لأجل أمي أصبحت خادمة🌺

البارت الثامن عشر والأخير

الرواية باللهجة السعودية للكاتبه :
شام الحاربي
كتابه بالليبي :
سوما العلاقي

________________

شافت فونها يتصل قعدت تشوفله بعدين شافت ل براءة ...

براءة : من ؟ ...

هنادي : وسيم ...

براءة : ردي عليه ...

هنادي " ردت " : الو ...

وسيم : كيف حالك هنادي ؟ ...

هنادي : باهي الحمد لله ، حقنسيت عظم الله اجرك ...

وسيم : البقاء لله .. هنادي شن مافيش اخبار ع براءة ؟ ...

هنادي " شافت ل براءة " : لا ...

وسيم : تمام بالله عليك كان صارت اي حاجه كلميني ...

هنادي : ان شاء الله ...

سكر فونه و لوحه ع الطاوله و تنهد بتعب ...

براءة : شن يبي ؟ ...

هنادي : يسأل عليك صوته تعبان ...

براءة : مسكين والله مايستاهل ...

هنادي تنهدت ...

براءة " ضحكت " : راهو خويا ...

هنادي " تحشمت " : عارفه ...

براءة : تحبيه ! ...

هنادي " خدودها ولو حمر " : براءة ...

براءة : ان شاءالله يكون من نصيبك ...

هنادي : انتي تحبي عزام ؟ ...

براءة : نكذب عليك كان قتلك لا ...

هنادي " تنهدت " : الزوز طحنا في الاشخاص الغلط ...

براءة : لا علاش انتي حظك حلو لكن اني طول عمري منكوبه ...

__________________

الدكتور : الحمدلله ع السلامه ...

رائد : خير الدنيا ضلام ...

الدكتور : انت انعميت ...

رائد " بصدمه " : شنو !! - نستاهل لاني شفت الحرام - ...

الدكتور : و الحادث سببلك شلل نصفي يعني معش تقدر تحرك رجليك ...

رائد قعد يبكي ...

الدكتور : و معش تقدر تتزوج بكل ...

رائد " يبكي " : نستاهل اني جبته لروحي نستاهل ...

.

.

فتح عيونه و شاف للسقف فوقه ...

انخلع و ناض قعمز لقي وسيم و بوه مقعمزين ع الكراسي بحداه ...

رائد : مانعميتش !! ...

قام الغطا من ع رجليه : كنت نحلم ولاه ؟ ...

رائد : لكن علاش ماصارلي شي نتفكر في السياره خبطتني ...

هلال : لا ما خبطاتكش كان بينك و بينها سانتي و انت دخت ...

رائد : يعني ماصارلي شي نقدر نمشي و نشوف ...

هلال : قول الحمدلله ...

رائد : الحمدلله ...

هلال : وسيم اطلع شويه نبي نتكلم مع خوك بروحه ...

وسيم : باهي اني خلاص بنمشي للشركه و الحمدلله ع سلامتك يا رائد ...

رائد : الله يسلمك ...

طلع وسيم و سكر الباب وراه ...

هلال " شاف ل رائد " : دخلت لدارك و شفت الورقه الي كتبتهالك براءة ...

رائد نزل راسه ...

هلال : يعني مها ماتكذبش ؟ ...

رائد " مارفعش عيونه " : بويا سامحني ...

هلال : حرام عليك الي درته عار مسكينه البنت لما جتنا و خليت كل الي في الحوش يسبها و يتهمها ...

رائد : والله ندمت يا بويا و مستحيل نعاودها ...

هلال : الحادث هادا عبره ليك و احمد ربك مامتش و قعد ذنبك في رقبتك برالها و صحح غلطتك و انت فاهم قصدي ...

رائد : باهي و نوعدك مها ح نراضيها ...

هلال : مافيش داعي تقعد في المستشفى هيا نروحو ...

لبس رائد دجاكته و طلع مع بوه و روحو للحوش لقو أسيل موتيتلهم غدي حلو داراته بروحها تبي تغيرلهم جوهم شويه ...

اتصلو ب وسيم و روح حتى هو تغدى معاهم ع سفره وحده ...

هلال : حق بنقولكم عرفت من كتب الورقتين ...

وسيم : قصدك طلع نفس الشخص حق ...

رائد : منو ؟ ...

هلال : امكم .. الله يرحمها ...

أسيل " بصدمه " : معقوله !! ...

هلال : تطلب مني و منكم السماح ربي يغفرلها و يرحمها ...

رائد : لازم نلقو براءة و نفهماها ...

وسيم : تعبت و اني ندور فها و مالقيتهاش ...

رائد " وقف " : بنمشي ندير حاجه شويه و نجي ...

طلع ركب سيارته و مشي ...

وصل لحوشهم نزل و طق الباب غتحله ريان و واضح التعب ع وجهه ...

ريان " بصدمه " : خير شن تبي ؟ جاي بتتهمنا بحاجه ؟ ...

رائد : لا جيت بنعتذر ...

ريان : و شن بندير بيه اعتذارك ...

رائد : نبي نطلب يد اختك مها ع سنه الله و رسوله و مادابيا تردو عليا اليوم لانها قريب تجيب و لازم تجيب في المستشفى خير ...

ريان واقف مصدوم و معش قدر يتكلم ...

رائد " حطله ورقه في يده " : هادا رقمي كلمني من حد ماتوافق اختك و اني غدوه بنقرا الفاتحه طول ...

ركب سيارته و مشي وريان قاعد واقف في مكانه ماستوعبش الي صار ...

مها " استغربت عطل " : ريان ؟! .. رياان ...

ريان " دخل " : يبيك ! ...

مها : منو ؟ ...

ريان : رائد ! ...

مها : مانبيش نشوفه ...

ريان : جي خطبك مني توا ...

مها انصدمت و قعمزت ع الصالون ...

ريان : شن رايك ؟ ...

مها : الي بديره باهي ...

ريان : هادا مستقبلك انتي قرري ...

مها : ماعنديش خيار ثاني .. موافقه ...

ريان " ابتسم " : خلاص تو نكلمه العصر يجي نقرو الفاتحه و بعد ما تجيبي نديرو العرس ...

مها : لا مانبيش ندير عرس ...

ريان : علاش ؟ ...

مها : عرسك انت اهم فكر في أسيل ...

مشت لدارها سكرت الباب و قعمزت ع السرير ...

قعده مصدومه شن خلا رائد يتغير و يجي يخطبها ...

مها " ابتسمت " : مهما درت ماقدرش نكرهك الحمدلله مش ح نربي ولدي بلا بوه ...

____________________

أحمد : وسيم اختك لازم تتعالج بسرعه ...

وسيم : ماعندي مانديرلها مالقيتهاش مانقدرش ندير شي ...

أحمد : تقدر انت و عزام تخلاها اتجي ...

وسيم : كيف ؟!! ...

أحمد : انت تعرف عزام يحبها ولاه ؟ ...

وسيم : ايه ...

أحمد : خلاص عزام نقطة ضعفها ...

وسيم : باهي ...

أحمد : .........  قالله ع الخطه الي بيشداها بها ...

وسيم : باهي من بيقوللها ؟ ...

أحمد : اكيده صاحبتها تعرف مكانها هادا كانا مش قداها هي ...

وسيم : حلفت انها مش قداها ...

أحمد : و لما كانت قدا مشاري ؟ ...

وسيم : مشاري ؟ و انت كيف عرفت ؟ ...

أحمد : المهم توا هيا نبدو ...

وسيم : هيا ...

___________________

جت الاسعاف و ركبوه و طلعو بيه للمستشفى ...

و رغد واقفه في الباب تبكي مصدومه من خاها ...

حطو في الحجرة و قعدو معاه ...

طلع فونه و اتصل بها ...

__________________

هنادي " ردت " : الو ...

وسيم : هنادي مصيبه و طاحت ع روسنا ...

هنادي " بصدمه " : شن صار ؟! ...

وسيم : عزام ...

هنادي " شافت ل براءة " : عزام !! خيره ؟ ...

وسيم : انتحر !! ...

هنادي " وقفت من الصدمه " : انتحر !!! ...

براءة سمعتها طول داخت ...

هنادي : براءة ! .. سلام تو نكلمك بعدين ...

سكرت فونها و مشتلها تجري و بدت تنوض فها ...

هنادي : براءة .. براااءة ...

براءة " فتحت عيونها " : ع.. ززااام ...

هنادي : ان شاءالله خير يا براءة ...

براءة " بدت تبكي " : مستحيل مش ح نصدق ...

هنادي : اكيده ماماتش كان هادا وسيم قلي ...

براءة : كله مني كله مني ...

قعدت تبكي و هنادي حاضنتها و تبكي معاها ...

________________

أحمد : توا لازم نخلوه بروحه ...

عزام : دهشت من الرقاد ...

وسيم : شن ماتبيهاش تجي ...

رائد : هيا يا شباب نطلعو ...

طلعو كلهم و خلو عزام بروحه ...

_________________

هنادي : بنمشي معاك ...

براءة : لا خليك بش كان صارت حاجه نجيك تاني ...

هنادي : باهي كل شويه كلميني ...

براءة : تمام السواق طلع ...

هنادي : ايه يستنى البرا ...

براءة : هيا بسلامه و مش معطله بنروح طول ...

طلعت ركبت مع السواق و مشت للمستشفى ...

دخلت تجري و مشت للاستعلامات طول و أحمد مكلمهم ...

براءة : السلام عليكم ...

البنت " متع الاستعلامات " : وعليكم السلام تفضلي ...

براءة :  نبي نعرف وين المريض الي جابوه قبل شويه ...

البنت : شن اسمه ؟ ...

براءة : عزام الراشد ال**** ...

البنت " شافت للاب توب الي قدامها " : اها الي انتحر ؟ ...

براءة : مات ؟ ...

البنت : لا لحقنا عليه لكن تعبان و مرات يموت ...

براءة : نبي نشوفه ...

البنت : مانقدرش الدكتور قال ممنوع حد يخشله حتى اهله كلهم روحو ...

براءة : بالله عليك دقيقه بس احسبيهالي ...

البنت : تمام مااطوليش تلقيه في الدور التالث الحجره رقم 8 ...

براءة مشت ركبت في الاصنصيل ...

البنت " اتصلت ب احمد " : دكتور في وحده جت و سألت ع خوك و توا ماشيتله ...

أحمد " ابتسم " : تمام كويس ...

شاف للولاد : بسرعه ابعدو اهي جايه ...

وسيم فرح خطتهم نجحت ...

كلهم بعدو و قعدو يراقبو في الباب و كل ما تجي وحده يقولو هادي براءة ...

لين شافاها جايه تمشي بسرعه طقت الباب و قعدت تسمع بالك معاه حد ...

ماسمعتش صوت حد الداخل فتحتت الباب و دخلت ...

عزام لما سمع الباب يطق غمض عيونه و دار روحه راقد و هو فرحان نجحت خطتهم و شداها ...

دخلت و شافاته رقد دمعت عيونها ...

قربت منه و مسحت ع شعره ...

براءة : علاش تغضب ربي ع خاطري و يقعد ضميري يأنب فيا طول عمري ...

عزام شد يدها الي ع شعره و شافله متضايق ...

براءة " انصدمت " : نضت !!! ...

عزام : حرام عليك خديتي قلبي و مشيتي و خليتيني ...

براءة حاولت تجبد يدها منه ماقدرتش ...

عزام : هادي المره مش ح نطلقك ...

براءة : عزام اطلق يدي وجعتني ...

عزام : كان طلقتك مش طالعه ؟ ...

براءة : ايه ...

عزام طلقها وخرت شويه و قعدت تشوفله شويه ...

مشت تجري فتحت الباب و طلعت ...

لقت أحمد و وسيم قدامها انصدمت ...

وسيم : وين ماشيه ؟ ...

أحمد : خلاص معش في هروب ...

جت بتطلع من الجنب وقف رائد قدامها ...

رائد : اختي الحلوه وين بتمشي ؟ ...

براءة : ابعدو عليا ...

رائد : تعالي معانا ...

براءة : مانبيش شن بالسيف ...

رائد : ايه بالسيف كانك بتسكري راسك ...

شدها من يدها و دخل بها للدار الي بجنبهم و دخلو وراهم احمد و وسيم و عزام و سكرو الباب وراهم ...

براءة " كتفت يداها " : شن تبو مني ...

وسيم : لازم تفهمي كل شي ...

براءة : اعتقد كل شي واضح ...

وسيم : كلنا انخدعنا و اولنا بويا ...

براءة : مانبيش نسمع شي ع بوك ...

هلال : بنيتي براءة ...

براءة التفتت شافاته مقعمز ع الكرسي ...

هلال " وقف " : تعالي يابنتي استاحشتك ...

براءة " خنقتها العبره اول مره تسمع صوت باها " : مانبيش نكلمك انت بالذات ...

رائد : براءة ماتسكريش راسك و اسمعي منه قبل ماتحكمي ...

براءة " كتفت يداها و شافت ل هلال " : تفضل عاودلي الكلام الي قالتهولي امي ...

________________

طق الباب فتحتله رغد ...

رغد شافتله بصدمه ...

مشاري : ناديلي واحد من خوتك ...

رغد : مهناش حد  ...

مشاري : براءة وين ؟ ...

رغد : براءة  .. براءة مانعرفش ...

مشاري : براءة زي اختي عشت معاها عمر نبي نعرف وينها ؟ ...

رغد : والله مانعرف وين بالزبط لكن باها يبي يفهمها القصه كلها ...

مشاري : ان شاء الله مايديرلها شي ...

رغد : لا مستحيل عمي ما يئذيش الحشرات لابال بنته الي حرموه منها ...

مشاري " باستغراب " : حرموه منها !! ...

رغد : ايه ...

مشاري : هو الي حرمها منه ...

رغد : لا انت فاهم الموضوع غلط تعالا لما يكونو خوتي هني تو يقولولك ...

مشاري تنهد و قعد يشوفلها جت عينه ف عينها قعد شويه سارح في عيونها ...

رغد حست بحاجه غريبه تحشمت و نزلت عيونها ...

مشاري " فاق ع روحه " : آسف ...

طلع بسرعه ركب سيارته و مشي ...

__________________

براءة " شافت ل وسيم " : يعني امك الي بعثت لي امي هاكي الورقه باش تفرقهم ! ...

وسيم نزل عيونه ...

براءة " بصدمه " : قصدكم امي تشردت و تعبت ع خاطر كلام امك يا وسيم ! ...

أحمد : الله يرحمها ...

براءة " دمعو عيونها " : مش مصدقه كنت نحسابك لوحت امي و هددتها بيا ...

هلال : حتى اني تضايقت لما امك قتلي معش نبيك و طلقني ...

براءة " خنقتها العبره " : قصدك عشتو في كذبه انتم الزوز و كل واحد يحساب التاني يكره ...

هلال " بحزن " : ايه ...

براءة وقفت و طلعت من الحجرة ...

وسيم : براءة ...

وقف و لحقها شدها من يدها ...

براءة " شافتله و دموعها نزلو " : نبي نقعد بروحي شويه ...

وسيم : مش مخليك ...

شدها و حضنها و هي شدت فيه بالقوة و قعدت تبكي ...

وسيم : خلاص المره هادي بتمشي معايا ...

براءة " بعدت عليه " : وين ؟ ...

وسيم : حوشنا حوش اهلك ...

براءة : لكن ...

وسيم : مافيش لكن توا اي كلمه ماتعجبنيش بنضربك علها ...

براءة : ههههه بدينا ...

وسيم : سبحان الله في الاخير طلعتي أختي ...

حضنها و جي رائد وقف بحداهم ...

شافتله براءة و هو شافله متحشم من الي داره ...

وسيم : هاك توا دورك احضنها لين تشبع ...

رائد ضحك و شد براءة من يدها و هي تشوفله ...

رائد : مش عارف شن نقول ...

براءة : ماتقولش شي خلاص الي فات مات توا انت خويا حبيبي و سندي في الدنيا ...

حضناته و هو رفعها و دار بها دوره كامله و هي تضحك ...

دخلت لباها حضناته و قعدت تبكي و تحكيله ع حياتها هي و امها و هو ساكت خلها تفرغ الي في قلبها عارف الي مرت بيه صاعب و يبي ينسى الماضي كله و هيفاء و ريم الله يرحمهم ماتو و مشت معاهم ذكرياتهم الحلوه و المره ...

أحمد : عمي ...

شافوله كلهم ...

أحمد : بنتك لازم تتعاقب ...

براءة : علاش شن درت ؟ ...

أحمد : كذبتي عليا و هربتي ...

براءة : هههههههه ...

وسيم " باستغراب " : امتى ؟ ...

أحمد : قصة طويله و توا لازم تتجهزي نفسيا بش اديري العمليه ...

براءة " شافت لباها " : عادي نأجلها ...

أحمد : ولا ثانيه ...

براءة : قعده مستاحشه بابا ...

هلال " دمعته نزلت " : ماتقوليش هكي ...

براءة : مرات تصير اي حاجه و نبي نشوف عيلتي كلها و مشاري و رولا و خالتي ...

أحمد : باهي تو نكلمهم يجو كلهم ...

عزام : اسمع عمي بعد العمليه طول بنجيب الشيخ ...

هلال " ضحك " : لالا خلها سنتين ع الاقل ...

عزام " بصدمه " : علاش ان شاء الله ؟!! ...

هلال : قاعد ماشبعتش من بنتي ...

عزام : لا سادني استنيت لين دهشت ...

ضحكو كلهم و براءة تحشمت ...

جت الممرضة و رفعتها معاها دارو اجراءات العمليه بعدين رقدت ع السرير و طلعتها للممر شافت عيلتها كلها جو ...

هنادي " تبكي " : خليك قويه و ماتستسلميش مانبيش نفقدك ...

براءة : معش تقولي هكي بتبكيني معاك ...

هنادي " مسحت دموعها " : لالا خلاص سكتت ...

دخلت رولا و امها و سلمو ع براءة و حضناها ...

براءة : رولا حبيبتي ...

رولا : خليك قويه ديما زي ماعرفتك ...

فهد واقف مع الشباب بعيدين عليهم شويه قعد يشوف ل رولا ...

عزام قرصه ...

فهد " شافله " : خيرك ؟ ...

عزام : ياسرك و انت من بكري تشوفلها راهو خاها هني ...

ام مشاري حضنتها ...

براءة " بكت " : خالتي ...

ام مشاري : براءة يا بنيتي خليك قويه بش تشفى و تتزوجي  و نشوف صغارك ...

هلال : براءة خليك شجاعه و ماتخافيش العمليه سهله نبيك قويه زي امك بش تشفى و تولي احسن من قبل ...

براءة ابتسمت و باست يد باها ...

رغد : براءة ماتخافيش كلنا معاك ...

الاء : براءة حبيبتي الحلوة ماتحرميناش من شوفت عيونك ...

رغد " همستلها في ودنها " : اسكتى لا يجي أحمد يقتلك  اونه يشوفلك شكله غار منها ...

الاء شافتله لقاته يشوفلها و ابتسملها تحشمت و نزلت عيونها ...

جو الممرضات و رفعو براءة بسريرها و أحمد وراهم ...

عزام : أحمد ...

أحمد شافله ...

عزام : براءة امانتك ...

أحمد " غمزله " : ولا يهمك انت وتي العرس بس ...

عزام ابتسم ...

براءة شافتلهم كلهم مرات تكون اخر مره تشوفهم فها ...

غمضت عيونها و دخلت غرفة العمليات ...

أحمد : براءة ماتضعفيش خليك قويه ...

براءة فتحت عيونها و ابتسمت ...

جي دكتور التخدير و ضربلها يبرة البنج ...

أحمد : عدي من واحد لعشره و تفكري مع كل رقم شخص تحبيه ...

براءة :
واحد ~ أمي
تنين ~ بابا
تلاثه ~ عزام
اربعه ~ وسيم
خمسه ~ هنادي
سته ~ سيمارا
سبعه ~ ......

بدي مفعول البنج غمضت عيونها و رقدت ...

رقدت و هي عندها امل انها بتشفى و ترجع لاهلها و لباها الي عاشت محرومه منه ...

لي عزام الي قعد يستنى فها ...

كلهم البرا يدعولها و حاطين ثقتهم في أحمد ...

فاتت ساعه
ساعتين
شهر

فتحت عيونها و شافت لروحها في المرايا ...

مش مصدقه اليوم فرحتها لا توصف ...

أسيل : ماشاءالله قمر تهبلي ...

رغد : الحق خايفه ع عزام اليوم مرات يطلعلنا مجنون ...

أسيل : الشهر هادا كله اعراس ...

رغد : ايه حتى الشهر الي بعده ...

أسيل : هنادي و وسيم ، أحمد و ألاء ، فهد و رولا ، و انتي و مشاري ...

رغد : و انتي و ريان ولا متحشمه ...

براءة : مها وين ؟ ...

رغد : شاده عبودي ولدها يعيط وخلاص ...

براءة " ضحكت " : ياحليلي منه يهبل الفرخ ...

رغد : مسكين خويا مابعده مستحيل يقعد بعقله ...

هنادي : هههههههه الحق ماينلامش ...

ألاء : هو اني بنت ولما شفتها قريب هبلت لابال عزام ...

رغد " شافتله ع جنب " : بنحرش فيك أحمد ...

__________________

عزام " شدها من خصرها " : تعرفي هادا اليوم الوحيد الي كنت نحسابه مش ح يجي .. مش مصدق بديتي مرتي ...

براءة تحشمت و طبست راسها ...

عزام : والله نحبك حب مايعلم بيه غير ربي ...

براءة " شافتله " : حتى اني نحبك ...

عزام " حضنها " : واخيرا سمعتها منك ...

________________

كالا و نيبار دفعو غرامه و سفروهم و منعوهم من دخول السعودية بعد مع حققو معاهم و طلعو ساحرين اكثر من اربعين واحد ...

براءة و عزام طلعو شهر عسل ل ماليزيا و عايشين احلا ايام حياتهم ❤ ...

الاء حبت أحمد بعد ماكانت تحسابه عصبي و شايف روحه لقاته بالعكس حنين و عاشو حياه تهبل عكس ماتوقت الاء ❤ ...

مها و رائد كل يوم يعتذرلها و وعدها يجيبلها ورده كل صبح لمدة سنه و مها جابت ولد بعد عملية براءة و سماته عبدالرحمن ع اسم باها الله يرحمه ❤ ...

ريان خطب اسيل و أسيل وافقت مع انها عرفت نيته في البدايه لكن قررت تنسى الماضي و تعيش حياتها ❤ ...

وسيم و هنادي من حد ماتزوجو و هما كل يوم يتعاركو و هنادي تحرج و وسيم يرضاها لكن يموتو في بعضهم ❤ ...

رغد حبت مشاري من حد ما جي سأل ع براءة لكن ماعرفتش مشاعرها الا لما خطبها و عايشين حياتهم متفاهمين ❤ ...

فهد عجباته رولا من لما شافها و خطبها لكن قعد يستنى فها تكمل قرايتها قبل ❤ ...

ولاء خطبها خو راجل رهف و وافقت و تو قعده مخطوبه  ❤ ...

إياد قاعد اعزب و مايبيش يتزوج ...

=====#####=====

#النهايه 💞

شكرا ع كل كلمه حلوه كتبتاها في التعليقات 😍❤