سبيل الغيب

الحلقه 26

#سبيل_الغيب

" الحلقه السادس وعَشرون "

سهى

ـ فزيت وكل عقلي هو ، تالي طلعت نهى  جاوبتها الو

نهى ـ شنو هذا الستوري الناشرته .

سهى ـ كلام عجبني ونشرته .

ـ أعرف بيج لحد الأن ناصبه حداد وتبجين ولج گافي راح تعمين منو يفيدج بعد ، حتى خلفتج ما يدرون عنج اذا عميتي ياهو يحس بيج ، شو حتى أمي تقبلت خاله أميره وسوالف والأمور طبيعيه وكلشي عادي وما راحت الا عليج وبهذا وكتنا كلمن يكول ياروحي محد يفكر بإحد الا ما رحم ربي .

ـ بعبره تذبح جاوبتها نهى مو بيدي صعبه ياريت أكدر اتأقلم وأنسى وأكمل حياتي من دونه عبالك مذبوحه عالنص القهر يذبح .

ـ أوفف شطالع بيدي عليج غير الله يزرع الصبر بقلبج

ـ لحد الأن مصدومه وما مصدگه بالصار وأتمنى حلم واصحى منه وتاليتي أموت من قهره تجون تلگوني ميته بفراشي وخلصانه من الدنيا وضيم ناسها محد نصفني الكل غدروا بيه محد رحم حالي خيتي الموت أهون من أعيش وهو واطفالي ما موجودين بحياتي
تدرين كم سنه مااعرف اي شيء عنه وعن أطفالي

ـ أسم الله عـلـىٰ عمرج لا تفاولين بالموت والله گلبي يتكطع عليج وياريت أكدر أسويلج شيء يسعدج وانوب أشوف منشوراتج وستوريات أموت قهرر .

ـ هايہ هي الحمدللة عـلـىٰ وعده .

ـ سهى حَـبيبتـي .

ـ هاا خيتي .

ـ أطلب منج طلب وياريت تسمعين كلمتي هالمره وتنفذينها

ـ شُنــــوْ طلبج گولي .

ـ إبتعدي عن گلشي يذكرج بالماضي الكرامه حلوه والواحد نفسه عزيزه واهم شيء كرامته ، أنتِ ما غلطتي وعداج الغلط أنتِ انظلمتي وأنفهمتي غلط بغلط   ، هو وأخوه كواويد أنتِ شگوو .
محمله نفسج السبب والذنب ومطلعته هو البريء والمظلوم لو مو كواد من الاول يعرف أخوه ساقط وما يتأمن بي يأخذج ويطلع بعيد عن اهله شنو ما اعوف امي شنو حصتي من الورث شُنــــوْ هالأعذار التافهه مثله ، واحد مغرور الصوج منه ما حاول يخلي زواجكم يستمر ولا أنطاج فرصه تبررين موقفج حكم عليج بدون ما يسمعج حكم عليج بنظرته الشاف أخوه العار وياج .

ـ نهى خلص لا تذكريني بهذيج الليله لاتكملين التفاصيل أترجاج .

ـ لازم تسمعيني علمود تصحين عـلـىٰ نفسج وتخلين كرامه لنفسج صار سنين هذا حالج الى متى سهى حس بيج أجاج سأل عنج دزلج رساله يسأل عن أخبارج جابلج اطفالج تشوفينهم كلهن لا والف لا .

گافي لازم تصحين وتعيشين أيام عمرج بأسعد ايامج بدال النوح واللطم والبجي شحلصتي أكثر ما وجهج تعب جمالج أنطفئ شعرج تساقط جسمج هزيل لا يتلفلكج مرض وكتها خل حبج لضرغام الافندي يفيدج ، عبالج الحزن والقهر طول الوقت ما ياثر لا يأثر عليج مو مرض جسدي مرض نفسي .