#رواية سبيل-الغيب
الحلقه الرابعه .
سهى ـ شبيـــچ أنتِ تخبلتي ، بابا ضرغام مـو من هالنوع من الزلم ما عنده سوالف مو زينه وبعدين ليش التقي وياه بالسر ، ردت بعصبيه .
نهى ـ لعد اريد تفسير لهل الرساله لاعبالج غشيمه وما اعرف سوالف الزلم هذا يريد يضحك عليج يالفاهيه
ـ جيبي التلفون ، تحجين بكيفج بدون ما تعرفين الموضوع شُنــــوْ
ـ سهى تحجيلي لو هسه أروح أحجي لأمي گلشي والله
ـ أنلصمي يمعوده
ـ أحجي يله .
ـ مو سني يوجعني گالي تعالي العياده يشوفه ونتشاوف واني رفضت ما وافقت وهذا كُل الموضوع وبعدين هو دكتور أسنان وهذا عمله لا عيب ولا حرام
ـ لأ عوزج توافقين وتروحين يمه ويضل يعصر بشفتج ويتمع بيج عـلـىٰ راحته .
ـ الله يأخذج عـلـىٰ هل الإلفاظ الوسخه مثلج سگتي امي أجت حبابه بلعي لسانج أمانه دربالج تحجين .
جنان ـ شگوو متلاغيات شعدجن خيـــࢪ !؟
سهى ـ لأ هيج ماكو شيء .
جنان ـ شگوو وجهج أنخطف !! احجن شمصخمات
نهى ـ شنصخم يعني شتحجين يمه ، تعاركنا علمود شاحنه ما تعرفين سوالفنه .
ـ هااا
ـ أي شگوو قابل
ـ ما تشترن شاحنه بدال النميمات ومالها داعي ذكرني من اروح السوك أجيبلجن وفضني من مشاكلجن .
ـ أن شاء الله .
سهى ـ راحت امي باوعت إلها والله لو حاجيه الا أموتج .
نهى ـ والله اذا رحتي اله الإ أكسر رجليج .
ـ شروح يمعوده من كُل عقلج .
ـ لا من المعده وفوك ، ولج سهى دربالج ترى ادري بيج ثوله بكلمتين ينضحك عـلـىٰ عقلج وگلبج رچيچ خليج فطنه ولا تنطين مجال .
ـ ميخالف والله
ـ نشوف ولو ما ارتاحج
ـ نهى گافـــــي عاد بالغتي گُلش .
ـ لمصلحتج يالثوله .
ـ ماشي فهمنا ، فضينا عاد
ـ من تلتقين بي بلغيني مـو تروحيــــن من كيفج ولوحدج .
ـ تمام والله أكولج .
ـ ماشي روحي بلغي خل ينسى وخلي گلشي عـلـىٰ مزاجج ورأيج مو عـلـى كيفه .
ـ تمام .
نهى ـ راحت وعيوني عليها أدري بيها گلبها رهيف وما تكدر تلاسن وترفض طلب هواي تنطي حُب وأهتمام
اختي وأعرفها بالحب عدها داء الثول .
YOU ARE READING
سبيل الغيب
Romanceرواية أجتماعيه . # سبيل الغيب # بقلم شمس العراقية " تأريخ النشر ٢٠٢٣/١٠/٢٥