مهاب الذيب

البارت ٥٠ ( ٣ )

هلاو بنات متابعه دخلت خاص سألتني البارت فارغ والله انشر مااعرف ليش فارغ😭
بنات علقوا اذا يطلعلكم وتقرون حتى البنات يصدكوني داانشر😔

نورا

ناصر: شبيج
نورا: شلون تبلغه اني زوجتك يمكن يطلع من اهلي
ناصر: مو من اهلج فهمته خطيبتي عاقد عليج هيج شي
نورا: اي هم مايصير
ناصر: لاتسولفين لاهلج خليها بيني وبينج وبس اشوفه ثاني مره اشتكي عليه
نورا: ليش تشتكي عليه
ناصر: شكلج معجبه بي
نورا: بلا سخافه لاتجاوز فاهم لو لا
ناصر: انجبي واسكتي
نورا: لاتغلط مو تشوف نفسك انت خاين عبالك اني مثلك
ناصر: شسويت حتى تسميني خاين
نورا: اسكت مااريد احجي وياك
ناصر: ليش ضجتي عليه
نورا: لان مامأذيني ليش تريد تأذي ذاك اليوم هو ساعدني ودخلني للمدرسه وضرب الحارس لخاطري
ناصر: شوكت هذا الحجي

سكتت ماجاوبته
صاح بصوت عالي

ناصر: احجي شوكت😡
نورا: معليك من تعقد عليه وتلبسني حلقه.. الك حق تسألني واسكت مااريد احجي وياك

شخط السياره ساكت عصبي
وصلني نزلت للبيت عصبيه
توترت علاقتنا الى ان كملت دراستي
عطلت اقره لثالث

بعدها بدت امتحانات النهائيه اراقبه مااشوفه
اخر يوم الامتحان شفت سيارته لمحتها دخلت للفرع حتى ماكدرت اشوفه

ناصر: شبيج
نورا: ها مابيه شي

نزلت ركضت للفرع شفت سيارته من بعيد تمشي هي نفسها

ناصر: نورا

ناصر يدك هورن الي بعدها نزل من السياره

ناصر: شبيج
نورا: مااعرف لمحت شخص اعرفه
ناصر: منو
نورا: مااعرف

دخلت للامتحان من طلعت بقيت اراقبه ماكو
تمنيت اشوفه حتى احجي وياه وافهم قصته

كملت امتحاناتي الحمد لله نجحت معدلي ٩٨
هدية نجاحي اشترالي ناصر موبايل
فرحت بهديته

بيوم بالليل زارنا ناصر
لابسه بجامه لونها ازبري فتحتله الباب

ناصر: شنو هذا العذاب
نورا: هههههه ادخل لايسمعك بابا
ناصر: موجود
نورا: اي

دخلنا اني وياه كرصني بخدي يم باب الاستقبال

ناصر: احبج

ضربته وشردت منا دخل بابا

ظفر: هلا ناصر
ناصر: شلونك عمي
ظفر: اليوم خالتك سمعت نسيبها يزورنا خلصت راتبنا على عشاك
ناصر: ههههه شلون
نورا: سويت كباب بالفرن وبيتزا وكيكه وعصاير
ناصر: هسه نورا تسفط وتقضي عليهن
نورا: 😡
ظفر؛ ههههههه ماتاكل نورا
ناصر: من ناكل تاكل لفتها ولفتي تعضها من الجهتين وتبقى عينها على باقي لفتي
نورا: لفاتك صغار شسويلك
ظفر: شلونه دوامك
ناصر: ماشي الحال تعب وحاره