احلام عاشقه ..

الحلقه ال(15)♥️

نظر قصي لهم و أردف بهدوء:
"هقولكوا على خبر حلو.."
نظر الجميع له بتسأول فذهب بأتجاه مطر و حاوط ب ذراعه كتفيها و أردف بأبتسامه:
"انا و مطر هنتجوز خلال اسبوع بالكتير.."
نظر له الجميع بدهشه ماعدا مروان و نظرت له مطر بحركه بطيئه فأردف عمر بدهشه:
"نعم يا عنيا.. انت أسرع واحد تاخد قرار الجواز والله .."
ابتسم قصر و نظر الى مطر التى كانت مازالت تنظر له ، نظرت رغده الى رندا و ضيقت عينيها و أردفت رندا بدهشه:
"امتي ده معلش.."
نظر لهم قصي بهدوء و أردف مسرعا:
"ما تبس بقى ..ياريت نظبط كل حاجه خلال اسبوع!!و مطر .."
نظر إليها و أردف بضحك:
"انتى هتفضلي باصه كده كتير .."
انتبهت له و أردفت بتساول و هى تنظر له:
"انت سامع ودانك قالت اي!!.."
ابتسم لها و أردف بسخريه:
"اه و عندى بق شفت شكلك بيه.."
نظرت له بغيظ و ابتعدت عنه مسرعه و أردفت بغيظ:
"لا بجد مش بهزر .."
اتجه نحو سيارته و اخرج بعض الاكياس ثم أردف بهدوء :
"شيلوا معايا يلا يا مروان.."
نظر له مروان بغيظ و أردف و هو يتجه نحوهم:
"الفلبنيه الى بابا جابهالك انا!!"
نظر قصي الى عمر و أردف و هو يعقد حاجبيه:
"انت هتفضل واقف مكانك مصدوم كده كتير..!!"
تقدم عمر نحوهم و دلفت الفتيات الى الداخل و اجتمع الأطفال نحو مطر ..أردف أحدهم بعتاب:
"كده يا طمطم كل ده!!"
ابتسمت مطر و قبلت وجنته و أردفت بهدوء:
"انا اسفه معلش ..شوفوا رندا و قصي جم معايا ...و كمان معانا عمر و رغده .."
نظر لها مروان و القي احد الاكياس على الأرض و أردف يغيظ:
"و انا ابن البطه السوده.."
تقدمت فتاه صغيره و وضعت يدها على خصرها و أردفت بنفاذ صبر:
"يمكن يعنى عشان احنا عارفينك صبرنيي يارب انت مش بتفهم خالص.."
نظر لها بغيظ و سحبها من التيشرت فأردفت بغيظ و هي تعقد حاجبيها:
"اوعااااا يااااض .."
انفجر الجميع ضاحكا بينما أردف قصي بهدوء:
"بصوا انا جي انهارده او احنا عشان اقولكوا على خبر.."
نظر له الاطفال بأهتمام فأردف بأبتسامه:
"انا و مطر هنتجوز..و هنعمل الفرح هنا.. اللعب دي عشانكوا و شويه بأذن الله فساتين و بدل هتيجي .."
أصدر الأطفال صوت واحد :
"هييييه.."
مروان بغيظ و هو يقترب منهم:
"حد يبعت العيله الرخمه دي احسن افجر المسدس فى ..في"
نظرت له الفتاه و رفعت احد حاجبيه و وضعت يد على خصرها و أردفت بتحذير:
"فيييين.."
وضع مروان يده فى جيبه و أردف و هو يتحرك خارج الملجأ:
"طب هستناكوا بره بقى .."
انفجر الجميع ضاحكا و اعطوا الأطفال الهدايا ثم خرجوا خارج الملجأ فأردف عمر بتسأول:
"هنعمل اي دالوقتى.."
رن هاتف مطر و كانت احدي زملائها فأجابت بهدوء:
"أيوه يا ريم.."
ريم بهدوء:
"مطر انتى مش بتيجي الجامعه ليه..بصى انا بعت محاضرات و جدول الامتحانات .."
ضربت مطر جابهتها و أردفت بهدوء:
"شكرا يا ريم ..هروح و اكلمك.."
أغلقت الهاتف و أردفت بضيق:
"انا ازاى نسيت الجامعه فعلا.."
رندا و هي تقترب منها:
"هنظبط الدنيا اهدي انتى بس كده.."
نظر لهم قصي بحيره و أردف بتسأول:
"طب اي نروح نشتري حاجات من المول. "
نظر له الجميع ثم الى بعض و أردف مروان:
"احنا اساسا محددناش حاجه قصي الدنيا متلغبطه الجامعه و هتيجي تطلب ايديها امتى و كتب الكتابه و الخطوبه ازاى فى اسبوع كله.."
عمرو هو يسند ظهره على السياره:
"قوله يابنى.."
تنهد قصي و أردف بهدوء:
"لا بابا و ماما هيوصلوا بليل ..بأذن الله و هنيجي بكره بالكتير تشوف مواعيد الكليه و لو فى امتحانات او حاجه..و كمان كتب الكتاب هيبقى على اخر الاسبوع ..متعدقوش الدنيا فيلا على المول نشوف هنجيب اي و نتغدا..."
لم يعلق احد و ظل الصمت يعم بينهم حتى ضرب قصي على يده و أردف مسرعا:
"يلا انتو لسه هتبصوا مطر تعالى معايا الباقى شوفوا هتقسموا العربيات ازاى !.."
تقدمت مطر الى السياره و كانت تشعر بأن كل شئ فوق رأسها لا تعلم ماذا تفعل ..دلفت الى السياره و تحرك قصي..
نظر مروان الى عمر و أردف بهدوء:
"خد مراتك و انا معايا العربيه.."
أصدرت رندا صوت ثم أردفت بهدوء:
"انا معايا عربيتي.."
نظر لها مروان ثم اردف بهدوء:
"امشي انت يا عمر.."
فتح عمر باب السياره لرغده التى ابتسمت ثم دلفت و بعدها هو و تحرك بالسياره..
التف مروان الى راندا و أردف بهدوء:
"هاجي معاكي فى عربيتك عشان رجلي شده و مش هعرف اسوق.."
أردفت رندا بتلقائية:
"شده ولا كسره .."
نظر لها بقرف مصطنع و تقدم نحو سيارته و أردف مسرعا:
"خلاص خلاص هركب انا العربيه و امشي بكرامتى احسن!!.."
ركضت مسرعه نحوه و أردفت بضحك:
"خلاص يلاا.."
...
فى سيارة قصي و مطر نظر قصي الى مطر نظره جانبيه ثم أردف بتسأول و هو يعقد حاجبيه:
"مالك ..!"
حركت رأسها من على النافذه و أردفت بهدوء:
"مفيش حياتى الطبيعيه اتحولت 180 درجه.."
نظر لها بتسأول أردف بهدوء و هي تنظر الى الطريق:
"يعنى كله على دماغى..حاسه الدنيا كلها عك ..هتجوز و الجامعه و الشغل و موضوع عيلة بابا الى طلع فجأه ده ..هو الحمدلله على كل حاجه بس حاسه ان الدنيا مكركبه فاهمني..و حاسه ان فى حاجه ناقصه فى موضوع بابا و حاسه انك مغصوب و بتعمل كل ده عشان مؤمن الى معرفش حاجه عنه و ماما اكيد فهمتك .."
نظر لها و أوقف السياره و آلتف بجسده لها و أردف بهدوء:
"بصي يا مطر كله هيبقى تمام طول مانا جمبك مش عايزك تخافى او تفكرى .. دالوقتى تعالى نحل الكركبه دي .."
نظرت له بأهتمام و أردفت بهدوء:
"و الباقى .."
ابتسم قصر و أردف بمرح:
"سيبك منهم زمانهم ضربنها نم اساسا ."
ابتسمت مطر فأردف هو بهدوء:
"بصي الامتحانات و الجامعه هانت و هتخلص و نخلص منها..شغلك سيبك منه شويه عشان اساسا بعد الجواز هنسافر ألمانيا شهرين كده و نرجع عايزه اشوف الشغل فى الفرع الى هناك .. زهقتى قوليلي و هاخدك و نرجع و اساسا هتقعدي مع ماما و هتحبيها جدا .. و كتب الكتاب هنكتبه قبل امتحاناتك و كده بالنسبه لموضوع باباكي متفكريش فيه!!ممكن انا هتصرف ياستي و هعرف كل حاجه..اي تاني قلتي فى حاجه تاني.."
نظرت له بهدوء و أردفت بتساول و هي تضيق عينيها:
"انت عايز تتجوزني ليه.."
ابتسم و أردف بهدوء:
"ممكن اقولك بعدين هو فى سبب و مش مؤمن..و بالنسبه لعيلتك و مؤمن محدش هيقدر يجي جمبك اساسا.. فكي شويه و متفكريش فى حاجه .."
ابتسمت مطر فأردف هو مسرعا ً:
"و مامتك عارفه انك معايا و فى العربيه و عارفه اننا هنروح المول عشان بس متصوتيش و تخضيني مش مستغني عن عمرى.."
انفجرت مطر ضاحكه و تحرك هو بالسياره..
....
كانت رغده تطرح الكثير من الأسئله على عمر فأردف هو بغيظ:
"والله والله معرف حاجه انا لسه عارف زي زيك .."
ضيقت عينيها ثم أردفت بترقب:
"عمرررر..قصي قالك حاجه امبارح لما كلمك .."
نظر لها بجمود ثم أردف:
"اه قال ان مطر البنت الى رقصت معاه فى الحفله شاف الفستان هناك و مروان حكاله.."
رفعت احد حاجبيها و أردف بأستغراب:
"اي القصه الغريبه دي بجد!!اما عجايب..تفتكر بيحبها.. "
مط شفاه السفلى و أردف بنصف ابتسامه:
"مأظنش ابقى اشوفه كده.."
....
فى سيارة رندا كان مروان ينظر لها فأردفت هي بغيظ:
"انا بتبص كده ليه .."
أردف مروان و هو مازال ينظر لها:
"أصل فى ناموسه واقفه عليكي هموت و اضربها..و "
قاطعته شهقت رندا و تركت عجلة القياده و ظلت تحرك يدها لتحاول ان تجدها و تردف بصوت عالى:
"فين فين يا ماماااا "
امسك مروان سريعا عجلة القياده و أردف بغيظ:
"يخربيييتك هنموت اقفى على جمب..حاسبي الكلببببب "
اوقفت السياره مسرعه و ازاح حزام الامان بغيظ و أردف بغيظ مكتوم و هو يرفع يده الاثنين كأنه سيضربها وضعت ذراعيها لتحتمي بهم مسرعه :
"انزلى يا رندا هتنيل اسوق انا مش عايز اموت والله.."
عقدت حاجبيها و أبعدت ذراعيها و أردفت بغيظ :
" بعرف اسوق على فكره.."
نظر لها بقرف مصطنع و فتح باب السياره و دلف خارجه فنزلت هي و ركضت من الناحيه الأخرى كي لا يقتلها و صعدت و هو أيضا فأردف بتحذير:
"صوتك لو سمعته .""
اخرج مسدسه و اكمل قائلا:
"هطلق طلقه فى دماغك امين.. "
....
كان مؤمن يجلس مع أبيه فأردف بهدوء و هو يرتشف من الماء:
"بابا انا قلتلك ان مطر متجوزه.. "
عقد حاجبيه و أردف بتساول:
"متجوزه مين انشالله!!"
مط شفتيه و أردف بهدوء:
"تقريبا اسمه قصي بس بعت أسال عنه .."
نظر له والده و أردف بهدوء:
"المهم تبعد عن جدك مش مهم هو مين !!"
....
وصل عمر و رغده الى ال مول و دلفوا خارج السياره وجدوا مروان و رندا عندما رأتهم رندا ركضت نحوهم و أردفت بخوف مصطنع:
"ابعدوا دراكولا ده عنييي هيقتلني.."
نظر لها بغيظ و أردف بغيظ:
"انا الى كنت هقتلك برضه الكلب شاهد انا مش هتكلم معلش .."
نظر لهم عمر و رغده بعدم فهم تقدمت نحوهم مطر و قصي فأردفت مطر بتسأول و هي تعقد حاجبيها :
"كلب مين الى شاهد ..!!"
قص لهم مروان ما حدث فأردف عمر بغضب مصطنع:
"مش بتعرفووووا تسوقوا بتسوقوا لييييه.."
نظر لها مروان بغيظ و أردف بتسأول و هو يشير الى نفسه:
"و بالنسبه للكلب الى كان فى العربيه يموت عادى.."
امسكته مطر من وجنته و أردفت بمرح:
"بعد الشر يا حلوووه انتى .."
دفعها مروان بغيظ و أردف هو يخرج مسدسه:
"بت بت اسكتي احسنلك عشان البت دي بصى هو كده ابعدي عني امين.."
نظرت له مطر بدهشه و رفعت احد حاجبيها و أردفت بتسأول :
"أمين ولد الهلالى ولا امين ولد الطحاوى..و بعدين انا ولا بيهمني ظابط مبحاث ولا حته ظابط ايقاع .."
انفجر الجميع ضاحكا و نظر لها مروان بغيظ و دلف الى ال مول و هم ورائه..
دلفوا الى محل أخبرتهم رندا عليه و عندما دلفوا ابتسمت مطر و أردفت بمرح:
"عشان جيت عليا انا و رندا بس و ربنا بيحبك اعمالك السوده كلها اجتمعت هناك اهه.. "
نظر الجميع الى المكان التي أشارت عليه أردف مروان بدهشه:
"يا نهار اسود نور .."
ركض و وقف ورائهم فأردفت مطر بصوت عالى:
"نووور ازيك.."
ضربها مروان فى ظهرها بغيظ و اقتربت نور و أردفت بأبتسامه:
"تمام و انتى ..يا يا كان اسمك صعقه.."
ابتسمت مطر ابتسامه صفراء و أردفت بسخريه:
"لا دفاع جوي يا حبيبتي..اه صح مروان كان عايز يسلم عليكي..يا مارو.."
قصي بضحك و هو يمسك يد مطر:
"طب يا جماعه هنشوف الفساتين هنا بقى .."
جز مروان على أسنانه بغيظ فأردفت نور بأبتسامه:
"ماروا ازيك وحشتني اوي على فكره ..بجد ايام الخطوبه كانت حلوه اوى وحشتني "
ابتسم ابتسامه صفراء و أردف مسرعا:
"اسكتييي مش انا خطبت و مراتي حامل.."
عقدت حاجبيها و انفجرت رندا و رغده ضاحكين بينما وضع عمر يده على عينيه و أردف بنفاذ صبر:
"منه له ..!"
انتبه مروان لما قاله و أردف بضحك:
"دمي شربااات بعيد عنك ..خطبت بس .."
ابتسمت بغيظ و أردفت بضيق:
"انا ماشيه يا مروان سلام .."
و ذهبت فنظر لها بقرف ثم الى مطر بغيظ التى كانت تقف بجانب قصي من بعيد و تضحك عليه..
عمر نفاذ صبر و هو يمسك يد رغده:
"مروان انصرف قال ظابط قال .. "
و ذهب نظرت له رندا و كانت ستضحك فأردف هو مسرعا:
"اقسم بالله هسمع نفسك هقتلك.."
نظرت له بغيظ و أردفت مسرعه:
"انا مالي يا لمبي.."
...
بعد ساعات من البحث عن فساتين مناسبه و ثياب لقصي و قرر عمر و مروان تأجيل شراء البدل ليوم كتب الكتاب ..
نظر قصي الى ساعته و أردف بهدوء:
"اساعه 9 ..طب اي تروحوا ولا نتغدا  .."
عمر بهدوء و هو ينظر له:
"زمان عمو قرب يوصل إحنا نطلب ديليفرى و نروح.."
نظرت رندا الى مطر و أردفت بتسأول:
"هتروحي معايا صح!!"
هزت مطر رأسها بمعنى نعم و أردفت بهدوء:
"اه ماما قالت تعالي بكره انشالله .."
مروان بهدوء و هو يمسك هاتفه:
"اما اشوف الواد جاب العربيه ولا لا عايزني امشي على رجلي رجلي توجعنى و مرحش القسم و الدنيا تبوظ بقى و يحملوني الذنب و لسه راجع من كام يوم .."
نظرت له مطر و الجميع بغيظ و أردفت مطر بتساول:
"رائيس مراجيح المولد حضرتك!!.."
نظر لها بغيظ و امسك هاتفه و خرج خارج المول رغده بنوم و هي تمسك ذراع عمر:
"انا هموت و انام !!"
عمر بهدوء و يربت على يدها:
"طب يلا سلام.."
و ذهبوا نظر لهم قصي بهدوء و أردف قائلا:
"تعالوا اوصلكوا للعربيه .."
رغده مسرعه و هي تسحب مطر:
"لا لا روح انت .."
و خرجوا مسرعين ..
....
بعد ساعه وصل قصي الى المطار وجد والديه يقفوا ينتظروه نزل مسرعا و عانقهم و أردف بأسف:
"اسف معلش اتاخرت عليكوا .."
ابتسم والده و أردف بهدوء:
"ولا يهمك .."
وضع الحقائب فى السياره ثم دلف الى السياره و تحرك فأردفت سمر بتساول :
"اي بقى الموضوع المهم يا قصي.."
نظر لهم على المرآه بقلق و أردف بهدوء:
"أصل انا عايز اطلب ايد بنت كده.."
...
انتهت الحلقه 🌸