ابتسمت رندا و ذهبت الى مطر و قالت بهمس:
"مطر ..ممكن نتكلم بعيد شويه .."
نظرت لها مطر ثم نظرت إلى قصى لتردف رندا بصوت عالى قليلا :
"قصى مطر هتوريني حاجه فوق .."
ابتسم لها و هز رأسه ثم عاد يتكلم مع الأطفال تقدمت مطر و سارت لتتابعها رندا بهدوء حتى وصلوا إلى مكتب فريده و دلفوا تنهدت مطر بقلق و اردفت رندا بثقه و هى تجلس :
"انتى بتحبي قصى يا مطر ؟"
نظرت لها مطر بدهشه و عقدت حاجبيها و قالت بتردد:
"قصى.. ازاى يعنى ! انا اساسا لسه عارفاه هحبه .. "
ابتسمت رندا و نظرت للناحيه الأخرى ثم قالت و هي تعبث فى أحد التحف بهدوء:
"عيينك مش بتقول كده .. حسيت انك عارفاه و بتحبيه اوى كمان .."
زفررت مطر و قالت بهدوء و هى ترفع حاجبيها :
"دى اكيد غيره يعنى عشان اتكلمت معاه و انتى خطبته .."
ابتسمت رندا ثم نهضت و عقدت ذراعيها و نظرت إلى مطر بترقب و قالت بهدوء:
"انا و قصى عاملين تمسليه عشان الملجأ بتاعك عشان نوقف بني المصنع خصوصا ان بابي مش هيرضى خالص يعنى لازم يكون فى قرابه او زى ما تقولى كده واسطه .. طبعا بتسألى بقول ليه الكلام ده ...بس يعنى لما قال انى خطيبته الصراحه شفت فى عينيكي غيره و انك بتحبيه .. بس عندى فضول انتى بتحبيه ازاى و انتى فعلا متعرفهوش"
نظرت لها مطر بدهشه ثم وضعت يدها على رأسها بتوتر و قالت بتلجلج:
"هه انا .. انا اساسا..مش بح "
قاطعتها رندا مسرعه:
"مطر تانى ما قلت عيينك فضحاكى يا ست .."
تنهدت مطر ثم ذهبت و جلست على أحد الكراسي و قالت و هى تنظر الى عين رندا بهدوء:
"حتى لو ..مينفعش احبه ..مينفعش أفضل حتى !.."
انحنت امامها و امسكت يدها و قالت بتساول:
"ليه !؟ يعنى اي الى يمنع ..اساسا حبيتيه ازاى.."
ابتسمت مطر ثم أشارت إلى النافذه و قالت بهدوء :
"قصى تحت .."
ابتسمت رندا و قالت بضحك:
"ياستى خليه هو مع الأطفال اساسا so فكك يعنى احكى .."
اعتدلت فى جلستها على الأرض لتنظر لها مطر بهدوء و اردفت بأبتسامه على ثغرها:
"عارفه الكلام الى هقوله ده ممكن تقولى عليه هبل..بس حصل فعلا..قصى ده انا كنت بحلم بيه من قبل ما اشوفه كنت بشوفه فى حلمى والله و سبحان الله حبيته من حلم الى يعرف الموضوع ده ممكن يقول عليا هبله..بس ده الى حصل كنت ديما بشوف عينه و فى يوم شفت ملامحه كلها ملامح بني ادم كنت مفكراه انه حلم بس مطلعش كده خالص..قابلته و اتكلمت معاه اول ما شفته صعقت اساسا..بس ياستى و هوب عرفت انه خاطب..بس يعنى بس هو مش هيحبنى و انا مش هفضل كده.."
كانت تنظر لها رندا بحماس و قالت و هى تنهض بدهشه:
"بجد غريب بس كل ده مش صدفه و بكره تقولى رندا قالت.."
ابتسمت مطر ثم نهضت و قالت بتحذير:
"هيسمع حرف واحد من الى قلته هطيرلك رقابتك .."
نظرت لها رندا بخوف مصطنع و وضعت يدها على رقبتها و قالت بتوتر:
"هه حا.. حاضر.."
انفجرت مطر ضاحكه ثم قالت بهدوء :
" طب يلا ننزل لقصى بيه.."
.....
وقف قصى يبحث بعينيه عليهم و اردف بأستغراب :
"هما فين .."
اخرج هاتفه و كان سيهاتف رندا لكن سمع صوته ضحكاتها هى و مطر فألتف لهم و قال بتسأول:
"انتو كنتوا فين !!؟"
ابتسمت رندا و امسكت يد مطر بثقه و قالت بهدوء :
"ولا حاجه كنت بتفرج على حاجه.."
نظر لها من خلف نظارته الشمسيه و قالت بأستنكار:
"والله !."
ابتسمت رندا و قالت بهدوء:
"اه والله...يلا هنعمل اي ؟"
نظر لها بدهشه و قالت بتساول:
"مش كان وراكى مشاوير؟"
ابتسمت و قالت و هى تشير على نفسها : "انا ..اطلاقا..يلا نروح نفطر و نلف شويه .."
نظر لها و رفع أحد حاجبيه ثم قال بهدوء :
" طب يلا .."
ابتسمت و امسكت بيد مطر و قالت و هى تنظر لها بثقه :
"و مطر هتيجي معانا.."
قصى بأبتسامه:
"والله انا معنديش مانع .."
نظرت لها مطر بغيظ و قالت و هى تجز على أسنانها:
"بس انا عندى محااااضره"
امسكت يدها و سحبتها ورائها و قالت بهدوء:
"لا لا مفيش محاضره يلا يا طمطم بقى.."
....
جلست رغده امام عمر فى مكتبه زفرت و نظرت له و قالت بهدوء:
" واد يا عمر بقولك .."
رفع عمر عينيه بدهشه و قال بغيظ :
"نعم .. واد يا عمر ..لا مش مهم ها قولى .."
رفعت احد حاجبيها و قالت بتساول:
"عندك اعتراض انشالله .."
عمر و هو يجز على اسنانه و يضع القلم بغيظ أمامه:
" ده باين هرمونات الحمل أثرت مشالله..لا معنديش .."
ابتسمت رغده و قالت بحب :
" كنت عارفه انه معندكش اساسا..المهم رن على الواد الى اسمه قصى..خليه يجيب رندا و يجيب مطر عايزه اقارن ما بينهم كده و .."
قاطعها عمر و هو ينهض بدهشه و يقول و هو يشير لها بيده:
"اي ده اي ده ... شغاله خطابه فى اي ..مش هرن على حد رني انتى .."
نظرت له رغده و قالت بصوت بحاد مصطنع :
"عمرررر!"
عمر و هو يمسك هاتفه بهدوء :
"هو قصى 0 كام.. "
....
ذهبت مطر مع رندا و قصى الى احد الكافيهات و جلسوا على أحد الطاولات ابتسمت رندا و قالت بترقب و هى تنظر الى قصى:
"شفتى يا طمطم .. المكان تحفه ..صح .."
ابتسمت مطر و قالت بهدوء :
" اه حلو جدا .. "
قصى بتساول و هو ينقل نظره بينهم:
"ها هتطلبوا اي .."
رندا بهدوء و هى تمسك القائمه :
"احنا هنفطر مش عارفه قرروا انتو ..و انا اي حاجه.."
قصى و مطر فى صوت واحد:
"شوفوا انتو و انا بيس/عادى.."
نظرت لهم رندا و هى تحاول كتم ضحكاتها..ثم قالت بمرح:
"انا بقول نجيب الجرسون هو الى يختار .."
ابتسمت مطر و نظرت إلى قصى الذى كان ينظر لها بطرف عينيه امسكت كوب الماء و شربت بتوتر و نظرت للناحيه الأخرى و وجدت شخص يقترب نحوهم فنهضت و قالت بمرح :
"غاااامبووول.."
ابتسم مروان و اقترب نحوها ثم عانقها و قال بأبتسامه:
"و انا اقول الكافيه نوره قاطع ليه اتارى فى مطر هاهاها "
ضربته مطر بغيظ و قالت و هى تمسكه من التيشرت :
"دمك يلطش هه.."
ابتسم مروان و قال بهدوء :
"خلاص اسفين يا ريس..المهم عملا اي ؟"
مطر بأبتسامه :
"تمام .."
مروان بمرح :
" تمام و عصافير هاهاهاها.."
رندا بدهشه :
"لا كده كتير .."
مطر بضحك و هى تنظر الى رندا:
"كتيررر مشلتت هاهاها.."
انفجر مروان ضاحكا و قال بهدوء:
"اتعديتي بسرعه لا الأداء مش عاجبني.."
نظرت له مطر فصمت و اردفت هي بهدوء:
"ده مروان .. معايا فى الكليه ..و دول يا مارو قصى و رندا "
قصى و هو يمسك زجاجه الماء غضب مما جعلها تصدر صوتا :
"اه اهلا.."
نظرت له رندا بأبتسامه نصر و قالت بهدوء:
"أهلا يا مروان .."
مروان بهدوء و هو ينظر لها :
"أهلا بيكوا..ها مطر ماتيجي تقعدى معانا .. الشله هناك و كمان ياريت بعد أذنك تقولى لأمك انى جي عندكوا بكره صنية الشكرونه بالبرامل تكون جاهزه هه.."
نظرت له مطر و قالت بغيظ :
" امى عندك كلمها.. "
حولت نظرها الى قصى و رندا فأردفت رندا بهدوء و هى تنظر الى قصى:
"مطر لو عايزة تروحى اتفضلى ..نشوف يوم تانى.. "
نظر قصى لها و قد أحمر وجهه من الغضب و قال بغيظ :
"براحتتتتك.."
نظر لهم مروان ثم امسك بحيبقة مطر ال صغيره و قال بمرح :
"يلا يا طمطم.."
امسك ذراعها و حاوطها بذراعه التفت لهم و قالت بهدوء:
"انا اسفه..احم..نشوف يوم تانى ..باي .."
ثم سحبها مروان مسرعا و كانت تضحك بشده ..
كانت تراقب رندا ملامح قصى فأبتسمت و قالت بهدوء:
"نطلب احنا بقى.."
نظر لها قصى بضيق و قال بهدوء:
"لا يلا نروح .. نشوف يوم تانى .."
تنهدت و حاولت إخفاء ابتسامتها ثم نهضت و قالت بهدوء :
" يلا.."
...
فى السياره كان يقود قصى بغيظ و كانت تراقبه رندا فقالت بهدوء :
" بس حلوة اوى مطر دى و كيوت فى نفسها كده .."
نظر لها لثوانى سريعه و كان سيعلق على كلامها لكن أعلن هاتفه ان هناك اتصال نظر إلى المتصل فوجده فقال بهدوء و هو ينظر امامه:
"رندا معلش افتحى الspeakr .."
انصاعت رندا لطلبه ليأتيه صوت عمر قائلا بغيظ:
"اي يا عم سنه عشان ترد رنيت كام مره انا .."
ابتسم قصى و قال بهدوء:
"ارد برحتى عندك اعتراض .."
زفر عمر و قال بغيظ:
"لا اله الا الله..هو انت و رغده لا مفيش..المهم رغده بتقولك هات رندا و مطر و تعالوا نتغدا عشان عايزه تتعرف عليهم.."
نظر قصى الى رندا و قال بهدوء:
"مطر مش معانا مع صاحبها خليها بكره انشالله تيجي و احنا كمان نيجي."
ابتسمت رندا و قالت لنفسها:
"هتسخن اوعا .."
عمر بهدوء:
"اشطا تمام..ياختاى اقفل عشان رغده هتقتل السكرتيرة .."
و أغلق الهاتف لينفجر قصى ضاحكا و رندا أيضا..اوصل قصر رندا الى بيتها و قال بهدوء:
"بكره انشالله اساعه 2 كده هعدى عليكي.."
ابتسمت و قالت بهدوء و هى تدلف خارج السياره:
"تمام...سلام.."
ابتسم لها ثم تحرك بسيارته و قال لنفسه بهدوء:
"انا مش معايا رقم تيليفونها اي الذكاء ده ..اه اروح بيتها احسن.."
....
خرج عمر مسرعا من مكتبه و قال بتساول و هو ينظر لرغده:
"فى ايه؟"
رغده بغيظ و هى تضع يدها على خصرها:
"ازاى مفيش نوتيلا هنا!!:
نظر لها عمر بدهشه و رفع حاجبيه ثم نظر للعامل و ليديه و قال بهدوء:
"انت خاطب ..لا الحق نفسك ونبي..روح شوف شغلك .."
ابتسم العامل ثم ذهب لتنظر له رغده بغيظ و اردفت بغضب:
"انت قصدك اي انشالله بقى كده.."
ابتسم عمر و قال بهدوء و هو يمسك يديها و يتجه الى المكتب:
"تعالى بس يا ام قصى هفهمك و نجيب نوتيلا.."
...
وصل قصى امام بيت مطر و وقف نصف ساعه ثم قال لنفسه:
"انزل اخبط اسأل عنها ولا استنى !.."
حسم أمره و كان سينزل لكن اوقفته وقوف سياره امام بيتها و كانت هى بداخلها و مروان أيضا نظر لهم بضيق ..دلفت مطر خارج السياره و كانت تمزح مع مروان فأردف قصى بغيظ:
"لا كده كتير .."
فتح باب سيارته و دلف خارجها ليتوجه نحوهم نظرت له مطر بدهشه و عقدت حاجبيها و اردف هو قائلا:......
...
انتهت الحلقه🌸