براءة " خلاص حمقت بدت تضرب فيه " : مصح وجهك راني بنت اختك بدل ماتلمني بالأحضان تقول عليا هادا الكلام لكن عارفاتك واحد وصخ مادامك هددت اختك و خليتها ملوحه في الشارع ما نستبعدش انك ادير اي حاجه خزي عليك ...
سليم شدها من شعرها لكن وسيم طول شدله يده ...
سليم شافله بصدمه ...
وسيم : مانسمحلكش تمد يدك علها ...
سليم " بهزوة " : بصفتك شنو ؟ ...
وسيم : حاميها بعد الله ...
سليم : اكيد ضاحك عليك بفلوسه قداش دفعلك باش .....
براءة " بصراخ " : خلاص اسكت معش نبي نسمع منك شيء ...
سليم : مادامه امك تزوجت من ورانا اكيد انتي دايره احرف منها ...
براءة " بعصبية وصوت عالي " : قتلك اسكت و معش تتكلم ع امي ...
وسيم : شني انتا ما تستحيش ع وجهك راهو امها الي تتكلم علها في الاخير هي اختك ...
سليم : بري بري لنقول لبوك عليك بعدين يدفنك و انتي حيه ...
وسيم : والله نقتله الي يمد يده علها ...
سليم : هيا اطلعو من حوشي قبل ماتلمو عليا الجيران و ديريلي العار ...
براءة : بنمشي لكن والله لما ننتقم منك " دفاته و مشت " ...
وسيم : براءة " لحقها " ...
ركبت و ركب وسيم بعدها ...
وسيم : خليتيه يطعن بشرفك مشيتك غلط في غلط ...
براءة " شافتله بحزن " : اني ع كبري غلط جيت ع هالحياه ...
وسيم : استغفرالله معش تقولي هكي ...
براءة : روح بيا للحوش ...
وسيم : باهي ...
براءة حست روحها بترجع حطت يدها ع فمها ...
وسيم : خيرك ؟ ...
براءة : دايخه شويه ...
وسيم : نرفعك للمستشفى ...
براءة : لا عادي دوخه بسيطه ...
براءة - مرض امي وراثي و الاعراض الي جتها في البدايه توا اني فيا يعني مرات نكون مريضه بيه - ابتسمت ...
وسيم : خيرك تبتسمي ...
براءة : بنموت ...
وسيم شافلها باستغراب ؟؟ ...
براءة : وسيم اني بنلحق امي ...
وسيم " بصدمه " : بتنتحري !! ...
براءة : لا علاش نغضب ربي ...
وسيم : باهي علاش تقولي هكي ما فهمت شيء ...
براءة : اني مريضه ...
YOU ARE READING
لأجل أمي أصبحت خادمة🌺
Romanceبنت عايشه مع أمها ع صدقات أهل الخير وأمها عندها سرطان المعدة -عافنا الله- واضطرت للعمل خادمة وترك دراستها لتوفر مبلغ علاج امها ولكن أمها توفت قبل أن تتمكن من توفير المبلغ ،،،، فكيف ستعيش لوحدها ?، وأين والدها ؟! تنويه / هذه الرواية منقولة للكاتبة شا...
