مهاب الذيب

البارت ٥٠ ( ٢ )

اسفه انزل اجزاء شوي شوي شسوي ماعندي غير هذا الحل ويه النت التافه😔
بنات لاتستغربون من حياة نورا اكو عوائل عدها تطور
مثل زوج امها وناصر وطلعاتهم وخطوبه بس اسم
كل بيت واله عادات ونظام

نورا

امتحان صعب سهرت للفجر اقره
سمعت صوت بابا ظفر

ظفر: نورا بعدج تقرين باباتي لازم ترتاحين
نورا: حباب بابا خلينا نراجع

كعد يمي

ظفر: قريتي المسائل تجي مهمات
نورا: اي

خليت راسي على متنه واغفي

ظفر: هههههه شلون نراجع وانتي نايمه
نورا: اسألني حتى اجاوبك
ظفر: نامي ارتاحي كافي دراسه
نورا: ما ما

احجي واغفي

ظفر: هههه صدك اليوم ادزلج ابو مصطفى
نورا: ليش
ظفر: ناصر طالع دفانه اقاربهم متوفي
نورا: شلون عرفت
ظفر: خابرنا بلغنا

ماتحملت نمت بفراشي
غفيت اسمع بابا يضحك وغطاني

بابا كل يوم الفجر يكعد يصلي ويقره قرأن ويطلع لدوامه

كعدت متأخره على صوت باب بيتنا يدك
فزيت اشوف الخط يدك بابنا
ماما هم نايمه اخذتها النومه مثلي
ركضت بدلت بسرعه بسرعه
حظرت جنطتي اخذت حذائي وطلعت بسرعه

ابو مصطفى صافن لان طلعت حافيه
صعدت السياره ألبس جواريبي وحذائي
ومشطت شلت شعري بالسياره

وصلت للمدرسه ب٨ وربع وعندي امتحان اول درس
نزلت اركض

حارس: ممنوع الدخول بعد
نورا: عندي امتحان واتأخر ابعد بسرعه 😡
حارس: مايصير تأخرتي ارجعي
نورا: الله يخليك عندي امتحان
حارس: المديره ماتقبل

حاولت ادخل دفعني

حارس: شبيج بابا مايصير

فجأه اشوف واحد عصبي دفر الباب بعصبيه
التفتت شفت الولد الي يراقبني 

؟: ادخلي.... وانت شنو تدفع بنيه

ركضت دخلت خفت يخطفني من بعيد راقبته

حارس: انت شلون تدفعني
؟: وانت شلون تدفع بنيه تخبلت الظاهر محتاج اثرمك حتى تفتهم الرجوله صح

اشوفه دفعه ولازمه من قميصه ضربه كله

حارس: هسه اشتكي عليك وعليها

دفره بطنه ووكع عليه ضرب

ركضت للصف خايفه شفت المدرسه اخرت امتحانها لثاني درس
كاعده وبالي يم المشكله والي صار
خفت من عصبية الولد وضربته للحارس مرعبه بلا رحمه
بقيت عايشه بخوف انفصل بسببه

خلص الدرس ركضت طلعت اشوف الي صار
ماكو شي وماكو احد
تقدمت على الاداره شفته كاعد
عزه اشو هذا ضرب الحارس وكاعد مترهي ويه المديره