خذت سيمارا الورقه فتحتها و قعمزت تقرا فها ...
- سيمارا بارك الله فيك لانك ضحيتي بخدمتك بش تخليني نخدم و نقدر نوفر مبلغ علاج امي مش عارفه كيف نشكرك والله انتي اكثر وحده ساعدتني في محنتي ...
سامحيني كان غلطت في حقك و لا درت شي يضايقك .
سيمارا مرض امي طلع وراثي ادعيلي نشفى منه - ...حطت الورقه ع المكتب و قعمزت ع الكرسي تبكي ...
سيمارا : ليش وين بدك تروحي ...
__________________
دخل لداره و اتكى ع السرير ...
جي بياخذ جهاز الTV لقي ورقه محطوطه بجنبه ...
خداها و عقد حواجبه باستغراب ...
أحمد فتحها و قراها ...
- انت اكثر انسان دمرني .. مابيتش تعالج امي ع حسابك بعدين نردلك الفلوس لكن سامحتك لاني نتعامل بتربيتي .. ذليتني و خليتني نشتغل خدامه في حوشكم .. اني في البدايه ماكنتش نعرف انه حوشكم كان هاكا ماخدمتش فيه لكن عقدي وقعته قبل مانشوفك و انصدمت لما شفتك .. خليتني نعيش خدامه صما و بكمه تخدم في حوش عربي ربي يسامحك و خلاص لكن نبي نقولك اني نقضتك من سحر كالا و نيبار و فكيته اني و وسيم و كسرت الطاسه يومها ع خاطر نيبار حطت فها سحر و هددتني هي و كالا و ما خلو ماسبو .. و فكيت سحر فهد كانت نيبار دايرتهوله في حزام خذيته من دارهم هادا علاش كنت نشوف ل فهد و نبتسم مش حب زي ما تقول .. اسمع رد بالك ع فهد منهم راهو يبو يقتلوه .. و ربي يسامحك و يرحم امي - ...
طاحت الورقه من يده من الصدمه ...
أحمد : معقوله براءة هي الخدامه كييف ماعرفتهاش ...
وقف و نزل لدارها بسرعه لقاها فاضيه عرفها مشت رجع قعمز في الصاله متضايق ...
_______________
دخلت الخدامه لدار وسيم ...
وسيم : شن تبي ؟ ...
الخدامه " مدتله الورقه " : هادا ليك انتا اني لقيته في الباب ...
خدي الورقه و اشرلها تطلع ...
فتح الورقه و بدي يقرا فها ...
- وسيم شفت فيك الاخ و الاب الي فقدتهم شكرا ع كل شيء درتهولي شكرا لانك حاولت تساعدني في كل شيء .. ح ندعليك طول مابنقعد عايشه .. ربي يوفقك و يساعدك و يسيرلك حياتك وين ماتكون - ...
وسيم " لوح الورقه لوطه " : عرفتك بديري حاجه غبيه من لما شفتك تبتسمي و مش معدله ع حد ...
اتكى ع السرير و غمض عيونه ...
__________________
رائد خدي الورقه و مش فاهم شيء من بيرسله رساله في ورقه في الوقت هادا ...
- السلام عليكم يا رائد ...
ربي يسامحك ع الي درته و حاولت تضرني بيه .
حرام عليك يا رائد مها تحبك و وثقت فيك برالها و تزوجها قبل ما تجيب .
مها بنت شريفه و طلعت باش تاخد الهديه مش باش تلعب بشرفها .
ماتخليهاش تدعي عليك في يوم دعوة تنسيت روحك برالها و صحح غلطتك ماتظلمهاش الظلم ظلمات يوم القيامة .
تخيل تحط راسك ع المخده و معش تنوض كيف بتقابل ربك و شن بيغفرلك ذنبك .. برى اعتذرلها و تزوجها قبل ماتجيب مرات تموت و هي مظلومه منك ...
براءة ( الخدامه ماري ) - ...
YOU ARE READING
لأجل أمي أصبحت خادمة🌺
Romanceبنت عايشه مع أمها ع صدقات أهل الخير وأمها عندها سرطان المعدة -عافنا الله- واضطرت للعمل خادمة وترك دراستها لتوفر مبلغ علاج امها ولكن أمها توفت قبل أن تتمكن من توفير المبلغ ،،،، فكيف ستعيش لوحدها ?، وأين والدها ؟! تنويه / هذه الرواية منقولة للكاتبة شا...