احلام عاشقه ..

الحلقه ال(27)♥️

ترك يدها ثم دلف خارج السياره و مروان أيضا أتجه قصي الى باب مطر و فتحه بهدوء دلفت مطر خارج السياره و أمسكت بيد قصي ..
مروان بهدوء:
"يلا بينا .."
اتجهوا ناحية باب الفيلا و ضغط مروان على زر الجرس و بعد ثواني فتح أحد العاملين الباب و أستطرد بأبتسامه:
"أتفضلوا"
دلف مروان و ورائه مطر و يتبعها قصي ممسكا بيدها دلف مروان الى غرفة المعيشه وجد الجميع جالس فقال بأبتسامه:
"شوفوا مين جه"
التف الجميع تجاه صوته و نهض الحديدي تقدم ناحية مطر و عانقها و قال بسعاده:
"أهلا بحبيبة جدو نورتي البيت كله .. "
ثم أبتعد عنها و قال بأبتسامه:
"دي مطر بنت احمد ابني و ده قصي جوزها "
نهضت ميرفت و اتجهت نحوها و قال ببرود:
"أهلا انا ميرفت .. مرات جدك "
أبتسمت مطر بعدم ارتياح ثم نظر الحديدي الى ناناريس التي كانت متجاهله وجودهم و قال بغيظ:
"اي يا نانا مش هتسلمي على بنت اخوكي"
وضعت ناناريس هاتفها جانبا ثم نهضت و أتجهت ناحيتها و قالت بضيق:
"أهلا نورتوا.. "
أتجه مؤمن نحوها و التقط يدها ثم طبع قبله خفيفه عليها و قال و هو ينظر إلى قصي الذي أغمض عينيه بضيق:
"نورتي..منور يا قصي بيه .."
جز قصي على أسنانه ثم قال بأبتسامه :
"ده نورك.."
أقتربت شيرين منهم و عانقت مطر و بادلتها مطر العناق بأطمئنان ثم قبل قصي يدها و قالت بأبتسامه:
"وحشتوني يا ولاد..يلا أطلعوا رايحوا"
مروان مسرعا:
"لو هتحطوا غدا بسرعه عشان احنا هنروح لعمر و رغده .. يعني رغده ولدت .."
الحديدي بأمر:
"طب نانا قوليلهم يحضروا الغدا بسرعه..".
____
وقفت رندا تنظر من النافذه و شارده حتي طرق الباب و دلفت كريمه نظرت لها رندا ثم قالت بهدوء:
"أساعدك في حاجه يا ماما "
تقدمت نحوها كريمه و قالت بأبتسامه:
"لا تسلمي..مالك يا رندا مش طبيعيه من فتره على فكره و لاحظت كده"
حاولت رندا ان تبتسم ثم أصدرت حمحمه و قالت بهدوء:
"مفيش بس موضوع بابا .."
قاطعتها كريمه مسرعه:
"باباكي معملش حاجه يا رندا و مروان هيحكيلك متشيليش نفسك هم و هقولك على حاجه بس متقوليش لمروان اني قلتلك "
نظرت لها رندا بمعني ان تكمل فأستكلمت كريمه قائله:
"مروان عارف مكان باباكي و كمان طلب ايدك منه .."
أتسعت أعين رندا من الدهشة و قالت بعدم تصديق:
"ازاي..مجبش سيره "
كريمه بضحك:
"ده مروان هو حد بيعرفله حاجه..المهم اي رائيك "
أخرجت كريمه بعض الملابس للأطفال و قالت بأبتسامه:
"احمد الله يرحمه كان جايبهم عشان لو ولد يلبس دي و لو بنت دي انا مش عارفه أديهم لمطر ولا اي .."
عانقتها رندا و قالت بأبتسامه:
"طبعا يا كرركرر هتفرح بيهم جدا..يلا أجهزي عشان نروح لرغده"
____
في المشفي كانت رغده تستعد للذهاب بينما كان عمر يحمل ابنه بين يديه بسعاده أحس بشعور جديدة غريب يغزوا داخله تحرك ناحية عربة الأطفال و وضعه فيها ثم أتجه ناحية رغده و ساعدها في النهوض أبتسمت رغده فعقد عمر حاجبيه و قال بتسأول:
"في اي ؟"
رغده بضحك:
"أفتكرت شكلك الصبح لما عيلتي و عيلتك كانوا هنا صعبت عليا "
ضحك عمر و قال بسخريه:
"جاين بقي عمامي و خلاتي و خلاتك و أعمامك هتضحكي أكتر .."
وضعت يدها على رأسه ثم حركت أصابعها بين خصلات شعره و قالت بمرح :
"يا حرام .. يلا انت فيصت من اول بيبي يا عمر 😂"
عمر بغيظ:
"بقولك اي أقعدي يا حبيبتي هنا كده عقبال ما أشوف ممرضه تيجي تساعدنا نوصل للعربيه"
____
أسندت مطر رأسها على زجاج النافذه نظر لها قصي لثواني ثم أتجه نحوها و عانقها من الخلف و قال و هو يشتم عطرها:
"حبيبي بيفكر في اي .."
أبتسمت مطر بخفه ثم قالت بشرود:
"شوف هما اهلى و القصر حلو و ناس كتير بتتمني تعيش فيه بس انا مش مرتاحه عايزه بيت صغير بيت بسيط ناس أحس معاهم براحه و بس "
أبتعد قصي عنها ثم جعلها تلتف ليواجه وجهها وجه و قال بهدوء و هو يحاوط وجهها بكفيه:
"لو مش مرتاحه أقدر أخترع 100 حجه و نمشي من هنا .. و بعدين كمان حبيبة بابي مش عايزها تزعل فين الضحكه الحلوه "
وضعت مطر رأسها على كتف قصي و قالت بضحك:
"يا قصي بقي انا مش طفله "
عانقها قصي و قال بأبتسامه:
"مين قال كده انتي هتفضلي طفله في نظري مش بعيد تكوني بنتي التانيه اساسا"
أبعدت مطر رأسها عنه و قالت بأبتسامه:
"طب يلا يا بابي عشان جعانه و في مفاجأه بس بليل انشالله"
عقد قصي حاجبيه فأمسكت مطر يده و سحبته الى الخارج..
____
في الأسفل وقفت ناناريس في الحديقه تبحث عن مؤمن حتي وجدته يتقدم نحوها ببرود أسرعت خطواتها نحوه و قالت بضيق:
"يا برودك يا أخي.."
مؤمن بضيق:
"عايزه اي .."
ناناريس و هي ترفع أحد حاجبيها:
"عايزه اي..مش مهم جهزت كل حاجه .."
مؤمن و هو ينظر إلى نافذة غرفة مطر و قصي:
"وقت لما تبقي مع قصي انا هاخده و انتي نغذي بس يعني "
ناناريس بتسأول:
"و هتعرف تاخده ده شاكله لازق فيها.."
مؤمن بضيق :
"هتصرف ..يلا ندخل عشان هما نازلين "
____
دلفت رندا خارج سيارة الأجره و ورائها كريمه بعد ما دفعت المال للسائق..
تنهدت رندا ثم قالت بهدوء:
"اهه العماره يلا ندخل.."
سارت رندا بعض الخطوات ثم سمعت صوت عمر يناديها من الخلف التفت هي و كريمه إلى مصدر الصوت وجدته عمر أتجهت نحوه و قالت بتسأول:
"انتو لسه جاين"
عمر بهدوء:
"اه كويس انكوا جيتوا..بصي خودي قصي من رغده و انا هسند رغده"
حركت رندا رأسها ثم أخذت الطفل من رغده و أتجهت ناحية كريمه التي كانت تقف في انتظارهم داخل العماره وقفت رندا إمام كريمه و قالت بأبتسامه:
"بصي قصي الصغنن حلو ازاي "
أبتسمت كريمه و قبلت رأسه و قالت :
"بسم الله مشالله ربنا يحميه بس اي ده مين عينيه ملونه كده"
رندا بضحك:
"مطر ..عمر بيقول رغده كانت بتبص لمطر كتير و صورتها قدمها و حاجات غريبه كده ..اهم جم"
التفت كريمه لتردف رغده بأبتسامه:
"ماما كريمه .. ازيك "
عمر بأبتسامه:
"و أنا أقول العماره نورت"
كريمه بهدوء:
"نسلم على بعض فوق دالوقتى الحق بس طلعها عشان الجرح و لا اقولك سيبها و انا هساعدها و روح هات فراخ و حاجات و حلبه يلا .."
عمر بدهشه:
"اهه جت الى هتعلمك الأدب أتفضلي يا كركر هوا و لو العيله جت مشيهم😂👏"
ثم ذهب ساعدت كريمه في الدلوف الى المصعد حتي غرفتها و ساعدتها رندا في ترتيب المنزل و تحضير بعض الطعام..
____
جلس الجميع على مائدة الطعام في صمت نظر الحديدي الى مطر و قال بتسأول:
"اي يا مطر الأكل مش عجبك طبقك زي ما هو .."
ابت سكت مطر و قالت بهدوء:
"لا ده حلو جدا بس انا مش قادره أكل ..شبعت اكلي خفيف "
ميرفت بسخريه:
"خفيف .. "
ناناريس بتسأول:
"إلا انتو بقالكوا قد اي متجوزين"
قصي على مضض:
"٤ شهور كده حتي مؤمن يعرف "
نظر مروان إلى والدته و قال بتسأول:
"هتيجي معانا يا ماما؟ "
شيرين و هي تنهض:
"اه هجيب شنطتي استني''
مروان بهدوء؛
"لو خلصتوا يلا بينا "
نهض قصي و بعده مطر و قال قصي بأبتسامه:
"نشوفكوا بليل بقي."
مطر بهدوء:
"سلام يا جدو "
____
وقفت رندا تداعب الطفل بينما كان عمر يطعم رغده نظر عمر الى رندا و قال بتسأول:
"رندا هما الباقي جاين امتي "
رندا و هي ترفع أكتافها:
"مش عارفه خد ابنك كده و اروح اشوف كركر"
نهض عمر و قال بضحك:
"خليكي جمب الأتنين و هطلع اودي الأطباق و اشوفها "
و خرج خارج الغرفه نظرت رغده الى رندا و قالت بتسأول:
"بت ادودو هو مروان مقالكيش على الخطوبه امتي "
رندا و هي تضع الطفل في فراشه:
"انا ولا عارفه اي حاجه اسئله كتير في عقلي يعني ازاي مروان ظابط و مش بينزل شغل ازاي عايش هناك و معرفش يمسك دليل ازاي كلم بابا و انا مش عارفه اوصله حتي ..مروان شخصيه غريبه و متعبه "
أبتسمت رغده و أستطردت بهدوء:
"سيبيها على ربنا هيفرجها"
صدح صوت الجرس فقالت رندا:
"شكلهم جم هروح أفتح و أشوف سي عمر فين .."
ركضت رندا الى الخارج و فتحت الباب فقالت مطر مسرعه:
"مروان عايزك تحت انزلي "
نظرت لها رندا بعدم فهم فدلفت مطر و قالت شيرين بضحك:
"أنتي لسه هتنحي يلا انزلي "
أرتدت رندا حذائها سريعا بينما دلف قصي الى الداخل تقدم عمر نحوهم و قال بمرح :
"أهلا اهلا بابو عمر "
مطر مقاطعه:
"ابو شتا لو سمحت "
رفع عمر أحد حاجبيه و قال بدهشه:
"شتا مطر و شتا و الاتنين و لو جبتوا عيل تاني هيبقي اسمه صيف او خريف''
مطر بغيظ:
"خفيف يا عمر لا فظيع فين مراتك"
اشار عمر على الغرفه و قال بهدوء:
"جوا مع مامتك "
دلفت مطر الى الغرفه بينما نظر قصي لعمر و قال محذرا:
"هتستظرف همشي "
عمر بضحك:
"تعالى يا راجل ده انت هتشوف ايام جميله "
___
نزلت رندا الى الأسفل مسرعه وجدت مروان في سيارته طرقت بيدها على الزجاج فدلف مروان خارج السياره و قال بأبتسامه :
"تصدقي وحشتيني "
رندا بأبتسامه مليئه بالبرود:
"تصدق انك بكاش..عايز اي "
أمسك مروان يدها و قال بهدوء:
"هنروح الكافيه ده في حد مستنينا.."
عقدت رندا حاجبيها فسحبها مروان و تقدموا نحوه رندا بتسأول:
"مين مروان في اي ؟"
مروان بعدم اهتمام:
"يا حبيبتي هتعرفي متخافيش"
بعد ثواني قليله دلفوا الى الكافيه و تقدم مروان ناحية طاوله فقالت رندا بدهشه:
"بابا "
سارت نحوه سريعا و عانقته بأشتياق ثم أبتعدت عنه و قالت بضيق:
"ازاي سبتني طول الفتره دي "
جلس مروان و قال مسرعا:
"انا بقي الي هفهمك مش هو و بعدين احكمي مش انتي شاكه اني مش ظابط ولا اي بتنجان أسمعي بقي .. انا ياستي ظابط فعلا و كل ده بس طلبت من لواء انه يطلع شهاده او ورقه تدل على اني أستقلت او اتعفيت من الشغلانه دي كنت عايز أجيب حق احمد باي طريقه الصراحه و هما مستحيل يدوني اي معلومه عشان ظابط بعدت سنين و عشت مع مطر شويه كده و شويه كده ماما كانت متعلقه بأخوها و بعدين ياستي مطر ابتديت كل شويه اظهر دليل انها عايشه و كمان بمساعدة مؤمن اي كلمه بتتقال في القصر الملعون ده متسجله جدو بيسجل و بيسمع عشان كده مؤمن بيساعدني بس باين انه بيكرهنا و كمان الحديدي الى عمل فيها مش عارف ان مطر عايشه و كريمه و مكانهم فين هو الى قال ل مؤمن يظهر عشان يهدد كريمه بس هي معرفتش غير بعد ما مطر أتجوزت و قصي عارف الموضوع كله و عمر مش اوي بس يا ستي و عمل انه بيدور عليها و انه مش لاقيها عشان يلبس باباكي تهم اساسا معملهاش اولا انه خطف طفله ثانيا قتل ابنه عشان مشاكل شغل ما بينهم جامده بس يا ستي الحديدي بيلعب لعبه على لعبه بس باباكي مقتلش ولا خطف باباكي ساعتها كلم اخو احمد و حكاله عمل متفاجأ و هو الى خلص على أخوه و حاليا هربان و ميرفت مش بعيد تعمل اي حاجه هي و بنتها مؤمن قالي نانا دي بتخطط لحاجه بس هسيبها تعملها و حاليا كل الى عايزينه ان باباكي هيظهر عشان يعرف موضوع العمليه الى جيه و يجيب كام ورقه للحديدي يساعدونا في القضيه.."
أتسعت أعين رندا و فرغ ثغرها و بعد ثواني من الأستيعاب أردفت بأسف:
"انا اسفه بس الرسايل و كل الى بيحصل حسيت اني تايها.."
أمسك رأفت يدها و قال بهدوء:
"المطلوب دالوقتى متحكيش حاجه لحد و اول ما الهم ده كله يخلص هنحدد ميعاد كتب الكتاب بتاعك انتي و مروان .."
____
"نانا مدخليش نفسك في مشاكل ونبي مش ناقصه "
أردفت ميرفت بتلك الكلمات و هي تقراء في أحد المجالات جلست ناناريس بجانبها و قالت بهدوء:
"مفيش مشاكل كلها كام ساعه و مطر دي تيجي و انا هتصرف ياستي و بعدين من حق بنت أخويا الكبير تعرف كل حاجه احسن ما تكون على عماها "
زفرت ميرفت و قالت بعدم اهتمام:
"اعملي الى انتي عايزاه متقرفنيش...روحي قولي للخدم ان رأفت جي انهارده انشللله على الغدا "
____
بعد مرار جلس عمر بجانب قصي و مطر على الأريكه و قالت بألم:
"اه يا رجلي انا خلاص قررت مفيش عيال كل دول ناس جايين يباركوا أقوم اوصل و أقوم اجيب أقدم مشروبات و أكلات و أقعد و أمسح..لا كفايه عليا "
حول نظره الى قصي و قال بتمثيل:
"نصيحه مني ليك يابني أخلع قبل ما تولد و تخوش في الشهور الصعبه "
أنفجر الجميع ضاحكا ثم التقط قصي كف مطر و طبع قبله عليه و قال بهدوء:
"يا سيدي انا بحبها و بحب العيال .. اه طمطم الملجأ زي الفل و الأطفال كويسين و بعت مساعدين لفريده"
رغده و هي تنظر إلى عمر:
"شايف اتعلم .."
شيرين و هي تنظر الى ساعتها:
"مش يلا يا ولاد و كمان مروان تحت .."
عمر بسرعه:
"هما مش غرب عارفين مكان الباب مش هوصل حد انا "
أنفجر الجميع ضاحكا فقالت مطر مسرعه:
"قبل ما نمشي هاجي بكره بأذن الله أباات مع امي"
نهض قصي و قال بأبتسامه:
"يا ست انا هجيبك قومي يلا .."
نهضت كريمه و عانقت ابنتها و قالت بهدوء:
"خلي بالك من نفسك و كلي كويس"
مطر بأبتسامه:
"عيوني ..سلام يا عمر يا رخم .. سلام يا كوكو"
وقبلت رأس الطفل ثم وجنت رغده و قالت بأبتسامه:
"سلام..ابقوا سلمولي على رندا لما ترجع"
____
مر الوقت حتي وصل مروان و شيرين و مطر و قصي أيضا إلى منزل الحديدي نظر مروان الى قصي من المرأه و قال بهدوء:
"واد اقصي "
رفع قصي أحد حاجبيه و قال :
"واد و يا قصي عايز اي "
مروان بشبه أبتسامه:
"تعالى نجيب حاجات من على أول الشارع ونبي ونبي ونبي عشان في موضوع عايزك فيه "
دلف الجميع خارج السياره و تابعهم مروان ايضا نظرت مطر الى قصي و قالت بأبتسامه:
"روح مع ابو السحالي و انا هطلع مع عمتو"
قصي بضحك:
"خلي بالك من نفسك يلا يا ابو السحالي قدامي"
أتجه مروان و قصي خارج المكان بينما دلفت مطر و عمتها الى الداخل نظرت لهم ناناريس و هي تجلس بجانب والدتها و قالت بأبتسامه:
"أهلا ببنت اخويا.."
مطر بهدوء:
"يا اهلا .."
ثم نظرت إلى شيرين بقلق تقدمت منهم ناناريس و قالت بهدوء:
"انا عايزه اقولك على حاجه يا مطر بس خايفه تخسري كل الى حواليكي .."
نظرت لها بعدم فهم فقالت شيرين مسرعه:
"مطر اطلعي رايحي يلا"
أمسكت ناناريس يد مطر و قالت تحت أعين ميرفت و شيرين التي تراقبها:
"أستني بس يا تري تعرفي ان باباكي مات مقتول .."
___
انتهت الحلقه ..