#سبيل_الغيب
" الحلقه حادي عشر "
" بنات گلبي عادي النشر يكون عـلـىٰ مجالي .
شوفوا هسه بس كملت الحلقة گبل نشرتها لن فاضيه ما عندي شيء كعدت كتبتها الكم . لن والله ما احب اشوفكم تنتظرون وأتمنن عليكم ما احب هالشيء يشهد الله على وقتي ومجالي أكتب وياريت أكدر كلها اكتبها وأنشرها بدون أنتظار لحضراتكم عمري أنتوا ، قراءه ممتعه أحبتي # شمس (أم أموري )
سهى
ـ الشيطان شاطر وانغلب عـلـىٰ امري وعقلي أفتر وذبت بين إيديه طاوعته ورحت الغرفه وبين بوساته ولماساته الجنونيه والمليانه حنيه وحب وبين كلامته اللي يهمس بيهن بأذني .
ضرغام ـ مغرم بيج بهواج بگلشي يخصج أتنفسج
سهى أعشقج بجنون أحبج ، اموت بكل ذره نفس تتنفسينها بوجهي .
سهى ـ ضرغام
ضرغام ـ أشش .
سهى ـ كتمت صوتي بشفايفه وما اعرف شلون صار هيج ومن متى أحنه بالفراش وسلمته نفسي وفزيت وصرخت بوجع وهو يهدي بيه ولمني بحضنه وبجيت ضرغام شسوينا ليش طاوعتك .
ضرغام ـ صُدك تحجين بابا أنتِ زوجتي وأخذتج بالحلال قابل حرام لو بايگج ، ليش اطلعينها من عيني ، شو تعالي بحضني گافي رويحتي وبله دموع .
سهى ـ باوعت الساعه ضرغام تاخرت .
ـ شُنــــوْ كلتلج قبل .
ـ حبيبي .
ـ تعلمي ولا تنسيها
ـ جاوبته بخوف كوم وصلني البيت .
ـ ليش خايفة
ـ ما اعرف غلط اللي سويناه وبعدنا ما متزوجين .
ـ بس عاقدين ليش تحسسيني مأخذج بالحرام .
ـ لا مو هيج بس ما يصير قبل الزواج .
ـ كلها أسابيع واخذج بحضني لهذا شيلي هالحجي والافكار من رأسج .
ـ يعني متعوفني ، ضربني عـلـىٰ حلگي توجعت ليش ضربتني
- علمود تعرفين تحجين عدل وگبالي ، شنو اعوفج شايفتني مو رجال لو ما عندي كلمة زلم عيب عليج .
ـ مو قصدي حبيبي والله ، بس شسمه دائمًا أشوف بالمسلسلات بس ينام وياها يعوفها .
ـ عمة عينج وعين المسلسلات التشوفينها وتجين تقارنين حبيبج بيهن وثول .
ـ خلص اسفه .
ـ لج احبج شنو هالافكار الوسخه ، تعالي عوفينا من هالحجي .
ـ ضرغام خل اروح تاخرت .
ـ بعد وكت .
ـ جنت متوجعه وتقربلي مره ثانيه وبعدها كام وباوعت الفراش شفت عذريتي شگد كرهت روحي
هو راح الحمام وكمت لفيت الجرجف وطلع وگال .
YOU ARE READING
سبيل الغيب
Romanceرواية أجتماعيه . # سبيل الغيب # بقلم شمس العراقية " تأريخ النشر ٢٠٢٣/١٠/٢٥
