سبيل الغيب

الحلقه 24

#سبيل_الغيب

" الحلقه الرابع وعَشرون "

صباح الخير يا وجوه الخير وهذه الحلقه بس أمانه اريد تفاعل 🙂💚 .

(منزل قيس العبدالله )

شذى

ـ من يوم سالفة أحمد باك خزنه عمي وخزنه ضرغام وأنهزم والبيت اوضاعه مو تمام ، نسوانهم أهلهن طلوكهن نهى عرفنا السبب ما تكدر تعيش وياه وهو حرامي باك أهله وأخوه وأنهزم
بس سهى ما عرفنا شُنــــوْ السبب وضرغام سألوا كال مشاڪل أني وياها ما تفاهمنا وقررنا الأنفصال وكلمن بطريق الصراحه صدمه للكل بالاخص هو عاش وياها قصة حب حلوة وجان يحبها بشكل شُنــــوْ هالمشاكل خلته يعوفها .

" مرت أشهر وقرر يتزوج والكل تفاجئوا بي وعمي حاول وياه علمود يرجعها علمود الجهال خطيه بس هو رفض رفض قطعي ونهائي .

" تالي عمي وعمتي أستسلموا لقراره وافقوا وراحوا خطبوا اله سولاف بنت خالته حتى أياد ما مقتنع بهذا الزواج ولا اني لعد حب سهى وين راح .

أياد ـ غبي ما يعرف يتصرف شگوو علمود مشكله بينكم تعوف مرتك وتشتت أطفالك عباله الزواج والأستقرار بالسوالف الله موفقك وساتر عليك .

شذى ـ أن شاء الله ما يطلع زواجه علمود ينسى سهى لن ما أعتقد علمود الجهال تكدر عمتي هيفاء تربيهم .

أياد ـ اني المحيرني ليش أثنيهن نفس اليوم زعلن .

شذى ـ حسب ما فهمت ضرغام متعارك هو وسهى وأحمد بهذا اليوم بايك الخزنه ومنهزم .

ـ أخاف كام يشك بيها ولهل السبب .

ـ لا ما اظن وحقهم اهلهن طلوكهن الصراحه اخوانكم هواي تعبوهن بنات الناس مو لعبه عدهم .

ـ هما أنانيين من يومهم ومخربطين احنه أخوان ما نتشابه كل واحد شخصيه شكل عبالك عصير كوكتيل

ـ فديت عصير الكوكتيل ، ضحك وخلصنا سوالف ونمنا وكعدنا الصبح هو راح الدوامه وهوسه بطابق الثاني  مخبوصين  بناء وترميم قسموا وخلوا باب عـلـىٰ الداخل وباب على الخارج ودرج ، أشهر اذا خلصوا زين .

" جنت انظف بالصاله وهو وعمتي ڪاعدين وتعاب بي علمود سهى وهو مزعوج كلش

هيفاء ـ أعرف بيك ما راح تنساها ، وتضحك عـلـىٰ روحك بكلمه النسيان ، وأعرف بيها عايشه بخلايا دمك تسولف وتضحك مجامله بس أنت ما عايش وبعدك تحبها .

ـ ما أحبها ونسيتها من زمان .

ـ ليش عفتها شُنــــوْ سبب هالكره المتصنع والطاغي

بصياح ـ منــو گلچ أتصنع گرهاا ، أكره الكاع اللي مشت عليها وأكرهه گلشي يخصها ومن عدها ، وأول وأخر مره تـذكرين طاريها والا قسم بالله أهج وما عاد تشوفيني وأخليج بحصرتي .