Sa tagal nating walang
Koneksyon sa isa't-isa,
Ngayon lamang ako nakaramdam
ng ganitong kaba
Kaba na,
Kay bilis ng tibok ng aking puso
Tila ba gusto na nito lumabas
mula sa aking dibdib.
Ikaw pa rin 'yung dating *insert name*
na nakilala ko noon.
Matalino at,
Malalim kung mag-isip.
Sa punto na,
Sa t'wing ako'y may problema,
Sa'yo ako ay lalapit.
Nahihiya man dahil sa may
Nakakuha na ng iyong puso,
Nahihiya rin na baka isipin mo na,
Kinakausap lang kita dahil kailangan kita.
Mga payo mo na hugot na hugot at
Siguradong matatamaan
Kahit sino man
Kaya nga tinamaan ako sa'yo eh.
Hindi pa man ito ang oras
Para masabi kong
Nakawala na ako sa sakit na dulot mo,
Dahil base sa paglalarawan ko sa'yo,
Halata namang may pagtingin pa.
Pero balang araw,
Makakalimutan ko rin ang sakit
H'wag kang mag-alala,
Hindi naman kita sinisisi
Sa pagiging tanga ko.
Ako lang naman 'tong
Mataas ang pangarap,
Pangarap na maging akin ka,
Na kailan ma'y hinding-hindi
mangyayari.
Hayaan mo, sa oras na tayo'y magkita,
Totoo na ang aking ngiti.
'Yong ngiting malaya na. . . .