#سبيل_الغيب
" الحلقه الثامن وعَشرون "
سهى ـ خيـــࢪ شتريد .
ضرغام ـ سلامتج ، نزلي يم أمي أزل تنحست وبس تبجي بلكي تشوفج تتحسن سويلها أي شيء عقلها تشوش خبلتني وياها
سهى ـ دفعته كله منك ، كله منك
ـ سهى لا ادفعين .
ـ أذبحك وأشرب من دمك گلبي ما يبرد يعني فوك قهري وضيمك أجي الكه بنتي مريضه شصير أني
مو جزعت روحيـہ راح اتخبل من وراك .
" عفته عـلـىٰ وكفته ونزلت ركض لغرفة عمتي لكيتها تصرخ وبيان شايلتها تفتر بيها أنطينيها أخذتها منها صرخت بعلوا صوتها دفعتني وأدفر بيه ليش ياربي
هيفاء ـ سولاف وين ، هي روحها بـ سولاف ادور وراها .
ضرغام ـ لفت رأسها ونامت .
هيفاء ـ وكت نوم ، روح صيحها متشوفها شلون تبجي
سهى ـ راح وشوي وأجت سولاف وشهكت شمرت نفسها بحضنها وسكتت ، واني الغصه ترس صدري بنتي ما تريدني أخ يمه .
سولاف ـ خلص حبيبي اني يمج خلص ماما .
هيفاء ـ ليش هيج مخليتها تبجي .
سولاف ـ تعاركنا أني وأبنج وشلت أيدي منها .
ـ الطفله مالها ذنب متعلقه بيج ، مشاكلج أنتِ وضرغام خليها عـلـىٰ صفحه عود من تتعود على امها لا خلفة الله عليكم أمها متقصر .
سهى ـ ضرغام جان برى وهي تبوس بيها أخذتها وصعدت الغرفه ،أعذريني يمه فدوة رحتلج بجيت وعمتي كالت
ـ أنطيها مجال بعدهم ما يعرفونج .
ـ الله كريم بس الى متى أتحمل بعدهم عني .
ـ لازم تتحملين الأم تصبر .
ـ الله يبرد نار گلبي عمه حضريلي بطانيه ملحف الغرفه بارده .
هيفاء ـ ماشي يمه واعذرينا ما فرشنا غرفتج بس گلشي صــاࢪ عالسريع .
سهى ـ لا عادي ، طلعت من يمها لكيته كاعد بالحديقة بهل البرد ، تقربت عليه مرتاح ضميرك ، هيج احسن أزل ما تعرف شبيها وأني ما تريدني ونار تأگل بيه
كله منك گلشي صــاࢪ أنت السبب بي ما تعرف تصرف وتسرعت بكل قرارتك .
ضرغام ـ أني شگووو شو محملتني الذنب ست
ـ لعد احمل منو ، تريد أني اتحمل ما گافي عليه حرمتني منهم كل هالسنين .
ـ ما حرمتج منهم أهلج منعوني روحي حاجي أبوج وأخوانج هما منعوا ليث يشوفج .
ـ أهلج أهلج أهلج اتخذت أهلي حجه علمود تغطي وتبرر لنفسك ، منو يكول ڪلامك صدك .
ـ شوفي أني ساكت ومتحملج مو لخاطر عيونج ولا الخاطر گلبي هذا أبن ستين گلب ، بس علمود الجهال وبعدين اني حتى أزل ما ردت أخذها ردت أبقيها يمج بس بيوم وليله ذبيتوها يم الباب ولو رايد اخذها جان من بعدها بالخدج أخذتها مو اتصلت على اختج واجت اخذتها
وقبل سنه ونص حاجيت أهلج أرجعج بس طردوني
جفصت على رجولتي ونفسي وكلت ميخالف لخاطر جهالي مستعد اجرع المر واشرب السم بس ما أشوفهم متلوعين وما أحرمج منهم ، أني مو لهل الدرجه نذل وحقير وأخليج تتلوعين عليهم أني أب مثل ما أنتِ أم ، فـہ لاتجيني وتحاسبيني لن البيه يكفيني وزايد ما ناقص سهى احاجيج وواكف على شعره حيلي مهدود هديتي حيلي سنين وأني جارع المر وساكت .
ـ ما جاوبته بس دموعي تصب كدامه عفته وصعدت الغرفتي لكيت بيان جايبتلي جرجف وفارشته خطيه وملحف شتوي ، قفلت الباب وكعت بالكاع بجيت ليش هيج صــاࢪ بينا جنا عايشين مثل اي عائله بكل حب وتروح وترجع النا ومتونسه بحياتي ليش هالخراب والقهر كله منك كله منك .
" بعد الملحف وخليت رأسي عـلـىٰ المخده بالكوه نمت صورة جهالي گبالي وصراخ أزل بأذني وكلامه صدى يتردد بمسامعي ، لفيت رأسي أحاول أنام .
" ما أعرف شُڪثر نمت أو شلون غفيت وأني گلبي متحمل قهر وضيم ، صحيت عـلـىٰ دگة الباب نهضت مفزوعه خفت أزل رجعت لحالتها ، كمت فتحت الباب ضرغام !!
" دخل هو عاكد الحواجب وضعه مو طبيعي !! لزم شعري برخاوة ايده لحظات عيونه تسلبن ، ضرغام ضليت أباو؏ عليه شتريد بهل الليل ضارب الفيوز برأسك .
دفعني وكعت على حافة ميز الجربايه ، اريد اوكف ما بيه وهو واكف يم رجليه ، وهو لزمني من جتفي دفعته ودفعني بكل قوته ، عطت بي عووفني بابا شبيك تخبلت عـلـىٰ عمرك تالي الليل .
ضرغام ـ سهى أريدج .
سهى ـ ضليت اقاوم صدك بجيت من كل گلبي لزمني جردني من كلشي يسترني أباو؏ عـلـىٰ روحي كانت نومه قبيحه ، حسيت بقذاره كان اشبه بالاغتصاب مو نومه حبيته وكرهته بنفس اللحظه حبيت حركاته وكرهت ريحته وتصرفاته عـلـى كد ماقاومت تعبت ايديه ارتخت هذه النهايه ...
ما غفت لي عين من بشاعة المنظر واللي صــاࢪ بينا سكران !! كعد وباوعلي ضل صافن متعجب متعصب سترت روحي عاكد الحواجب رد والرد كان قاسي
ـ بلا ما استحيتي عـلـى روحج أستغليتني واني مو بوعيي .
ـ عطت بي امشي اطلع برى , بدل وطلع بسرعه من الغرفه ، كمت اخذت ملابسي سبحت ورجعت بغرفتي بردانه من كل كلبي ، صحاني عـلـى روحي رخص روحي العزيزه المحد ذلها غيره هو الحقير التافهه ، شكول عليك گلبي ما يبرد منك ، الله ياخذك حقيير ذل روحي ورخصها بكل بساطه كإنو كلاص وانكسر عنده ، أسلوبه االمستفزز الحقير والله
لـ أعلمك منو سهى .
والله لـ أشوفك نجوم الضهر وحق الله الأ اخليك تمشي وتتلفت تخاف لا اعوفك
" ضليت افور من القهر كلبي يوجعني شربت كلاص مي حسيت بلعومي متجرح من كد ما عيطت بليل وهو يحسسني مغتصبه ، أحجي ويه روحي من قهري الحقير لك أني بحالك أني مره ورجال اصبرلي لك اني تربيه ابويه اخذ جهالي واعيش بعيد اهج اي اهج قابل شنو ديلا عالزواج والسمعه وشحصلت من السمعه غير شلعان الگلب ، أندك الباب وأجاني صوته .
ضرغام ـ تعالي اريد احجي وياچ .
سهى ـ ما تدخل تخاف اتحارش بيك
ـ لا
ـ دخل ما يباوع بعيني ، شُنــــوْ استحيت من روحك لو صحى ضميرك .
ـ لا عادي ديلا قابل نايم ويه انجلينا جولي وتردين تعويض !
ـ شوف حجم تفاهه عقلك وين واصله ، ولا هامك وعادي عندك .
ـ اي وشمسوي صاطي عـلى بنت الجيران !
ـ والله تضحكني صدك صدك لا تنزل من عيني أكثر ما نزلت .
ـ شبيـــچ !
ـ ما بيه شيء سلامتك بس شتريد جاي خيـــࢪ .
ـ شرايد سلامتج بس سمعت خرابيطج قبل شويه وين تهجين يالغمه قبل ما هجيتي هسه صار براسج عقل وتهجين بابا أكعدي عـلـىٰ عقلج وعوفي سوالف المراهقين لأهلها .
ـ تستهزء عـلـىٰ شنو شايف روحك ، صدك اخلاقي ما تسمحلي اتجاوز ، ما رد طلع من يمي قفلت الباب ضليت ادك ادك برجليه مصدك روحه رجال عباله الرجوله بالنومه من كل عقله هذا مريض ، مو يكول الرسول رفقاً بالقوارير ، احنا شُنـــــــــــــو يهـــــــود خوما يهود كفار ياربي ليش هيج ، أستوصوا بالنساء خيراً ، ليش هيج ياربي تّرضى بعبدك هيج يسوي
أستغفر اللَّه أستغفر اللَّه ، نمت بفراشي وابجي ليش يرخصون روح البشر بتصرفاتهم الي بلا معنىٰ .
" هدأت رغم نار گلبي بس لازم أكون ثابته وما أضعف كدامه لازم تتقوين بكسراته سهى لازم شفت الساعه موعد روحة ليث لروضه ، فتحت الباب وطلعت أخذت نفس عميق واجاني صوتهم وصراخهم
سولاف ـ أحجي وين جنت الليل گله ، جنت يمها مو اي يمها لعد يم منو يم حبيبة الگلب ، شسوي رحت الها مو كلت بعد أني وياها ما نرهم سوه شوداك ألها
سهى ـ دگيت الباب وطلع هو دفعته ودخلت الغرفه مالت الجهال وهو واكف بالصاله وهذيج تحجي لوحدها روحها محتركه أمر من عندي ، شلت أزل ولزمت ليث من ايده وملابسه وجنطته وطلعت صارت بوجهي تفأجات وعاطت بيه .
سولاف ـ أنتِ شمدخلج بيتي وبكل وقاحه ، وليش دخلتها ما تحجي ليش ساكت لو عادي عندك تنطيها جهالي .
بصياح ضرغام ـ گافـــــي سولاف أمهم غصباً عليج
سولاف ـ لأ مو امهم ، وأطفالي مو أطفالها هي ما الها أطفال عندي وبعدين شُنو من صلافه عندج وشايفه نفسج البارحه اجيتي ، واليوم أحتليتي الساحه ولا داخله بيتي وماخذه الجهال منو سمحلج بأي عين تدخلين بيتي وتاخذين أطفالي هاا .
سهى ـ أطفالي مو اطفالج أنتِ ما عندج غير بنتج تعبتي عليهم وربيتهم كثر الله خيرج بس يبقون أطفالي وأني إمهم .
سولاف ـ لا والله ومصدكه روحج ، تعال إسمعها شُنــــوْ تحجي الفاهيه وصارت أم على الحاضر بعد وكت لو ساكته أحسن .
ضرغام ـ سولاف خلص .
سولاف ـ لا أسمحلي خل أحاجيها خل تعرف نفسها تستاهل تكون أم ، هسه صارت إمهم لعد وين جانت من جانوا صغار ليش عفتيهم ،أحجي ليش عفتيهم حتى ما كلفتي نفسج تسألين عنهم اتصال ما أتصلتي وهسه جايه تكولين أمهم .
سهى ـ ما عفتهم الظروف هيجہ حكمت بعدي عن طريقي ، تعالوا وياي ماما ، دفعتها وأخذتهم وطلعت اذا ما ادخل بعينكم ما أخذ حقي ولا أخذ أطفالي
ليث ـ ماما ليش تبجين .
سهى ـ وصلنا المطبخ نزلت ازل وحضنته ما أبجي حبيبي ، هذا دموع الفرح ، فرحانه لانهُ أنتوا يمي بحضني وعد بعد ما أعوفكم ، حضنته الحمدللة ابوك مشوفك صوري وخلاك تعرفني .
بلشنا نسوي ريوك سوه أني وياهم وخليته هو يطك البيض وفرحان وكعدت اني وياهم نأكل ويسولف عـلـىٰ أصدقائه والمعلمه مالته واخذ على الجو وأزل تضحك كل شوي ابوسها غمرتها بحضني تعرفيني أني ماما مو ، هزت رأسها الحمدلله اليوم وضعج تمام
خلصنا وصوت الصراخ وصل لعدنا ، ليث التفت وراح ركض الدرج تعال ماما .
ليث ـ بابا وماما سولاف .
سهى ـ تعال ماما ما عليكم ، يلة اجه ابو الخط عفتهم صياحهم شال بيت بالاخص هي صوتها عالي طلعت وابو الخط أجه وراح الله وياه ، رجعنا أني وأزل لمطبخ وأجت عمتي هيفاء .
هيفاء ـ انطيها مجال تتقبلج البارحه اجيتي ما نريد مشاڪل وهي هم ما قصرت ربت الجهال طول السنوات جنتي ما موجوده عـلـىٰ رؤوسهم المفروض منج تشكرينها لن صاحبة فضل عليج .
سهى ـ محد صاحب فضل عـلـىٰ أحد ما مجبوره بيهم مو هي تربيهم غيرها مو غيرها أبوهم موجود ما يقصر وياهم وأنتِ بيج البركه .
ـ مبين ما ناويه على الخير ترة مو من صالحج تخلقين مشاڪل يمه أنتِ التخسرين .
ـ يا خيـــࢪ شفته منكم عمه أنتِ أم وتفهمين الشعور أني ابتعدت عنهم غصب وأبنج اخذهم غصب وأهلي ما رضوا اربي جهالي يمهم يعني الوضع گوه أنفرض عليه وعشت سنين وأني أتلوع عليهم وأتمنى اشوفهم وأحتضنهم .
لا مستكثره عليه غيرتله ملابسه ودربتله الروضه ترة إبني أطفالي اريد اقضي اوقاتي وياهم اريدهم يعرفوني أني امهم واعوضهم عن بعدي عنهم ، محد اله حق يبعدني ويحرمني من أن اقضي الوقت وياهم وبعدين أبوهم بنفسه گايل الهم اني امهم ومشوفهم صوري لو يريد جان من الاول كال الهم سولاف امكم بس الحق والظاهر أبنج صارت عنده صحوة ضمير .
ـ الله يهديج .
ـ الله يهدي الجميع ، راحت وازل تضحكلي فدوة لبنيتي بعد منا وهيج تنامين يمي مو .
ـ أي .
ـ عفيه ، حسيت بيها مزاجها زين عكس البارحه بليل غسلت المواعين وجهزت الريوك لعمي والولد واجوا تريكوا وعمي صبح عليه
قيس ـ صباح الخير عمي شلونج .
سهى ـ صباح النور الحمدللة ، كعدوا وعمتي ابتسمت اليه هاا حسيتي بشعوري .
ـ والله أنتِ خوش بنيه .
ـ بس إنتوا ما تستاهلوني ، يلة تريكي عليج بالف عافيه ضحكوا ونزل هو عبرته ورحت المطبخ جبت الجاي واجيت .
قيس ـ مد إيدك .
ضرغام ـ لا متريك .
هيفاء ـ خيـــࢪ شبيكم صوتكم طالع .
قيس ـ هما خيـــࢪ شر صوتهم طالع ، ضبي بنت أختج ترى فضحتنا يوميه صوتها يلعع ما عنده نسوان صوتهن ينسمع مو وضعيه هاي ، وأنت ما اكولك حاجي مرتك لن وضعك صعب الله يعينك .
ـ تشمت بيه حجي .
ـ لا يا أبني مو شمتان بس هذا وضع وحال ابو النسوان إثنين وأنت جنت بوحده وشحلاتك شجاك وخربتها وجبت وجع الرأس لنفسك .
ـ حظي الخايس غير .
ً سهى ـ صبيت الجاي وتجاهلته وهو كام وعمي صاح وراه
قيس ـ وين رايح .
ضرغام ـ عندي شغل ومناك أمر للمطعم .
ـ شعجب اليوم ما رايح الدوامك شُنــــوْ ماخذ اجازه
سهى ـ باوع اليه وگال .
ضرغام ـ لا راحت عليه نومه وتأخرت
قيس ـ عريس ومن حقك روح هسه اجي وراك ولو المفروض اعرس على امك شُنــــوْ بس أنتوا تعرسون .
ضرغام ـ عرس حجي منو لازمك .
قيس ـ ليا سىرسري ديلة توكل هسه اجي وراك .
سهى ـ مشه وازل كامت تبجي ركضت وراه لحكته لسياره كمت وراها تعالي ماما أخذها مني يسكتها
ضرغام ـ صاير طبعج مزعج تدرين بنفسج .
شتردين يا بابا ، تريدين تجين وياي .
ازل ـ اي
ضرغام ـ وين أخذج بهل البرد يا بنيتي .
سهى ـ لا جيبيها وين مأخذها بهل البرد تريدها تتمرض .
ـ وشبيج عصبيه ومزعوجه
ـ تعالي ماما نفضتني راحت عـلـىٰ ابوها
أزل ـ ما .
ـ أمشي وياي ترجعين تنامين يلة .
سهى ـ عبرني هو وياها من الدرج الخارجي راح البيته وهي سگتت يراد الج وقت تتقبليني أمج
أعذريني يمه والله أنجبرت وغصب عني وكله من ورى أبوج .
" عفت شغل البيت عـلـىٰ بيان ، وصعدت غرفتي جمعت ملابسهم وغسلتهن ورتبت غرفتي وتذكرت اللي صــاࢪ ، أشرب من دمك وأتغسل بي گلبي ما يبرد
" نزلت لكيت بيان مخلصه تنظيف ولكيت عمتي كاعده شنو اسوي غده .
هيفاء ـ والله ما ادري سوي كيفج ومشكوره
ـ لا عمه شمسويه قابل ، دخلت وبديت أجهز الغده وسمعت صوته بالبيت موجود يحجي ويه عمتي
هيفاء ـ اذا ما عندك شيء روح جيب فراش لغرفتها خطيه بارده الله ما يرضاها البارحه مو جنت نايم يمها ما بردت لا ليش تبرد اكيد لفيتها بحضنك ونمت
ضرغام ـ يمه .
ـ وجيب الها جرجف لـ جربايه هذا الشتوي الثخين فد اثنين وياك علمود بدال ، وصوبه ، وروح اسألها شنو محتاجه .
ـ ما اجيب شغلات نسوان .
ـ لا النسوان بس تردوهن لفراش .
ـ يمه تالي وياج
ـ ديلة روح .
سهى ـ طلع من البيت طبخت وكملت وصعدت غرفتي باوعت الجربايه وتـذگرته ورن تلفوني نهى جاوبتها هلا عيني .
نهى ـ هلا والله هلا بعروستنا ، اخبارج يا قطه
ـ زينه تمام .
ـ الله يجعلج ، لو تدرين وراج شصار
ـ شصاير .
ـ أبويه والولد نازلين حجي وكلام يغث عـلـىٰ أمي وخابرتني تبجي ورحت جبتها يمي هسه كتلها ابقي يومين ارتاحي .
ـ ياعيني سوده بوجهي ، هسه شلونها كله من وراي
ـ زينه وهسه تسالني عليج كتلها هسه أخابرها وأشوفج أحجيلي حجيتوا تعابتوا حابه أعرف ومتشوقه لتفاصيل أحجيلي حرف حرف لاتنسين شيء ، خوما نزلتي اليه رأسج .
ـ حجيت الها وضلت ساگته .
ـ ليا حقير عـلـىٰ هالسوايه وفواكاها يرجع يحجي عليج ، ما أعرف شگول حرت وأحتاريت وياه بس تدرين سهى مبين بعده يحبج وسالفه رجوعج علمود الجهال هايہ حجه ومحد يقتنع بيها خل يسولفها لدبه ما مقتنعه .
ـ ما يهمني بعد لا هو ولا ذره من حبه ، كرهته بكد ما جنت أحبه نزل من عيني رخصني وأستصغرني كلش
ـ حقج الله يعينج هواي تحملتي أنوب يجيج سكران ويأخذج غصب جن أغتصاب ، هايہ بدال ما يجيج بكامل وعيه ويعتذر الچ عن كل أذى سببه ومتأكده هو يُعرفچ بريئه بس هيج أنانيه من عنده أو نفسه عزيزه .
ـ نفسه عزيزه ما يجيني توالي الليل علمود غريزته ويسكر علمود ينسى ويتقربلي ، كرهته نهى قرفت منه شال حبه بيده وزرع بداله كرهه وحقد .
ـ سكران بحبج يريد ينسى خطيه قهرني ابن الذين حسيته هو مظلوم ، بس تعالي أنتِ ما مقصره طلعتي مو هينه ما ينكدرلج ولج شُنــــوْ هالتطورات .
ـ عوفج منه خفت سيرته لاتجبيبن طاري لعبانه روحي ، نهى جهالي شلون أصبر ، ليث زين بس ازل ساعه ساكته يمي ساعه ما تريدني طبعها صعب .
ـ مو گتلج صبري وتحملي يا اختي وهي طفله صغيره كل عمرها ٤ سنوات ، وليث جبير صلوات السنه التجي يدخل مدرسه حبيبي .
ـ اي عيني طوله راح لروضه مالته أنتظره بعد كم ساعه يرجع ، طبخت ونظفت وخلصت شغلي وصعدت ما اريد أشوف شكل أبوهم .
ـ هاا زين عفيه عليج هيج أريدج ، وهذيج بيتها وحد ما عليها بالعيال مو .
ـ لأ أصلاً ما تنزل قله بس علمود الجهال والصبح تريد تتعارك بالگوه تمالكت أعصابي وما سويت مشكله لن هي هم ما الها ذنب هم ضحية أغلاط ضرغام
ـ اي عفيه صيري عاقله لاتخقلين هايہ المشاكل التصير بين الضراير ، خليج أنتِ بنفسج وبغرفتج وما عليج منها وأكيد هو بعد منا وهيج شوي شوي يتقبلج وهاا احتمال يرجعج سكران انوب .
ـ لا تكولينها .
ـ ماطول أول مره سكر ونام وياج المره الثانيه هم نفس الشيء يحبج ويريدج بس ما متقبل اللي صــاࢪ ويحاول يدوس على نفسه وكبريائه بس يحتاجله وقت وأتخذ الشرب وسيله من لا جاره .
ـ نهى شُنــــوْ اتخذ الشرب وسيله هو صغير ناقص عقل ما متقبل السالفة وصعب عليه لا يرجعني مو صحح .
ـ أي صح .
ـ أي فـہ لاتبررين اله أفعاله لن من سابع المستحيلات أغفرله اللي صــاࢪ ، رجعتج علمود جهالج واحد كذاب وأناني
ـ شتسوين أتحملي لما يعبر هالازمه الصار مو سهل وصعب گلش الله يعينه على مصيبته ، وأنتِ خليج هيج صدكي أني فرحانه الج لن صحيتي على وكتج بس هم هو خطيه ما اعرف انقهرت عليه من گلتي شراب واضح يحبج .
ـ أخذت نفس نهى اليحب مأذي ميجرح بالكلام ما يكابر ما يعاند ، اليحب يضحي يوافي گلشي يسوي
ضرغام ما بحب الأ نفسه ومنا وهيج أشوفه وجهي الثاني اني اعلمه اني عليه الشرب .
ـ سهى ضرغام من سكر وأخذج ميذكر گلشي يصير وياه خاصه اذا سكران زايد ومطفي على الأخير كلشي ما يجي ، وهالمره اذا أجاج سكران اخذي خل يصحى واحجوا سوه وخلي يتنازل عن كبريائه خلي يمج هو صاحي وتفاهموا عـلـىٰ علاقتكم أذا أكو امل ترجع طبيعيه ونفس قبل .
ـ مستحيل ترجع .
ـ ماشي عـلى راحتج ، ودربالج تخلين هذيج تعرف هو يجيج سكران ترى تشمت بيج وديري بالج عـلـى نفسج وطولي بالج حياتج يحتاج الها وقت تعيشينها طبيعيه من ناحيه أطفالج وزوجج ، تمام ما اوصيج بعد
- ماشي عيني ، أنتهى الأتصال ، وطلعت لكيت الفرشه باب الغرفه والجرجف والصوبه عايفهن ورايح
كمت سحلتها وفرشتها وشغلت الصوبه وغيرت الجرجف .
" طلعت من غرفتي وصوت أزل ترس أذني تبجي رحت وكفت يم الباب ودكيته محد يرد عليه سولاف فتحي الباب سولاف أنتِ داخل ، فتحت الباب أنفتح كبل اجاني صوت ازل ركضت عليه لكيتها لوحدها تبجي شبيـــچ ماما تعالي يروحي اوفف يمه اجت شلتها وأبوس بيها بجيت بقهر مسحت دموعي وطلعت ماما سولاف وين دورت عليها ماكو توني ردت أطلع انفتح الباب الخارجي دخلت مره تشبه عمتي هيفاء كبل هجمت عليه غلط
هناء ـ شعندج بيت بنتي داخله تبوكينه مثل بكتي رجلها منها بواكة الزلم ما كفاج عافج وطلكح شگووو رجعتي اله هجمتي بيت بنتي الله يهجم بيتج حسبي الله عليج ، تحجي ودخل ضرغام
ضرغام ـ .. .. ..
يتبع ..... بعد فقط النهايه يمتى ما اكملها انشر وتكون حلقه مطوله والى اللقاء 🥺💔