مهاب الذيب

البارت ٦٠

مهره

دخل مهاب الغرفه

مهره: وهسه شلونه ابنج اي هو من يطلع اربعينه نومته تستعدل
اسرار: اجه مهاب
مهره: اي اي يله خطيه ديربالج عليه

مهاب: منو
مهره: اسرار... تسلم عليك
مهاب: اي سلميلي عليها

سديته

مهره: ها شصار
مهاب: رجعناها وامير وابوي ويه غسان
مهره: الحمد لله رجعت
مهاب: وليش فرحتي
مهره: ناقصه نورا
مهاب: مهره الباجر اعقد على عطر

سكتت مارديت عليه بس اشوفه ضايج مني

مهره: على اساس بعد رجعتنا من لبنان
مهاب: مايحتاج نولي لبنان
مهره: ليش
مهاب: لان اريد ازوج عطر اهم من سفرة لبنان كومه مشاكل براسي وانتي هم شاطره وتزيدين همومي ومشاكلي خوش مره معدله تعرفين توكفين ويه رجلج وتعرفين شنو الحلو بيج تحترمين قراراة زوجج وتسمعين الكلام
مهره: شبيك
مهاب: مابيه بس جاي امدح بيج وبتصرفاتج العاقله
مهره: شوف انت تريد  تتعارك حتى تسيطر و تزوج عطر براحتك
مهاب: ليش زعطوط وثانيا اذا اريد ازوج اكبر واحد مايوكف بوجهي حتى انتي لايكون ابالج اخاف منج غلطانه انتي متوهمه وانما احترمج فقط بس شفت ماكو احترام الي قررت ازوج
مهره: صدك تحجي يعني شنو تريد عطر زواج زواج لو زواج ورق
مهاب: انتي ششوفين
مهره: حسب حسابك يوم واحد ماابقى يمك واطلك منك
مهاب: ليش هي بكيفج والله حلوه انتظر مره تطلك مني ماعاش الذيب حرمته تفكر بالطلاك 
مهره: انت شبيك دخلت عليه عصبي الظاهر كمت تحب عطر ونسيت وعدك
مهاب: وانتي مانسيتي وعدج انه هم مثلج وليش مااحبها بنت عمي
مهره: اي ليش ماتحبها تستاهل حبيبة سرمد شبعت بسرمد وهسه وياك مبين خبره وتعرف شلون تكسب ولد عمها
مهاب: شوفي اخر مره اسمحلج بهذا الكلام هلمره راح اعديها الج تدرين انتي تجاوزتي عليه من طعنتي بااخلاق بنت عمي ثاني مره والله والي خلقج بس تحجين على عرضي او عرض اي بنيه حتى لو غريبه دقيقه وحده ماتبقين على ذمتي

طلع من الغرفه وركع باب الغرفه بكل قوته
لدرجة وكع شويه من الحايط يم الباب

كمت ابجي سمعته طلع بسيارته

صعدت عمتي الي

عمتي: شصار مهره
مهره: شوفي شلون كسر الباب وحايط الغرفه😭 شوه الحايط
عمتي: يا ليش
مهره: يريد يعقد على عطر باجر ضوجته بالكلام شو تخبل عليه
عمتي: بلشن بالسحوره
مهره: شنو يعني راح يدخل على عطر
عمتي: شكو يزوجها يخليها حارس لكبر ابوي😏
مهره: عمه مهاب اذا يزوجها اطلك منا ماتحمل اشوفه ويه مره ثانيه
عمتي : شكو وافقتي
مهره: اووووف خاله خليني ساكته

دخلت دعاء

دعاء: مهاب خابر يگول خلي مهره تبدل ربع ساعه ويمها
مهره: وين ياخذني
دعاء: والله مااعرف بس گال تبدل وتنزلي لاتتأخر وخليها تلبس عباية اسلاميه
عمتي: شبي