مهاب الذيب

البارت ٤٦

مهره

مهاب: ها حبيبي يله نصعد
مهره: اي

كومني وانه بحضنه مستنده

مهره: مابيه شي بس من اوكف مااكدر ادوخ مااعرف شبيه
مهاب: منا لباجر ماصرتي زينه اخذج للدكتور
مهره: الولد بره اريد ابقى بحضنك
مهاب: عادي لاتستحين تريدين اشيلج
مهره: ههه لا

سمعنا جرس البيت

طلعنا انه وياه بالصاله

عمي: ها بويه شلونج
مهره: الحمد لله

دخل فيصل

امير: منو
فيصل: اهل مهره
امير: شكد عيب جاين يباركولي على سيارتي عمي ماتسوى ليش تخجلوني
مهاب: هههههه هو منو مستعبرك
فيصل: بنات بسرعه افتحن باب الاستقبال للنسوان
امير: بس نسوان شسالفه هي سياره هيج لحمه عاجبها تاخذ فره بسيارتي
عمي: شبيك انت😡

ماادري امير اشترى سياره

فيصل: لا اخوتها وابوها دخلتهم للديوانيه
جدتي: ولك دخلهن هنا ليش بلاستقبال
امير: عليمن خلي يكعدن بسيارتي الفره بالف ماكو اگولون نسابته
مهاب: شوكت تعقل

كام عمي وامير ويه فيصل وعمتي طلعت ادخل البنات

عيني بعين مهاب

مهره: الله يخليك سهلها بداعتي
مهاب: لاتدخلين وتعاي اصعدج
مهره: خليني اشوف امي واخواتي
مهاب: ارجعي لغرفة امي نامي ارتاحي ويكعدن يمج

رجعني لغرفة عمتي دخلوا اخواتي وامي لغرفة عمتي
مهاب طلع وسلامه ثكيل على اهلي

جدتي وعمتي كاعدين ويانه شوي وكاموا عافوني ويه اهلي

امي: شبي مهاب سلامه ثكيل
رحمه: مابي شي بس ضربنا مرته وابنه مهدد للاسقاط وتهمنه مرته خاينه بس هذا الي بي
بلقيس: حقه مايسلم وحقه مايستقبلنا اذا يصير شي بالطفل والله مايرحم مخلد
مهره: شصار على مخلد
بلقيس: راحوا لمحامي ابن شيخ عطوان يحاول يطلعه كفاله الى ان نشوف شلون نحلها
مهره: خلوا بالسجن لايطلع اخاف على رجلي يتسودن ويضربه
امي: مهما يكون اخوج شلون يسجنه
بلقيس: اي هم صدك لازم يحضنه ويبوسه ويتشكر منج على تربيتج
امي: شو ماتستحين بيت العالم ولسانج على امج
بلقيس: يمه الله يخليج اسكتي محد خبل مخلد غيرج انتي ومرته
رحمه: كل خطأ وگالت شدعوه عليكم هذا ابني شدعوه زعلتوا منا
مهره: لان ابنها والابن عزيز بديت احس باامي...بس يمه عاجبج حالي تدرين شكد صعبه اخوان زوجي يحموني من اخوي وركضوا بيه للمستشفى
بلقيس: مهاب وين جان
مهره: بديالى هو وعمي
بلقيس: الله يحبنا بوقتها ماموجود والله يذبح مخلد
امي: تروحين ويانه
مهره: ياريت الخجل موتني هنا بس اعرف مهاب مايقبل حتى عمي مايقبل
بلقيس: تحملي يوم يومين وانه احجي ويه مهاب تجين يمنا جم يوم ترتاحين رغم عيالج مامقصرين وياج