#سبيل_الغيب
"الحلقه تاسع عَشر "
سهى
ـ بالطريق راجعين للبيت ورن تلفونه .
ضرغام ـ نعم .
أحمد ـ وين أنتوا .
ـ رجعنا البيت .
ـ ليش رحت يمعود .
ـ تعبان وأريد أرتاح باجر وراي دوام
ـ باجر جمعه !
سهى ـ قطع الخط وشمر التلفون وباوعلي
ضرغام ـ شفتي أمج شلون فرحانه والكل فرحانين بزواج نهى وأحمد وبزواجنا الكل وجوهم تتلاطم عبالك بايك مو متزوج بالحلال ، نعله على الوكت
ـ الحمدللة عـلـىٰ كل حال ، ووصلنا البيت نزلت قبله وبدخولنا عمته فوزيه ورشا وأمها وبان هجمت عليه وتغلط وتضرب بيه عوفينييي ضرغام .
بان ـ تقتلن القتيل وتمشن بجنازته عجيب شُنــــوْ من وقاحه شايلات وشنو من تربيه متربيات أطلق صلافه شافتها عيني .
رشا ـ حسبي الله عليج أنتِ وأختج هجمتن بيتي
فوزيه ـ بواكه الزلم تف عـلـىٰ شگلج أنتِ وأختج .
ضرغام ـ خلاص هذاك رجلج وروحي حاسبي شگو جايه عـلـى مرتي هي شگوو بزواجه قابل جرته من ياخته وكالتله تعال تزوج اختي
فوزيه ـ تكون إختها وأكيد هي حرشتها .
ضرغام ـ عفيه عليج عمه بدال ما تهدئين الوضع تزيدن النار حطب ، بسكم عاد بطلوا تعثرون بالكاع ترجعون عليها ، امشيي .
سهى ـ أخذني الغرفه وقفل الباب وگال .
ضرغام ـ طبع الفقر ميفيد بعد ، لاتسكتين عن كل أحد يأذيج خليج وكحه ، لن منا ورايح الكل راح يصير ضدج ، وأختج السبب الأول هي وأني وياج مو ضدج .
ـ بس أحنه مو بالحرب .
ـ بشرنا هيج شتسوين .
ـ اريد أعيش بسلام گافي أذيه الى متى نتحمل ونسكت .
ـ تعيشين وتتحملين لن أنتِ ما غلطانه وعداج الغلط واللي يمسج بورده أمحي من الوجود ما طول خشمي يشم الهوا محد يفكر يأذيج خليها ترجيه بإذنج .
ـ ضرغام .
ـ هاا حبيبي .
ـ خل نطلع من البيت ونشتري راحتنا بدون هالمشاكل .
ـ وليش أطلع !! البيت بيت أبويه وبيت الكل وين تردين نطلع !!!
سهى طلعه من هالبيت ماكو !! مستحيل أعوف امي وراي گافي عليها كسره ليث ما تتحمل كسرة ثانيه تموت وراي وبعدين بس نطلع انحرم من كل الأملاك نتفه ما نحصل المن تعوفينها الهن يتنعمن بيها بختهن وأنتِ تبقين تباوعين عليهن وتنحرمين من الأملاك ، طلعه من هالبيت ماكو شيليها من بالج .
YOU ARE READING
سبيل الغيب
Romanceرواية أجتماعيه . # سبيل الغيب # بقلم شمس العراقية " تأريخ النشر ٢٠٢٣/١٠/٢٥
