لأجل أمي أصبحت خادمة🌺

البارت الرابع عشر

نيبار " دخلت " : انا في يمشي ينام ...

براءة اشرت ب تمام ...

قعدت استنتها لين دخلت لدارها و سكرت الباب ...

نيبار : من بكرا أحمد يجي يبوس رجل انا يخلي يحوب انا ههههه ...

اتكت ع سريرها و رقدت ...

براءة طلعت من المطبخ و مشيت لاصيص الورد نحاته و حفرت تحته ...

انصدمت لما لقت قطعة قماش ملفوفة بطريقه غريبه و معاها شعر و حاجات مقرفه ...

لوحاته لوطه تقززت منه و مشت تجري للمطبخ خدت كيسه حطاته فها ...

ردت التراب و الاصيص زي ماكانو و خدت الكيس و مشت لدارها ...

دخلت و سكرت الباب و لوحاته لوطه ...

براءة : هادي سحرت فهد و تبي تسحر أحمد مستحيل نسكتلها لازم نقول ل عزام ...

خدت طاسة ميه و مشت لداره طقت اكثر من مره لكن ماردش علها تنهدت و ولت لدارها ...

براءة : مرات كان مانفتحاشي توا يجيه السحر خلي نفتحه ...

براءة " ترددت " : مرات فيه طريقه خاصه يفتحوه بها و كان نفتحه يبدا فيا اني السحر .. افف ياربي شن بندير شن بندير !!! حق وسييييم ....

خدت فونها و اتصلت ب وسيم شويه و رد ...

وسيم " مخلوع " : براءة !! خيرك !؟؟ ...

براءة : وسيم تقدر تجي تطلعني توا ...

وسيم " شاف الساعة " : توا !! علاش شن صار ...

براءة : مانقدرش نقولك ع الفون لكن بالله عليك بسرعه ما تعطلش ...

وسيم : تمام خمس دقايق و نجيك ...

مشت للمطبخ خدت قفازات و خدت الكيسه لبست عبايتها و وشاحها و طلعت شويه ووصل وسيم ...

ركبت و سكرت الباب ...

وسيم " طلع بالسيارة " : خيرك ؟ ...

براءة : لقيت نيبار ادير في سحر لاحمد ...

وسيم شد فرينو و براءة خبطت في السيارة ...

براءة : آي بالشوية ...

وسيم " بصدمه " : شنو ! و من امتى هادا الكلام ...

براءة : قبل شويه و جبته معايا ...

وسيم : هاتيه ...

مدتله الكيسه نزل في ساحه فاضيه و نزلت معاه براءة شافاته حط الكيسه لوطه ...

براءة : جبتلك قفازات بش ما يصيرلك شيء ...

وسيم " شافلها " : خايفه عليا ...

براءة : وسيم بسرعه قبل ما تصير حاجه لاحمد ...

وسيم : توا لازم نقرو الايات لما نفتحوه بش ربي يبطل السحر ...