لأجل أمي أصبحت خادمة🌺

البارت الثاني

السلام عليكم👋
كل عام وانتم بخير بمناسبة عيد الأضحى💕..
اسفه ع التاخير وان شاء الله يعوضكم البارت لانه طوييل 😊..

_______________________

أحمد : تمام...
ومشي لجناحه واتكي ع السرير ورقد ع طول بعد دوام طويل في المستشفى...

~~~~~~~~~~~~~~~~~~~~~~~~~~~~~

وقفت وهي ترعش وتقول شن صار زعما متت ولالا وحطت ايداها ع عيونها ع خاطر ضي السياره في وجهها وقوي...

براءة "بخوف" : ماما ماصارلك شي...

امها : لا ي بنيتي الحمد لله ، انتي ما فيك شي ؟...

براءة : لا مافيني شي..

شافت للسيارة واتحاول تشوف كان هناك حد واقف ...لكن ماشفت حد وقالت...

براءة : ماما صاحب السيارة منزلش بالك صارتله حاجه...

امها : بري شوفيه شن صارله...

براءة مشت وناسيه ان وشاحها مش مفطي ع وحهها وقفت قدام الباب وكانت السيارة فخمه حاولت تفتح الباب مقدرتش طقت ع الروشن...

فتح الروشن شاب ملامحه حلوا واتكى ع باب السيارة وشافلها...

براءة : عفوا ي خوي صارتلك حاجه ...

الشاب "بصوت مبحوح" : لا وانتم...

براءة استغربت بروده وهزت راسها بلا ...

براءة " بتوتر" : كويس اسفه لاني كنت سرحانه ....

الشاب "مد ايده " : اسمي وسيم ...

براءة تنهدت وجت ابتمشي لكن هو نزل من السيارة ...

وسيم : لحظة ...

براءة مشت ورا امها وقبل مادف شافتله بمعني شني...

وسيم : علاش طالعين في هاضا الوقت وانتي بنت بروحك ومعاك مريض ؟...

براءة "بحزن" : امي زراها من المستشفى واني بنروح باها للحوش...

وسيم : ووين اهلك بوك ولاخوك...

براءة "بحزن وضيق" : معنديش...

وسيم " شاف الشارع فاضي" : والله يخوف المكان بروحكم وين حوشكم....

براءة : الشارع هاضا لا اللي بعده...

وسيم : شارع ال••••...

براءة هزت راسها ب ايه...

وسيم شاف شكلها وواضح انها مرهقة وسقعانه سخف علاها ...

وسيم : باهي عادي انوصلك لحوشكم...

براءة "بخوف" : لا لا...

وسيم لاحظ خوفها ورجفتها الي زادت نحا جاكيته ومدهولها : خوديه انتي سقعانه وانتي زي اختي والله خايف عليكم وبنوصلكم ...