لأجل أمي أصبحت خادمة🌺

البارت الثامن

ناضت بعد مارقدت نومه طويلة لها قداش معش حصلتها ...

دوشت ع السريع ولبست عبايتها وطلعت ...

لقت سواق هنادي يستنى فها ركبت ومشت القصر ...

نزلت قدام بوابة الخدم وتنفست بعمق بعدها دخلت ...

نحت وشاحها وخلت شعرها المبلول مفتوح ...

لقاته واقف ع الباب و يشوفلها ...

عزام : شن جو العطلة ...

براءة تنهدت واشرت ب كويس ...

عزام : لوين مشيتي فها ...

براءة اشرتله لكن مافهمهاش ...

عزام " مدلها فونه " : اكتبيلي فيه ...

براءة شافت للفون لقاته فاتحلها ع الملاحظة ...

كتبت with my mother - مع أمي - ...

عزام : اها وكيف حالها ...

اشرت ب كويسه ...

عزام : باهي ديريلي قهوة ...

براءة كتبت just one minute  - دقيقه فقط - ...

دخلت لدارها وهو مشي للمطبخ ...

قعمز ع كرسي وهو يتفكر ف منضرها ويبتسم ...

دخلت للمطبخ وبدت اديرله ف القهوة وهو يراقب ف كل تحركاتها ...

انتبهت براءة لعيونه لكن حاولت تتجاهله ...

غلت القهوة صبتهاله في فنجان ومدتهوله ...

عزام : Thank you ...

براءة ابتسمت ...

عزام : كيف حال ايدك ...

براءة اشرت نص بنص ...

عزام : كويس .. كالا بالقصد دارتها ولا لا ...

براءة رفعت كتافها بمعنى مانعرفش ...

عزام : قصدك ما شفتيهاش ...

براءة اشرت ب ايه ...

عزام : تمام ...

دخلت كالا ...

كالا : سلامو اليكوم ...

عزام : وعليكم السلام ...

كالا : اوو ماري رجع ...

عزام : شن ما تشوفيش فها قدامك ...

كالا اتنرفت من رده ...

عزام : الفطور وينه شويه وبينزلو سقدو رواحكم ...

نيبار " دخلت " : انتم مازال ماينزل وفطور خمس دقايق يكمل ...

عزام : تمام ...

طلع عزام وخلاهم يوتو ...

براءة كانت ادير في الشاهي و الحليب ...

كالا و نيبار يوتو ف الفطور وبتكلمو بهمس لكن براءة كانت تسمع فيهم وهما يحسابها ماتسمعش ...