مهاب الذيب

البارت ٥٩

نورا

بعد وفاة امي ب ٤٥ يوم

الصبح كاعده

نورا: صباح الخير
ختام: صباح النور 
نورا: خاله حلا هستوها نامت وشربتها ممه بس الليل كله تلوب تعصر
ختام: اي تخلص شهرين وتتحسن
نورا: طالعه للدوام
ختام : الله وياج

اتصلت على بابا

نورا: صباح الخير بابا
ظفر: هلو نورا
نورا: بابا شوكت نرجع للبيت
ظفر: اشوف اليوم امر عليكم
نورا: بابا خالتي احسها ضايجه
ظفر: والله اعرف اشوف شلون ارتب اموري حتى ارجعكم
نورا: متريك
ظفر: طالع للدوام هناك اتريك انتي وين
نورا: بره انتظر ناصر
ظفر: اليوم الظهر اني اخذج من الدوام بلغي ناصر لايجي
نورا: ماشي انتظرك وها رامي خلص حفاضات وحلا عذبتني بس تعصر مافاد وياها القطرات الي اشتريتها الها البارحه
ظفر: باباه شوي شوي تتحسن مو من اول يوم
نورا: ماشي يله اجه ناصر
ظفر: ديري بالج على نفسج
نورا: ماشي

صعدت السياره

ناصر: صباح الخير
نورا: صباح النور😔
ناصر: شلونها حلا
نورا: نامت وخطيه عفتها تعصر مبين محتاجه امي ورامي يبجي على ماما واني اكثر منهم محتاجتها ليش عافتنا
ناصر: الله يرحمها
نورا: مشتاقتلها ناصر جاي اموت بدونها بابا حاله يقهر واخوتي هم وخالتي مستثقلتنا وبابا مايقبل نروح وياه للبيت
ناصر: خالتج الجلبه شكو تستثقل ابوج مامقصر مصرف مسواك تاكل وتشرب بخيره غير ماتت اختها لازم هي من وحدها تهتم بيكم امكم الثاني مو انتي متبهذله بااخوتج وعندج دراسه حتى الاربعين اشوفها بالكوه تبجي وتمشي
نورا: لاتظلمها بجت عليها صدك ناصر اكو واحد بجه كومه على امي ويگلها سامحيني وسامحيني منو
ناصر: ههههه ضحكتيني واني ضايج
نورا: ليش
ناصر: انتي ماتعرفين تريدين اني اعرف
نورا: الي لابس بلوز نيلي ولفاف جوزي الضخم وكف يم بابا شبيك
ناصر: ها ولج هذا خالج
نورا: اخو ماما
ناصر: اي حتى قبل يجي لخالتج ختام كل فتره بس صار جم سنه ماشايفه
نورا: من ماتت امي يريد تسامحه وينكم عفتوا اختكم وحدها واذا خطأت معناها يشمروها بالشارع
ناصر: هذا مجتمعنا البنيه اذا شردت معناها حياتها انتهت من اهلها
نورا: مجتمع ظالم ليش واني صغيره وعيت على مشاكل ومن كبرت خسرت امي.... تعرف اني مثل ماما عندي اخوه ومااعرف عنهم ولايسألون عليه حتى غسان الحباب ماخطر على باله يسأل على اخته ااااه بعد شضامه الي الدنيا

نزلت دمعتي لزم ايدي ناصر

ناصر: لاتخافين اني مااعوفج وياج وكل خير ضامتلج دنيتج.. تتريكين
نورا: لا مااشتهي
ناصر: نورا لازم تتقوين ... انتي ضعفانه ومتغيره مايصير تهملين نفسج
نورا: ماالي نفس للاكل ولا للدنيا

نزلت من السياره
نسيت ابلغ ناصر مايمر عليه بابا ياخذني
رسلتله رساله وسلمت موبايلي للاداره