احلام عاشقه ..

الحلقه ال(18)♥️

انتفضت كريمه و مروان و شيرين من مكانهم بسرعه و قلق و قصي أيضا و أردفت كريمه بدهشه:
"ده جد مطر !"
نهض مروان و أردف مسرعا كي يهدأهم:
"بس .. مصطفي بيه ممكن تطلع تقابله جوا الفيلا و احنا هنكون مشينا بسرعه!"
تنهد مصطفي و أردف بهدوء:
"على معادنا بكره انشالله يا جماعه .."
و ذهب مسرعا ال الداخل..
قصي بهدوء و هو يرشدهم الى الطريق :
"هنطلع من هنا هوصلكوا..يلا يا مطر و رندا على عربيتي كريمه مسرعه:
"مش لازم يا قصي يركبوا معانا "
هز قصي رأسه بمعني لا و قال بأعتراض:
"معلش انا هرتاح لما اوصلكوا عمر و رغده استنوا مع ماما لحد ما اجى .."
و ذهبوا إلى السيارات و انطلقوا سريعا..
_____
في سيارة مروان نظر الى كريمه و أردف بأبتسامه و مرح:
"الحمدلله الاكشن خلص"
نظرت شيرين إليه و قالت بهدوء:
"بس يا زفت ..خلاص يا كريمه الحمدلله مشينا قبل ما يشوفك.."
نظر لها مروان بغيظ و قال و هو ينظر لها:
"زودتي اي عن الى قلته "
ضربته على كتفه و أردفت بتخذير:
"سوق و انت ساكت احسن تموتنا.."
_____
في سيارة قصي نظرت مطر الى قصي و أردفت بتساول:
"قصي هو باباك يعرف جدو منين !..و مين جدو اساسا انا معرفش حاجه عنهم "
نظرت رندا الى قصي بحره فى مرآه السياره و قال قصي بحسم و هو ينظر إلى الطريق:
"هحكيلك بكره انشالله كده يا ستي و احنا بنشتري الدبل .."
رفعت احد حاجبيها و زفرت و عقدت ذراعيها نظر لها قصي و ابتسم بينما كانت تتابعهم رندا بأبتسامه واسعه..
_____
تقدم مصطفي نحو حمدان مرحباٍ بأبتسامه:
"اهلا حمدان بيه..نورتنا والله"
ابتسم حمدان بهدوء و قال :
"ده نوركوا..انا اول ما عرفت انك نزلت مصر من رأفت قلت اكيد لازم اجي اشوفك ."
ابتسم مصطفي و أردف بهدوء:
"اتفضل اقعد .. ام محمد اعمليلنا قهوه"
جلسوا الاثنين و قال حمدان مسرعا بتساول:
"عرفت حاجه عن بنت ابني..انا بس عايز اعرف اسمها و ساكنه فين عايز اعوضها انا الى رفضت اشوفها يوميها يارتني كنت وافقت "
نظر له مصطفي بأشفاق على حاله و قال بتفكير:
"قريب هلاقيها بس قولي كام معلومه عن ابنك و مراته كان اسمها اي "
أردف حمدان مسرعا:
"كريمه اسمها كريمه "
_____
وصلت مطر و وقفت أمام منزلها تنتظر والدتها هي و رندا فأردف قصي من نافذة السياره:
"اي ادخلوا يلا!"
مطر بهدوء و هي تنظر الى الطريق بحثاً عن السياره:
"مش معايا المفتاح مستنيه ما..اهم اهم جم يلا روح انت سلام"
قصي بأبتسامه:
"اشوفك بكره انشالله تصبحي على خير "
و ذهب لتردف مطر بهيمان:
" و انت من اهلى يا كوكو"
نكزتها رندا بدهشه و أردفت و هي ترفع أحد حاجبيها:
"كوكو!!عارفه لو سمعك"
تقدمت والدة مطر و فتحت الباب بهدوء و كانت ستدلف رندا لكن ركض مروان و ازاحها و هو يردف بسرعه فى حديثه:
"اسف بس .. ثانيه "
و صعد الى الاعلى مسرعا نظرت مطر بدهشه و قالت شيرين و هى تنظر الى السماء:
"اشكوا اليك ..
ثم نظرت الى الفتيات و أردفت بهدوء:
"معلش الحيوان عايز يدخل الحمام "
انفجرت مطر و ورائها رندا و دلفوا الى الداخل فأمسكت مطر يد رندا و ركضت الى السلم و قالت بمرح :
"تعالى بقى اما اعرفك على اوضتي "
و فى طريقهم خرج مروان من المرحاض و تنهد فانفجروا ضاحكين مره اخرى
مروان بغيظ و هو ينظر لهم:
"خير شايفين مهرج بيهرج قدامكوا..بقول اي في فيلم هيشتغل كمان نص ساعه غيروا هدمكوا و ننزل نتفرج اكون جبت حاجات من السوبر ماركت و عملت فشار يلا يلا انتو وقفين"
ثم ذهب ناحية السلم و ابعدهم عن بعض بيديه الاثنين و نزل عليه يدندن بمرح فنظرت مطر الى رندا و انفجروا ضاحكين
دلفت مطر و ورائها رندا الى الغرفه فأردفت رندا بأعجاب و هي تدور فى الغرفه :
"الاوضه تحفه يا مطر ليكي حق تحبيها.."
وقفت و انتبهت لصوره معلقه على الحائط اقتربت منها و أردفت بتساول:
"اي ده صورة قصي .. عملتيها امتي؟"
مطر بهدوء و هي تقترب نحوها:
"اليوم الى دخل فى قصي يصلي فى الاوضه انا خليت مروان راح الأستوديو و جاب الصور الى كنت بطبعها على اساس انها صور الحفله و علقت صورتي انا و هو و صورتنا كلنا و صورته لوحده بس"
ابتسمت رندا و قالت بهدوء:
"هتبقى زوجه و ام فظيعه يا مطر "
ابتسمت مطر و قالت بحماس:
"يلا يا ست نغير تعالى اجبلك بيجامة الباندا و انا البس الارنب و لا اليوني كورن يا ترى"
عقدت رندا حاجبيها و قالت بدهشه:
"نعم..احم انتي طفله و كده كتير"
سحبت مطر يدها و قالت بضحك:
"يبقى البسي انتى اليوني كورن و انا الارنب يلا بينا"
____
وصل قصي الى منزله وجد والدته تجلس وحيده فى الحديقه توجه نحوها و أردف بأبتسامه:
"الجميل سرحان فى اي"
فتحت له ذراعيها ليأتي و يجلس بجانبها و تعانقه اقترب منها و جلس و وضع رأسه على صدرها و أغمض عينيه براحه ملست على شعره و قال بهدوء:
"مش مصدقه .. فعلا انت متخيل يا قصي اني حاسه اني لسه ولداك امبارح..عارف افتكرت كل لحظه معاك يوم ما عرفت اني حامل و كل يوم فى الحمل و يوم ولادتك و تربيتك و تطعيمك اول يوم فى المدرسه و 3 ع و 3 ث و توترك و لما نجحت و دخلت الجامعه .. هزارك المصايب الى عملتها صورك فتحتها كلها .. عارف افتكرت اول يوم نطقت فيه قلت ماما..انت مش متخيل يا قصي شعورى دالوقتى..حاسه ان الايام جرت و دالوقتى هجوزك يا حبيبي و هيبقى عندك عيال يقولوا يا تيتا يا مستنيه الشعور ده اوى و انا بقول ابن ابني عمل بنت ابني بقت .. انا مش هتفهم اي حاجه غير لما تحس بالشعور ده تشوف ابنك و بنتك من اول ما يبقوا فى بطن امهم لحد ما تسلم بنتك لعريسها و ابنك تجوزه مش هتحس بالشعور الى انا في دالوقتى.."
ابتعد عنها و قبل يدها و رأسها بحنان و قال أبتسامه:
"ربنا يخليكي ليا و تفرحي على طول كده يارب .. بس مقولتليش اي رائيك فى مطر "
ابتسمت و ربتت على كتفه بهدوء:
"حلوه و طيبه اوى دي هتبقى ام و زوجه عظيمه جدا صدقني بكره تقول ماما قالت ! بس قصي هو فى حاجه معرفهاش عن موضوع مطر! "
نظر لها بحيره فهو لم يعتاد الكذب على والدته ابدا فأردف بصوت هامس:
"اقولك و متقوليش لمصطفي"
قهقهت ولادته و هزت رأسها بنعم فسرد قصي كل شئ لها و بعد ثواني أردفت سمر بتساول:
"ايوه يعني انت متجوزها عشان ابن عمها ده بس "
قصي بحيره:
"والله ما عارف..بس حاسس بحاجه من ناحيتها بس انا مش عارف هي بتحبني ولا اي انا اتسرعت بس عايزها قدامي على طول جوايا بيقولى كده "
ابتسمت سمر بهدوء و قالت بتنهيده:
"الى شفته انهارده شكلها بتموت فيك..ربنا يهديكوا! "
ظل قصي يتحدث مع والدته و بعد مرور ساعات قرر الاثنين الذهاب الى غرافهم و النوم ..
____
دلف مروان الى البيت و كان يحمل بيده الكثير من الأشياء نظر بدهشه الى ما ترتديه مطر و ايضا رندا ..و أردف بأستغراب :
"عالم ديزني فتح فرع فى الصاله هنا!..ولا دي مزرعه .."
نظرت له رندت و ضحكت بسخريه بينما القت مطر عليه حذائها المنزلى الذى كان على شكل دولفين..
وضع مروان الأشياء حانباً و أردفت بضحك:
"عيني عليك يا قصي .. "
مطر و هي تغلق الانوار:
"هات الحاجات دي انا عملت فشار يلا "
أردف مروان بسخريه و هو يقترب نحوهم :
" اي ده طلعتي بتعرفي تعملى حاجه يعني قصي هياكل فشار 24 س ببلاش "
انفجرت رندا ضاحكه و قالت بمرح:
"هي شركة موبينيل يا عم "
مروان مسرعاً:
"لا..Orange لو سمحتى"
نظرت لهم مطر بنظره جانبيه و أصدرت صوت خفيض :
"اخرسوا بقى!"
و ظلوا يشاهدوا الفيلم و بعد انتهائه خلدوا الى النوم سريعا..
____
استيقظت رغده على صوت أذان الفجر و نظرت حولها وجدت نفسها على الفراش فتعجبت و ظلت تتذكر اخر شئ كانت في فيلا قصي ماذا حدث بعدها نظرت بجانبها لم تجد عمر فنهضت تبحث عنه خرجت خارج الغرفه وجدته نائم على الأريكة اقتربت منه و هزت كتفه فأنتفض عمر بقلق:
"اي فى اي مالك تعبانه اكلم الدكتور "
وضعت يدها على فمه سريعا و أردفت بأبتسامه:
"انا كويسه ... بس !"
وضعت يدها على شعرها و حركت يدها بين خصلات شعرها و ضيقت عينيها فأردف عمر بتسأول:
"بس اي؟!مالك"
أردفت مسرعه :
"بصراحه انا ..احم جعانه"
انفجر عمر ضاحكا و قال بتساول:
"طب خايفه ليه مانتى بتصحيني عشان تاكلي تعالى البيتزا فى الفرن .."
امسك يدها و اتجهوا نحو المطبخ فقالت بتساول:
"هو اي الى حصل صحيح"
فهم مقاصدها فقال و هو يخرج البيتزا :
"نمتى فطنط قالتلي خد مراتك و روح و انا الونش بتاع سيادتك فشلتك..بس خلى بالك الشهور الاخيره مش شايل حد .."
رفعت احد حاجبيها و قالت و هي تنظر الى بطنها:
"سامع يا قصي بابي "
ابتسم عمر و اقترب منها جعلها تجلس على احد الكراسي و جلس بجانبها يتحدثون و هي تأكل...
____
فى صباح اليوم التالى استيقظ مروان و ابدل ثيابه امسك هاتفه و ابتسم تلقائيا عندما انارت الشاشه بصورة رندا معه ليلة أمس ببدلة اليوني كورن كانت بالون ال سماوي و كانت رأسها على شكل اليوني كورن و تخفي نصف شعرها فقط و كان يوجد بها العديد من الأزرار و كان قدمها لا تظهر خرج من الغرفه و اتجه الى غرفة مطر و ظل يطرق الباب على شكل الطبول حتي فتحت مطر بغضب..
ظل يبحث عنها بعينيه فهو يشعر بشئ يجذبه نحو هذه الفتاه كأنها مغناطيساً..
مطر بغيظ و هي تجز على اسنانها:
"خيييير على الصبح"
مروان و هو يضربها على أنفها بخفه:
"يلا قومووووا "
نهضت رندا و أتجهت نوحهم و قالت بنوم:
"صباح الخير .."
مروان بمرح :
"صباح العسل و الفل و الجمال و الحلويات و سكر النبات و انشالله نجيب انا و انتى دستت عيال !"
نظرت له مطر بدهشه بينما ارتبكت رندا و قالت بتلجلج:
"احم..م ..مطر فين الحمام"
أشارت لها مطر عليه و فذهبت رندا راكضه أغلقت باب المرحاض فضربت مطر مروان بغيظ و قالت بتساول:
"اي الى انت هببته ده .. "
مروان و هو ينظر إلى باب المرحاض و يسحب مطر من سترة البيجاما:
"مطر مطر مطر مطر مطر مطر"
قاطعته مطر و هي تسحب الستره منه و تبتعد عنه بغيظ:
"اييييي فى اي "
اشار بعينه على باب المرحاض و أردف بتساول:
"هي مرتبطه!؟ "
مطر لكي تغيظه:
"مين الحمام؟!"
نظر لها بغيظ و أردف بسرعه:
"اه اصلى محتار ارتبطت بالدوش ولا بالمرايا ولا اقولك اي رائيك ارتبط بيه كله انتى هتشليني "
انفجرت مطر ضاحكه و قالت بأبتسامه:
"لا مش مرتبطه و امشي بقى عشان اغير "
و أغلقت الباب مسرعه فأردف مروان بغيظ:
"يا معفنه خوشي الحمام طيب "
فتحت الباب مسرعه و أخرجت رأسها فقط و قالت بثقه :
"فى واحد فى الاوضه و بعدين هو انا زيك"
امسك شعرها و جعله على وجهها و أردف بضحك:
"انتى تطولي تبقي زي !!"
_____
استيقظ قصي بأبتسامه تزين وجهه فهو لم يشعر بتلك السعاده من ايام كثيره ظن انه قد استهلك .. ارتدى ملابسه و كان يفكر بما سيفعله مع مطر ..
فقال لنفسه:
"احنا لما نسافر دالوقتى اعترفلها هناك انى معجب بيها طيب..لا لا انا ولا هعترف ولا هقرب منها غير لما اتاكد انها بتحبني اساسا"
وضع عطره و نزل سريعا الي الأسفل فسمع والده يقول:
"أخيرا ابنك هيتجوز انا كنت فقدت الامل"
تقدم نحوهم و قبل رأس والدته و قال بأبتسامه:
"أهي امل عاشت الحمدلله"
نظرت له والدته بدهشه و قالت بأبتسامه:
"مصطفي ابنك بيهزر انا مش مصدقه.."
وجد عمر دلف و ورائه رغده و قال عمر بمرح:
"بركاتك يا ست مطر .."
تقدم نحوهم و القى التحيه و قال بتساول و هو يضع يده على كتف قصي:
"إلا قولى يا قصي انت لما تجيب عيال هتسمهم اي ..رعد و برق !"
جز قصي على أسنانه و قال بغيظ :
"عاصفه و سيول يا خفيف "
ضحك الجميع على مرحهم فأردفت سمر مسرعه:
"الله..ماهي الى اسمها غريب يا بني فى حد يسمي بنته مطر !"
ابتسم قصي و قال بهدوء:
"ده الى شدني ليها اساسا..و بعدين فى نسمه حلو اي رعد و برق ده هما كلاب "
ظنت رغده بأن قصي يمثل أمام والديه فقالت بأبتسامه:
"يا عم جبهم الاول "
التف قصي لها و قال بأبتسامه:
"حبيب عمو عامل اي"
وضعت رغده على بطنها المنتفخ و قالت بمرح:
"قصي بيقولك كويس الحمدلله"
ضحك الجميع و قال مصطفي بتساول:
"هتسموه قصي"
عمر و هو يجلس بجانب مصطفي:
"والله يا عمي هي ال أختارت و انا معنديش مانع اني اسميه على اسم صاحبي و عشرة عمري.."
ربت قصي على كتفه و قال بمرح :
"لا يا حبيبي عشان كنت عايز تسميه فتحي باين .."
نظر له عمر و ازاح يده و قال بقرف مصطنع:
"تصدق اني غلطان اني بشكر فيك "
ضحك الجميع ثم قال مصطفي بقلق:
"قصي..انا قررت حاجه "
جلست رغده بجانب سمر و نظرت له بقلق و عمر و قصي كذلك فأردف مصطفى بقلق:
"انا هقول لجد مطر مكانها في يوم كتب الكتاب!"
---
انتهت الحلقه🌸.