سبيل الغيب

الحلقه 27

#سبيل_الغيب

"الحلقه السابع وعَشرون "

يابه مساء السعاده والحب ، عود تعليقاتكم الحلوه وتفاعلكم اللطيف وقراءه ممتعه

سهى

ـ إيديه يرجفون شتريد متصل ، رجع أتصل وأني أباو؏  عـلـىٰ أتصال وداخلي رجفه فضيعه على خوف على أرتباك عفته وأني أسمع صوت أمي أجتي
وهي وعلاء صوتهم واصل لعندي رحت افهم شگو.

جنان ـ شوكت حجه وياك .

علاء ـ من أشهــࢪ بس أني ما أنطيته مجال وكل مره يجيني أطرده .

ـ ليش ما بلغتني ولك وليش تطرده كيفك من رأسك شبيك أنت 

ـ لعد تردين اوافق يرجعها بعد كل هالسنين وفواكاها متزوج .

ـ ما عليك أنتَ عسى ما متزوج اربعه ، أني موافقه يرجعها ، خابره خل يجي وأنت وابوك ضلوا هيج من سالفه عوجه واني ما ارضى عليها توافقون وتصيرون ضدي وتكفون وياه ، ومن السالفه عدله والم شلم أختك ويه جهالها تصيرون حجارة عثره .

ـ شتحجين يمه من سابع المستحيلات نوافق سهى ترجعله هم نرجع لنفس الطاسه ونفس الحمام نعيد النسب ويه هالعائلة ما صدكنا خلصنا منهم وسهى بلكي تجيها قسمه زينه حالها من حال نهى والله يوفقهن .

ـ أنجب انجب تجيها قسمه زينه ليش اختك توافق تزوج غيره عبالك بالسوالف اني ما اوافق تزوج غير ضرغام وهالنسب تحجون عنه أنتوا ورطتوا نفسكم بي واتحملوا النتائج .

ـ يمه فدوة لاترجعينها وبعدين أني طردته وابويه طرده وكاله ما الك مره عندي انطيتك قبل ورجعتها اليه مكسوره تحلم بعد بيها واني هم نفس الرد وخل يزحف زحوف والله لو يموت سهى ما تصيرله مره بعد هسه متذكرها بعد ما تزوج وخلف وعايش حياته خل يطير أكبر أنانيي وشايف نفسه .

ـ انجب وتطير أنت وابوك بكيفكم تقررون ، اني ارجعها اله ما الكم شغل ولا تتدخلون .

ـ سهىىىىى ما ترجع لو يصير الدم لركب مو على كيفج

ـ لا عـلـىٰ كيفي فاهم ، ديلة راويني عرض اكتافك ويا ويلك تتصل عليه وترزله اغضب عليك ليوم الدين طلع نفسك أنت وابوك وما الكم شغل هالمره اني اريد أمشي واسعي بيها .

سهى ـ بقيت مصدومه يرجعني !! دخلت أمي

جنان ـ  راح ترجعين اله ، روحي جيبي تلفوني .

جاوبتها ـ ما ارجع لا تحاولين ولا تتصلين بعد

ـ مو عـلـىٰ كيفج سهى لاتجلطيني .

ـ لا هالمره اني اقرر ما اريد ارجعله وخلاص .

ـ لا هالمره اني اقرر ليش يا قرار قررتي وطلع برأسه خير وين الخير كوليلي وينه .

ـ أجت رزان بيدها تلفون امي

رزان ـ عمه ضرغام يتصل عليج ، كومه متصل بحدود ١٥ مكالمه . !!