مهاب الذيب

البارت ٥٢

مهره

مهاب ضاج ونصى يهز راسه
استغربت

مهره: شبيك
مهاب: لا مابيه... دعاء كملي ريوك وبلشي بالرياضيات
امير: عدها امتحان احياء الاحد
مهاب: اعرف بس اريد تقره شويه رياضيات العصر تبلش احياء
عمتي: عدنا شغل
مهاب: روحي طافره لااطلعوني من طوري البنيه سادس نعيد مأساة اسرار وفيصل وتالي

كامت دعاء غسلت ايدها وصعدت بسرعه

امير: مهاب اكو شي مااعرفه
مهاب: ضايجه مني لان خانكها بالدراسه
جدتي: شمالك وياها
مهره: خطيه هي تعبانه على فراك اسرار

كمت اريد اصعدلها

مهاب: مهره عوفيها

عمتي وعمي طلعوا للولايه وجدتي بغرفتها وفيصل ودعاء بغرفهم
كاعد امير ومهاب بالاستقبال
اخذت الچاي الهم

مهاب: ااااخ يادنيا چم هم بهم
امير: كل واحد همه شكل
مهاب: همك وهم دعاء وهم فيصل يحب عمته وهم ابني وهم مهره وهم اختك الجبيره
امير: شبيها دعاء
مهاب: سالفه بيني وبينها
امير: اسرار شبيها
مهاب: ممجد يشكي من اسلوبها تطفر بالوجه
امير: مايعرف يرد مرته
مهاب: يستحي مني وطلب مني مهره تنصحها
امير: دز عليها نكسر راسها
مهاب: انت هم صاير متخلف شنو تكسر راسها
امير: نصفك لاختك ماتشوفها مامؤدبه ويه زوجها
مهاب: اذا ادخلنا تعاند وتكبر بينهم المشاكل مهره اسألها مسويتلك اسرار وممجد عنتر و عبله محد يلحكهم بالحب
امير: هههههههه بس مبين عليهم سعيدين
مهاب: صح بس ماكو رجال يتحمل مرته تطفر بوجهه
امير: لطه على الحلك تستعدل 😂
مهاب: صوجي كبرت راسك واسولفلك
امير: لاتكبر راسها روح تكشخ على رجلها الله يرحم هسه لازم مكانها يم زهير وتغسل حضاين نجاح
مهاب: ههههههههههههههه.... مفكر اساعد اسرار مصاريف دراستها عليه لان مايلحك ممجد اجار بيت ومصاريف السياره وملابس طلعه غير مصاريف البيت
امير: خوش حتى تسيطر والله اهلي يصرفون عليه انت شنو دورك تريد تساعدها عن طريق ممجد بدون علمها

دخلت يمهم

مهره: سمعت تحجون على اسرار
امير: الچاي بارد مبين صار ساعه واكف يم الباب
مهره: هههههههه لاتظلمني وشبيها اسرار
امير: تسلم عليج دگول بعد لاتخلين اذانج يم الباب تسمعين اي غردي شبيها اسرار كرمينا بسوالفها
مهاب: هههههههههه انت ليش مااجوز من مرتي
مهره: شحلاتهم مثل الورد ممجد يطير عيون شو مدللته اسرار يلگه مثلها جمال وشهاده واخلاق وتحبه روحها وحياتها ممجد
امير: تقشعر بدني على كلامج شوف التسفيط
مهاب: هههههههه ماتاخذ منها لا حق ولا باطل ابتلي اسألها
امير: اگلك اريد اغير سيارتي
مهاب: والمطلوب
امير: انت وضميرك
مهاب: هستونا صالحنا مخلد مابينا حيل يضرب مهره
مهره: والسياره شعليها بمخلد
امير: قصدك سيارتي فگريه
مهاب: انت وفهمك هههههههه
مهره: ااااه لو طارحته بيومها ولا يحلى بعيني