احلام عاشقه ..

الحلقه ال(25)♥️

في يوم عاد قصي من العمل مسرعا حتي يخبر مطر بأنهم سيسافروا مصر بعد ساعات بسبب تحديد ميعاد ولادة رغده دلف الى المنزل لم يجد أحد أخبرته كيتي بأن مصطفي مازال فى العمل و خرجت سمر للتسوق بينما مطر فى الأعلي صعد إلى الأعلى و فتح الباب وجد مطر جالسه و الحماس يملئ وجهها نهضت مسرعه و عانقته
نظر لها قصي و قال بشك:
"في مصيبه؟ "
مطر مسرعه:
"انت تعرف عني كده .. روح خد الشاور بتاعك و انا هنزل أحضرلك الغدا.."
أمسك قصي ذراعها قبل أن تغادر و قال بهدوء:
"متعمليش حاجه احنا هنسافر مصر اساسا رغده هتولد هدخل بس أخد الشاور بتاعي ** و كان يقلد صوت مطر * و تكوني جهزتي.."
كتمت غيظها من تقليده لصوتها قبل قصي يدها ثم أتجه نحو الخزانه و فتحها بهدوء وجد صندوق صغير عقد حاجبيه و أمسكه وجد ورق مكتوب فيه:
"لو عايز تعرف اي الى جوا العلبه و فين المفتاح أمشي ورا الخطوات الى في ضهر الورقه ..
1:شوف تحت السرير كده.."
نظر إلى مطر وجدها مبتسمه فتحرك و أنحني ثم نظر تحت الفراش وجد ورقه أخري :
"لا مش هنا مش هينفع سوف في درج السراحه كده"
توجه قصي بفضول و فتحه و لم يجد إلا ورقه:
"يا تري يا قصي فين هه هه .. يمكن في الحمام "
توجه ناحية المرحاض و دلف بحث حوله و لم يجد شئ دلف خارج المرحاض ثم نظر لمطر و قال بغيظ:
"مطررررر فين المفتاح ننجز"
مطر و هي ترفع كتفيها :
"شوف الورقه فيها اي .."
نظر إلى الورقه :
"خلاص متتعصبش يا عم خليك كيوت تحت هدومك في الدولاب"
توجه ناحية الخزانه مره و أخري و بحث بين ثيابه و وجده أخيرا فتح العلبه وجد علبه اخري فتحها وجد حجم أصغر زفر قصي ثم أخيرا أخر و أصغر علبه فتحها و وجد حذاء صغير مصنوع من الكروشيه و ورقه:
"للأسف هديتك مش هتيجي غير بعد 9 شهور و ياريت متتعصبش على مامي هه"
أتسعت أعين قصي ثم ألتف الى مطر بشكل كوميدي مما جعلها تضحك نظر إلى الورقه و قراء ما بها عدت مرات ثم قال بعدم تصديق:
"يعني انا هبقي بابا "
هزت مطر رأسها بمعني نعم فصاح قصي بسعاده ثم حملها و دار بها
مطر بضحك:
"خلاص تعبت.."
أنزلها قصي و قال و هو يقبل رأسها:
"هبقي بابا "
قفزت مطر بخفه و كانت ستصيح مثله لكن أمسكه مسرعا و قال بدهشه:
"بتعملي اي ..انتي 9 شهور متتحركيش.."
مطر بضحك:
"انا حامل مش مشلوله😂"
قصي بثبات:
"كلاميي يتسمع ماما و بابا عرفوا "
هزت مطر رأسها بمعني نعم و قالت مسرعه:
"متقولش لحد من الى في مصر و يلا نجهز الشنط.."
____
"يلا يا رغده و حياة ابوكي بلاش جنان"
أردف عمر تلك الكلمات و هو يقف أمام باب المنزل وضعت رغده يدها على خصرها و قالت بعند:
"مش هولد يعني مش هولد و بعدين قصي و مطر يجوا و بعديها أولد .."
رفع عمر أحد حاجبيه و قال مسرعا:
"جاين يا حبيبتي بعد ساعات هيكونوا في مصر "
عقدت رغده حاجبيها و قالت بدهشه:
"ليه السرعه يعني انا مش مستعجله "
عمر و هو يلقي شنطة الأطفال على الأرض:
"بقول اي انا زهقت براحتك يا رغده"
ثم فتح الباب و خرج و أغلقه بقوه فأنتفضت رغده مكانها مرت دقائق و أنبت رغده نفسها ثم وجدت الباب يفتح و يدلف عمر قائلا:
"مصعبتش عليكي !"
القت عليه الحذاء الذي كان بجانبها و قالت بغيظ:
"انت رخم اساسا اتفضل قدامي "
_____
طرق مروان الباب عدت طرقات و اخر مره كان سيطرق لكن أحس بكفه ضرب بوجه أحد شهقت رندا و وضعت يدها على وجهها..
مروان مسرعا:
"والمصحف ما قصدي انا بخبط من بدري "
أنهالت عليه رندا بالضرب و قالت بغيظ:
"ما انت لو تخبط زي البني ادمين بس اقول اي حلوف"
مروان و هو يحاول ان يمسك زراعيها:
"طرازان لو سمحتي انا ااتفجرت على افلامه كان بني ادم بس طبع حيوان بس كان حلو تصدقي "
دفعته رندا ثم دلفت الى الداخل و أمسكت حقيبتها..
مروان و هو يدلف:
"رندونتي هي كريمه مش جيه "
هزت رندا رأسها بمعني لا ثم أستكلمت قائله:
"راسها وجعاها و قالت لو على بليل بقت كويسه هتيجي انشالله ..يلا قدامي يا طرزان فكرني عايزاك في موضوع "
_____
أستيقظت ميرفت باكرا و أبدلت ثيابها و حاولت ان لا تصدر ضجيجاً حتي لا يستيقظ الحديدي خرجت الى الخارج و أغلقت الباب بهدوء التفت كي تذهب لكن شهقت بفزع قائله:
"حرام عليكي يا نانا خضيتيني"
أنفجرت ناناريس ضاحكه ثم قالت بتسأول:
"على فين يا تري من الصبح كده دي حتى ال Princess (الاميره) جيه انهارده .."
زفرت ميرفت و سارت و ناناريس ورائها ثم قالت بضيق:
"هي جيه انهار ده .. أستغفرالله هتلاقيها طبع زاهر و كريمه و هتيجي مع جوزها و ده بقي الى محدش هيعرف يتصرف و هو جمبها..عمك مش نازل مصر "
مطت ناناريس شفتها السفلى و قالت بملل:
"لا مش جي قال لمؤمن مش هعرف أبص في وشها حاجه كده يعني ده عمي لقي المركب بتغرق.."
وقفت ميرفت امام باب المنزل و قالت بهدوء:
"خلي بالك من نفسك و انا رايحه مشوار كده و جيه "
_____
وقفت مطر في المطار بجانب قصي بعد ما ودعوا عائلة قصي نظر قصي الى مطر و قال بهدوء:
"حبيبتي روحي أقعدي و انا هخلص الأجراءت و أجي.."
هزت مطر رأسها بالنفي و أردفت بهدوء:
"مفيش حاجه يا قصي مانا واقفه اهه"
ظل قصي ينظر لها حتي زفرت و أتجهت ناحية أحد الكراسي و جلست ثم قالت لنفسها:
"أنتي الى جبتيه لنفسك ألبسي بقي كنتي قوليله لما تتزلي مصر يا ساتر "
____
جلست رغده في غرفتها ما قبل الولاده بساعات قليله و عمر بجانبها ممسك بيدها و يحاول ان يجعلها تطمئن..
زفرت رغده و قالت بضيق:
"امتي أخلص بقي من التوتر ده "
قبل عمر يدها و قال بهدوء:
"هانت والله بس متخافيش انا هستناكي تبقي كويسه انتي و قصي الصغير ها ! "
أبتسمت رغده بهدوء و قالت بدموع:
"عمر أحضني"
نهض عمر و جلس بجانبها و جعلها تنام في حضنه ثم طرق الباب و دلف مروان و بعده رندا ..
رندا بمرح:
"الله الله في المستشفي يا هانم"
رغده برجاء:
"انا مش عايزه أولد اساسا يلا نروح بيتنا"
أمسكها عمر بقوه و قال و هو ينظر إلى رندا:
"وحياة ابوكي انا ماسكه بالعافيه.."
ضربت رندا رأسها بتذكر ثم ألتفت الى مروان و قالت بأبتسامه:
"طرزاني حبيبي .."
مروان بلا مبالاه:
"هاتي الى عندك و بلاش الدخله دي "
جلست رندا أمام فراش رغده و قالت بهدوء:
"مش عارفه اوصل لباابا و مش بيرد و التيليفون مقفول و لو أتفتح السيكرتيره تقولي في أجتماع و "
مروان مقاطعا:
"هو فين؟"
رندا بهدوء:
"فى المانيا.."
ضرب مروان جبهته ثم قال و هو يحاول ان لا يظهر شئ:
"طيب يا حبيبتي .. احم يعني انا هتصرف"
دلفت الممرضه و قالت بهدوء:
"مدام رغده جاهزه"
نظرت إلى عمر و كأنها أخر نظره ثم قبلت وجنته بهدوء نظر لها عمر و قال بأبتسامه:
"هستناكي عشان البامبرز الى 200 جنيه ده بصي معصبني "
أبتسمت رغده بخوف ثم ذهبت مع الممرضه..
____
كانت كريمه نائمه بسبب ألم رأسها و سمعت طرقات الباب و صوت الجرس نهضت بتعب ثم نزلت إلى الأسفل و فتحت الباب لتقول بدهشه:
"أنتي!! خير يا ميرفت"
ميرفت بأبتسامه :
"مش هتقوليلي أتفضلي طيب "
أفسحت كريمه لها لتدلف فدلفت ميرفت الى الداخل و أغلقت الباب ..
جلست ميرفت على الأريكه و ظلت تنظر الى الصور التي كانت معلقه حولها و الألوان و الى منظر البيت فزفرت كريمه و قالت بضيق:
"خير يا ميرفت "
وضعت ميرفت قدم على الأخري ثم قالت بهدوء:
"مطر جيه انهارده و هتبقي عندنا في الفيلا .. بس يا تري هي عارفه باباها مات ازاي .."
يا تري عارفه اي أصل حكايات الأميرات الى حكيتهالها ".
نظرت لها كريمه بغضب ثم أردفت بتهكم:
"بقولك اي متهددنيش انا بنتي هتعرف كل حاجه و انا مش هخاف عليها طول ما قصي جمبها فواحد فيكوا يجرب يعملها حاجه يا بنت ونيس .."
نهضت ميرفت و ثم نظرت إلى كريمه لثواني ثم ذهبت و كان الغضب يسيطر عليها..
____
في الطائره نظر قصي الى مطر و قال بتسأول:
"اي خايفه او تعبانه انا بقول بلاش نسافر يلا "
أمسكت مطر يد قصي مسرعه و قالت بأبتسامه:
"والله أنا كويسه طول ما انت جنبي..متخلنيش اندم اني قلتلك "
أبتسم قصي ثم قال بغيظ:
"يا هانم اول مره فشعور غريب .."
عانقت ذراعه و قالت بنوم:
"انا محتاجه انام و بس .."
_____
مرت ساعات و قد أستقبل عمر اول طفل له بسعاده عارمه اما عن رغده فقد سهل الله ولادتها..
تجمع كل من مروان و رندا و عمر في غرفة رغده جلس عمر بجانب رغده بينما كان مروان يحمل الطفل بين ذراعيه و رندا بجانبه..
مروان و هو ينظر إلى الطفل:
"ولا يا قصي أوعي تطلع شبه قصي الكبير ولا ابوك عمر أطلع شبهي يا حبيبي انا أحلي منهم كلهم ..واد يا عمر "
جز عمر على أسنانه و قال بغيظ:
"خير يارب مش كفايه مش عايز تديني أبني "
نهض مروان و بين يده الطفل و قال و هو يتأمله:
"هو الواد ده شبه مين..هو أخد عيون مطر و ده الى مش مستوعبه.."
رندا و هي تمسك يد الطفل:
"يا حلو انت هتطلع قمر .. يا صغنن"
أنفجر الجميع ضاحكا ثم طرق الباب و دلفت مطر و ورائها قصي ..
ركضت رندا ناحية مطر و عانقتها و قالت بأشتياق:
"وحشتيني وحشتيني .."
بادلتها مطر العناق بينما ذهب قصي تجاه عمر و عانقه و قال بمرح:
"ابو قصي .."
عمر بمرح مبادل:
"ابو عمر "
عقد مروان حاجبيها و قال بتساول:
"و انا كيس جوافه محدش هيسمي أسمي "
رغده بأبتسامة تعب:
"البيبي الى جي مروان ولا تزعل"
عمر مقاطعا:
"اسف عايزها بنت .."
مروان بأبتسامة برود:
"يبقي رندا.."
مطر بضحك:
"هو انتو ناوين تسموا اسامينا تاني انسوا"
عمر و هو يتجه بنظره الى مطر:
"الواد الى هتخلفيه اسمه عمر "
رندا مقاطعه:
"مش لما يجي أبقوا اتخانقوا"
قصي بأبتسامه:
"9 شهور و هيشرف او هتشرف.."
أتسعت أعين الجميع و قالت رغده بصدمه:
"أنتي حامل ... ازاي"
نظر مروان الى عمر الذي قال:
"هو اي الى ازاي .."
ثم صافح قصي و قال بمرح:
"حبيبييي ده انت هتشوف ايام سبانخ اسألني و ادي الى فات حماده و الى جي حماده انيل خالص"
أنفجر الجميع ضاحكا و عانقت رندا مطر مجددا و قالت بسعاده:
"مبروك يا حياتي"
مروان و هو يعطي الطفل الى قصي :
"أمسك أدرب.."
دفعه عمر و قال بغيظ:
"انا سايبك من الصبح بس هتعمل أبني فأر تجارب"
مروان و هو يتجه ناحية مطر:
"شايف الفأر ده انت الى هتسربه بعد كده عشان هيقطع عليك .."
عمر بدهشه:
"انا شاكك انك متجوز و مخلف يالا"
شهقت رندا و قالت :
"مين ده الى متجوز و مخلف.."
مروان بضحك:
"متخافيش يا حبيبتي انتي قفلتي نفسي عن البنات كلها .."
أنفجر الجميع ضاحكا و قبل مروان رأس مطر و قال بمرح:
"ام السحالي مبروك .. طبعا اسمه مروان الخال والد"
عمر مقاطعا:
"اسمه مروان و العم والد برضه"
مروان بمرح:
"قيصري ولا طبيعي"
قصي مقاطعا:
"عندك بقي انت كده يا عمر سبلي الطلعه دي "
مروان و هو يختبئ وراء مطر:
"أمسكي جوزك بسرعه"
مطر بضحك:
"مش عيب عليك تبقي ظابط و خايف"
أبتعدت عنه مطر ثم أتجهت ناحية قصي الذي كان يحمل الطفل و امسكت بأصبعها يده الصغيره و قالت بأبتسامه:
"يا حلو انت .. اي ده ده لون عيني .."
عمر بمرح:
"حضرتك رغده كانت حطا صورتك قدمها و بتتوحم عليكي .."
قصي مقاطعا و هو ينظر إلى مطر:
"لا ده انا أحطلك صورتك قدامك "
ضحك الجميع ثم أخذت مطر الطفل منه و ظلت تلاعبه و مر الوقت وحان وقت ذهاب كل منهم الى منزله نظر عمر الى قصي و مطر و قال بتسأول:
"هو انتو هتباتوا فين انهارده بيتك ولا بيت مامت مطر و لا جدها"
مروان مقاطعا:
"بلاش أنهارده خليها بكره انشالله هقولهم الطياره اتأجلت و كمان كريمه مش هقولها ولا انتي يا مرات طرازان"
عقدت مطر حاجبيها و قالت :
"طرازان"
رندا بضحك:
"دي حكايه طويله بعدين بعدين"
قصي بهدوء:
"يبقي نطلع على الفيلا بتاعتي انهارده و اساسا احنا مش هنطول عند جدك عشان متتحركيش كتير .."
قرر كل منهم ماذا سيفعل و أتجه مروان الى سيارته مع رندا كي يوصلها إلى بيت كريمه و جلس عمر حاملا ابنه بجانب رغده و ذهبت مطر مع قصي الى بيته ..
رغده بضحك:
"هتفضل تبصله كتير .."
عمر و هو يقبل يده الصغيره:
"شكله حلو اوي يا رغده ..اه صح ماما و مامتك و عيلتك جاين بكره انشالله على البيت محبتش حد يجي هنا.."
____
اما عن مروان فقد كان حائرا هل يخبر رندا بما علم به ام لا نظرت له رندا و قالت بتسأول:
"مالك يا مروان"
مروان بأنتباه:
"مفيش يا حبيبتي بفكر في باباكي هي أخر مكالمه كانت امتى؟"
أمسكت هاتفها و أعطته له و قال بصوت يسمعه كلايهما:
"حبيبة بابي معلش انا مشغول و متكلمنيش الفتره الى جيه .."
رفع مروان حاجبيه بدهشه ثم خرج من الرسائل و نظر الى الصوره الخلفيه و قال بدهشه :
"مين ده !!!"
_____
وصل قصي الى منزله و حاول أيقاظ مطر بهدوء فتحت عينيها ببطئ و دلفت خارج السياره أنتظرت قصي حتي ينزل و بعد ثواني أقترب منها و قال و هو يمسك يدها:
"أنتي عايزه تنامي كده ليه .."
مطر و هي تضع راسها على ذراعه :
"مش عارفه بس عايز انام.."
قصي و هو يفتح باب المنزل:
"هطلبلك أكل الأول معلش"
مطر و هي تدلف الى الداخل:
"لا بطني مقلو...عااااااا "
ثم صرخت و أمسكت ذراع قصي و أختبئت ورائه عندما وجدت أحد يقترب منها و ...
_____
إنتهت الحلقه🙂