#سبيل_الغيب
" الحلقة عَشرون "
سهى
ـ فتحت الباب وطلعت أشوف منو وصار بوجهي أحمد فزيت بخوف هذا أنتَ شدخلك وشتريد .
أحمد ـ أي أني أحمد شبيـــچ اكلتني انطيني مجال احجي وليش أنرعبتي شُنــــوْ شايفه ملك الموت !!
ـ لا بس لن لوحدي وخف عبالي بزونه ، اي شتريد .
ـ سلامتج عيني بس أريدج تحجين ويه أختج وتعقلين عليها مشاڪل هي وبان وما تعوفها بحالها حجيت ويوم يومين وترجع وأنتِ أعقل منها بلكي بكلمه منج تسمع وتأخذ بكلمتج
ـ هاا هيج السالفه وأنت ليش ما حجيت وياها .
ـ أكلج حجيت ميفيد وياها .
ـ تمام عود إشوفها .
ـ أسف يا حلو خوفتج مو .
ـ لأ عادي .
ـ ماشي عيني عن إذنج .
سهى ـ طلع ومسحت وجهي شدخلك البيت وكعت گلبي عوذه ولا ارتاحله شلون نهى وافقت تكون زوجتك ما ادري الواحد نفسه عزيزه شلون رضيتي بواحد عينه زايغه وإبو نسوان .
" إتصلت عليها وردت بسرعه مزعوجه .
نهى ـ خيـــࢪ شتردين .
سهى ـ شريد قابل ، بطلي مشاكل عيب نهى أنتِ نازله ضره المفروض تحترمين نفسج ما متزوجه علمود تخلقين مشاڪل .
ـ وأنتِ شعليج عايشه بالبيت تدرين شصير ما يصير شو بيتج لوحدج وتجين زياره حالج حال الغرب شگوو عليج العندج احسن من العندي بس مال فراش طلع فارغ گلشي ما وراه .
ّـ وهسه يله عرفتي فارغ وبس فراش عـلـىٰ أساس خطيه عليج متعرفين هو شُنــــوْ .
ـ وفري نصايحج رجاءً .
ـ أحمد اجاني ومزعوج منج ومن المشاكل التصير بالبيت وطلب احجي وأعقل عليج .
ـ تعقلين عليه لا حبيبي أني أعقل عـلـىٰ أهل البيت كلهم ، خليج بحياتج وما عليج بحياتي ، يلة باي عود تعالي بليل مشتاقلج .
ـ صرت ما اعرفج ابداً .
ـ عوفج منهم احنه اخوات واني ما ابدلج بالدنيا كلها هما بصوب وأنتِ بصوب ، أنتِ اختي ملجئي لاتخربين خوتنا وتسمعين كلام هذا وهذاك دربالج تكسرين بيه
ـ تمام بليل اجي عليج ، نهيت الأتصال وكمت سويت العشه وانتظره ، بقيت الباب مفتوح وكمت صليت
وأني اصلي سمعت حركه بالمطبخ خلصت صلاتي وطلعت احمد !! خيـــࢪ محتاج شيء
أحمد ـ لا سلامتج عيني ، بس أشتريت حلو وأشتهيته الج . !!
سهى ـ شُڪراً ما اريد ، خلاه عـلـىٰ السنك وأبتسم وطلع رجعت ودخل ضرغام شمر المفاتيح عـلـىٰ الميز بقوه هـلأ حياتي .
YOU ARE READING
سبيل الغيب
Romanceرواية أجتماعيه . # سبيل الغيب # بقلم شمس العراقية " تأريخ النشر ٢٠٢٣/١٠/٢٥
