نسيبك خوش ولد خلينا نحجي وكمنا نضحك وابوي گلهم يصير خير بس نشوف الاهل وننطيكم خبر ومحمد يگله شغلة يومين مهاب وامير كشولوا بوجه سكت 😂 والله هذه الخطبه تصنيف
دعاء: أذانك تصنيف
فيصل: انجبي ولج
دعاء: لاتغلط
شمر على دعاء ببسي
دعاء: ياسخيف
شمرت عليه ماي وتضاربوا
اسرار: فضحتونا
فيصل: اله اكسر راسج
دعاء: تنكسر ايدك
تمالخوا بيناتهم
دخل امير وعمتي شافوهم يتضاربون
امير فكهم
امير: تخبلتوا 😡
دعاء: هو بالاول غلط وشمر عليه ببسي شوف😭
فيصل: تغلط عليه
اسرار: انت بديت
فيصل: خخخخخخخخخخ بجت بجت بجت
شمرت عليه قوطيه فارغه
اسرار: بتي بنتي
شالت بتها وطلعتها من المطبخ
امير: كافي ولج 😡
شكلهم يضحك
دخل عمي ومهاب ومهره.
جدتي: شمالكم يابعران ماتستحون
فيصل ركض وره دعاء وختلت يم جدتي
مهاب: ولك فيصل فيصل
ضرب دعاء وجدتي انضربت ويه دعاء
امير: مخبل مو نحجي وياك عقلك تخلي ويه اختك
مهاب: شكو شصاير
جدتي رزلت دعاء وفيصل
مهاب: انه جم مره مفهمك ماتضرب اخواتك
فيصل: هي الي بدت
دعاء: جذاب
مهاب: دعاء 😡 شنو جذاب كاعدين كدامج وانتي زعطوطه تتعاركين
بالگوه هدئوهم
مهره: هسه اوكفي خلي افتهم منو عمو الم جويلاتي لو اكو امل
الكل ضحك
امير: سويلي زلاطه مال سنه ولمي جويلاتج
مهره: الناس محتركه وانت كل همك زلاطه
اجه كعد يمي بصفي
اول مره يكعد يمي لزك كدام اهله
عدلت نفسي
تقرب مني
امير: تره مانعض
نورا: هو منو يمك
ضحك والتفت عليهم
جدتي: شصار
عمي: يصير الحجي كدام اخته احنه نعرفه يعني مايحتاج نسأل عليه
طلعت كعدت صبيحه يمنا
جدتي: ليش ماطلعتي سلمتي
صبيحه: مابيه حيل اجامل
مهاب رفع راسه خزر عمته
صبيحه: شصاير
عمي: خطبوا دعاء لاخو مهره محمد
صبيحه: هذا مزوج شنو يخطب دعاء
مهره: هههههه عجيب مو تريدين نزوج مهاب وهو مزوج
صبيحه: مهاب نريدله خلفه
مهره: ههههههههههههههههه
فجأه من الضحكه كامت تبجي
تذكرت قيس صعدت غرفتها
اسرار: والله ملينا عوفوا البنيه لو خبيثه نگول حقكم تسمعوها
مهاب: كومي اسرار يمها شوي واصعد
التفت على عمتي
مهاب: كومي لغرفتج اريد اكمل سالفة الخطبه بهدوء
صبيحه: مااكوم
مهاب: كومي لغرفتج بسرعه شوفي انه ناوي اشمرج لدار المسنين والله اول مره اصير انسان حقير وانتي وصلتيني لهذه المرحله انه لااضرب حرمه ولا اظلم بشر بس لسانج وافعالج ماينسكت عليها
صبيحه: شحدك اروح لدار العجزه
جدتي: كومي صبيحه لغرفتج
مهاب: جده اسكتي من غصبن ماعليها تسمع كلامي وتروح لغرفتها
صبيحه: انت ماتقبل تعوفني بحالي
نورا: والي مايعوفج بحالج تكتلي مثل صكبان مو
الكل صفن عليه
عمي: شتقصدين
جدتي: انتي اليوم زودتيها كدام العالم تغلطين على ابوج وهسه تحشرين نفسج ويه الكبار
نورا: انتوا كتلتوا روحكم ردتوا نورا هذه نورا تحملوها وثانيا اني غير مثل عمتي وكاحه
امير: اششششش اصعدي غرفتج لاتنطقين ولا كلمه
نورا: ليش تطردني المفروض ادافعلي
امير: انتي تنطين مجال ادافعلج... تخليني ادافع للوادم على هذا لسانج اول مره انقهر على عمتي
نورا: 😡
فيصل ودعاء يضحكون
مهاب: كومي نورا لغرفتج
صعدت
وعمتي گامت لغرفتها
رحت لغرفة مهره
شفتها تبجي واسرار تسولف وياها
نورا: على شنو تبجين خلي تولي العجوز البين.... اني دايخه شنو عايفيها بيتكم والله لو اني رجال اطمها بكبرها ونخلص منها ووراها اكرز حب واشمر على گبرها
اسرار: عيب هذه عمتج
نورا: عمة البين
اسرار: تره مانحب هذا كلامج حتى اذا يأذونا نحترمهم.....همه وربهم
نورا: يعني حلو كل شويه تغثلها واحد يمعوده بلا احترام بلا صخام والقهر تريد احترم تجاج وصبيحه والله بطرانه
كامت بقيت يم مهره
مهره: صدك تحجي مايصير هذا كلامج تره الناس تنقدج
نورا: وليش اهتم للناس هذا حالي سببه الناس والمجتمع عيب وعيب وانتي شكو زعلتي
مهره: مازعلت من كلامها بس اذكرت قيس
گامت تبجي وابجي على بواجيها وكلامها على قيس
قهرتني شكد تحب ابنها
معقوله الامومه لهل درجه صعبه
شوي وصعد مهاب
مهاب: وين اسرار
نورا: يله تصبحون على خير
مهاب: اوكفي نورا اريد احجي وياج
نورا: بشنو
مهاب: منا وجاي ممنوع تغلطين على اي احد كدامنا اوبغيابنا
نورا: تقبل امنعك تغلط
مهاب: لاتقارنين نفسج وياي
شفته ضاج مني
نورا: ليش شنو فرقك عني انت انسان واني انسانه حالي حالك لاتگلي انت رجال واني مره الاحترام مطلوب للجميع
مهاب: واني محترم ومااجاوز على عمي ولا لساني مثل لسانج
نورا: تجاوز بس مامنتبه وثانيا لو ابوك عذبك مثل عذابي والله ماتعوفه يتنفس دقيقه وحده
مهاب: واني مايصرف عندي هذا كلامج انتي بنيه تعرفين شنو بنيه يعني عيب بناتنا ونسوانه يغلطن ويعلى صوتهن بحظورنا
نورا: جدتي وصبيحه صوتهن عالي لو بس نورا
مهره: هههههههه مهاب كافي
مهاب: جدتي جبيره بالعمر مره معدله و بنفس الوقت أمهم الها حق تعلي صوتها علينا وتأمر اولادها وتأمر احفادها واما صبيحه وكحه والكل يكرها تريدين تصيرين مثلها استمري على هذه تصرفاتج
نورا: اني احترم الي يحترمني والدليل وياكم زينه واحبكم واقدركم وعلى راسي بس صبيحه وابوي مااتحملهم شي مو باايدي
مهاب: لخاطر امير حاولي
نورا: ماشي
مهره: من البدايه اذكر امير هي تگلك حاظر
مهاب: هههههههههه الله يحفظه الها
طلعت منهم دخلت لغرفتي
دعاء: شلونها
نورا: تبجي... لعد وين اسرار
دعاء: جوه خابرها رجلها
نورا: خابرتي محمد فرحتي
دعاء: منتظرتج
اخذت موبايلي
طلعت بره عفتها براحتها
نزلت جوه
بست راس جدتي
نورا: اسفه مو قصدي اضوجج وتجاوز بس مقهوره من ابنج شدعي عليه
فيصل: خخخخخ
فيصل وامير وعمتي وعمي ضحكوا
نورا: شكو
جدتي: لو مانازله تعتذرين احسن
امير: هههههههههههههه تعاي اكعدي
عفته وكعدت يم جدتي
عمتي: شلونها مهره
نورا: سكتت مهاب يمها
جدتي: انت مقتنع بكلام مهاب
عمي: الولد مشتري الكاع الي يمنا وناوي يبنيها مايزوج اله يكمل بيته واي شي نطلب هو حاظر وبنيتي يمي واحنه نسابه والرجال ماعليه عيبه شغله ووظيفته وبيته
جدتي: يسجل البيت بااسم دعاء
امير: شسالفه نبيع بتنا
عمي: من شوكت نسجل بيوت بااسم نسوانه ودعاء مامحتاجه بيته انه كل بناتي ضامن مستقبلهن
جدتي: خطب وعقد وماكعدها بيت وحدها
امير: زلم وكعده والرجال انطانه شلون يغير كلمته
فيصل: اهل مهره يحسبون الف حساب لمهاب مايتورطون يضحكون علينا
امير: جده لاتعترضين على القسمه
جدتي: بنتك سألتها
عمي : امها تسألها وتشوف رأيها وانه بعدين احجي وياها
كملوا كلامهم شوي ونزل مهاب
صعدنا اني واسرار
شوي ودك الباب امير
امير: نورا تعاي
طلعت يمه
واكفين باب غرفته
نورا: ها
امير: تعاي
نورا: احجي هنا ماادخل جوه
امير: هههه جبانه
نورا: گول شرايد
امير: وتالي ويه لسانج
نورا: راح اسكت بعد مااحجي احاول اسكت
امير: كدامهم اضحك مااريد افشلج بس اذا تبقين على هذا الحال وتعاندين ولسانج الطويل افشلج وارزلج كدامهم
نورا: ماشي
امير: باجر نطلع العصر تشوفين اخوانج وابو رامي
نورا: احلف يعني وافقت
امير: اي بس حضن وبوس لابوج بطليها
نورا: ليش بله هذا بابا
امير: اعرف بابا ماامنعج من بابا بس مااقبل سلمي عادي
نورا: شلون بله عادي
لزم ايدي صافحني
امير: هيجي ماتعرفين
نورا: وين احنه حتى اصافحه
باسني بخدودي
امير: شوفي بوسه عاديه وسريعه
نورا: افتهمت
باسني بشفايفي
نورا: 😳
امير: هههههههه نسيت هاي لحلا اعلمج شلون تبوسيها
نورا: مااريد شكرا
رجع باسني
دفعته
امير: رامي خطيه
ضحكني
تقرب باسني غمضت عيني مبتسمه
امير: وهذه البوسه لاموري
شردت لغرفتي خجلني
ثاني يوم رجع امير العصر متأخر
مااعرف ليش يتأخر
يرجع تعبان
استحي اطلب منا نروح
شوي وصاحني
امير: بدلي حتى نطلع
نورا: خلي البس سبورت
امير: هم ياريت موديله لاتلبسين
نورا: مااحب الكعب
امير: البسي حذائي
نورا: 😡
امير: على اساس انتي طويله
نورا: تره طولي ١٦٥
امير: ههههههههههههه ولج طولي ١٩٠ متعجبه بطولج
نورا: 😳 يعني اله كعب
امير: صار ساعه تناقشيني على الحذاء يابه شكد عنوديه
عفته ودخلت بدلت
لبست بنطرون وقميص وحذاء من مهره
طلعت شفته منتظرني جوه
امير: اصعدي غيري بنطرونج
نورا: مابي شي
امير: غير بنطرونج
نورا: القميص طويل
امير: غيري بنطرونج
نورا: مااغير
امير: ماكو طلعه
نورا: لا لا اغيره انتظر
صعدت غيرته وادردم عليه
لبست من دعاء وطلعنا
وصلنا اسرار لبيتها شيء
والتقيت بابا واخواني
عزمنا امير على عشا
بحضني حلا
كل شوي تدمع عيوني
امير عيونه عليه وكاعد يمي
ظفر: كملت النقل
امير: لا المديره عرقلتها الي ثاني روحه اخذ نورا وياي
ظفر: بلغوني
امير: اكيد
ظفر: شلونها نورا
امير: لسان عباره عن لسان مااشوف غير لسان
ظفر: ههههههههههههههه هي لسان لسان ومحد سالم منها
امير: بس انت
ظفر: لا والله هم تتعارك وياي وويه امها الله يرحمها
امير: عبالي بس ويانه
نورا: بس اني مااحجي وياك وين لسان
امير: هم عوزج لسانج وياي
كملنا عشا ووصلنا بابا لبيت اخو
امير: محتاجه شي
نورا: لا
امير: نرجع للبيت
نورا: اي
اتصل مهاب عليه
مهاب: وينك
امير: هسه راح نرجع ليش
مهاب: لاتتأخر تريد اطلعلك
امير: مايحتاج اذا صار شي اخابرك
مهاب: ماشي شافت اخوانها نورا
امير: اي وهسه وصلناهم
مهاب: لاتحجي كدام ابوي وجدتي ماالي خلكم خلينا نكمل سالفة خطبة دعاء بدون مشاكل هذه الايام
امير: اعرف
طلعنا اباوع بغداد حلوه
حتى هواها حلو
نورا: حلوه بغداد
امير: شكد خطره وانفجارات بس تبقى حلوه وترد الروح
نورا: شكد اشتاقلها من جنت بديالى افرح من بابا ياخذنا سفره لبغداد
امير: بس بغداد حلوه وابن عمج المسكين
نورا: هم حلوين ولد عمي فيصل ومهاب وامير
امير: شمرتيني اخر اسم هم ميخالف احسن من ماكو
نمشي بطريق فارغ
افتح المسجل
هيثم يوسف اضعف كدامك
امير: حبك غيرني وخلاني حبيتك وحدك بس انت...
عيونه عليه
امير: وين تباوعين
نورا: الطريق فارغ
امير: حبك ضيعلي عنواني عشت وياااااااااك بعالم ثاني عالم نساني خلاني جنه تنور بس بيك انت.... نظراتك تحرجني وانسى وين توديني يا مرسى.... ضايع عمري قبلك عشتا كل عمري ضايع انا عشتا
نورا: كل اغانيك هيثم
امير: اكثر اغنيه احبها اضعف كدامك
نورا: ليش
امير: تحسين واحد عاشك وطاير
نورا: لان اغنية حب
امير: لا... لان الانسانه الوحيده الي ضعفت كدامها وسلمتها گلبي وضيعتني بغرامها ونورت حياتي من دخلت عالمي
لزم ايدي
نورا: امير خليني اجرب اسوق
امير: عندج الجرأه
نورا: اتمنى اسوق
فاجأني وكف السياره وغيرنا الاماكن
نورا: احلف راح اسوق
امير: هههههه
اضحك فرحانه
ماتوقعت يقبل اسوق حققلي حلمي
بالاول شرحلي وبعدين شغلت السياره
اسوق وايده باايدي يعلمني
قريب مني
امشي فرحانه ماعافني
نورا: عوفني وحدي ارفع ايدك
امير: اخاف عليج
نورا: هههههههه تخبل شكد حلو ياالله تجنن
قمة السعاده اسوق
بقيت اسوق وهو وياي
امير: كافي
نورا: بس شويه
امير: تقريبا وصلنا للسيطره غير مره
وكفنا السياره
نورا: قبل ماانزل اوعدني اسوق
امير: اعلمج السياقه يوميه بالليل نطلع و اعلمج
نورا: گلبي راح يوكف مامصدكه
صفن عليه
امير: يارب دوم ارسم الضحكه بوجهج واغير حياتج
حاول يتقرب
نورا: لا
فتحت باب السياره نزلت
غيرنا الاماكن وطلعنا
نورا: امير ليش تتأخر من ترجع للبيت
امير: شوكت اذا الظهر لان ألتهي بشغلي واذا بالليل ابقى يم جماعتي
نورا: شنو شغلك
امير: شغلتين شغله الاساسيه نشتغلها انه ومهاب وفيصل حلالنا وشغله الثانيه مثل الموظف بشركة مواد احتياطيه سيارات طيارات وشغلة حسابات
نورا: انت شسوي
امير: شغلي اداره حاسبه اتعامل ويه الزبائن اشرف يعني تقريبا الي دور بشغلي
نورا: والمسيحيه شسوي
امير: نفس شغلي تقريبا بس هي المسؤوله
نورا: ها
امير: بدينا نسأل ونغار
نورا: مااغار لو اريد اغار اغار من البارحه تشاقه ويه اخت مهره😒
امير: هههههههههههههههههاي مبين ماتغارين من اخت مهره
نورا: ماغرت
امير: اي فهمت
وصلنا السيطره
امير: اريدج تسكتين ماتنطقين ولا كلمه وعيونج جوه لاترفعيها
نورا: ليش
امير: بدون ليش
وصلنا وشوي وعبرنا
نورا: سلموا عليك
امير: جماعة مهاب
نورا: ها
امير: نورا باجر اسافر
نورا: وين
امير: بالشمال
نورا: شسوي
امير: شغل ابقى اسبوع ١٠ ايام وارجع
نورا: تروح وترجع بالسلامه
اتصل مهاب
مهاب: وصلت
امير: شبيك كل شويه تخابر
مهاب: عبرت لو لا
امير: مو جديده شو اليوم تتصل شعجب
مهاب: لان وياك مرتك
امير: شويه ارتاح لاتفكر بالكل ماعلينا شي كل شويه تخابر وتسأل انت مو تعبان ارتاح ريح دماغك من عدنا من صبح لليل شاغل بالك علينا
مهاب: تنخطب دعاء ونسافر تقريبا كملت امور
امير: مهره عرفت
مهاب: تقريبا تعرف بس وين وشلون وليش ماتعرف
امير: وابوي شوكت تبلغه
مهاب: بعدين مااريد احد يعرف بس امي
امير: الله كريم
وصلنا للبيت نزل فتح الباب
امير: انزلي
نزلني وصعدني
امير: دخليها
ركضت صعدت فرحانه وهو يضحك عليه
دخلتها وهو وياي
امير: اوكفي لاتضربين سيارة مهاب يكسر راسنا
نورا: ههههههههه
نزلنا فرحانه
نورا: اليوم الطلعه والعشا والسياقه غيرت نفسيتي
امير: بشرفج مااستاهل بوسه
ابتسمت ونصيت راسي
دخلت للبيت سبقته
فيصل ومهاب وعمتي كاعدين
سلمت وصعدت فوك
شفت دعاء نايمه
بدلت وغسلت ونمت
دعاء: رجعتي
نورا: تريدين الموبايل
دعاء: باركيلي مهره قنعت مهاب رجعولي الموبايل
نورا: لعد ليش نايمه ماتخابرين محمد
دعاء: نايم يم مرته فشله اخابره
نورا: يمه شلون متحمله يم مرته
دمعت عينها وسكتت
قهرتني
نورا: اليوم امير خلاني اسوق
دعاء: اي الولد مايعترضون على هيجي سوالف اني علموني حتى الرمي
نورا: رمي شنو
دعاء: على السلاح حتى يلعبونا طوبه بكراجنا اني واسرار بس من تزوج مهاب كثرت مشاكله ولا شهر باله مرتاح
نورا: خطيه الله يرزقهم
دعاء: تدرين اذا يسألوني تفرحين اكثر زواجج من محمد لو يصير طفل لمهاب من مهره
نورا: تفرحين لمهاب صح
دعاء: اكيد اخونا الجبير هو فرحتنا ومكسورين عليه لان ماعنده اطفال مايستاهل من مات قيس حياتنا صارت ظلمه
نورا: ان شاء الله الله يرزقهم مبين انت واسرار تحبون مهاب اكثر من امير وفيصل
دعاء: لا ماعدنا هذا الشي حتى اموري اجت فتره تعب وحزن مانعرف شبي اني واسرار نبجي عليه.... وفيصل نموت قهر من نشوفه يحب عمتي فيصل مسالم ومايعرف يكره
نورا: الله يحفظهم
دعاء: ويسعدكم انتي وامير
نورا: تتوقعين يجي يوم احب امير اموت عليه
دعاء: ههههههههه واءا مايجي هذا اليوم نضربج بالطاوه على راسج حتى تحبين اخونا
نورا: هههههههههه من تزوجين شلون بيه تعودت عليج
دعاء: بعد يبني ويرتب اموره زين اذا كمل خلال ٦ اشهر
نورا: ان شاء الله يكمل
بعد اسبوعين
امير ماكو مارجع
يتصل يسأل عن اخباري ويروح
اني قليلة الكلام
امير مايلح عليه
بهذه الفتره بلغوا اهل مهره بموافقتهم
صار النيشان قبل المشية الزلم
اتفقوا المشيه والمهر بنفس اليوم
عمي ومهاب ماقبلوا مشيه اله بحظور امير
بيوم الي رجع امير صادف مشية ومهر دعاء
البنات اخذوني وياهم
عدلت بس حواجبي ماقبلت احف حزينه على ماما
لبست عبايه اسلاميه كبوس وحجاب اسود
تمنيت اصبغ اظافيري بس خفت امير يشوفني
رجعنا من الصالون فيصل رجعنا
وبالي يم امير فرحانه راح اشوفه
وصلنا للبيت
دخلت اركض
مالكيته
مهاب: ههههه شبيج دخلتي تمشين بسرعه
نورا: ها لا لان حاره
مهاب: هههه امير فوك
خجلني صعدت الغرفه
دكيت الباب
امير: مهاب ماافتح الباب دمرت اعصابي عوفني انام
نورا: امير
فتحلي الباب
نورا: هلو
امير: هلو... شلون اطلعين بدون ماتبلغيني
نورا: ويه البنات وبعلم عمي وعمتي وجدتي
امير: عمج وعمتج وجدتج هذوله زوجج
نورا: ها
فشلني وعصبي
نورا: اسفه والحمد لله على سلامتك
صعدوا ماكملنا كلامنا
مهاب: لمرتك تطفر انزل سوي الاضويه
امير: ههههههه والله عرفتك تحجيها
مهاب: انزل فضنا
امير: اسب مهاب اسب مجمده اسب دعاء اسب مهره
مهره: سب نورا
مهاب: ههههههههه عفيه بمرتي تربيتي
امير: اسب عليوان خلف محمد وخلف مهره وابتليت بيهم
مهره: سب نجاح خلاك تگوم تفتح الباب لبنته ويلزمك مهاب
مهاب: هههههههههههههه مرت ذيب
امير: شايف ذيب يزوج فاره من اشوفها اذكر فارة نانسي عجرم بالاغنيه
مهاب راد يضربه قفل الباب
مهاب دفر الباب
مهاب: والله مااعوفك اله اكسر راسك افتح الباب
امير: والله اسف
مهاب: افتح ولك هسه تنزل تسوي الاضويه من غصبن ماعليك
امير: مو تدلل اودي يااودي
دخلت الغرفه وهو نزل جوه
خليت خفيف ومسحته خفت منا
نزلت شفته بالاستقبال
نورا: تغديت.
امير: خايفه عليه
نورا: لا
امير: ماكو بوسه
نورا: ههههه
بمدخل الاستقبال حضني
نورا: مااريد
امير: المهم اني اريد
سمعنا صوت شردت
رغم محد شافنا
بيومها جدتي وعمتي ماقبلن يعزمن احد
صارت بس بين اهل مهره واحنه
ماكو نسوان
عمامي واولادهم واقاربنا الكل حظر
عمتي صبيحه فرحانه
لبست دعاء گلاده قرأن هديتها
ودخل محمد لبسها الحلقه وبسرعه طلع
الكل فرحان
تمنيت اعيش اجواء خطوبه مثل دعاء
تذكرت ناصر
مااعرف ليش حب ناصر عايش وياي
احاول انساه واحاول مااتقرب لامير رغبه
تعبت عايشه بحرب ويه نفسي
طلعوا وخفت الناس
بقت بس العمام
فيصل: نورا ابوي يصيحج
نورا: ليش
فيصل: تعاي للاستقبال
جدتي: مايحتاج بلغ ابوك مايحتاج
نورا: شكو
صبيحه: بنته ومن حقه يشوفها
نورا: اللهي الحق ياخذه لاخوج ويخلصني منا عساني الله يعميني ويكسر ايدي ورجلي اذا اروح اسلم على اخوج
فيصل: نورا
تذكرت مايقبلون اغلط
شردت لغرفتي
بالليل نزلنا حظرنا عشا
ماكو امير
كملنا عشا اغسل ماعين ويه اسرار ودخل امير
شكله مستعجل
نورا: اسويلك عشا
امير: لا لا
وكف باب المطبخ
امير: مهاب
طلع مهاب ويه امير
يسولفون بره
شوي ودخلوا اثنينهم
عيونه عليه مبتسم
كرصني بخدي
التفتت شفت اسرار تصب الجاي مامنتبه علينا ومهاب يمشي كدامنا
كملت غسل ماعين العشا ويه اسرار
همه كاعدين يسولفون
دعاء كاعده يم امير
من شافتني كامت واشرتلي تضحك
كعدت يمه
امير: افيييييييش
نورا: وين جنت
امير: ليش غالطه على ابوج اني شفهمتج
نورا: لساني فلت والله ماادبرها مااطيقه شسويلكم
عمي: اسرار بلغي رجلج باجر غداه يمنا
امير: ممجد عزم نفسه مهاب گله بات يمنا ويه عيالك گله لا باجر اجي اتغده يمكم بعد شنعزم عمي خابروا خلي يعزمني يمكم
مهاب: هههههههه الباجر عازمين محمد هو عزم نفسه
امير: شسالفه تعزمون بالعالم وماتلحكون وانه ومرتي محد يعزمنا محد يگلبنا
عمتي: انت حتى مو مثل البشر لا لابس حلقه ولا ملبس مرتك حلقه
امير: يمه احنه اخوه سامعه اخوه تلبس حلقات
نورا: هههههههههههههه
امير: خو فرحتي من ذكرت كلمة اخوه
الكل يضحك
مهاب: بويه انه هذا الاسبوع ناوي اسافر
امير: مو وكتها خلي الكلام باجر
عمي: شعندك
مهاب: انه ومرتي
عمي: ها سياحه شكو بيها
مهاب: لا بويه
عمي: ها خيرك
مهاب: نويت اعيش بكندا انه ومرتي
مهره: شنو😳
وللحكايا بقايا