لأجل أمي أصبحت خادمة🌺

البارت السابع عشر

خذت سيمارا الورقه فتحتها و قعمزت تقرا فها ...

- سيمارا بارك الله فيك لانك ضحيتي بخدمتك بش تخليني نخدم و نقدر نوفر مبلغ علاج امي مش عارفه كيف نشكرك والله انتي اكثر وحده ساعدتني في محنتي ...
سامحيني كان غلطت في حقك و لا درت شي يضايقك .
سيمارا مرض امي طلع وراثي ادعيلي نشفى منه - ...

حطت الورقه ع المكتب و قعمزت ع الكرسي تبكي ...

سيمارا : ليش وين بدك تروحي ...

__________________

دخل لداره و اتكى ع السرير ...

جي بياخذ جهاز الTV لقي ورقه محطوطه بجنبه ...

خداها و عقد حواجبه باستغراب ...

أحمد فتحها و قراها ...

- انت اكثر انسان دمرني .. مابيتش تعالج امي ع حسابك بعدين نردلك الفلوس لكن سامحتك لاني نتعامل بتربيتي .. ذليتني و خليتني نشتغل خدامه في حوشكم .. اني في البدايه ماكنتش نعرف انه حوشكم كان هاكا ماخدمتش فيه لكن عقدي وقعته قبل مانشوفك و انصدمت لما شفتك .. خليتني نعيش خدامه صما و بكمه تخدم في حوش عربي ربي يسامحك و خلاص لكن نبي نقولك اني نقضتك من سحر كالا و نيبار و فكيته اني و وسيم و كسرت الطاسه يومها ع خاطر نيبار حطت فها سحر و هددتني هي و كالا و ما خلو ماسبو .. و فكيت سحر فهد كانت نيبار دايرتهوله في حزام خذيته من دارهم هادا علاش كنت نشوف ل فهد و نبتسم مش حب زي ما تقول .. اسمع رد بالك ع فهد منهم راهو يبو يقتلوه .. و ربي يسامحك و يرحم امي - ...

طاحت الورقه من يده من الصدمه ...

أحمد : معقوله براءة هي الخدامه كييف ماعرفتهاش ...

وقف و نزل لدارها بسرعه لقاها فاضيه عرفها مشت رجع قعمز في الصاله متضايق ...

_______________

دخلت الخدامه لدار وسيم ...

وسيم : شن تبي ؟ ...

الخدامه " مدتله الورقه " : هادا ليك انتا اني لقيته في الباب ...

خدي الورقه و اشرلها تطلع ...

فتح الورقه و بدي يقرا فها ...

- وسيم شفت فيك الاخ و الاب الي فقدتهم شكرا ع كل شيء درتهولي شكرا لانك حاولت تساعدني في كل شيء .. ح ندعليك طول مابنقعد عايشه .. ربي يوفقك و يساعدك و يسيرلك حياتك وين ماتكون - ...

وسيم " لوح الورقه لوطه " : عرفتك بديري حاجه غبيه من لما شفتك تبتسمي و مش معدله ع حد ...

اتكى ع السرير و غمض عيونه ...

__________________

رائد خدي الورقه و مش فاهم شيء من بيرسله رساله في ورقه في الوقت هادا ...

- السلام عليكم يا رائد ...
ربي يسامحك ع الي درته و حاولت تضرني بيه .
حرام عليك يا رائد مها تحبك و وثقت فيك برالها و تزوجها قبل ما تجيب .
مها بنت شريفه و طلعت باش تاخد الهديه مش باش تلعب بشرفها .
ماتخليهاش تدعي عليك في يوم دعوة تنسيت روحك برالها و صحح غلطتك ماتظلمهاش الظلم ظلمات يوم القيامة .
تخيل تحط راسك ع المخده و معش تنوض كيف بتقابل ربك و شن بيغفرلك ذنبك .. برى اعتذرلها و تزوجها قبل ماتجيب مرات تموت و هي مظلومه منك ...
براءة ( الخدامه ماري ) - ...

___________________

فتح الورقه الي لقاها بجنب سريره ...

- هلا عزام ..
سامحتك ع كل شيء .. انت الوحيد الي حبيته من قلبي و قريب غلطت و قلتهالك .. بعد ساعه بتوصل ورقه لبوك تو تعرف علاش ما وافقتش عليك ..
ربي يكتبلك الخير مع بنت الحلال الي تسعدك .
.. اختك براءة ..
انساني و تزوج بوحده تحبك - ...

نزل لدارها يجري وقف قدام الباب تنفس بعمق و فتحه مالقاهاش ...

عزام " بصدمه " : براااءه ...

أحمد سمعه تنهد - حتى انت تحبها - ...

عزام جي للصاله و واضح عليه مصدوم ...

أحمد : مشت ربي يوفقها ...

عزام : كيف تمشي و تخليني مانقدرش نعيش بلاها مستحيل ...

أحمد : تحبها !! ...

عزام : نحبها بس ! هي كل حياتي قلي وين نلقاها وين ...

أحمد تنهد ع حالت عزام ...

شاف وسيم يتصل رد عليه ...

أحمد : الو ...

وسيم : مشت ؟ ...

أحمد : ايه كيف عرفت ؟ ...

وسيم : خلتلي رساله اني و رائد ...

أحمد : ربي يوفقها وخلاص ...

_________________

مقعمزه في الشارع و الوقت مخر ...

متردده تتصل بيه ولا لا ...

في الاخير اتصلت ماعندهاش حل تاني ...

مشاري : الو ؟ ...

براءة : مشاري ...

مشاري : ايه من معايا ؟ ...

براءة : براءة ...

مشاري " بصدمه " : براءة !! انتي وين قداش ليا ندور عليك ...

براءة : في الشارع ...

مشاري : في الشارع توا ؟! ...

براءة : عدي نقعد عندكم الفتره هادي ...

مشاري : انتي في اي شارع ...

براءة : في ***** ...

مشاري : شويه و جايك ...

سكر فونه و طلع يجري خطم ع امه و رولا و ماشافلهمش بكل ...

رولا : بسم الله هادا خيره ؟ ...

ام مشاري : مش عارفه ...

ركب سيارته و مشالها ...

لقاها مقعمزه نزللها ...

مشاري : براءة ؟ ...

براءة " شافتله " : ايه انت مشاري ...

مشاري : ايه هيا تعالي نرفعك لحوشنا ...

براءة : نبي نمشي لعيلة بويا قبل ...

مشاري : من بوك عرفتيه ؟ ...

براءة : لا لكن هادم الظروف نبي نحطهم قدام حياشهم و نمشو ...

مشاري : مرات يعرفك ...

براءة : لا انت حطهم و نطلعو طول ...

مشاري : باهي هيا اركبي ...

ركبت براءة و ركب مشاري بعدها ...

مشاري : بأي حوش نبدو ؟ ...

براءة : نبدو بحوش الراشد ...

مشو لحوش الراشد خدي منها ظرف حطه قدام الباب و رن الجرس و طلع ...

و نفس الشي في حوش هلال و سالم ...

_________________

أحمد : كالا و نيبار سحرو فهد و قريب سحروني حتى اني ...

هند " بصدمه " : معقوله !!! ...

أحمد : براءة شافتهم و فكت السحر ...

هند : اتصلو بالشرطه يجو يرفعوهم توا ...

فهد : معقوله براءة تطلع عربيه ! ...

رغد : حتى اني قلت مستحيل الجمال هادا كله و خدامه ...

الراشد دخل و يده ظرف قعمز معاهم في الصاله ...

الراشد : هادا شن فيه ثاني ...

فتحه و قراه ...

_______________

طلع من الحوش و هو يفكر في كلامها ...

- كلامها حق كيف كنت عايش الفتره الفاتت و اني ظالم البنت معقوله كنت اناني لهادي الدرجه و مافكرتش في الي تعانيه مها - ...

شاف وسيم يتصل رد عليه ...

وسيم : بويا يبيك تعالا ...

رائد : باهي ...

_________________

سالم لوح الورقه لوطه بصدمه !!! ...

سلمى ( مرته ) : خيرك شن فيه ؟ ...

سالم " شد راسه بيديه " : مصيبه و طاحت ع روسنا ...

________________

انصدم و شاف ل ولاده يشوفوله بتوتر ...

عزام : شن مكتوب ؟ ...

الراشد تنهد و قرالهم الورقه ...

_______________

فتح الورقه و أسيل مقعمزه بجنبه و رائد مقابلهم و وسيم مقعمز ع يسار بوه ...

وسيم  : بويا اقرالنا بصوت ...

هلال بدي يقرا في الورقه ...

- السلام عليكم ..
مش عارفه منين بنبدا الي بنقولهولك انت الي تقرا مرات تكون بويا و لا عمي تعبت و اني ندور ع بويا لكن لما لقيته معرفتش ايهم واحد فيكم ..
اني بنت ريم الي خليتها تتعذب و معش دورتها الي ماتت بعد ماعاشت في جهيم بسببك .. اني الي شفت معاناة امي و ماقدرتش كيف نساعدها عشنا في فقر و جوع و امي مريضه حتى العلاج مانقدروش نوفروه و في الاخير قررت نخدم خدامه و للأسف خدمت في حوش اهلي ..
اني براءة ....... مصعب ال**** ..
يا الراشد
يا هلال
يا سالم
واحد منكم بويا ، والله ماني مسامحاته ع الي داره ف امي ، و دليل كلامي ورقه من الي بعثتها لامي و دمرت بها حياتها و حياتي و خليتني نعيش بنسب مزور الله لا يسامحك ..
الخادمه ماري -

و هناك في كل ظرف نسخه من الرساله الي خلتهالها امها ...

اسيل " بصدمه " : بويا كنت متزوج قبل امي !!! ...

وسيم : يعني براءة مرات تطلع بنت عمي ولا ...

رائد " توسعت عيونه بصدمه " : اختتتتتي !!! ...

__________________

عزام : يعني بويا كنت متزوج ع امي و براءة اختنا ؟ ...

أحمد : مستحيل يعني الي مابيتش نعالجها مرت بويا !! ...

رغد : بويا تكلم قول مش انت بو براءة ...

فهد : استنو نتأكدو قبل مرات تطلع تكذب ...

عزام : بويا بالله عليك ماتقولش اختي والله نموت كان طلعت اختي ...

الراشد : لا براءة بنت عمك ...

عزام قعمز من الصدمه و ف نفس الوقت فرحان ...

فهد : اليوم صدمات ع بعضها ...

رغد : حياتنا تقول فيلم ...

أحمد : باهي بنت من ؟ ...

_______________

ولاء : خدامة عمي اختنا ؟ ...

إياد : بويا رد لينا ساعه نكلمو فيك ...

سالم : كان حق بنت ريم يعني هادي بنت عمكم ...

الاء : ايهم واحد ؟ ...

سالم : هلال ...

الاء : اخت أسيل !! ...

ولاء : صدمتونا ...

__________________

وسيم " بصدمه " : براءة اختي !! ...

هلال : مرات تطلع كذابه ...

وسيم : براءة نعرفها ما تكذبش ...

هلال : لكن الورقه هادي مش اني الي كاتبها ...

وسيم : ومن كتبها ؟ ...

هلال " باستغراب " : مش عارف لكن استنو شويه بنوريلكم حاجه ...

ركب لداره و دور في وراقي قديمه لين طلع ورقه و نزل باها ...

هلال " قعمز " : اني لما روحت لاهلي و قلتلهم ع زواجي في البدايه رفضو لكن بعدين رضو و لما جيت بنمشيلها بعثتلي الرساله هادي ...

فتح الورقه و قراهالهم ...

- هلال طلقني اني معش نبي نعيش معاك و اصلا اهلي رفضو زواجنا و ولد عمي يبيني .
اني كرهتك و كنت نونس في روحي في الغربه بس و توا نبيك اطلقني و تزوج و خليني نشوف حياتي مع ولد عمي -  ...

وسيم خدي الورقتين و قعد يشوفلهم ...

وسيم : شوفو الزوز نفس الخط !! ...

أسيل : صح بويا الزوز نفس الخط شوف ...

هلال " خدي الورقتين " : هادا واحد يبي يفرق بينا و اني عايش طول حياتي مصدوم من كلام ريم و في الاخير يطلع كذب ...

وسيم : لازم نلقو براءة و نفهماها ...

__________________

مقعمز في داره مصدوم ...

- قداش اني انسان سافل معقوله نقول ل عزام يغتصب اختي و نقوللها نطلع معاك !!! ...

استغفر الله ياربي اغفرلي اني مداير ذنوب فضيعه في حياتي ...

شن الي درته يا رائد معقوله تقول لولد عمك يغتصب اختك  ...

كيف كيف ماخفتش ع اهلي و أسيل اختي بذات و اول شيء من ربي ! ...

الي درته بمها قريب ولى ع اختي ...

استغفر الله ياربي سامحني ع ذنوبي ...

كما تدين تدان كما تدين تدان - ...

نزل لوطه شافهم مقعمزين كلهم الا امه ...

سمع فونه رن برقم غريب رد عليه و كلهم شافوله ...

رائد : ايه انا ولدها ... " بصدمه " شنووو !!! ...

رائد " سكر فونه و شافلهم " : امي دارت حادث ...

كلهم وقفو بصدممممه ...

أسيل " قعمزت تبكي " : مامااا ...

وسيم : كيييف ؟ !! ...

رائد قعمز و دفن راسه في يديه ...

ع قد مادارت في الاخير امهم ...

امهم الي حرمتهم منها و هي عايشه ...

لكن الام نعمه عندك في غيرك يتمنى يشوفها حتى مره وحده في حياته ...

________________

رحبت بها ام مشاري و رولا فرحانه بها قريب اطير ...

حكتلهم براءة ع كل شيء من حد ماسافرت امها لي امس لما اتصلت ب مشاري لكن ماقالتش ع مرضها ...

براءة : عادي نقعد قداكم الايام هادي ؟  ...

ام مشاري : انتي بنتي تقعدي حتى طول العمر هادا حوشك ...

رولا : تعالي نوريلك داري و بتبدا دارنا مع بعض كساد بروحي ...

جبدتها من يدها و رفعتها ...

ام مشاري " ابتسمت " : ماشاءالله كبرت ...

مشاري : ايه ربي يوفقها ...

ام مشاري : شن نخطبهالك ؟ ...

مشاري : لا نحس فها زي رولا ...

ام مشاري : امتى بس نلقالك بنت الحلال الي تفرحك ...

_________________

اليوم الي بعده فات كئيب عليهم كلهم ...

خاصة عزام و وسيم الي قلبو الدنيا يدورو ع براءة و مالقوهاش ...

وسيم : اكيده قدا هنادي ...

عزام : من هنادي ؟ ...

وسيم : صاحبتها ...

عزام : تعرف حوشها  ؟ ...

وسيم : لا لكن انت تعرف حوش سيمارا ؟ ...

عزام : ايه ...

وسيم : خلاص نفس العماره الشقه الي بجنبها ...

عزام : باهي هيا نمشولها ...

مشو للشقه و طقو الباب ...

__________________

طالقه شعرها و لابسه بيجامه سماوية طالعه علها كيوت و مطلعتها صغيره ...

مقعمزه في دارها تقرا سمعت الباب يطق ...

هنادي : ووك بابا شكلك نسيت المفتاح تاني ...

وقفت و مشت فتحتت الباب طول ...

عزام و وسيم ؟؟؟ ...

استغربت خيره باها مادخلش طلعت راسها من الباب ...

شهقت بصدمه لما شافت عزام و وسيمواقفين بجنب الباب ...

وسيم : هنادي ...

هنادي " لبدت ورا الباب خلت عيونها بس يبانو "  : ايه شن تبي ؟ ...

وسيم " ابتسم ع شخصيتها الطفوليه " : امم نبي براءة ...

هنادي : شن هي مش في حوش الراشد ؟ ...

عزام : عرفنا كل شيء و هي طلعت و معش لقيناها ...

هنادي " بصدمه " : كيف معش لقيتاها ...

وسيم : من امس و حني ندورو علها لكن مالقيناهاش ...

هنادي : كيف من امس باهي وين مشت وين رقدت و شن لي توا ساكتين برو دورو في كل مكان ...

وسيم : ان شاء الله مش معاك ؟! ...

هنادي : معايا !! اني توا كيف عرفت منكم ان شاء الله ماصارلها شي بروحها في الشارع ...

وسيم : دهشنا و حني ندورو علها حتى امي خليتها في المستشفى ، هنادي امانه ماتعرفيش مكانها ؟ ...

هنادي - مرات ماتبيش نقول قدا مشاري - : اه لا امم مانعرفش ...

عزام : متأكدة ؟ ...

هنادي " بتوتر " : ايه ...

عزام : اني قاري علم نفس ...

هنادي : باهي نصفقلك ...

عزام : واضح من عيونك تعرفي مكانها ...

هنادي : وسيم من هو هادا ؟ ...

وسيم : عزام ...

هنادي " شهقت " : انننت عزااام الي حكتلي براءة ع ...

عزام - اسكتي بلا فضايح - : وسيم هيا وقت علينا ...

وسيم : باهي لكن قبل مانمشو هنادي بنقولك راهو براءة مريضه بسرطان المعدة و ماتبيش تتعالج ...

هنادي " طلقت الباب " : شن تقول !!! ...

وسيم : حني نبو نعالجاها بسرعه قبل ما تموت ...

هنادي : باهي خلاص نعرف مكانها ...

وسيم و عزام شافولها ...

هنادي : قدا مشاري ...

عزام : من هادا ؟ ...

وسيم : تعرفي حوشه وين ؟ ...

هنادي : لا مانعرفش شي غير اسمه ...

وسيم : هنادي ...

هنادي : والله مانكذب والله ...

عزام تنهد ...

وسيم : باهي تعرفي اسمه كامل ؟ ...

هنادي : نعرفه مشاري بس و عنده اخت اسمها رولا ...

وسيم : تمام و كان كلمتاها قوليلها تتعالج خيرلها ...

هنادي : باهي ...

مشو و سكرت الباب و قلبها قريب يطلع ...

ركبو للسيارة ...

عزام : والله كذبه مليحه قريب حتى اني صدقتك ...

وسيم : من قلك كذب حق براءة مريضه ...

عزام : شنووو ؟! ...

وسيم : بورم في المعده زي امها المرض وراثي ...

عزام : هادا شن صدمات ورا بعضها ...

_________________

ناضت الصبح تحس في روحها دايخه جت بتنزل من الدروج داخت و طاحت لوطه ...

مشاري و امه كانو يشربو في القهوة سمعو الخبطه ناضو يجرو ...

ام مشاري : بسم الله خيرها ؟ ...

مشاري : امي جيبي العبايه بسرعه خلي نرفعاها للمستشفى ...

جابت امه العبايه غطاها و رفعها للمستشفى جري ...

دخل و نادى ع الممرضات جو يجرو حطاها ع السرير و دخلو لحجرة الكشف و لحقهم أحمد ...

أحمد " بصدمه " : براااءه !!! ...

________________

شاف للي جو معاها ماعرفهمش دخل لحجرة الكشف و خلا مشاري و امه يستنو البرا ...

قعد يشوفلها و الممرضات معاه ...

الممرضه : دكتور المريضه دايره تحاليل في المختبر و عندها سرطان معده ...

أحمد " تنهد " : نفس امها لكن مش ح نخليك اني لي  بنعالجك ...

______________

دخل هلال و قعمز بجنب السرير ...

شافتله هيفاء بتعب و التغذيه في يدها و موصلينلها جهاز نبضات القلب ...

هلال : الحمد لله ع سلامتك ...

هيفاء : نحس في روحي بنموت ...

هلال : اذكري ربك و رتاحي هادا من التعب ...

هيفاء : سامحني انت و الولاد ...

هلال : يا مرا اسكتي مافيك شي ...

هيفاء : اني ضلمتك و خليتك تتزوجني بالسيف سامحني ...

هلال قعد يشوفلها و هو ساكت ...

هيفاء : استنيتك سنين لما مشيت تقرا في امريكا لكن صدمتني و طلعت متزوج بالسر و اني قاعده صغيره كيف جايبه وسيم و حامل ب رائد ماقدرش نستوعب انك تزوجت و كنت عارفه انها بتجي و تاخد مني كل شي و مرات حتى تخليك اطلقني .. فكرت كيف نخليك اطلقها كتبت ورقتين بعثت وحده لها و وحده ليك بش اطلقها  .. بالله عليك سامحني يا هلال و قلها حتى هي تسامحني ...

هلال " وقف بصدمه " : انتي يا ام وسيم معقوله !!! ...

هيفاء : كنت عارفه انت مش ح اطلقها مشي قلت تجي منها هي خير  ...

هلال : انتي تسمعي في روحك شن تقولي !! ...

هيفاء : سامحني يا بو وسيم بالله عليك سامحني ...

هلال طلع من الحجرة وهو متضايق فتح بطن بلوزته الفوقيات و قعمز ع الكرسي في الممر ...

سمع صوت جهاز نبضات القلب يرن يعني وقف نبض قلب هيفاء لكن ماقدرش يتحرك من الصدمه ...

هلال : معقوله انتي يا هيفاء ربي يسامحك وخلاص عيشتيني في هم طول حياتي ...

الدكتور " طلع من الحجرة " : انا لله وانا اليه لراجعون ...

_________________

طلع احمد و سكر الباب وراه ...

أحمد : ورم في المعده ...

مشاري عقد حواجبه ...

ام مشاري : مسكينه ان شاء الله ربي يشفاها ...

مشاري جي بيدخل شده أحمد ...

مشاري : خيرك ؟ ...

أحمد : انتم من ؟ ...

مشاري : انت الي من ؟ ...

أحمد " وقف قدام الباب و كتف يديه " : اني احمد ولد عمها الراشد ...

مشاري : انت أحمد !! ...

أحمد : ايه عندك مانع ...

مشاري : باهي تفكرتو عندكم بنت ...

أحمد : انت مادخلكش هيا تفضل اطلع مافيش دخول ...

أحمد " شاف للممرضه " : بري جيبي الامن يقفو هني و ماتخلوش حد يخشلها ...

مشاري : خليني نشوفها قبل ...

أحمد : بصفتك باها ولا خاها هيا اطلع بحترامك خير مانبلغ عليك خاطفها ...

مشاري : حتى انت مش محرم لها يعنى ماتقدرش ادير شي ...

أحمد : هي قريبتي و معش تدخل فها ...

مشاري : وين باها و خوتها ولا مايقدروش يشفو بنتهم الي ملوحينها اكثر من 17 سنه ...

أحمد : اطلع و معش تدخل في عيلتنا ...

مشاري : هاني بنطلع لكن والله لما ناخدها كان سمعت بيكم ضايقتاها ...

مشي روح هو كان يلقى يضربه ...

_________________

أسيل " تبكي " : كيف ماتت كيف اني قعده ماشبعتش منها كيف تموت و تخليني ...

وسيم حضنها و قعد يبكي ...

أسيل : حرمتني منها من حضنها و حتى الهدرزة معاها بعدين تموت و معش نشوفها نباها يا وسيم نباها ...

وسيم : الله يرحمها ادعيلها يا أسيل ادعيلها ...

و قعدت تبكي ...

سمعو الناس بالوفاة و بدو يجو ...

_______________

دخل للحوش و قعمز في الصاله ...

نزلت امه لابسه عبايتها كيف سمعو بوفاة هيفاء ام وسيم ...

هند : عزام خيرك ؟ ...

عزام : مالقينهاش ...

هند : تو تلقها ان شاء الله .. سمعت ب هيفاء مرت عمك توفت ؟ ...

عزام : لا ماسمعتش ، الله يرحمها ...

هند : حني توا بنمشو شن ترفعنا فهد غادي و بوك مع عمك قعدين في المستشفى و أحمد في العمل ماقلنالاشي ...

عزام " ناض " : باهي هيا اركبو بنبدل و نجي ...

ركب لداره بدل و نزل لقي امه و اخته في السياره ركب و مشي ...

عزام : امي عمي كان متزوج ام براءة الاولى ولا التانيه ؟ ...

هند : التانيه و بعدها طلقها و رجع لمرته الاولى ...

عزام : علاش طلقها ؟ ...

هند : ع كلام بوك هي ماتبيشي و طلبت الطلاق و ماكانتش تعرف انه متزوج و عنده ولدين ...

عزام : هادا علاش عمي ديما و هو متضايق و مانشوفش فيه يضحك بكل ...

هند : الله يرحمهم الزوز ...

_________________

فتحت عيونها و سكرتهم من الضي قوي ...

جت بتحط يدها ع عيونها و جعتها استغربت و شافت ليدها لقتها فها التغذيه ...

أحمد : صح النومه ...

براءة - لقوني !! مستحيل لكن هادا صوت أحمد !! - شافتله لقاته هو حق قبلت وجهها لي الجهة التانيه ...

براءة : شن تبي ...

أحمد : علاش ماجيتيني و قلتيلي ع مرضك ؟ ...

براءة " شافتله " : كيف تبيني نجي للي ماباش يعالج امي ...

أحمد : لكن انتي غير ...

براءة : ع خاطر طلعت نقربلك تقولي هكي ؟ ...

أحمد : وسيم و عزام قالبين عليك الدنيا ...

براءة : مانبيش نشوف حد منكم حتى بويا .. حق منوا بويا ...

أحمد : عمي هلال ...

براءة : قصدك وسيم و رائد و أسيل خوتي !! ...

أحمد : ايه خوتك ...

براءة : مانبيش حد يعرف مكاني و نبي نطلع توا .. وين مشاري ؟ ...

أحمد : مش ح تطلعي لين اديري عمليه ينحو الورم بعدين اطلعي ...

براءة " قعمزت " : طلبت منك تعالجني ؟ ...

أحمد : لا لكن لازم تتعالجي ...

براءة : و اني مانبيش ...

أحمد " قعمز ع الكرسي " : وعلاش ماتبيش ان شاء الله ...

براءة : مادخلكش و مانبيش نتعالج نبي نمشي لامي ...

أحمد : مش زي ماتبي انتي  ...

براءة : لا زي مانبي اني و ورقة العمليه اني الي بنوقعها ...

أحمد : لكن كان انتي ماتبيش نرجعو لولي امرك ...

براءة : اني ماعنديش ولي امر ...

أحمد : بوك  وسيم و رائد ...

براءة : مادخلهمش بيا شن ندير ...

أحمد : ام وسيم توفت ...

براءة : شن بنديرلها ؟ ...

أحمد : قلت نقوللك يعني اهلك تعبانين ...

براءة : كانو معايا لما توفت امي ؟ خلاص اني اهلي توفو من زمان و امي لحقتهم قبل شهرين ...

أحمد : لا بوك و خوتك عايشين ...

براءة : قتلك مانتشرفش يكونو اهلي ...

أحمد : خيرك حقوده لهدرجه ...

براءة : نبي نطلع ...

أحمد : لا مافيش طلوع ...

براءة : وين دكتوري ؟ ...

أحمد : هاني قدامك ...

براءة : كانك انت الدكتور كويس لاني اكيد بنموت ...

أحمد : عمليتك بعد يومين ...

براءة : مش ح نديرها انت باش تفهم ...

أحمد : بنقول لبوك ...

براءة : مانبي حد يعرف اني هني ...

أحمد : خلاص ديري العمليه و اني بنخليك تطلعي من هني ولا من شاف لا من دري ...

براءة : مانبي منك شي لا انت و لا هلال و ولاده ...

أحمد : بنكلمهم يجو يتفاهمو معاك ...

براءة : باهي اعطيني ساعتين نفكر فيهم ...

أحمد : تمام ...

براءة : هيا اطلع ...

أحمد : علاش ؟ ...

براءة : هكي ...

أحمد ضحك و طلع ...

استنت شويه بعدين قعمزت جبت التغذيه نحتها ولبست عبايتها و لفت وشاحها ...

طلعت من الباب شافت الممر فاضي مشت تجري لين طلعت للشارع ...

براءة - مشاري كان مشيتله بيعرفوني معنديش غيرك - ...

وقفت تاكسي و ركبت ...

__________________

هنادي : بابا ماطولش ...

باها : بنمشي يومين بس و انتي كبيره و تعرفي تتصرفي بروحك عادي ...

هنادي : باهي بسلامه ...

باها : بسلامه ...

طلع و سكرت الباب وراه ...

مشت لدارها قعمزت ع الاب توب ...

سمعت الباب يطق استغربت ...

هنادي - زعما نسي حاجه - ...

فتحت الباب و انصدمت ...

هنادي : براااءه !! ...

براءة " حضنتها " : استاحشتك ...

هنادي : حتى اني وينك لينا قداش ندورو عليك ...

براءة : هنادي ماتقوليشي لحد ع مكاني ...

هنادي : باهي خشي ...

دخلت و سكرت الباب ...

__________________

قعد يتكلم مع الممرضات و دكتور التخدير ع اجراءات العمليه و بعد ماكمل دخللها ...

أحمد : شن قررتي ؟ ...

مالقاهاش في سريرها قعد ينادي ع الممرضة ...

أحمد : وين المريضه الي كانت هني ؟ ...

الممرضة : مانعرفش خليتها في السرير ...

أحمد : وين الامن الي قلتهم يوقفو في الممر ؟ ...

الممرضه : مانعرفش ...

أحمد : منا انتي شن تعرفي .. خزي ضحكت عليا واني صدقتها ...

________________

هنادي : حياتك فلم يا براءة معقوله وسيم طلع خوك ...

براءة : شفتي الصدفه سبحان الله خدمت في حوش عمي ...

هنادي : امس جوني عزام و وسيم ...

براءة : يدورو عليا ولا ؟ لكن كيف عرفو حوشكم ...

هنادي : اكيده من سيمارا ...

براءة : اي حق حتى سيمارا ماتقوليلهاش ع مكاني ...

هنادي : علاش ما قلتيليش انك مريضه ...

براءة : من قلك انتي ؟ ...

هنادي : وسيم ...

براءة : شن قصتك انتي و وسيم شكلكم تكلمو في بعض ...

هنادي : لالا هو قلي كانك تعرفي مكانها قوليلي لانها مريضه و لازم تتعالج ...

براءة : اليوم أحمد لقاني لكن هربت منه ...

هنادي : علاش ماتبيهمش ...

براءة : لاني نكره بويا عيشني ف هم اني و امي ...

هنادي : توا امك التانيه ولاه ؟ ...

براءة : مانعرفش ...

هنادي : ايه اكيده لان وسيم اكبر منك ...

براءة : المهم مانبي حد يعرف مكاني ...

هنادي : باهي خلاص حفضتها .. حق علاش ماتبيش تتتعالجي ؟ ...

براءة : مانبيش نعيش ...

هنادي : لا مش زي ماتبي ح تتزوجي و تجيبي صغار و تربيهم و يكبرو ويبدو عندك احفاد ان شاء الله ...

براءة : هكي واجد ههههه ...

هنادي : تعالي ارقدي شويه في داري ...

براءة : ايه نحس في روحي تعبانه ...

___________________

فات اسبوع كمل فيه العزي و هدت الوضاع شويه ...

وسيم قعد متضايق و شغل روحه بتدوير ع براءة ...

رائد قعد ايام معش طلع من داره حتى الماكله تجيبله فها الخدامه لي داره ...

أسيل ديما تبكي و كان تلقى تشوف امها حتى شويه ...

رهف بعد العزي رجعت مع راجلها و صغارها ل جده ...

هلال قاعد مصدوم من كلام هيفاء قبل موتها و معش عرف يقول لولاده ولا يقعد ساكت خير و في نفس الوقت باله مشغول ع براءة و يبي يفهمها الحقيقة ...

عزام تعبان و وجهه ديما مرهق معش يمشي حتى للجامعه بدي يشوف في خيالها في كل مكان و ديما يحلم بها ...

أحمد قريب يموت مقهور كيف خلها تهرب منه بعد ما شدها ...

مها بدت تتحرك بصعوبه من حملها و خايفه من الولاده لانها دخلت شهرها ...

هنادي تبي تقول ل وسيم ع مكان براءة لكن براءة حلفتها ...

ابو هنادي روح من جده و متفهم وضع براءة ...

___________________

طلع من داره شاف الحوش مضلم ...

تنهد و طلع بيمشي للمطعم يغير جو شويه و اتصل بصاحبه بش يلحقه ...

وصل للمطعم نزل من سيارته و سمع صوت التبييب وراه ...

شاف السياره الي جايه قدوه غمض عيونه و طاح لوطه ...

======

يتبع ،،،،

بنات صوتو 😍

البارت الجاي الاخير و كان لقيت تفاعل هلبا بنزله غدوه ان شاء الله ..

تحملوني اخر تشحويره 😁