لأجل أمي أصبحت خادمة🌺

البارت الثالث عشر

رائد : هاكي من حد ماتزوجت معش اتصلت بينا بكل الا كان اتصالنا بها حني ...

عزام : و أسيل ؟ ...

رائد : نفسيتها تعبانه من الوضع ..

عزام : مسكينة ربي يكون في عونها ...

رائد : الله غالب المهم لما ينوض فهد كلمني بنجي نشوفه ...

عزام : ان شاء الله و مرات نكلم الشباب يجو يغيروله جوه شوية ...

رائد : ايه أحسن ...

رائد " وقف " : هيا سلام ...

شاف ل براءة الي قعدة تسقي بعدين طلع ...

براءة شافت ل عزام بصدمه من كلامهم كيف يتكلمو ببرود ...

عزام " استغرب " : خيرك ؟ ...

براءة : صدمتوني ...

عزام : ع شن ؟ ...

براءة : شن اخطف بنت استغفر الله و انت تتكلم معاه عادي كأنه مادار شيء  ...

عزام : رائد هكي شكله شن بنديرله يعني ...

براءة : مفروض هزبته و لا هددته تقول لبوه مش هكي تتكلم معاه ببرود ...

عزام : بينه خليه يلعب ...

براءة " حمقت " : يلعب ع بنات الناس " لوحت الطوبو و جت بتدخل " ...

عزام " شدها من يدها " : شن دخلنا بيه ايدير الي بيديره ...

براءة : ع هادا الحال حتى انت ينخاف منك مش غير هوا المفروض تفكرو ان عندكم خوات انت و هو ...

عزام : شن قصدك ...

براءة : واضح قصدي و فكر بعدين كيف بتقابل ربك  ...

عزام قعد يشوفلها و ساكت ...

براءة : توا شن بيكون موقفها البنت قدام اهلها ...

عزام : هي راضية ...

براءة : كذاب انت قلت خطفها ...

عزام : وانتي علاش واقفة مع البنت ...

براءة " بعصبية " : لان البنت شرفها فوق كل شيء كان ضاع معناها البنت انتهت و توقع مرات يكشفاها اهلها بعدين احتمال يدفنها و هي حيه ع خاطر واحد تافه ...

عزام يشوف لعيونها و ساكت ...

براءة : اني مش عارفه كيف ناس ماتخافش ربي و .. خيره هكي تشوفلي ...

عزام : اول مرة نشوفك متعصبه ...

براءة : عزام نكلم فيك بجديات ...

عزام : تبدي حلوة اكثر لما تتعصبي ...

براءة : ياربي شوف اني شن انقول و انت شن تقول ...

مشت دخلت للمطبخ بعدين مشت لدارها سكرت الباب ...

براءة : خزي ع الشباب الي يلعبو ع بنات الناس بعدين يلوحوهم و في الاخير المجتمع يحط الغلط في البنت و هما مايندروش علها مغتصبة و هادا الشيء مش بإرادتها الله اعلم شن صاير فها البنت مسكينة ...