مهاب الذيب

البارت ٨٨

مهاب

طلعت اركض
لكيتهم يتضاربون

امير: تخبلت تاخذها والله اذبحك وماتوسخ نفسك وياها
فيصل: عوفني ياجبان

فاككتهم
لزمت امير ومهره ودعاء ونورا سحبن فيصل

صحت بيهم

مهاب: شنو هاي😡

امير: عوفني أدبه عوفني مهاب عوفني😡

دفعته ودخلته للديوانيه

مهاب: ادخل فيصل للبيت

فيصل: اخذها غصب عنك... اذا مقهور ليش تركتها
امير: ولك ماكو شي بينا ياغبي رادت ترسم وماكدرت حولت عليك.. ماادخلها بيتنا وتصير ثور
فيصل: لاتغلط

دفع البنات وهجم على امير

دفعتهم فيصل وامير

مهاب: ماتستحون وماتخجلون امشي ولي ادخل للبيت... انت الثاني گوم 😡... امشن ادخلن

دخلنا للديوانيه اني وامير

مهاب: ليش تضرب اخوك من شوكت نتضارب
امير: مقتنع يدخل اروى لبيتنا الغبي
مهاب: شنو دگتك بالبنيه واخوك يريد يطمطمها
امير: مهاب صدكني ماكو شي بينا مجرد اجت فتره نتراسل ذبت روحها عليه تجاوبت وياها اريد اشوف شتريد عرفت تلح عبالها اوكع بحبها واعرف مخططات عمتك ماگدرت عليه وعطر ما_درت عليك حولت عمتك على فيصل واخوك الغبي قنعته وغاسله عقله
مهاب: لا ماغاسله عقله اكو شي يجبر فيصل ياخذها
امير: لاتخبلني شنو الي يجبره
مهاب: ليش ضربته انت منو حتى تضربه مو زعطوط حتى تمد ايدك عليه هسه تعتذر منا
امير: لاتخليني حتى انت اضربك من منو اعتذر
مهاب: لاعبالك احبك ماامد ايدي عليك... مامسموحلك تمد ايدك على فيصل

دخلت نورا

نورا: ليش تضرب اخوك مصايبك اهواي وتخاف يكشفهن كدامنا😡

صاح بصوت عالي عليها

امير: انجبي وامشي ولي لاتنضربين انتي الثانيه
مهاب: شنو تضربها😡 شبيك تخبلت علينا
نورا: اريد اعرف شيقصد تركتها ليش شكو بينكم
امير: امشي ولي لااطلع قهري بيج لا تسألين ولا تصيحين

مهاب: نورا

اشرتلها تطلع
طلعت عصبيه

راد يطلع لزمته

مهاب: وين
امير: اخذ مفاتيحي اريد اطلع ابقى هنا اسوي كارثه
مهاب: ابقى هنا اني اجيبهن الك

دخلت للبيت شفت فيصل كاعد
رحت يمه

مهاب: اذاك السخيف
فيصل: لا

ضاربه بوجهه
انقهرت اخواني يتعاركون بهذا العمر
دخل امير وراي واكف باب المطبخ

امير: والخلقك مااخليك ادخلها لبيتنا
فيصل: والخلقك تدخل غصبن عنك