مهاب الذيب

البارت ٧٠

نورا

امير: احبج
نورا: بس اني احب
امير: تحبين ناصر اعرف
نورا: 😭😭😭😭

ابتعد عني

امير: لاتخافين مااريد منج لاحب ولا زواج انتي بعيوني اخليج بدون مقابل
نورا: اريدكم انت ومهاب وفيصل اخوتي مو ولد عمي ساعدوني 😭
امير: ان شاء الله

باسني براسي تأخر بوسته

امير: يله كملي حتى نرجع

طلع اشوف حلا كبرانه محلوه تشبهني وتشبه ماما

حضنتها ابجي

ظفر: نورا

حضنته

نورا: مااتحمل اعوفكم بس مكاني مو يمك كله بسبب ماما ماتت وعافتنا
ظفر: الله يرحمها ولاتخافين والل مااعوفج راح انتقل لبغداد علمودج اصير قريب عليج اي شي تحتاجين خابريني وبكل وقتي اني ابوج معليه بعمامج واهلج ومااخاف منهم والله الي مربطني همه صاحبين حق مايصير تعيشين ويانه
نورا: ليش عافني 😭😭😭😭 بابا نار نار بكلبي احس عايشه بحلم مو ناصر غيره
ظفر: ماردت من الاول ناصر بس انتي وامج اله ناصر لان عرفت مايكدر يدافع ويحارب ناصر انسان عادي
نورا: شيحارب اني رجعت اله بلا تعب بابا حتى ماانتظرني زين ليش مافكر سنه اشهر ياله يخطب ويزوج ينطي لنفسه فتره ينساني ماصدك ابتعدت راح خطب وازوج صار شكد من خاطب
ظفر: صار اسبوعين من شفتج بالمستشفى هو اله ايام
نورا: ليش مابلغتني واني مثل الخبله اشرد لخاطره
ظفر: نورا اوعديني بعد ماتشردين
نورا: وين اروح بعد 😭 صعب اعيش بمكان مااعرفهم ومجبوره لان ماعندي غيره
ظفر: بيت عمج زينين ومهاب هسه وعدني ينقلج وتكملين وهو يساعدج بدراستج اقري وتعبي نفسج طلعي معدل حتى تروحين طب وتضيرين احلى دكتوره
نورا: بابا اني ضايعه
ظفر: لا مو ضايعه انتي نورا القويه

لميت غراضي وشايله حلا ابوسها واشمها

مهاب: نعرف صعب عليك بس حاول ادزهم يم اختهم يوم يومين وبعيونا نخليهم هي اختهم والها حق عليهم
ظفر: ان شاء الله واتمنى تقبلون اخذها ساعات نشوفها بمكان عام حتى تشوف اخوانها

بابا كام يبجي ويمسح بدموعه ماتحمل يكمل كلامه
حضنته وكمت ابجي وياه

نورا: بابا ليش الله ماخلقني اني بنتك حالي حال حلا ورامي ومحد يفرقني عنكم

سكتني ومهاب وامير واخو بابا ساكتين

مهاب: كل وقت تكدر تجي تشوفها وتاخذها
امير: بس تستقرون بغداد اني باايدي اخليها تجيكم يوميه
ظفر: هذه الشهرين انتقل ان شاء الله
مهاب: الله يسهل اموركم
ظفر: زين نورا اكيد تبقى يمكم
مهاب: اطمأن ماتطلع من بيتنا وبعيونا نخليها وعمي ماياخذها من عدنا
ظفر: ونعم منكم

بوستهم وطلعنا وعيني على حلا
بقيت ساكته الطريق گله

حياتي فارغه ومستحيه
ناصر خذلني ومااعرف شلون اكمل حياتي