رغد : لا الحق هي مش زي الخدم التانيين تمشي وعيونها لوطا ...
أسيل : فكرتيني بخدامتكم اللي طردتاها ...
رغد : ميلو هههههههه هذي غبيه ديما ترد ع امي قريب كلمة بكلمة و زيادة تتلصق ع أحمد ...
ولاء : و زيداها ديما تحساها خامرة ...
رغد : امتا زريناها تقوللنا والله لما ندمرلكم حوشكم ...
الاء : ههههه ماتحسابش انكم تقدرو تحبساها بمكالمة وحدة من بوك .. حق ما حكتيلناش شن جو خوتك مع ماري ...
رغد : هي طيبة واجد و خوتي يرتاحولها معادا أحمد ديما يضايق منها وهي مااديرله في شي مش عارفه علاش ...
الاء : خوك هادا ديما شايف روحه ما يعجبه عجب و هي عيونها بروحهم يهبلو ...
رغد " حطت يداها ع خصرها " : اشي تقوللي فها في وجهي خويا راهو ...
الاء : تو طلع خوك ...
رغد " حدفتها بمخدة " : حيوانه امنا كان ولد الجيران ...
الاء " تفادت المخدة " : هههههه ...
ولاء : شن جو المستشفى معاه ...
رغد : ماشيه اونه كل شوية مروح من المناوبة ...
الاء : الله كان نبدا دكتورة ...
رغد : خلاص فاتت عليك انتي أدبي ...
أسيل : اصلا وجهك وجه دكاترة هوا ...
الاء : واني من وين بنبدا دكتورة وانتم معايا في المدرسة تحجبو في الورق وتنجحو يعني حتى الشاطر معاكم يبدا مهمل ...
ولاء : بنات بالله صفقولها استنتاج صحيح ...
البنات : هههههه ...
الاء قلبت عيونها ...
رغد : كنت بنقول ل مها تجي معانا لكن حسيتها بايخة ...
الاء : ياريتك قلتيلها ...
أسيل : لا احسن ماقلتيلهاش تخيلو تقوا علاققتنا بها وامي تشوفها وتسألني علها شن بنقوللها بنت و حامل بالحرام ...
الاء : هو صح حملها حرام لكن ماتجيش نلوماها هي اللوم كله ع الحقير اللي دارها ...
رغد : لكن اسيل معاها حق تخيلي امي تشوفها لما يبدا بطنها واضح وتقوللي متزوجة صعب نقوللها لا ...
الاء : ربي يستر علها و يكون في عونها بمصيبتها ...
رغد : ايه مسكينه واضح علها التعب اليومين اللي فاتو ...
أسيل : الحق مابعدها مشكلتها صعبة ...
ولاء : ايه وكان يسألوها الابلات انتي متزوجة ولالا واكيد في بياناتها عندهم لا يعني هكي ولاهكي بتنفضح من بطنها ...
YOU ARE READING
لأجل أمي أصبحت خادمة🌺
Romanceبنت عايشه مع أمها ع صدقات أهل الخير وأمها عندها سرطان المعدة -عافنا الله- واضطرت للعمل خادمة وترك دراستها لتوفر مبلغ علاج امها ولكن أمها توفت قبل أن تتمكن من توفير المبلغ ،،،، فكيف ستعيش لوحدها ?، وأين والدها ؟! تنويه / هذه الرواية منقولة للكاتبة شا...