لأجل أمي أصبحت خادمة🌺

البارت السادس

هنادي : في شغلها ...

وسيم : باهي اعطيني عنوان شغلها ...

هنادي : منقدرش نسألها قبل ...

وسيم : جبتيلي رقمها ...

هنادي " خبطت راسها " : نسيت ...

وسيم : شكله عندك زهايمر ...

هنادي " بصدمه وعفويه " : مصحك ...

وسيم : هههه امتى قلتي تروح من دمامها ...

هنادي : مرات تقعد للفجر ...

وسيم : نبي نفهم شن هوا شغلها هادا ...

هنادي : اني بنروح سواقي وصل لكن نبي نعرف علاش تسأل علها واجد انت ...

وسيم " لبس نضارته ومشي وبصوت عالي " : مدخلكش ...

هنادي : غريب الاطوار ...

ركبت السيارة ورحت لكن وسيم قعد في مكانه ...

~~~~~~~~~~~~~~~~~~~~~~~~~~~

رغد " بصدمه " : مجنونه مادوريشي ...

أسيل : نحسه حنون ...

رغد : الله أكبر من أول محادثة حسيته حنون ...

أسيل : قال غرضه زواج ...

رغد : كذااب ونبصملك بالعشرة ...

أسيل : حلفلي ...

رغد : الحلف اليام هاذه زي شراب الميه ومتأكدة هالولد كذاب ...

أسيل : و علاش متأكدة ...

رغد : أسيل انتي بعقلك بالله واحد جايك من طرف بنت تقرا معنا بس لا نعرفها لا مختلطين بها متجيش ...

أسيل : عادي تجي ...

رغد : الولاد كلهم زي بعض ياخد الي يبيه من البنت ويلوحها ...

أسيل : لا هادا مش زيهم ...

رغد : من أول محادثة !! ...

أسيل : كلامه نحسه حق ...

رغد : ياربي ناويه تجلطيني ...

أسيل : لا حق حسيت روحي نحبه ...

رغد " بصدمه " : أول مره تكلميه وطول تحبيه ...

أسيل وقفت مشت للمرايه وابتسمت : ايه حتى امتى قتله نستنى فيه امتى يكلمني ...

رغد " شدت راسها " : اه جاني صداع سحر اكيد سحر ...

أسيل : ايه والله سحرني ...

رغد " رمت علها المخده " : من أول محادثة صار فيك هكي بعدين كيف ...

أسيل : عادي حب حب ...

رغد : أسيل نتكلم بجديات انتبهي من الذئاب هادم مش تصدقيه وتطلعي معاه لانه كان يبيك حق يتقدملك ...

أسيل : قال نتعرفو وكان حبينا بعض نتزوجو ...

رغد : التعرف هادا بعد الخطبه مش قبلها يا مهبولة ...