لأجل أمي أصبحت خادمة🌺

البارت الحادي عشر

براءة تنهدت - نتفكا من أحمد يطلعلي هادا - ...

رفعت السفرة لقتها ثقيلة حطتها في عربة التقديم و مشت للمربوعة ...

كانوا يهدرزو و اول ما دخلت كلهم سكتو ...

وسيم : احم قتلك شن جو القرايه يا فهد ...

فهد " عبونه ع براءة " : ماشيه ...

وسيم لاحظ نضرات فهد غريبه ...

حتى أحمد لاحظها و الثانين يهدرزو ما انتبهوش ...

أحمد " رفع حاجبه " : فهد ...

فهد شافلهم و رجع يشوف ل براءة ...

وقف و مشالها ...

براءة شافتله و استغربت من نضرته كأنها قاتلتله خوه ...

بلعت ريقها و انصدمت لما شافاته خدي الموس من السفرة و يشوفلها ...

وسيم : فهد ؟!! ...

الشباب كلهم انتبهوله و استغربو خيره ...

قرب منها و عيونه معبيات حقد عكس فهد الي يدافع علها ...

براءة خافت و رجعت التالي لين لصقت في الحيط ...

فهد حط يده ع الحيط و الموس ع رقبتها ...

الشباب كلهم و قفو بصدمه و بصوت واحد : فهههد !! ...

عزام : مش ناقصين برادتك ...

وسيم : فهد بلا جو بطل ...

فهد : اسكتو ...

فهد شافلها بنضرة تخوف كأنه بيقتلها ...

فهد " بصوت غريب يخوف " : ح ندبحك و ندبحه ...

حذف الموس لوطه و طلع من المربوعة ...

براءة من الخوف معش قدرت توقف و طاحت مقعمزة ...

أحمد شافلها و مشي لحق فهد ...

براءة تفكرت كيف كان فهد طيب و يدافع علها ضد الخدم التانين لكن ما عمرها شافاته بالشكل هادا ...

عزام مشالها " بهمس " : ماصارلك شيء ...

ناضت و مشت تجري للمطبخ ...

غسلت وجهها - شن هو الي شفته اكيد نحلم مستحيل شن بيذبحني و بيذبحه - غسلت وجهها مرة تانيه ...

شافت نقالها يتصل - هنادي - ...

مشت لدارها و سكرت الباب ...

ردت علها ...

_______________

أحمد يدور في فهد ...

أحمد " ينادي " : فهد  فهد ...

فهد " طلع من داره " : خيرك تصيح ...

أحمد : شنو الي درته توا اكيد مقلب ...

فهد " استغرب " : شن درت ...

أحمد : بلا هبال مش فاضيلك علاش درت هكي ...