مهاب الذيب

البارت ٥٥

مهاب

اندكت الباب

مهاب: ادخل

دخل امير لغرفتي

امير: الله يساعدك
مهاب: هلا
امير: ها
مهاب: شو ها وين السجل الحساب الوصولات
امير: نتغده ونتحاسب
مهاب: ماشي....  شفت عمتك
امير: اي شفنا قبيحه شبيها
مهاب: هههههههه صدك قبيحه هي واخوها راسب
امير: ياراسب
مهاب: نجاح يوميه اسمي راسب ومهره تضحك عليه
امير: صدك راسب ومابي حظ 

اطلع بفلوسي احسب شفت ملابسي مخربطه
نظامي ترتيب ونظافه
مهره مثلي تعتني بترتيب ملابسي

مهاب: احسبلي هذني اريد انزلهن لابوي
امير: مال شنو
مهاب: عمي ابو شاكر محتاج ٩٠ ورقه
امير: شيسوي بيها
مهاب: ناوي على مشروع مااعرف وابوي راح يداينه ٤٠ يگول خاف انطي ٩٠ ويشلع گلبي واذا ماينطي يزعل منا
امير: شعجب يداين عمي ابو شاكر مرتب اموره
مهاب: شمعرفني بعمك تعرف مايحب يطلب من نائل ونجاح
امير: والله بس هو يفتهم مايقرب قبيحه والسرابيت لبيته
مهاب: بس ابوك ميت عليهم
امير: هو شبي متوتر وياك
مهاب: تعرف فلاح ابن كريم
امير: اي شبي خطبني
مهاب: ياخطبك خليني ألغي
امير: شبي
مهاب: مغير بيته تبادل بيت ثاني ووياها قطعة ارض وفلوس داور البيت
امير: شدعوه
مهاب: المنطقه راقيه
امير: هها
مهاب: بلش يرمم البيت شايفها قطعه وحده البيت الي بصفه يعني بالمستقبل ينقسم لان صاير تجاوز
امير: غبي غير يشوف الخارطه يسأل يتأكد
مهاب: هو مال غبي غبي بس مبين مرته خابصته عاجبها البيت والمنطقه والكهربائي منتبه صاير بالسالفه تزوير
امير: مو خوش سالفه وهسه
مهاب: يريد يرجعها ومايقبلون
امير: ليش مايقبلون
مهاب: حسين الي لازم هذا البيت واجه يشكي من حسين يگول انه ابن عمك ومن لحمكم ويبيعني للغريب
امير: فهمت واجه الك حتى تخلصله السالفه لان بكل مصيبه تعال مهاب
مهاب: اي
امير: وانت راح تركض
مهاب: نخاني اساعده شتريد  افشله
امير: مهاب مو بكل سالفه تركض للوادم
مهاب: ولك اسمع السالفه مو هنا المشكله كبرت
امير: شصار
مهاب: خابرت حسين يابه شنو هاي السالفه حسين گال مهاب انه اخسر اذا اصف ويه فلاح صار عندي شغل ماكدرت اكمل كلامي وياه  ساعه الزمن خابر فلاح يرجف وخايف ابنه ضارب اهل ابو البيت وحسين
امير: مات
مهاب: لا هاد عليهم ومتعارك ضاربهم مزورك عين الرجال وكاسر خشم حسين
امير: السالفه مبين بيها لعبه
مهاب: اي حسين متفق ويه الرجال على نسبه ومقنع فلاح وفلاح واثق بكلام حسين
امير: وهسه شصار
مهاب: طلعت من الجامعه اخذت ابن فلاح لصديقي عز الدين ابوي زعلان شلون تساعده وهو ضرب حسين
امير: اي وشلون راح تتصرف
مهاب: نشوف الرجال شيسوي و اليوم اروحله هو هم خطأ يرجع حلالهم بطلوا الاتفاق عرصه مامشتركه ومابيها تجاوز بعدين طلعت السالفه
امير: وابن فلاح الي ضرب
مهاب: ماعليه عيب ضاحكين عليهم حقه
امير: معناها راح توكف بوجه عمامنا
مهاب: ليش عمامنا يقبلون على الظلم لو احنه صاير بينا هذا الموقف مانضرب ليش هينه من يستغفلوهم ويضحكون عليهم
امير: ابو جواد يزعل بس يسمع لان حسين زوج بنته
مهاب: زعلتهم انه اوكف ويه الحق والرجال طلب اساعده وتعرف كد كلمتي
امير: هنا المشكله حجايتك تمشي وتصير مصايب بسبب حجايتك