لأجل أمي أصبحت خادمة🌺

البارت العاشر

فات يوم الجمعة عادي تجمعت العيلة و هدرزة ...

يوم السبت العصر ...

رغد : ماما كلميهم ايأجلو الاجتماع البنات كلهم بيمشو للعرس ...

امهم : ايه كلمتهم و توا ردو عليا بالموافقة ...

رغد : الللله متحمسه واجد ...

و ركبت تجري لدارها بتقول للبنات ...

امهم : و انتم يا ولاد شن بتمشو ...

فهد : اني بنمشي ...

أحمد : ما نقدرش عندي مناوبة تبدا من ال7 ...

عزام : عندي امتحان فاينل غدوة بنقعد نقرا ...

امهم : كويس ربي يوفقك ...

عزام : حق امي امتى بتروحو ...

امهم : احني النساوين مع ال1و الرجاله اكيد قبلنا بشوية ...

عزام : تمام غير قبل بنقلك كان لقيتيني راقد نوضني لكن مادامكم بتروحو بكري ماعتقدش نرقد ...

__________

أسيل : ماما شن رايك فيا ...

امهم " بدون ماتشوفلها " : كويسة ...

أسيل " تنهدت " : باهي شوفيلي ...

امهما شافتلها شوية و ماتكلمتش ...

هلال : حلوة ماشاء الله ربي يحفظك ...

أسيل : وسيم و رائد بيمشو ؟ ...

هلال : وسيم لا و رائد بيمشي ...

أسيل : اها ،، بنمشي لداري ...

ركبت الفوق وهي طايرتلها من امها ...

وسيم " شافها حامقه " : خيرك حامقة ...

أسيل " ابتسمت " : شن رايك فيا ...

وسيم : شكله صاير منك ...

اسيل : شن قصدك ...

وسيم : مهلكه روحك بالميك آب بلاش أحلى ...

أسيل : لا عادي درته خفيف ...

رائد " شافلها " : اوو اختنا الحلوة ...

أسيل " ابتسمت " : هادا الي يفهم في الذوق ...

وسيم : مصحك ...

و قعدو يهدرزو شويه و مشو للعرس ...

________________

الساعة 9 كلهم طلعو مافيش حد في الحوش غيره ...

طلع من داره ...

عزام : خلاص راسي دخن نبي قهوة ...

نزل لقاهم في المطبخ ...

عزام : ماري ديريلي قهوة و جيبيهالي فوق ...

براءة - افف - اشرت ب حاضر ...

كالا : انا تعب بيمشي ينام ...